رُؤية 11:12 - الكتاب المقدس بالعربي الدارجي هنا تشاد

¹² وَ حِسّ شَدِيدْ مِنْ السَّمَاءْ أَنْسَمَعْ وَ كَلَّمْ لَيْهُمْ وَ قَالْ: «تَعَالُوا فَوْق.» وَ الشُّهُودْ الْإِتْنَيْن طَلَعَوْا فِي لُبّ سَحَابَايْ قِدَّامْ عُدْوَانْهُمْ وَ فَاتَوْا فِي السَّمَاوَاتْ.

رُؤية 11:12 Referenca të Kryqëzuara

رُؤية 4:1

وَ بَعَدْ دَا، أَنَا شِفْت شَيّءْ آخَرْ. شِفْت بَابْ مَفْتُوحْ فِي السَّمَاءْ. وَ سِمِعْت بَتَّانْ نَفْس الْحِسّ الْأَوَّلْ سِمِعْتَهْ، الْحِسّ الْيِشَابِهْ مِثِلْ حِسّ بُرُنْجِي. وَ هُو حَجَّى لَيِّ وَ قَالْ: «تَعَالْ لَيِّ هِنِي فَوْق وَ نِوَصِّفَكْ الشَّيّءْ اللَّابُدَّ يَبْقَى بَعَدَيْن.»

أعمال الرُسُل 1:9

وَ بَعَدْ عِيسَى قَالْ الْكَلَامْ دَا، أَنْرَفَعْ فِي السَّمَاءْ وَ هُمَّنْ شَايْفِينْ عِيسَى طَالِعْ وَ سَحَابْ دَارَقَهْ مِنْهُمْ.

2 مُلوك 2:11

وَ وَكِتْ هُمَّنْ مَاشِينْ وَ قَاعِدِينْ يِحَجُّوا، طَوَّالِي مَرَقَتْ فَوْقهُمْ عَرَبَةْ هِنْت نَارْ الْكَرَّوْهَا خَيْل هَنَا نَارْ. وَ الْعَرَبَةْ دِي فَرَقَتْ إِلِيَاسْ مِنْ أَلْيَسَعْ. وَ خَلَاصْ، إِلِيَاسْ طَلَعْ فِي السَّمَاءْ فِي رِيحْ أَمْ زَوْبَعَانَةْ.

1 تَسَلونِيكِي 4:17

وَ بَعَدْ دَا، أَنِحْنَ الْحَيِّينْ اللِّسَّاعْنَا مَا مُتْنَا، اللّٰهْ يَرْفَعْنَا مَعَاهُمْ سَوَا فِي السَّحَابْ وَ نِلِمُّوا مَعَ الرَّبّ فَوْق فِي السَّمَاءْ. وَ خَلَاصْ، نَقْعُدُوا دَايْماً مَعَ الرَّبّ.

رُؤية 12:5

وَ هِي وِلْدَتْ وِلَيْد وَ هُو الْمَسِيحْ اللَّابُدَّ يَحْكِمْ فِي الْأُمَمْ بِعَصَاةْ هَنَا حَدِيدْ. وَ الْغُولْ مَا أَكَلَهْ أَشَانْ وِلَيْدهَا دَا خَطَفَوْه وَ وَدَّوْه لِلّٰهْ وَ لِعَرْشَهْ.

رُؤية 3:21

وَ أَيِّ نَادُمْ الْيِنَّصِرْ، أَنَا نَنْطِيهْ إِذِنْ أَشَانْ يَقْعُدْ مَعَايِ فِي عَرْشِي. أَيْوَى، هُو يِسَوِّي مِثِلْ أَنَا ذَاتِي أَنَّصَرْت وَ قَعَدْت مَعَ أَبُويِ اللّٰهْ فِي عَرْشَهْ.

لُوقا 16:23

وَ فِي الْهَاوِيَةْ، هُو قَاعِدْ فِي عَذَابْ شَدِيدْ. وَ رَفَعْ رَاسَهْ وَ شَافْ إِبْرَاهِيمْ فِي بَكَانْ بَعِيدْ مِنَّهْ وَ لَعَازَرْ مَعَايَهْ.

