رُؤية 1:9 - الكتاب المقدس بالعربي الدارجي هنا تشاد

⁹ وَ أَنَا يُوحَنَّا أَخُوكُو الْقَاعِدْ نِتَابِعْ عِيسَى مِثِلْكُو. أَنَا كُلَ مُشَارِكْ مَعَاكُو فِي التَّعَبْ وَ فِي مَمْلَكَةْ اللّٰهْ وَ نَحْمَلْ التَّعَبْ بِصَبُرْ مِثِلْكُو. وَ كَرَبَوْنِي أَشَانْ بَلَّغْت لِلنَّاسْ كَلَامْ اللّٰهْ وَ شَهَادَةْ عِيسَى الْمَسِيحْ. وَ هَسَّعْ أَنَا مَسْجُونْ فِي الْجَزِيرَةْ الْأُسُمْهَا بَطْمُسْ.

رُؤية 1:9 Referenca të Kryqëzuara

رُؤية 3:10

إِنْتَ تَابَعْت كَلَامِي بِصَبُرْ كَتِيرْ. أَشَانْ دَا، نَحْفَضَكْ مِنْ الضِّيقَةْ التَّجِي فِي كُلَّ نَاسْ الدُّنْيَا. الضِّيقَةْ دِي تِجَرِّبْهُمْ لِسُكَّانْ الْأَرْض.

أعمال الرُسُل 14:22

وَ فِي كُلَّ الْحِلَّالْ دَوْل، شَجَّعَوْا التَّلَامِيذ وَ وَصَّوْهُمْ أَشَانْ يَقْعُدُوا ثَابْتِينْ فِي الْإِيمَانْ. وَ قَالَوْا لَيْهُمْ: «أَكِيدْ، تَعَبْ كَتِيرْ يَجِي فَوْقنَا كُلِّنَا فِي الدَّرِبْ الْيِوَدِّينَا فِي مَمْلَكَةْ اللّٰهْ.»

يُوحَنَّا 16:33

أَنَا قُلْت لَيْكُو كُلَّ الْكَلَامْ دَا، أَشَانْ تَلْقَوْا السَّلَامْ بَيِّ أَنَا. أَكِيدْ، فِي الدُّنْيَا إِنْتُو تَتْعَبَوْا. لَاكِنْ شِدُّوا حَيْلكُو أَشَانْ أَنَا أَنَّصَرْت فِي الدُّنْيَا.»

رُؤية 1:2

وَ يُوحَنَّا شَهَدْ بِكُلَّ شَيّءْ الشَّافَهْ الْبُخُصّ كَلَامْ اللّٰهْ وَ شَهَادَةْ عِيسَى الْمَسِيحْ. وَ هُو كَتَبَاهُمْ فِي الْكِتَابْ دَا.

رُؤية 13:10

أَيِّ نَادُمْ الْمَكْتُوبْ فِي صَفَّهْ يَكُرْبُوهْ فِي السِّجِنْ، خَلِّي يَكُرْبُوهْ فِي السِّجِنْ. وَ أَيِّ نَادُمْ الْمَكْتُوبْ فِي صَفَّهْ يَكْتُلُوهْ بِالْسَّيْف، خَلِّي يَكْتُلُوهْ. وَ الْكَلَامْ دَا يِوَصِّفْ كَدَرْ الصَّالِحِينْ وَاجِبْ يَحْمَلَوْا التَّعَبْ بِصَبُرْ وَ إِيمَانْ.

فِلِبِّي 4:14

لَاكِنْ الشَّيّءْ السَّوَّيْتُوهْ لَيِّ سَمَحْ بِلْحَيْن. إِنْتُو شَارَكْتُوا مَعَايِ فِي تَعَبِي.

رُؤية 12:11

وَ هُمَّنْ أَنَّصَرَوْا فَوْقَهْ بِقُدْرَةْ دَمّ الْحَمَلْ وَ بِشَهَادِتْهُمْ لَيَّهْ. وَ هُمَّنْ حَبَّوْا رَبُّهُمْ زِيَادَةْ مِنْ نُفُوسْهُمْ لَحَدِّي أَبَوْا مَا يَجْرُوا مِنْ الْمَوْت.

رُؤية 7:14

وَ رَدَّيْت لَيَّهْ وَ قُلْت: «يَا السَّيِّدْ، إِنْتَ بَسْ تَعَرْفَهْ.» وَ هُو قَالْ: «دَوْل النَّاسْ الْقَعَدَوْا ثَابْتِينْ وَ مَرَقَوْا مِنْ الضِّيقَةْ الْكَبِيرَةْ. هُمَّنْ النَّاسْ الْغَسَّلَوْا خُلْقَانْهُمْ بِدَمّ الْحَمَلْ وَ مِثِلْ دَا، سَوَّوْا خُلْقَانْهُمْ بُيُضْ.

