رُؤية 12:2 - الكتاب المقدس بالعربي الدارجي هنا تشاد

² وَ هِي غَلْبَانَةْ وَ وَجَعْ الطَّلَقَةْ كَرَبَاهَا وَ هِي صَرَخَتْ وَ قَرِيبْ تَلْدَ.

رُؤية 12:2 Referenca të Kryqëzuara

رُؤية 12:4

وَ هُو قَشَّ تِلْت النُّجُومْ مِنْ السَّمَاءْ بِدَنَبَهْ وَ رَمَاهُمْ فِي الْأَرْض. وَ الْغُولْ دَا وَقَفْ قِدَّامْ الْمَرَةْ التِّدَوْر تَلْدَ وَ قَاعِدْ يَرْجَى أَشَانْ مِنْ وِلْدَتْ بَسْ يَاكُلْ صَغِيرْهَا.

غَلاطِية 4:19

يَا عِيَالِي النِّحِبُّكُو، أَنَا بِقِيتْ مِثِلْ أَمُّكُو الْقَاعِدَةْ نَلْدَاكُو مَرَّةْ تَانِيَةْ. أَنَا قَاعِدْ نَتْعَبْ فِي الطَّلَقَةْ لَحَدِّي تَبْقَوْا ثَابْتِينْ فِي الْمَسِيحْ.

يُوحَنَّا 16:21

«كَنْ مَرَةْ غَلْبَانَةْ وَ وَكْت الْوَالُودَةْ جَاءْ، هِي تَتْعَبْ تَعَبْ شَدِيدْ. وَ وَكِتْ وِلْدَتْ صَغِيرْهَا خَلَاصْ، هِي فَرْحَانَةْ وَ تَنْسَى التَّعَبْ أَشَانْ جَابَتْ نَادُمْ فِي الدُّنْيَا.

غَلاطِية 4:27

وَ مَكْتُوبْ فِي الْكِتَابْ: <زَغْرِطِي، الْمَرَةْ الْعَاقْرَةْ، إِنْتِ الْمَا وِلِدْتِ! عِيطِي بِفَرَحْ وَ زَغْرِطِي، إِنْتِ الْمَا دُقْتِ وَجَعْ الطَّلَقَةْ! أَشَانْ عِيَالْ الْمُطَلَّقَةْ يَبْقَوْا كَتِيرِينْ مِنْ عِيَالْ الْمَرَةْ الْقَاعِدَةْ مَعَ رَاجِلْهَا.>

مِيخا 5:3

وَ اللّٰهْ يِخَلِّي شَعَبَهْ لِوَكِتْ شِيَّةْ لَحَدِّي الْمَرَةْ الْغَلْبَانَةْ تَلْدَ وِلَيْدهَا. وَ أَخْوَانَّا الْفَضَّلَوْا فِي الْغُرْبَةْ يِقَبُّلُوا مِنْ هِنَاكْ وَ يِلِمُّوا مَعَ بَنِي إِسْرَائِيلْ.

إشَعْيا 53:11

وَ بَعَدْ تَعَبَهْ، هُو يِشِيفْ نُورْ الْحَيَاةْ وَ يَشْبَعْ مِنَّهْ. وَ بِتَعَبَهْ، عَبْدِي الصَّالِحْ يِسَوِّي نَاسْ كَتِيرِينْ صَالِحِينْ أَشَانْ هُو حِمِلْ خَطَاهُمْ.

إشَعْيا 54:1

وَ اللّٰهْ قَالْ: «زَغْرِطِي، يَا مَدِينَةْ الْقُدُسْ الْعَاقْرَةْ، إِنْتِ الْمَا وِلِدْتِ! عِيطِي بِفَرَحْ وَ زَغْرِطِي، إِنْتِ الْمَا دُقْتِ وَجَعْ الطَّلَقَةْ! أَشَانْ عِيَالْ الْمُطَلَّقَةْ يَبْقَوْا كَتِيرِينْ مِنْ عِيَالْ الْمَرَةْ الْقَاعِدَةْ مَعَ رَاجِلْهَا.»

إشَعْيا 26:17

مِثِلْ مَرَةْ الْغَلْبَانَةْ الْقَرَّبَتْ لِلْوَالُودَةْ قَاعِدَةْ تِتَّنَّ وَ تَصْرَخْ مِنْ وَجَعْ الطَّلَقَةْ، دِي بَسْ حَالِتْنَا أَنِحْنَ قِدَّامَكْ إِنْتَ، يَا اللّٰهْ.

إشَعْيا 66:6

فِي حِسّ هَنَا عَايِطْ جَايِ مِنْ الْمَدِينَةْ وَ حَرَكَةْ جَايَةْ مِنْ بَيْت اللّٰهْ. وَ دَا حِسّ اللّٰهْ الْقَاعِدْ يِجَازِي عُدْوَانَهْ.

مِيخا 4:9

هَسَّعْ، مَالَا تِعَوِّي؟ أَشَانْ مَا فِي مَلِكْ فَوْقكِ وَلَّا؟ وَ مَالَا الْوَجَعْ كَرَبْكِ مِثِلْ الْمَرَةْ الْقَاعِدَةْ تِطَالِقْ؟ أَشَانْ مُسْتَشَارْكِ وَدَّرْ وَلَّا؟

مَتَّى 24:8

وَ لَاكِنْ التَّعَبْ دَا مِثِلْ بِدَايَةْ وَجَعْ الطَّلَقَةْ.