رُؤية 13:6 - الكتاب المقدس بالعربي الدارجي هنا تشاد

⁶ وَ قَمَّ حَجَّى وَ كَلَّمْ كَلَامْ فَسِلْ ضِدّ اللّٰهْ وَ قَالْ كَلَامْ فَسِلْ فِي أُسُمْ اللّٰهْ وَ فِي مَسْكَنْ اللّٰهْ وَ فِي سُكَّانْ السَّمَاوَاتْ.

رُؤية 13:6 Referenca të Kryqëzuara

رُؤية 12:12

يَا السَّمَاوَاتْ وَ كُلَّ سُكَّانْكُو، أَفْرَحَوْا! لَاكِنْ يَا الْأَرْض وَ الْبَحَرْ، التَّعَبْ يَرْجَاكُو أَشَانْ إِبْلِيسْ دَلَّى لَيْكُو وَ هُو زَعْلَانْ بِلْحَيْن أَشَانْ هُو يَعَرِفْ وَكْتَهْ ضَيِّقْ.»

عِبْرَانِيِّين 9:24

وَ الْبَكَانْ الْمُقَدَّسْ الْعِيسَى الْمَسِيحْ دَخَلْ فَوْقَهْ، دَا مَا الْبَكَانْ الْبَنَاهْ الْإِنْسَانْ. الْبَكَانْ دَا صُورَةْ بَسْ هَنَا الْبَكَانْ الصَّحِيحْ. لَاكِنْ هُو دَخَلْ فِي السَّمَاءْ ذَاتَهْ أَشَانْ يَحْضَرْ قِدَّامْ اللّٰهْ فِي شَانَّا فِي الزَّمَنْ الْحَالِي.

مَتَّى 15:19

أَشَانْ مِنْ دَاخَلْ قَلِبْ الْإِنْسَانْ يَمْرُقْ الْفِكِرْ الشَّيْن وَ الْكَتِلْ وَ الزِّنَى وَ الْفَسَالَةْ وَ السِّرْقَةْ وَ الشَّهَادَةْ بِالْكِدِبْ وَ كَلَامْ الْكُفُرْ.

مَتَّى 12:34

يَا عِيَالْ الدَّبِيبْ، إِنْتُو فَسْلِينْ وَ مِثِلْ دَا كِكَّيْف تَقْدَرَوْا تُقُولُوا كَلَامْ عَدِيلْ؟ أَشَانْ الشَّيّءْ الْقَلِبْ النَّادُمْ مَلَانْ بَيَّهْ، دَا بَسْ الْيَمْرُقْ مِنْ خَشْمَهْ كَنْ يِحَجِّي.

رُؤية 21:3

وَ أَنَا سِمِعْت حِسّ شَدِيدْ جَايِ مِنْ الْعَرْش وَ قَالْ: «دَاهُو مَسْكَنْ هَنَا اللّٰهْ قَاعِدْ فِي أُسْط النَّاسْ. هُو سَاكِنْ مَعَاهُمْ وَ هُمَّنْ بِقَوْا شَعَبَهْ. اللّٰهْ ذَاتَهْ قَاعِدْ مَعَاهُمْ وَ هُو بَسْ رَبُّهُمْ.

رُؤية 18:20

يَا سُكَّانْ السَّمَاوَاتْ، أَفْرَحَوْا بِدَمَارْهَا. يَا الرُّسُلْ وَ الْأَنْبِيَاء وَ الصَّالِحِينْ، أَفْرَحَوْا! أَشَانْ اللّٰهْ قَطَعْ لَيْكُو شَرِيعَةْ وَ عَاقَبَاهَا خَلَاصْ.»

