رُؤية 10:1 - الكتاب المقدس بالعربي الدارجي هنا تشاد

¹ وَ فِي الْبَكَانْ دَا، أَنَا شِفْت بَتَّانْ مَلَكْ آخَرْ نَازِلْ مِنْ السَّمَاءْ وَ هُو قَادِرْ. وَ هُو لَابِسْ سَحَابَايْ مِثِلْ خَلَقْ وَ عِنْدَهْ حَجَّازْ الْمَطَرْ فِي رَاسَهْ. وَ وِجْهَهْ يِرَارِي مِثِلْ الْحَرَّايْ وَ رِجِلَيْنَهْ يِشَابُهُوا مِثِلْ عَمُودْ هَنَا نَارْ.

رُؤية 10:1 Referenca të Kryqëzuara

مَتَّى 17:2

وَ عِيسَى أَلْغَيَّرْ قِدَّامْهُمْ. وِجْهَهْ نَوَّرْ مِثِلْ نُورْ الْحَرَّايْ وَ خَلَقَهْ بِقِي أَبْيَضْ كَرّ مِثِلْ النُّورْ.

حِزْقِيال 1:28

وَ الضَّيّ الْمُحَوِّقَهْ يِشَابِهْ حَجَّازْ الْمَطَرْ الْيِبِينْ فِي السَّحَابْ فِي يَوْم الْمَطَرْ. وَ مَجْد اللّٰهْ هُو مِثِلْ كَيْ. وَ وَكِتْ أَنَا شِفْتَهْ، وَقَعْت بِوِجْهِي فِي الْأَرْض وَ سِمِعْت حِسّ قَاعِدْ يِحَجِّي.

رُؤية 5:2

وَ شِفْت مَلَكْ قَادِرْ كَلَّمْ بِحِسّ شَدِيدْ وَ قَالْ: «يَاتُو الْوَاجِبْ لَيَّهْ يُفُكّ الْخِتِمْ وَ يَفْتَحْ الْمَكْتُوبْ؟»

دَنْيال 10:6

وَ جِسْمَهْ يِرَارِي مِثِلْ الْحَجَرْ الْغَالِي. وَ وِجْهَهْ يِضَوِّي مِثِلْ الْبَرَّاقَةْ وَ عُيُونَهْ يِضَوُّوا مِثِلْ مَشَاهِيبْ النَّارْ وَ إِيدَيْنَهْ وَ رِجِلَيْنَهْ يِرَارُوا مِثِلْ النَّحَاسْ الصَّفَّوْه. وَ حِسَّهْ مِثِلْ حَرَكَةْ هَنَا نَاسْ كَتِيرِينْ مَرَّةْ وَاحِدْ.

رُؤية 4:3

وَ الْقَاعِدْ فِي الْعَرْش دَا يِرَارِي مِثِلْ فَارُوسْ وَ عَقِيقْ أَحْمَرْ. وَ الْعَرْش مُحَوَّقْ بِشَيّءْ مِثِلْ حَجَّازْ الْمَطَرْ الْيِرَارِي مِثِلْ يَاقُوتْ أَخْضَرْ.

رُؤية 8:13

وَ شِفْت بَتَّانْ وَ سِمِعْت حِسّ هَنَا صَقُرْ الْقَاعِدْ يِطِيرْ فِي السَّمَاءْ وَ بِحِسّ شَدِيدْ قَالْ: «عَذَابْ، عَذَابْ! عَذَابْ لِسُكَّانْ الْأَرْض! أَشَانْ التَّلَاتَةْ بُرُنْجِي الْفَضَّلَوْا، قَرِيبْ الْمَلَائِكَةْ يَضُرْبُوهُمْ.»

زَبُور 104:3

هُو كَوَّنْ غُرَفْ فَوْق مِنْ أَلْمِي السَّمَاءْ وَ سَوَّى السَّحَابْ مِثِلْ عَرَبَتَهْ وَ رَاغْ فِي جَنَاحَيْ الرِّيحْ.

زَبُور 97:2

السَّحَابْ وَ الْغَمَامْ مُحَوِّقِينَهْ وَ الْحَقّ وَ الْعَدَالَةْ، هُمَّنْ أَسَاسْ عَرْشَهْ.

رُؤية 1:7

وَ شِيفُوا، هُو جَايِ رَاكِبْ فِي السَّحَابْ وَ أَيِّ نَادُمْ يِشِيفَهْ. أَيْوَى، كُلَّ النَّاسْ الطَّعَنَوْه يِشِيفُوهْ وَ كُلَّ قَبَايِلْ الْأَرْض يَبْكُوا بِسَبَبَهْ. أَيْوَى، مِثِلْ دَا بَسْ يَبْقَى. آمِينْ.

أعمال الرُسُل 26:13

يَا السَّيِّدْ الْمَلِكْ، فِي الضُّهُرْ وَكِتْ أَنَا مَاشِي فِي الدَّرِبْ، شِفْت نُورْ جَايِ مِنْ السَّمَاءْ، شَدِيدْ مِثِلْ الْحَرَّايْ وَ النُّورْ قَمَّ دَاوَى فَوْقِي وَ فَوْق النَّاسْ الْمَعَايِ.