2 تِمُوتَاوُس 1:8

مَا تَخَافْ وَ مَا تَخْجَلْ. بَشِّرْ النَّاسْ بِأُسُمْ الرَّبّ الْأَنَا مَسْجُونْ فِي شَانَهْ. مَا تِدَنْقِرْ رَاسَكْ بِسَبَبْ سِجْنِي أَنَا. شَارِكْنِي فِي التَّعَبْ فِي شَانْ بِشَارَةْ الْمَسِيحْ وَ اللّٰهْ يَنْطِيكْ الْقُدْرَةْ.

رَوْمَا 8:25

لَاكِنْ كَنْ نَرْجَوْا شَيّءْ وَاحِدْ لِسَّاعْ بَعِيدْ شِيَّةْ مَا بِنْشَافْ، نَرْجَوْه بِالصَّبُرْ.

رُؤية 14:12

وَ الْكَلَامْ دَا يِوَصِّفْ الصَّالِحِينْ كَدَرْ وَاجِبْ يَصْبُرُوا وَ يَحْمَلَوْا التَّعَبْ. وَ الصَّالِحِينْ هُمَّنْ النَّاسْ الثَّابْتِينْ فِي وَصَايَا اللّٰهْ وَ إِيمَانْهُمْ بِعِيسَى.

عِبْرَانِيِّين 10:36

هَسَّعْ دَا، وَاجِبْ تَصْبُرُوا صَبُرْ قَوِي وَ تِسَوُّوا الشَّيّءْ الْاللّٰهْ يِدَوْرَهْ أَشَانْ تَلْقَوْا مِنَّهْ الْبَرَكَةْ الْهُو وَاعَدْ بَيْهَا.

فِلِبِّي 1:7

وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

رُؤية 11:7

وَ وَكِتْ يِكَمُّلُوا شَهَادِتْهُمْ خَلَاصْ، الْحَيْوَانْ الْقَاعِدْ فِي الْهَاوِيَةْ يَطْلَعْ وَ يِحَارِبْهُمْ وَ يِنَّصِرْ فَوْقهُمْ وَ يَكْتُلْهُمْ.

رَوْمَا 8:17

وَ كَنْ أَنِحْنَ عِيَالَهْ، أَنِحْنَ كُلَ مِثِلْ وُرَّاثَهْ. أَنِحْنَ وُرَّاثْ اللّٰهْ، أَيْوَى، وُرَّاثَهْ مَعَ الْمَسِيحْ. أَشَانْ كَنْ نَتْعَبَوْا مَعَ الْمَسِيحْ، نَدْخُلُوا مَعَ الْمَسِيحْ فِي مَجْدَهْ كُلَ.

رُؤية 19:10

وَ عَجَلَةْ كَيْ، أَنَا سَجَدْت قِدَّامْ رِجِلَيْنَهْ أَشَانْ نَعَبُدَهْ لِلْمَلَكْ وَ لَاكِنْ هُو قَالْ: «لَا، مَا تَسْجُدْ لَيِّ أَنَا. أَعَبُدْ اللّٰهْ. أَنَا عَبِدْ مِثْلَكْ إِنْتَ وَ مِثِلْ أَخْوَانَكْ الْيِتَابُعُوا شَهَادَةْ عِيسَى. أَشَانْ شَهَادَةْ عِيسَى، هِي الْكَلَامْ الْيِنَزِّلَهْ الرُّوحْ الْقُدُّوسْ فِي الْأَنْبِيَاء.»

رُؤية 12:17

وَ فِي الْبَكَانْ دَا، الْغُولْ زِعِلْ زَعَلْ شَدِيدْ مِنْ الْمَرَةْ وَ قَمَّ يِحَارِبْهُمْ لِعِيَالْهَا الْآخَرِينْ وَ هُمَّنْ النَّاسْ الْيِتَابُعُوا وَصَايَا اللّٰهْ وَ شَهَادَةْ عِيسَى.

رُؤية 6:9

وَكِتْ الْحَمَلْ فَكَّ الْخِتِمْ الْخَامِسْ، أَنَا شِفْت مَدْبَحْ وَ تِحْتَهْ شِفْت النَّاسْ الْكَتَلَوْهُمْ بِسَبَبْ هُمَّنْ بَلَّغَوْا كَلَامْ اللّٰهْ وَ شَهَدَوْا لَيَّهْ.