رُؤية 11:12

وَ حِسّ شَدِيدْ مِنْ السَّمَاءْ أَنْسَمَعْ وَ كَلَّمْ لَيْهُمْ وَ قَالْ: «تَعَالُوا فَوْق.» وَ الشُّهُودْ الْإِتْنَيْن طَلَعَوْا فِي لُبّ سَحَابَايْ قِدَّامْ عُدْوَانْهُمْ وَ فَاتَوْا فِي السَّمَاوَاتْ.

رُؤية 7:9

وَ بَعَدْ دَا، شِفْت بَتَّانْ نَاسْ كَتِيرِينْ بِلْحَيْن لَحَدِّي مَا فِي نَادُمْ يَقْدَرْ يَحْسِبْهُمْ. وَ هُمَّنْ مِنْ أَيِّ أُمَّةْ وَ قَبِيلَةْ وَ شَعَبْ وَ لُغَّةْ. وَ كُلُّهُمْ وَاقْفِينْ قِدَّامْ الْعَرْش وَ قِدَّامْ الْحَمَلْ وَ أَيِّ وَاحِدْ لَابِسْ خَلَقْ أَبْيَضْ وَ عِنْدَهْ فِرِعْ هَنَا نَخَلْ فِي إِيدَهْ الْيِوَصِّفْ فَرْحِتْهُمْ.

رُؤية 5:13

وَ أَنَا سِمِعْت حِسّ هَنَا كُلَّ الْمَخْلُوقِينْ الْعَايْشِينْ فِي السَّمَاوَاتْ وَ فِي الْأَرْض وَ تِحِتْ الْأَرْض وَ فِي الْبَحَرْ. وَ كُلُّهُمْ قَالَوْا: «لِلْقَاعِدْ فِي الْعَرْش وَ لِلْحَمَلْ يَبْقَوْا الشُّكُرْ وَ الْإِكْرَامْ وَ الْمَجْد وَ الْمُلُكْ دَايْماً وَ إِلَى الْأَبَدْ.»

رُؤية 4:4

وَ أَنَا شِفْت 24 كَرَاسِي مُحَوِّقِينْ الْعَرْش دَا وَ 24 شُيُوخْ قَاعِدِينْ فَوْقهُمْ. وَ أَيِّ وَاحِدْ لَابِسْ خَلَقْ أَبْيَضْ وَ عِنْدَهْ تَاجْ هَنَا دَهَبْ فِي رَاسَهْ.

رُؤية 4:1

وَ بَعَدْ دَا، أَنَا شِفْت شَيّءْ آخَرْ. شِفْت بَابْ مَفْتُوحْ فِي السَّمَاءْ. وَ سِمِعْت بَتَّانْ نَفْس الْحِسّ الْأَوَّلْ سِمِعْتَهْ، الْحِسّ الْيِشَابِهْ مِثِلْ حِسّ بُرُنْجِي. وَ هُو حَجَّى لَيِّ وَ قَالْ: «تَعَالْ لَيِّ هِنِي فَوْق وَ نِوَصِّفَكْ الشَّيّءْ اللَّابُدَّ يَبْقَى بَعَدَيْن.»

عِبْرَانِيِّين 9:2

وَ بَنَوْا خَيْمَةْ عِبَادَةْ وَ فِي نُصَّهَا الْبَرَّانِي، خَطَّوْا الْفَانُوسْ وَ الطَّرَبَيْزَةْ الْيِقَدُّمُوا فَوْقهَا خُبْزَةْ لِلّٰهْ. وَ نُصَّهَا الْبَرَّانِي دَا، أُسْمَهْ الْبَكَانْ الْمُقَدَّسْ.

