رُؤية 16:7 - الكتاب المقدس بالعربي الدارجي هنا تشاد

⁷ وَ أَنَا سِمِعْت حِسّ جَايِ مِنْ الْمَدْبَحْ وَ قَالْ: «يَا رَبِّنَا اللّٰهْ الْقَادِرْ، حُكْمَكْ فَوْقهُمْ حَقّ وَ عَادِلْ.»

رُؤية 16:7 Referenca të Kryqëzuara

رُؤية 19:2

حِسَابَهْ حَقّ وَ عَادِلْ. هُو حَاسَبْ الشَّرْمُوطَةْ الْكَبِيرَةْ الْفَسَدَتْ نَاسْ الْأَرْض بِزِنَاهَا. هِي دَفَّقَتْ دَمّ عَبِيدْ اللّٰهْ وَ اللّٰهْ شَالْ لَيْهُمْ التَّارْ فَوْقهَا.»

رُؤية 6:9

وَكِتْ الْحَمَلْ فَكَّ الْخِتِمْ الْخَامِسْ، أَنَا شِفْت مَدْبَحْ وَ تِحْتَهْ شِفْت النَّاسْ الْكَتَلَوْهُمْ بِسَبَبْ هُمَّنْ بَلَّغَوْا كَلَامْ اللّٰهْ وَ شَهَدَوْا لَيَّهْ.

إشَعْيا 6:6

وَ وَاحِدْ مِنْ الْمَخْلُوقِينْ النِّيرَانِيِّينْ دَوْل شَالْ جَمْرَايْ مِنْ الْمَدْبَحْ بِكُلَّابْ وَ طَارْ جَاءْ عَلَيِّ.

رُؤية 14:18

وَ فِي الْبَكَانْ دَا، مَلَكْ آخَرْ بَتَّانْ مَرَقْ مِنْ الْمَدْبَحْ. وَ الْمَلَكْ دَا، هُو الْمَلَكْ الْمَسْؤُولْ فِي النَّارْ. وَ هُو عَاطْ بِحِسّ شَدِيدْ لِلْمَلَكْ الْعِنْدَهْ الْخَنْجَرْ الطَّرِينْ وَ قَالْ: «مِدّ إِيدَكْ عَلَيْ الْأَرْض وَ أَقْطَعْ الْعِنَبْ بِخَنْجَرَكْ وَ لِمَّهْ أَشَانْ فِي كُلَّ الْأَرْض، الْعِنَبْ نِجِضْ خَلَاصْ.»

رُؤية 14:10

هُو يَشْرَبْ خَمَرْ، مَعَنَاتَهْ هُو يَلْقَى غَضَبْ اللّٰهْ. وَ الْخَمَرْ دَا، خَمَرْ تَقِيلْ بِلْحَيْن وَ مَصْبُوبْ فِي كَاسْ هَنَا الْعَذَابْ وَ النَّادُمْ الْيَشْرَبْ مِنَّهْ يِعَذُّبُوهْ بِنَارْ وَ كِبْرِيتْ قِدَّامْ الْمَلَائِكَةْ الْمُخَصَّصِينْ وَ قِدَّامْ الْحَمَلْ.

رُؤية 13:10

أَيِّ نَادُمْ الْمَكْتُوبْ فِي صَفَّهْ يَكُرْبُوهْ فِي السِّجِنْ، خَلِّي يَكُرْبُوهْ فِي السِّجِنْ. وَ أَيِّ نَادُمْ الْمَكْتُوبْ فِي صَفَّهْ يَكْتُلُوهْ بِالْسَّيْف، خَلِّي يَكْتُلُوهْ. وَ الْكَلَامْ دَا يِوَصِّفْ كَدَرْ الصَّالِحِينْ وَاجِبْ يَحْمَلَوْا التَّعَبْ بِصَبُرْ وَ إِيمَانْ.

حِزْقِيال 10:7

وَ مَخْلُوقْ سَمَاوِي وَاحِدْ مَدَّ إِيدَهْ عَلَيْ النَّارْ أَمْبَيْن الْمَخْلُوقِينْ السَّمَاوِيِّينْ وَ خَمَّ جَمُرْ وَ مَلَا بَيَّهْ إِيدَيْن الرَّاجِلْ اللَّابِسْ خَلَقْ هَنَا قُمَاشْ سَمَحْ. وَ الرَّاجِلْ شَالْ الْجَمُرْ وَ مَرَقْ.

حِزْقِيال 10:2

وَ مِنْ الْعَرْش، اللّٰهْ حَجَّى وَ قَالْ لِلرَّاجِلْ اللَّابِسْ خَلَقْ هَنَا قُمَاشْ سَمَحْ: «أَدْخُلْ فِي لُبّ دَايِرَةْ الْعَجَلَاتْ التِّحِتْ الْمَخْلُوقِينْ السَّمَاوِيِّينْ. وَ أَمْلَا إِيدَيْنَكْ جَمُرْ مِنْ بَيْن الْمَخْلُوقِينْ دَوْل. وَ شَتِّتْ الْجَمُرْ دَا فِي الْمَدِينَةْ.» وَ أَنَا شِفْت الرَّاجِلْ دَا دَخَلْ.

رُؤية 1:8

وَ دَاهُو كَلَامْ اللّٰهْ رَبِّنَا: «أَنَا الْأَوَّلْ وَ الْأَخِيرْ. أَنَا الْقَاعِدْ فِي الْوَكِتْ الْفَاتْ وَ الْوَكِتْ الْحَاضِرْ وَ الْوَكِتْ الْجَايِ. أَنَا اللّٰهْ الْقَادِرْ.»