رُؤية 1:4

وَ دَاهُو أَنَا يُوحَنَّا نَكْتِبْ وَ نِرَسِّلْ الْكَلَامْ دَا لِجَمَاعَاتْ الْمُؤمِنِينْ السَّبْعَةْ الْفِي بَلَدْ آسِيَا. عَلَيْكُمْ السَّلَامْ وَ الرَّحْمَةْ مِنْ اللّٰهْ الْقَاعِدْ فِي الْوَكِتْ الْفَاتْ وَ الْوَكِتْ الْحَاضِرْ وَ الْوَكِتْ الْجَايِ. وَ السَّلَامْ مِنْ الْأَرْوَاحْ السَّبْعَةْ الْقَاعِدِينْ قِدَّامْ عَرْشَهْ

2 تَسَلونِيكِي 3:5

خَلِّي الرَّبّ يَفْتَحْ قُلُوبْكُو فِي مَحَبَّةْ اللّٰهْ وَ يَنْطِيكُو صَبُرْ قَوِي الْجَايِ مِنْ الْمَسِيحْ.

مَتَّى 20:23

وَ قَالْ لَيْهُمْ: «أَكِيدْ، تَشَرْبَوْا مِنْ كَاسِي لَاكِنْ مَا نَقْدَرْ نَعَزِلْ النَّاسْ الْيَقْعُدُوا بِإِيدِي الزَّيْنَةْ وَ بِإِيدِي الْإِسْرَةْ. اللّٰهْ جَهَّزْ الْبَكَانَاتْ دَوْل لِلنَّاسْ الْهُو بَسْ عَزَلَاهُمْ.»

مَرْخُوس 10:39

وَ رَدَّوْا لَيَّهْ وَ قَالَوْا: «أَيْوَى، نَقْدَرَوْا.» وَ عِيسَى قَالْ لَيْهُمْ: «خَلَاصْ، إِنْتُو تَشَرْبَوْا مِنْ الْكَاسْ الْأَنَا أَكِّدْ نَشْرَبْ مِنَّهْ. وَ يِغَطُّسُوكُو بِالْغَطِّسِينْ الْيِغَطُّسُونِي بَيَّهْ.

أعمال الرُسُل 1:15

وَ يَوْم وَاحِدْ، بُطْرُسْ قَمَّ فِي أُسْط الْأَخْوَانْ. عَدَدْهُمْ مِثِلْ 120 نَادُمْ. وَ هُو كَلَّمْ لَيْهُمْ وَ قَالْ:

2 كُرُنْتُس 1:7

عَشَمْنَا فَوْقكُو قَوِي بِلْحَيْن أَشَانْ نَعَرْفُوا كَدَرْ تِشَارُكُوا فِي الشَّجَاعَةْ مِثِلْ أَوَّلْ قَاعِدِينْ تِشَارُكُوا مَعَانَا فِي التَّعَبْ.

1 بُطْرُس 5:1

وَ نِدَوْر نِوَصِّي كُبَارَاتْ جَمَاعَةْ الْمُؤمِنِينْ الْمَعَاكُو. أَنَا كُلَ كَبِيرْ مِثِلْهُمْ. وَ أَنَا شَاهِدْ لِتَعَبْ الْمَسِيحْ وَ بَتَّانْ مُشَارِكْ فِي قُدْرَةْ الْمَسِيحْ الْمَجِيدَةْ التِّبِينْ قَرِيبْ.

رُؤية 1:1

دِي هِي رُؤْيَةْ هَنَا عِيسَى الْمَسِيحْ الْاللّٰهْ أَنْطَاهَا لَيَّهْ أَشَانْ يِوَصِّفْ لِعَبِيدَهْ الشَّيّءْ اللَّابُدَّ يَبْقَى قَرِيبْ. وَ هُو رَسَّلْ مَلَكَهْ أَشَانْ يِعَرِّفْ الرُّؤْيَةْ دِي لِعَبْدَهْ يُوحَنَّا.

رُؤية 1:6

وَ هُو كَوَّنَانَا مَمْلَكَةْ وَ سَوَّانَا كُلِّنَا رُجَالْ دِينْ أَشَانْ نَعَبُدُوا اللّٰهْ أَبُوهْ. وَ وَاجِبْ لِعِيسَى الْمَسِيحْ الْمَجْد وَ الْمُلُكْ دَايْماً وَ إِلَى الْأَبَدْ. آمِينْ.

رُؤية 20:4

وَ شِفْت كَرَاسِي وَ الْقَاعِدِينْ فَوْقهُمْ الْكَلَّفَوْهُمْ بِالشَّرِيعَةْ. وَ شِفْت النَّاسْ الْقَطَعَوْا رُوسَيْهُمْ أَشَانْ تَابَعَوْا شَهَادَةْ عِيسَى وَ كَلَامْ اللّٰهْ وَ النَّاسْ الْمَا سَجَدَوْا لِلْحَيْوَانْ الْفَسِلْ وَ لَا صَنَمَهْ وَ مَا قِبْلَوْا وَسْمَهْ وَ لَا فِي جَبْهَاتْهُمْ وَ لَا فِي إِيدَيْهُمْ. وَ هُمَّنْ حِيَوْا وَ حَكَمَوْا مَعَ الْمَسِيحْ مُدَّةْ أَلِفْ سَنَةْ.