رُؤية 1:7 - الكتاب المقدس بالعربي الدارجي هنا تشاد

⁷ وَ شِيفُوا، هُو جَايِ رَاكِبْ فِي السَّحَابْ وَ أَيِّ نَادُمْ يِشِيفَهْ. أَيْوَى، كُلَّ النَّاسْ الطَّعَنَوْه يِشِيفُوهْ وَ كُلَّ قَبَايِلْ الْأَرْض يَبْكُوا بِسَبَبَهْ. أَيْوَى، مِثِلْ دَا بَسْ يَبْقَى. آمِينْ.

رُؤية 1:7 Referenca të Kryqëzuara

مَتَّى 24:30

فِي الْوَكِتْ دَاكْ، عَلَامَةْ إِبْن الْإِنْسَانْ تِنْشَافْ فِي السَّمَاءْ وَ كُلَّ قَبَايِلْ الْأَرْض يَبْكُوا. وَ يِشِيفُوا إِبْن الْإِنْسَانْ جَايِ فِي سَحَابْ السَّمَاءْ بِقُدْرَةْ عَظِيمَةْ وَ مَجِيدَةْ.

زَكَرِيَّا 12:10

وَ نِنَزِّلْ فِي ذُرِّيَّةْ دَاوُدْ وَ فِي سُكَّانْ مَدِينَةْ الْقُدُسْ رُوحْ هَنَا رَحْمَةْ وَ دُعَا. وَ يِشِيفُوا عَلَيِّ أَنَا الْهُمَّنْ طَعَنَوْنِي بِعَمَلْهُمْ الشَّيْن الْمِثِلْ حَرْبَةْ. هُمَّنْ يَحْزَنَوْا لَيَّهْ مِثِلْ حِزِنْ الْوِلَيْد الْوَحِيدْ وَ يَبْكُوا لَيَّهْ مِثِلْ بَكِي لِلْوِلَيْد الْبِكِرْ.

دَنْيال 7:13

وَ بِاللَّيْل فِي رُؤْيِتِي، أَنَا شِفْت وَاحِدْ بِشَابِهْ إِبْن الْإِنْسَانْ جَايِ فِي لُبّ السَّحَابْ. وَ وَصَّلْ بَكَانْ الشَّايِبْ كَبِيرْ السِّنّ وَ قَدَّمَوْه لَيَّهْ.

يُوحَنَّا 19:37

وَ الْكِتَابْ كُلَ بُقُولْ: <يِشِيفُوا النَّادُمْ الطَّعَنَوْه.>

مَرْخُوس 14:62

وَ عِيسَى قَالْ: «أَنَا هُو. وَ تِشِيفُوا إِبْن الْإِنْسَانْ فِي كُرْسِي جَنْب اللّٰهْ الْقَادِرْ فِي نُصَّهْ الزَّيْنَايْ وَ تِشِيفُوهْ جَايِ فِي سَحَابْ السَّمَاءْ.»

لُوقا 21:27

وَ فِي الْوَكِتْ دَاكْ، يِشِيفُوا إِبْن الْإِنْسَانْ جَايِ فِي سَحَابْ السَّمَاءْ بِقُدْرَةْ عَظِيمَةْ وَ مَجِيدَةْ.

1 تَسَلونِيكِي 4:17

وَ بَعَدْ دَا، أَنِحْنَ الْحَيِّينْ اللِّسَّاعْنَا مَا مُتْنَا، اللّٰهْ يَرْفَعْنَا مَعَاهُمْ سَوَا فِي السَّحَابْ وَ نِلِمُّوا مَعَ الرَّبّ فَوْق فِي السَّمَاءْ. وَ خَلَاصْ، نَقْعُدُوا دَايْماً مَعَ الرَّبّ.

1 تَسَلونِيكِي 1:10

وَ تَرْجَوْا إِبْنَهْ الْيِقَبِّلْ مِنْ السَّمَاوَاتْ وَ هُو عِيسَى الْاللّٰهْ بَعَثَهْ مِنْ أُسْط الْمَيْتِينْ وَ يَفْزَعْنَا مِنْ الْغَضَبْ الْجَايِ.

مَرْخُوس 13:26

وَ فِي الْوَكِتْ دَا، يِشِيفُوا إِبْن الْإِنْسَانْ جَايِ فِي سَحَابْ السَّمَاءْ بِقُدْرَةْ عَظِيمَةْ وَ مَجِيدَةْ.

