رُؤية 13:5 - الكتاب المقدس بالعربي الدارجي هنا تشاد

⁵ وَ الْحَيْوَانْ عِنْدَهْ إِذِنْ أَشَانْ يِحَجِّي كَلَامْ هَنَا إِسْتِكْبَارْ وَ كُفُرْ. وَ عِنْدَهْ إِذِنْ أَشَانْ يَمْلُكْ فِي النَّاسْ مُدَّةْ 42 شَهَرْ.

رُؤية 13:5 Referenca të Kryqëzuara

دَنْيال 7:25

وَ هُو يُقُولْ كَلَامْ ضِدّ اللّٰهْ الْعَالِي وَ يِضَايِقْ نَاسَهْ الصَّالِحِينْ وَ يِدَوْر يِغَيِّرْ أَيَّامْ الْأَعْيَادْ وَ تَوْرَاةْ اللّٰهْ. وَ الصَّالِحِينْ يَقَعَوْا فِي إِيدَيْنَهْ مُدَّةْ تَلَاتَةْ سَنَةْ وَ نُصّ.

دَنْيال 7:8

وَ وَكِتْ أَنَا قَاعِدْ نِشِيفْ فِي الْقُرُونْ دَوْل، شِفْت قَرِنْ آخَرْ صَغَيَّرْ قَمَّ أَمْبَيْنَاتْهُمْ وَ تَلَاتَةْ قُرُونْ مِنْ الْعَشَرَةْ الْأَوَّلَانِيِّينْ مَرَقَوْهُمْ لِيِخَلُّوا لَيَّهْ الْبَكَانْ. وَ الْقَرِنْ الصَّغَيَّرْ دَا عِنْدَهْ عُيُونْ مِثِلْ عُيُونْ الْإِنْسَانْ وَ عِنْدَهْ خَشُمْ الْيِحَجِّي بِإِسْتِكْبَارْ.

رُؤية 12:6

وَ الْمَرَةْ عَرَّدَتْ وَ مَشَتْ فِي الْخَلَاءْ فِي الْبَكَانْ الْاللّٰهْ جَهَّزَهْ لَيْهَا. وَ هِنَاكْ يِرَيُّسُوهَا لِمُدَّةْ 1 260 يَوْم.

دَنْيال 11:36

«وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ وَ يِسْتَكْبَرْ. وَ هُو يِشِيفْ نَفْسَهْ عَالِي مِنْ كُلَّ الْإِلٰـهَاتْ وَ يُقُولْ كَلَامْ كُفُرْ ضِدّ اللّٰهْ إِلٰـهْ الْإِلٰـهَاتْ. وَ هُو يَنْجَحْ فِي كُلَّ شَيّءْ الْيِسَوِّيهْ لَحَدِّي غَضَبْ اللّٰهْ يَنْزِلْ فَوْقَهْ وَ يِتِمّ وَكْتَهْ أَشَانْ أَكِيدْ اللّٰهْ يِحَقِّقْ كَلَامَهْ.

دَنْيال 7:11

وَ أَنَا شِفْت وَ سِمِعْت الْقَرِنْ الصَّغَيَّرْ قَاعِدْ يِحَجِّي بِإِسْتِكْبَارْ. وَ شِفْت الْحَيْوَانْ الرَّابِعْ الْقَاعِدْ فَوْقَهْ الْقَرِنْ دَا، كَتَلَوْه وَ قَطَّعَوْا جِسْمَهْ وَ حَرَّقَوْه فِي النَّارْ.

رُؤية 12:14

لَاكِنْ اللّٰهْ أَنْطَاهَا جَنَاحَيْ إِتْنَيْن مِثِلْ جَنَاحَيْ هَنَا صَقُرْ كَبِيرْ بِلْحَيْن أَشَانْ تِطِيرْ بَعِيدْ مِنْ الدَّابِي وَ تَمْشِي فِي الْخَلَاءْ فِي الْبَكَانْ الْاللّٰهْ جَهَّزَهْ لَيْهَا. وَ هِنَاكْ هِي يِرَيُّسُوهَا مُدَّةْ تَلَاتَةْ سَنَةْ وَ نُصّ.