لُوقا 21:27

وَ فِي الْوَكِتْ دَاكْ، يِشِيفُوا إِبْن الْإِنْسَانْ جَايِ فِي سَحَابْ السَّمَاءْ بِقُدْرَةْ عَظِيمَةْ وَ مَجِيدَةْ.

دَنْيال 7:13

وَ بِاللَّيْل فِي رُؤْيِتِي، أَنَا شِفْت وَاحِدْ بِشَابِهْ إِبْن الْإِنْسَانْ جَايِ فِي لُبّ السَّحَابْ. وَ وَصَّلْ بَكَانْ الشَّايِبْ كَبِيرْ السِّنّ وَ قَدَّمَوْه لَيَّهْ.

مَراثِي إرْمِيا 3:44

وَ خَطَّيْت بَيْنَّا وَ بَيْنَكْ سَحَابْ أَشَانْ صَلَاوَاتْنَا مَا يَوْصَلَوْك.

إشَعْيا 54:9

«وَ دَا، أَنَا نِشِيفَهْ مِثِلْ أَلْمِي الْجَاءْ فِي أَيَّامْ نُوحْ وَكِتْ أَنَا حَلَفْت وَ قُلْت: ‹بَتَّانْ مَا يَجِي أَلْمِي مِثِلْ دَا فِي الْأَرْض.› وَ هَسَّعْ دَا، نَحْلِفْ لَيْكِ إِنْتِ كُلَ كَدَرْ بَتَّانْ مَا نَغْضَبْ لَيْكِ وَ لَا نِخَوِّفْكِ.

إشَعْيا 19:1

مُحَاكَمَةْ مَصِرْ. دَاهُو فِي سَحَابَايْ سَرِيعَةْ اللّٰهْ جَايِ فِي مَصِرْ. وَ إِلٰـهَاتْ مَصِرْ قَاعِدِينْ يَرْجُفُوا قِدَّامَهْ وَ الْمَصْرِيِّينْ قَلِبْهُمْ أَنْقَطَعْ.

نشيد 5:15

وَ رِجِلَيْنَهْ مِثِلْ عَمَدْ هَنَا رُخَامْ أَبْيَضْ فِي أَسَاسْ هَنَا دَهَبْ صَافِي. هُو أَجْمَلْ مِنْ جِبَالْ لُبْنَانْ وَ مَعْرُوفْ مِثِلْ شَدَرْ الْأَرْز.

لاوِيِّين 16:2

وَ اللّٰهْ قَالْ لِمُوسَى: قُولْ لِأَخُوكْ هَارُونْ مَا يَدْخُلْ فِي أَيِّ وَكِتْ فِي الْبَكَانْ الْمُقَدَّسْ مَرَّةْ وَاحِدْ. وَ دَا، غَادِي لِلسِّتَارْ قِدَّامْ سِدَادَةْ الصَّنْدُوقْ. أَشَانْ مَا يُمُوتْ وَكِتْ نِبِينْ فِي سَحَابَايْ مِنْ فَوْق لِسِدَادَةْ الصَّنْدُوقْ.

خُروج 16:10

وَ وَكِتْ هَارُونْ بَدَا يِكَلِّمْ لَيْهُمْ بِالْكَلَامْ دَا، هُمَّنْ كُلُّهُمْ أَنْلَفَتَوْا عَلَيْ الصَّحَرَاء وَ شَافَوْا مَجْد اللّٰهْ بَانْ لَيْهُمْ فِي السَّحَابْ.

رُؤية 18:1

وَ بَعَدْ دَا، أَنَا شِفْت مَلَكْ آخَرْ نَازِلْ مِنْ السَّمَاءْ وَ عِنْدَهْ قُدْرَةْ شَدِيدَةْ. وَ هُو يِرَارِي وَ عِنْدَهْ نُورْ مَجِيدْ لَحَدِّي ضَوَّى كُلَّ الْأَرْض.

رُؤية 18:21

وَ فِي الْبَكَانْ دَا، مَلَكْ قَادِرْ قَلَّ لَيَّهْ حَجَرْ مِثِلْ مُرْحَاكَةْ كَبِيرَةْ وَ زَقَلَهْ فِي أُسْط الْبَحَرْ وَ قَالْ: «بِقُدْرَةْ مِثِلْ دِي بَسْ، مَدِينَةْ بَابِلْ الْكَبِيرَةْ يَرْمُوهَا وَ تَبْقَى مَا فِيهَا.

رُؤية 20:1

وَ فِي الْبَكَانْ دَا، أَنَا شِفْت مَلَكْ نَازِلْ مِنْ السَّمَاءْ. وَ فِي إِيدَهْ عِنْدَهْ مُفْتَاحْ هَنَا الْهَاوِيَةْ وَ جِنْزِيرْ كَبِيرْ بِلْحَيْن.