رُؤية 14:12 - الكتاب المقدس بالعربي الدارجي هنا تشاد

¹² وَ الْكَلَامْ دَا يِوَصِّفْ الصَّالِحِينْ كَدَرْ وَاجِبْ يَصْبُرُوا وَ يَحْمَلَوْا التَّعَبْ. وَ الصَّالِحِينْ هُمَّنْ النَّاسْ الثَّابْتِينْ فِي وَصَايَا اللّٰهْ وَ إِيمَانْهُمْ بِعِيسَى.

رُؤية 14:12 Referenca të Kryqëzuara

رُؤية 13:10

أَيِّ نَادُمْ الْمَكْتُوبْ فِي صَفَّهْ يَكُرْبُوهْ فِي السِّجِنْ، خَلِّي يَكُرْبُوهْ فِي السِّجِنْ. وَ أَيِّ نَادُمْ الْمَكْتُوبْ فِي صَفَّهْ يَكْتُلُوهْ بِالْسَّيْف، خَلِّي يَكْتُلُوهْ. وَ الْكَلَامْ دَا يِوَصِّفْ كَدَرْ الصَّالِحِينْ وَاجِبْ يَحْمَلَوْا التَّعَبْ بِصَبُرْ وَ إِيمَانْ.

رُؤية 12:17

وَ فِي الْبَكَانْ دَا، الْغُولْ زِعِلْ زَعَلْ شَدِيدْ مِنْ الْمَرَةْ وَ قَمَّ يِحَارِبْهُمْ لِعِيَالْهَا الْآخَرِينْ وَ هُمَّنْ النَّاسْ الْيِتَابُعُوا وَصَايَا اللّٰهْ وَ شَهَادَةْ عِيسَى.

رُؤية 3:10

إِنْتَ تَابَعْت كَلَامِي بِصَبُرْ كَتِيرْ. أَشَانْ دَا، نَحْفَضَكْ مِنْ الضِّيقَةْ التَّجِي فِي كُلَّ نَاسْ الدُّنْيَا. الضِّيقَةْ دِي تِجَرِّبْهُمْ لِسُكَّانْ الْأَرْض.

رُؤية 3:8

أَنَا نَعَرِفْ كُلَّ شَيّءْ السَّوَّيْتَهْ. وَ نَعَرِفْ عِنْدَكْ قُدْرَةْ شِيَّةْ بَسْ وَ لَاكِنْ مَا فَشَلْت. إِنْتَ تَابَعْت كَلَامِي عَدِيلْ وَ مَا نَكَرْت أُسْمِي. وَ شِيفْ، أَنَا فَتَحْت الدَّرِبْ قِدَّامَكْ وَ مَا فِي نَادُمْ الْيَقْدَرْ يِسِدَّهْ.

2 تِمُوتَاوُس 4:7

أَنَا جَاهَدْت جِهَادْ شَدِيدْ فِي الْحَقّ. وَ الْمُسَابَقَةْ الطَّوِيلَةْ كَمَّلْتَهَا وَ الْإِيمَانْ كَرَبْتَهْ قَوِي لَحَدِّي النِّهَايَةْ.

1 يُوحَنَّا 2:3

دَاهُو كِكَّيْف نِأَكُّدُوا كَدَرْ أَنِحْنَ نَعَرْفُوا اللّٰهْ. النَّادُمْ الْيِتَابِعْ وَصَايَا اللّٰهْ، هُو بَسْ يَعَرِفْ اللّٰهْ.

رُؤية 2:13

أَنَا نَعَرِفْ الْبَكَانْ الْإِنْتُو سَاكْنِينْ فَوْقَهْ وَ هُو الْبَكَانْ الْإِبْلِيسْ خَطَّ فَوْقَهْ كُرْسِي حَقَّهْ. وَ إِنْتُو مُنْكَرِبِينْ فِي أُسْمِي. وَ إِنْتُو مَا نَكَرْتُوا إِيمَانْكُو بَيِّ وَكِتْ كَتَلَوْا أَنْتِبَاسْ فِي أُسُطْكُو وَ هُو شَهَدْ لَيِّ شَهَادَةْ ثَابْتَةْ فِي الْبَكَانْ الْإِبْلِيسْ سَاكِنْ فَوْقَهْ.