رُؤية 12:5 - الكتاب المقدس بالعربي الدارجي هنا تشاد

⁵ وَ هِي وِلْدَتْ وِلَيْد وَ هُو الْمَسِيحْ اللَّابُدَّ يَحْكِمْ فِي الْأُمَمْ بِعَصَاةْ هَنَا حَدِيدْ. وَ الْغُولْ مَا أَكَلَهْ أَشَانْ وِلَيْدهَا دَا خَطَفَوْه وَ وَدَّوْه لِلّٰهْ وَ لِعَرْشَهْ.

رُؤية 12:5 Referenca të Kryqëzuara

رُؤية 19:15

وَ سَيْف مُطَرَّقْ مَارِقْ مِنْ خَشْمَهْ وَ يَضْرُبْ بَيَّهْ الْأُمَمْ. وَ هُو يَحْكِمْ فَوْقهُمْ بِعَصَاةْ هَنَا حَدِيدْ. هُو بَسْ الْيِفَجِّقْ الْعِنَبْ فِي الْعَصَّارَةْ وَ مَعَنَاتَهْ هُو مَسْؤُولْ مِنْ غَضَبْ اللّٰهْ الْقَادِرْ.

رُؤية 12:2

وَ هِي غَلْبَانَةْ وَ وَجَعْ الطَّلَقَةْ كَرَبَاهَا وَ هِي صَرَخَتْ وَ قَرِيبْ تَلْدَ.

إشَعْيا 7:14

وَ فِي شَانْ دَا، الرَّبّ هُو ذَاتَهْ يَنْطِيكُو عَلَامَةْ. دَاهُو الْبِنَيَّةْ غَلْبَانَةْ وَ تَلْدَ وِلَيْد وَ تِسَمِّيهْ عِمَّانُوِيل (مَعَنَاتَهْ اللّٰهْ مَعَانَا).

رُؤية 11:12

وَ حِسّ شَدِيدْ مِنْ السَّمَاءْ أَنْسَمَعْ وَ كَلَّمْ لَيْهُمْ وَ قَالْ: «تَعَالُوا فَوْق.» وَ الشُّهُودْ الْإِتْنَيْن طَلَعَوْا فِي لُبّ سَحَابَايْ قِدَّامْ عُدْوَانْهُمْ وَ فَاتَوْا فِي السَّمَاوَاتْ.

مَتَّى 1:25

وَ لَاكِنْ مَا لِمِسْهَا لَحَدِّي وِلْدَتْ وِلَيْد وَ سَمَّاهْ عِيسَى.

مِيخا 5:3

وَ اللّٰهْ يِخَلِّي شَعَبَهْ لِوَكِتْ شِيَّةْ لَحَدِّي الْمَرَةْ الْغَلْبَانَةْ تَلْدَ وِلَيْدهَا. وَ أَخْوَانَّا الْفَضَّلَوْا فِي الْغُرْبَةْ يِقَبُّلُوا مِنْ هِنَاكْ وَ يِلِمُّوا مَعَ بَنِي إِسْرَائِيلْ.

2 كُرُنْتُس 12:2

أَنَا نَعَرِفْ مُؤمِنْ وَاحِدْ بِالْمَسِيحْ وَ يَوْم وَاحِدْ، قَبُلْ 14 سَنَةْ، هُو أَنْرَفَعْ لَحَدِّي السَّمَاءْ فِي الْعَالِي. كَنْ أَنْرَفَعْ بِجِسْمَهْ وَلَّا بَلَا جِسْمَهْ، دَا مَا نَعَرْفَهْ. إِلَّا اللّٰهْ وِحَيْدَهْ بَسْ يَعَرْفَهْ.

مَرْخُوس 16:19

وَ بَعَدْ الرَّبّ عِيسَى كَلَّمْ لَيْهُمْ، هُو أَنْرَفَعْ فِي السَّمَاءْ وَ قَعَدْ فِي كُرْسِي جَنْب اللّٰهْ فِي نُصَّهْ الزَّيْنَايْ.

إرْمِيا 31:22

لِمَتَى تِعِيرِي، يَا الْبِنَيَّةْ الْكَافْرَةْ؟ أَشَانْ اللّٰهْ يَخْلِقْ شَيّءْ جَدِيدْ فِي الْأَرْض. وَ دَا، إِنْتِ تِفَتِّشِي اللّٰهْ مِثِلْ مَرَةْ التِّقَرِّبْ لِرَاجِلْهَا.

إشَعْيا 66:7

قَبُلْ الطَّلَقَةْ مَا تَكْرُبْهَا، جَبَلْ صَهْيُون وِلْدَتْ. وَ قَبُلْ الْوَجَعْ مَا يَجِيهَا، هِي وِلْدَتْ جَابَتْ وِلَيْد.

رُؤية 12:13

وَ وَكِتْ الْغُولْ عِرِفْ هُو رَمَوْه فِي الْأَرْض خَلَاصْ، هُو جَرَى وَرَاءْ الْمَرَةْ الْوِلْدَتْ الْوِلَيْد أَشَانْ يَكْرُبْهَا.