إشَعْيا 60:8

«دَوْل يَاتُمَّنْ الطَّايْرِينْ مِثِلْ السَّحَابْ وَ يِشَابُهُوا الْحَمَامْ الْمُقَابِلْ بَيْتَهْ؟

إشَعْيا 40:31

وَ لَاكِنْ الْيُخُطُّوا عَشَمْهُمْ فِي اللّٰهْ، قُدْرِتْهُمْ تِلْجَدَّدْ. يِطِيرُوا مِثِلْ الصُّقُورَةْ وَ يَجْرُوا وَ مَا يَكْسَلَوْا وَ يُرُوغُوا وَ مَا يَعْيَوْا.

2 مُلوك 2:5

وَ نَاسْ مَجْمُوعَةْ الْأَنْبِيَاء السَّاكْنِينْ فِي أَرِيحَا قَرَّبَوْا لِأَلْيَسَعْ وَ قَالَوْا لَيَّهْ: «هَلْ إِنْتَ تَعَرِفْ كَدَرْ الْيَوْم اللّٰهْ يَرْفَعْ سَيِّدَكْ فِي السَّمَاءْ؟» وَ أَلْيَسَعْ رَدَّ وَ قَالْ: «أَنَا كُلَ نَعَرْفَهْ. أَسْكُتُوا!»

2 مُلوك 2:1

دَاهُو كِكَّيْف اللّٰهْ رَفَعْ إِلِيَاسْ فِي السَّمَاءْ، هُو رَفَعَهْ بِرِيحْ أَمْ زَوْبَعَانَةْ. وَ دَا يَوْم، إِلِيَاسْ وَ أَلْيَسَعْ قَمَّوْا مِنْ قِلْقَالْ.

مَلاخِـي 3:18

وَ بِمِثِلْ دَا، تِشِيفُوا مِنْ جَدِيدْ الْفَرَقَةْ بَيْن الصَّالِحْ وَ الْعَاصِي وَ بَيْن الْيَعَبُدْ الرَّبّ وَ الْمَا يَعَبُدَهْ.»

إشَعْيا 14:13

إِنْتَ بَسْ قُلْت فِي قَلْبَكْ: ‹نَطْلَعْ فَوْق فِي السَّمَاوَاتْ وَ نُخُطّ كُرْسِيِّ مِنْ فَوْق لِنُجُومْ الْإِلٰـهْ. وَ نَقْعُدْ فِي جَبَلْ الْإِجْتِمَاعْ الْإِلٰـهَاتْ فِي آخِرْ الْمُنْشَاقْ.›

زَبُور 112:10

الْعَاصِي يِشِيفَهْ وَ يَغْضَبْ وَ يِعَضِّي شَلَالِيفَهْ وَ يِأَيِّسْ أَيْوَى، عَشَمْ الْعَاصِيِينْ يِنْقَطِعْ مَرَّةْ وَاحِدْ.

زَبُور 86:17

سَوِّي لَيِّ عَلَامَةْ الْخَيْر وَ خَلَاصْ الْيَكْرَهَوْنِي، الْعَيْب يَكْرُبْهُمْ. أَشَانْ إِنْتَ بَسْ اللّٰهْ، تَفْزَعْنِي وَ تِحَنِّسْنِي.

زَبُور 24:3

يَاتُو عِنْدَهْ حَقّ يَطْلَعْ جَبَلْ اللّٰهْ؟ وَ يَاتُو يَقِيفْ فِي بَكَانَهْ الْمُقَدَّسْ؟

زَبُور 15:1

يَا اللّٰهْ، يَاتُو يَقْدَرْ يَدْخُلْ فِي بَيْتَكْ؟ يَاتُو يَسْكُنْ فِي جَبَلَكْ الْمُقَدَّسْ؟

2 مُلوك 2:7

وَ 50 نَاسْ مِنْ مَجْمُوعَةْ الْأَنْبِيَاء مَشَوْا قَعَدَوْا مُقَابِلْ الْأُرْدُنْ شِيَّةْ بَعِيدْ مِنْ إِلِيَاسْ وَ أَلْيَسَعْ. وَ هُمَّنْ الْإِتْنَيْن وَقَفَوْا فِي خَشُمْ بَحَرْ الْأُرْدُنْ.

خُروج 14:25

وَ هُو تَلَّفْ رِجْلَيْ عَرَبَاتْهُمْ وَ مَا يَقْدَرَوْا يَمْشُوا إِلَّا بِتَعَبْ. وَ فِي الْبَكَانْ دَا، الْمَصْرِيِّينْ قَالَوْا: «يَلَّا! نَجْرُوا مِنْ بَنِي إِسْرَائِيلْ أَشَانْ اللّٰهْ قَاعِدْ يِحَارِبْ لَيْهُمْ ضِدِّنَا!»