2 تَسَلونِيكِي 2:4

هُو عَدُو لِكُلِّ إِلٰـهْ الْيَعَبُدُوهْ النَّاسْ وَ يِسَوِّي نَفْسَهْ أَكْبَرْ مِنَّهْ. وَ هُو يُخُطّ كُرْسِي حَقَّهْ فِي بَيْت اللّٰهْ وَ يُقُولْ: «أَنَا بَسْ اللّٰهْ.»

دَنْيال 7:20

وَ دَوَّرْت بَتَّانْ نَعَرِفْ مَعَنَى هَنَا الْقُرُونْ الْعَشَرَةْ الْقَاعِدِينْ فِي رَاسَهْ. وَ دَوَّرْت نَعَرِفْ مَعَنَى هَنَا الْقَرِنْ الصَّغَيَّرْ الْقَمَّ وَ الْقُرُونْ التَّلَاتَةْ الْمَرَقَوْهُمْ لِيِخَلُّوا لَيَّهْ الْبَكَانْ. وَ دَا الْقَرِنْ الْعِنْدَهْ عُيُونْ وَ عِنْدَهْ خَشُمْ الْيِحَجِّي بِإِسْتِكْبَارْ وَ بِنْشَافْ شَدِيدْ زِيَادَةْ مِنْ الْآخَرِينْ.

رُؤية 13:7

وَ عِنْدَهْ إِذِنْ أَشَانْ يِحَارِبْ الصَّالِحِينْ وَ يِنَّصِرْ فَوْقهُمْ. وَ عِنْدَهْ قُدْرَةْ فِي أَيِّ قَبِيلَةْ وَ شَعَبْ وَ لُغَّةْ وَ أُمَّةْ.

رُؤية 11:7

وَ وَكِتْ يِكَمُّلُوا شَهَادِتْهُمْ خَلَاصْ، الْحَيْوَانْ الْقَاعِدْ فِي الْهَاوِيَةْ يَطْلَعْ وَ يِحَارِبْهُمْ وَ يِنَّصِرْ فَوْقهُمْ وَ يَكْتُلْهُمْ.

زَبُور 12:3

وَ خَلِّي اللّٰهْ يِكَسِّرْ كُلِّ خَشُمْ الْيِحَجِّي بِغَشّ وَ اللِّسْنَيْ الْيِكَلُّمُوا بِإِسْتِكْبَارْ.

دَنْيال 8:14

وَ الْمَلَكْ الْآخَرْ رَدَّ لَيَّهْ وَ قَالْ: «الشَّيّءْ دَا يَقْعُدْ لَحَدِّي عَدَدْ الْأَيَّامْ الْيِسَاوِي 2 300 ضَحِيَّةْ هَنَا فَجُرْ وَ عَشِيَّةْ. وَ بَعَدْ دَا، الْبَيْت الْمُقَدَّسْ كُلَ يِعَدُّلُوهْ مِنْ جَدِيدْ.»

دَنْيال 12:12

وَ مَبْرُوكْ لِلنَّادُمْ الْيَصْبُرْ لَحَدِّي 1 335 يَوْم.

2 تَسَلونِيكِي 2:3

مَا تِخَلُّوا نَادُمْ يُغُشُّكُو بِأَيِّ شَيّءْ. قُبَّالْ يَوْم الرَّبّ مَا يَجِي، لَابُدَّ الْعِصْيَانْ الْأَخِيرْ يَبْقَى وَ نَاكِرْ الْحَقّ يِبِينْ وَ هُو النَّادُمْ الْاللّٰهْ قَدَّرْ لَيَّهْ الْهَلَاكْ.

2 تَسَلونِيكِي 2:8

وَ فِي الْوَكِتْ دَا بَسْ، نَاكِرْ الْحَقّ يِبِينْ وَ الرَّبّ عِيسَى يَكْتُلَهْ بِنَفْخَةْ وَاحِدَةْ مِنْ خَشْمَهْ وَ يِدَمِّرَهْ بِنُورْ جَيْتَهْ.

حِزْقِيال 35:13

إِنْتَ حَجَّيْت فَوْقِي بِإِسْتِكْبَارْ وَ كَتَّرْت كَلَامَكْ ضِدِّي وَ أَنَا سِمِعْتَهْ.›»