يَهُوذَا 1:14

وَ بَتَّانْ أَخْنُوخْ الْمِنْ الذُّرِّيَّةْ السَّابْعَةْ مِنْ آدَمْ أَتْنَبَّأْ بِالنَّاسْ دَوْل وَ قَالْ: «شِيفُوا، رَبِّنَا يَجِي فِي أُسُطْ خَدَّامِينَهْ الصَّالِحِينْ الْمَا يِنْحَسْبُوا مِنْ الْكَتَرَةْ

مَتَّى 26:64

وَ عِيسَى رَدَّ لَيَّهْ وَ قَالْ: «مِثِلْ إِنْتَ قُلْتَهْ. وَ نُقُولْ لَيْكُو يَوْم وَاحِدْ يَجِي تِشِيفُوا إِبْن الْإِنْسَانْ فِي كُرْسِي جَنْب اللّٰهْ الْقَادِرْ فِي نُصَّهْ الزَّيْنَايْ وَ تِشِيفُوهْ جَايِ فِي سَحَابْ السَّمَاءْ.»

رُؤية 22:20

وَ عِيسَى الْقَاعِدْ يَشْهَدْ لِكُلَّ الْكَلَامْ دَا قَاعِدْ يُقُولْ: «أَكِيدْ، نَجِي قَرِيبْ.» آمِينْ، يَا رَبِّنَا عِيسَى، تَعَالْ.

زَبُور 22:16

مَجْمُوعَةْ النَّاسْ الْهَوَانِينْ حَوَّقَوْنِي مِثِلْ كُلابْ قَعَدَوْا جَايْ وَ جَايْ لَيِّ وَ قَدَّوْا إِيدَيْنِي وَ رِجِلَيْنِي.

1 يُوحَنَّا 3:2

يَا الْمَحْبُوبِينْ، هَسَّعْ حَالِيّاً أَنِحْنَ عِيَالْ اللّٰهْ. وَ كِكَّيْف نُكُونُوا بَعَدَيْن دَا، اللّٰهْ لِسَّاعْ مَا بَيَّنَهْ لَيْنَا. لَاكِنْ نَعَرْفُوا كَدَرْ وَكِتْ إِبْن اللّٰهْ يِبِينْ بَتَّانْ، نِشِيفُوهْ هُو ذَاتَهْ بِنَفْسَهْ وَ أَنِحْنَ نَبْقَوْا مِثْلَهْ.

زَبُور 97:2

السَّحَابْ وَ الْغَمَامْ مُحَوِّقِينَهْ وَ الْحَقّ وَ الْعَدَالَةْ، هُمَّنْ أَسَاسْ عَرْشَهْ.

عِبْرَانِيِّين 10:29

هَايْ! فَكُّرُوا فِي الْعِقَابْ الْوَاجِبْ لِلنَّادُمْ الْخَلَّى دَرِبْ الْمَسِيحْ! هُو حَقَرْ إِبْن اللّٰهْ حُقْرَةْ شَدِيدَةْ. دَمّ الْمُعَاهَدَةْ الْبَيَّهْ هُو بِقِي خَاصّ لِلّٰهْ، هُو جَعَلَهْ مَا عِنْدَهْ قِيمَةْ. وَ عَيَّرْ الرُّوحْ الْأَنْطَاهْ الرَّحْمَةْ.

أيُّوب 33:26

هُو يَشْحَدْ الرَّبّ وَ الرَّبّ يَرْضَى بَيَّهْ وَ يِشِيفْ وِجْه الرَّبّ بِفَرَحْ. وَ الرَّبّ يَجْعَلْ الْإِنْسَانْ دَا صَالِحْ قِدَّامَهْ بَتَّانْ.

إشَعْيا 19:1

مُحَاكَمَةْ مَصِرْ. دَاهُو فِي سَحَابَايْ سَرِيعَةْ اللّٰهْ جَايِ فِي مَصِرْ. وَ إِلٰـهَاتْ مَصِرْ قَاعِدِينْ يَرْجُفُوا قِدَّامَهْ وَ الْمَصْرِيِّينْ قَلِبْهُمْ أَنْقَطَعْ.

نَاحُوم 1:3

اللّٰهْ هُو الصَّبُورْ وَ الْعَظِيمْ وَ الْقَادِرْ. وَ لَاكِنْ لِلْمُذْنِبْ، مَا يَجْعَلَهْ بَرِي. وَ يِسَوِّي دَرْبَهْ فِي رِيحْ أَمْ زَوْبَعَانَةْ وَ السَّحَابْ دَا عَجَاجَهْ الْهُو يِقَوِّمَهْ.