رَوْمَا 3:13

<كَلَامْ خُشُومْهُمْ يِوَدِّي لِلْقَبُرْ وَ لِسْنَيْهُمْ مَلَانِينْ بِكَلَامْ حَلُو غَشَّاشْ.><وَ شَلَالِيفْهُمْ عِنْدُهُمْ سَمّ أَمْ شِدَيْقَاتْ.>

كُلُوسِي 2:9

مَا تَسْمَعَوْا كَلَامْهُمْ أَشَانْ فِي جِسِمْ الْمَسِيحْ بَسْ اللّٰهْ سَاكِنْ بِكُلَّ صِفَاتَهْ

كُلُوسِي 1:19

وَ الْمَسِيحْ هُو مِثِلْ دَا أَشَانْ اللّٰهْ رَضْيَانْ كَدَرْ كُلَّ صِفَاتَهْ يَقْعُدُوا فَوْقَهْ كَامِلِينْ.

يُوحَنَّا 1:14

وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ.

أيُّوب 3:1

وَ بَعَدْ دَا، أَيُّوبْ فَتَحْ خَشْمَهْ وَ لَعَنْ الْيَوْم الْوِلْدَوْه بَيَّهْ.

زَبُور 73:9

وَ بِخُشُومْهُمْ، يِعَيُّرُوا السَّمَاءْ وَ بِلِسَانْهُمْ، مَا يِخَلُّوا مُعْيَارْ فِي الْأَرْض.

دَنْيال 7:8

وَ وَكِتْ أَنَا قَاعِدْ نِشِيفْ فِي الْقُرُونْ دَوْل، شِفْت قَرِنْ آخَرْ صَغَيَّرْ قَمَّ أَمْبَيْنَاتْهُمْ وَ تَلَاتَةْ قُرُونْ مِنْ الْعَشَرَةْ الْأَوَّلَانِيِّينْ مَرَقَوْهُمْ لِيِخَلُّوا لَيَّهْ الْبَكَانْ. وَ الْقَرِنْ الصَّغَيَّرْ دَا عِنْدَهْ عُيُونْ مِثِلْ عُيُونْ الْإِنْسَانْ وَ عِنْدَهْ خَشُمْ الْيِحَجِّي بِإِسْتِكْبَارْ.

دَنْيال 7:25

وَ هُو يُقُولْ كَلَامْ ضِدّ اللّٰهْ الْعَالِي وَ يِضَايِقْ نَاسَهْ الصَّالِحِينْ وَ يِدَوْر يِغَيِّرْ أَيَّامْ الْأَعْيَادْ وَ تَوْرَاةْ اللّٰهْ. وَ الصَّالِحِينْ يَقَعَوْا فِي إِيدَيْنَهْ مُدَّةْ تَلَاتَةْ سَنَةْ وَ نُصّ.

دَنْيال 11:36

«وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ وَ يِسْتَكْبَرْ. وَ هُو يِشِيفْ نَفْسَهْ عَالِي مِنْ كُلَّ الْإِلٰـهَاتْ وَ يُقُولْ كَلَامْ كُفُرْ ضِدّ اللّٰهْ إِلٰـهْ الْإِلٰـهَاتْ. وَ هُو يَنْجَحْ فِي كُلَّ شَيّءْ الْيِسَوِّيهْ لَحَدِّي غَضَبْ اللّٰهْ يَنْزِلْ فَوْقَهْ وَ يِتِمّ وَكْتَهْ أَشَانْ أَكِيدْ اللّٰهْ يِحَقِّقْ كَلَامَهْ.

رُؤية 7:15

أَشَانْ دَا بَسْ، هُمَّنْ وَاقْفِينْ قِدَّامْ عَرْش اللّٰهْ وَ يَعَبُدُوهْ لَيْل وَ نَهَارْ فِي بَيْتَهْ هَنَا الْعِبَادَةْ. وَ الْقَاعِدْ فِي الْعَرْش يِشِيلْ مَسْؤُولِيِّتْهُمْ.

رُؤية 15:5

وَ بَعَدْ دَا، أَنَا شِفْت بَيْت الْعِبَادَةْ أَنْفَتَحْ وَ دَا الْخَيْمَةْ الْفَوْقهَا لِيحَانْ الْمُعَاهَدَةْ الْفِي السَّمَاوَاتْ.