رُؤية 16:12 - الكتاب المقدس بالعربي الدارجي هنا تشاد

¹² وَ الْمَلَكْ السَّادِسْ دَفَّقْ كَاسَهْ فِي بَحَرْ الْفُرَاتْ. وَ الْبَحَرْ يِبِسْ. وَ مِثِلْ دَا، الدَّرِبْ بِقِي فَاتِحْ لِلْمُلُوكْ الْجَايِينْ مِنْ صَبَاحْ.

رُؤية 16:12 Referenca të Kryqëzuara

رُؤية 9:14

وَ الْحِسّ حَجَّى لِلْمَلَكْ السَّادِسْ الْعِنْدَهْ بُرُنْجِي فِي إِيدَهْ وَ قَالْ: «حِلّ الْمَلَائِكَةْ الْأَرْبَعَةْ الْمَرْبُوطِينْ فِي الْبَحَرْ الْكَبِيرْ وَ هُو الْفُرَاتْ.»

إرْمِيا 51:36

وَ فِي شَانْ دَا، دَاهُو اللّٰهْ قَالْ: «أَنَا نِدَافِعْ لَيْكُو مِثِلْ مُحَامِي وَ نِشِيلْ لَيْكُو التَّارْ. وَ نِيَبِّسْ بَحَرْ بَابِلْ وَ نِجَفِّفْ عُيُونْ أَلْمِيهَا.

إشَعْيا 44:27

وَ نُقُولْ لِلْأَلْمِي الْغَرِيقْ: ‹أَبْقَى يَابِسْ وَ نِيَبِّسْ بُحُورَكْ!›

إشَعْيا 41:25

«مِنْ الْمُنْشَاقْ، أَنَا قَوَّمْت رَاجِلْ وَ مِنْ الصَّبَاحْ، هُو جَاءْ وَ يِنَادِي أُسْمِي. هُو يِفَجِّقْ الْكُبَارَاتْ مِثِلْ الطِّينَةْ، مِثِلْ الطِّينَةْ الْيِفَجِّقْهَا دَقَّاقْ الْجِرَارْ.

إشَعْيا 42:15

أَنَا نَخْرِبْ الْجِبَالْ وَ الْحُجَارْ وَ نِيَبِّسْ كُلَّ الْقَشّ الْفَوْقهُمْ. نِسَوِّي الْبُحُورْ جَزَايِرْ وَ نِيَبِّسْ الرُّهُودْ.

إشَعْيا 11:15

وَ اللّٰهْ يِيَبِّسْ رِجِلْ بَحَرْ مَصِرْ وَ يَرْفَعْ إِيدَهْ لِيَضْرُبْ بَحَرْ الْفُرَاتْ بِشِدَّةْ نَفْخَتَهْ. وَ يِقَسِّمَهْ سَبْعَةْ وُدْيَانْ دُقَاقْ الْيَقْدَرَوْا يَقْطَعَوْهُمْ بِرِجْلَيْهُمْ.

رُؤية 17:15

وَ الْمَلَكْ قَالْ لَيِّ: «إِنْتَ شِفْت الْبُحُورْ الْأَمْبَيْنَاتْهُمْ الشَّرْمُوطَةْ قَاعِدَةْ وَ هُمَّنْ يِمَثُّلُوا شُعُوبْ وَ جَمَاعَاتْ وَ أُمَمْ وَ لُغَّاتْ.

رُؤية 7:2

وَ فِي الْبَكَانْ دَا، أَنَا شِفْت مَلَكْ آخَرْ وَ هُو طَلَعْ مِنْ صَبَاحْ وَ عِنْدَهْ خِتِمْ هَنَا اللّٰهْ الْحَيّ فِي إِيدَهْ. وَ هُو كَلَّمْ بِحِسّ شَدِيدْ لِلْأَرْبَعَةْ مَلَائِكَةْ الْعِنْدُهُمْ إِذِنْ أَشَانْ يِتَلُّفُوا الْأَرْض وَ الْبَحَرْ

إشَعْيا 46:11

وَ أَنَا نِنَادِي مِنْ الصَّبَاحْ رَاجِلْ مِثِلْ صَقُرْ. نِنَادِيهْ مِنْ بَلَدْ بَعِيدَةْ لِيِحَقِّقْ نِيّتِي. الْقُلْتَهْ، يُكُونْ وَ الْقَرَّرْتَهْ، نِحَقِّقَهْ.

رُؤية 11:14

أَكِيدْ، الْعَذَابْ التَّانِي كَمَّلْ وَ دَاهُو الْعَذَابْ التَّالِتْ جَايِ.

إشَعْيا 8:7

وَ فِي شَانْ دَا، الرَّبّ يِقَوِّمْ ضِدُّهُمْ أَلْمِي بَحَرْ الْفُرَاتْ الشَّدِيدْ وَ كَتِيرْ. وَ دَا، مَلِكْ بَلَدْ أَشُورْ وَ كُلَّ عَظَمَتَهْ. هُو يَطْلَعْ فَوْق مِنْ بَكَانْ مَرْقَدَهْ وَ يُفُوتْ حُدُودَهْ الْأَوَّلْ.