رُؤية 10:7 - الكتاب المقدس بالعربي الدارجي هنا تشاد

⁷ وَ وَكِتْ الْمَلَكْ السَّابِعْ يَضْرُبْ الْبُرُنْجِي الْعِنْدَهْ، خَلَاصْ اللّٰهْ يِتِمّ الشَّيّءْ الْهُو قَدَّرَهْ الْهُو وِحَيْدَهْ يَعَرْفَهْ مِثِلْ أَوَّلْ كَلَّمْ بَيَّهْ لِعَبِيدَهْ الْأَنْبِيَاء.»

رُؤية 10:7 Referenca të Kryqëzuara

رَوْمَا 16:25

وَ خَلَاصْ نَشْكُرُوا اللّٰهْ! أَشَانْ هُو يَقْدَرْ يِقَوِّيكُو فِي الْإِيمَانْ بِبِشَارَةْ الْمَسِيحْ النِّجِيبْهَا لَيْكُو وَكِتْ نِبَلِّغْ بِعِيسَى الْمَسِيحْ. وَ بِالْبِشَارَةْ دِي، اللّٰهْ يِعَرِّفْ السِّرّ الْمُلَبَّدْ مِنْ الزَّمَنْ الْفَاتْ.

أعمال الرُسُل 3:21

وَاجِبْ يَقْعُدْ فِي السَّمَاءْ لَحَدِّي يَوْم الْفَوْقَهْ اللّٰهْ يِجَدِّدْ كُلَّ شَيّءْ. وَ دَا مِثِلْ هُو قَالَهْ مِنْ زَمَانْ بِوَاسِطَةْ الْأَنْبِيَاء الصَّالِحِينْ الرَّسَّلَاهُمْ.

عَمُوس 3:7

وَ مِثِلْ دَا، اللّٰهْ الرَّبّ مَا يِسَوِّي أَيِّ شَيّءْ كَنْ مَا بَيَّنْ سِرَّهْ لِعَبِيدَهْ الْأَنْبِيَاء.

رَوْمَا 11:25

يَا أَخْوَانِي، نِدَوْر نِأَوْرِيكُو بِسِرّ وَاحِدْ الْاللّٰهْ بَيَّنَهْ لَيِّ. نِأَوْرِيكُو بَيَّهْ أَشَانْ كَنْ فِهِمْتُوهْ عَدِيلْ، مَا تِسْتَكْبَرَوْا فِي أَفْكَارْكُو. وَاحِدِينْ مِنْ بَنِي إِسْرَائِيلْ بِقَوْا عَاصِيِينْ وَ مَا يِآمُنُوا بِعِيسَى الْمَسِيحْ. وَ عِصْيَانْهُمْ دَا يُدُومْ لَحَدِّي عَدَدْ الْمُؤمِنِينْ مِنْ الْأُمَمْ يَلْحَقْ الْعَدَدْ الْاللّٰهْ يِدَوْرَهْ.

رُؤية 14:6

وَ أَنَا شِفْت مَلَكْ آخَرْ طَايِرْ فَوْق فِي السَّمَاءْ وَ هُو عِنْدَهْ بِشَارَةْ أَبَدِيَّةْ لِيِبَلِّغْهَا لِكُلَّ سُكَّانْ الْأَرْض، مِنْ أَيِّ أُمَّةْ وَ قَبِيلَةْ وَ لُغَّةْ وَ شَعَبْ.

رُؤية 17:17

وَ يَبْقَى مِثِلْ دَا أَشَانْ أَوَّلْ اللّٰهْ دَسَّ نِيَّةْ فِي قُلُوبْ الْمُلُوكْ دَوْل أَشَانْ يِسَوُّوا الشَّيّءْ الْمُقَدَّرْ لَيْهُمْ وَ يَخْدُمُوا سَوَا وَ يَنْطُوا سُلْطِتْهُمْ لِلْحَيْوَانْ الْفَسِلْ لَحَدِّي الْكَلَامْ الْاللّٰهْ قَالَهْ يِتِمّ.