يُوحَنَّا 19:34

لَاكِنْ عَسْكَرِي وَاحِدْ طَعَنَهْ فِي نَايْطَهْ بِحَرْبَةْ وَ طَوَّالِي دَفَّقْ مِنَّهْ دَمّ وَ أَلْمِي.

عَدد 24:17

أَنَا نِشِيفْ الْجَايِ وَ لَاكِنْ مَا يَجِي هَسَّعْ. أَنَا قَاعِدْ نِشِيفَهْ وَ لَاكِنْ مَا مِنْ قَرِيبْ. مِنْ ذُرِّيَّةْ يَعْقُوبْ تَطْلَعْ نَجْمَةْ وَ مِنْ بَنِي إِسْرَائِيلْ يَجِي مَلِكْ. بِعَصَاةْ مُلْكَهْ يَكْسِرْ جَبْهَةْ مُوَابْ وَ يَكْتُلْ كُلَّ ذُرِّيَّةْ شِيتْ.

زَبُور 68:1

خَلِّي الرَّبّ يُقُمّ وَ عُدْوَانَهْ يِشِتُّوا وَ خُصْمَانَهْ يَجْرُوا قِدَّامَهْ.

قُضياء 5:31

«يَا اللّٰهْ، خَلِّي كُلَّ عُدْوَانَكْ يِدَّمَّرَوْا مِثِلْ سِيسْرَا وَ الْيِحِبُّوكْ يَبْقَوْا مِثِلْ ضَيّ الْحَرَّايْ وَكِتْ تَطْلَعْ.» وَ بَعَدْ دَا، الْبَلَدْ قَاعِدَةْ فِي رَاحَةْ لِمُدَّةْ 40 سَنَةْ.

رُؤية 22:4

وَ يِشِيفُوا وِجْهَهْ وَ أُسْمَهْ هُو بَسْ يَقْعُدْ فِي جَبْهَاتْهُمْ.

عِبْرَانِيِّين 6:6

هُمَّنْ دَوْل كَنْ يَابَوْا الْإِيمَانْ، مَا نَقْدَرَوْا نِقَبُّلُوهُمْ لِلتَّوْبَةْ بَتَّانْ. أَشَانْ النَّاسْ دَوْل بِقَوْا مِثِلْ قَاعِدِينْ يَكْتُلُوا إِبْن اللّٰهْ فِي الصَّلِيبْ مَرَّةْ تَانِيَةْ وَ يِعَيُّبُوهْ قِدَّامْ النَّاسْ.

زَكَرِيَّا 12:11

«وَ فِي الْيَوْم دَا، الْحِزِنْ يَبْقَى شَدِيدْ فِي مَدِينَةْ الْقُدُسْ مِثِلْ حِزِنْ هَدَّادْ رِمُّونْ فِي كَدَادَةْ مَقِدُّو.

مَتَّى 16:27

فَكُّرُوا فِي الْكَلَامْ دَا أَشَانْ إِبْن الْإِنْسَانْ يِقَبِّلْ مَعَ قُدْرَةْ مَجِيدَةْ هَنَا اللّٰهْ أَبُوهْ وَ مَعَ مَلَائِكَتَهْ. وَ أَيِّ نَادُمْ السَّوَّى الْفَسِلْ، يِعَاقِبَهْ. وَ أَيِّ نَادُمْ السَّوَّى عَمَلْ عَدِيلْ، يَنْطِيهْ أَجُرْ.

مَتَّى 16:28

وَ نُقُولْ لَيْكُو الْحَقّ. فِي نَاسْ وَاحِدِينْ الْقَاعِدِينْ هِنِي مَا يُمُوتُوا قُبَّالْ مَا يِشِيفُوا إِبْن الْإِنْسَانْ جَايِ فِي مَمْلَكَتَهْ.»

مَتَّى 25:31

«وَكِتْ إِبْن الْإِنْسَانْ يِقَبِّلْ بِقُدُرْتَهْ الْمَجِيدَةْ مَعَ كُلَّ مَلَائِكَتَهْ، هُو يَقْعُدْ فِي كُرْسِي حَقَّهْ وَ دَا الْكُرْسِي الْمَجِيدْ.