رُؤية 1:15 - الكتاب المقدس بالعربي الدارجي هنا تشاد

¹⁵ وَ رِجِلَيْنَهْ يِرَارُوا مِثِلْ النَّحَاسْ الْمُجُمَّرْ وَ مِثِلْ النَّحَاسْ النَّضِيفْ مَرَّةْ وَاحِدْ. وَ حِسَّهْ شَدِيدْ مِثِلْ الْمَطَرَةْ التَّقِيلَةْ.

رُؤية 1:15 Referenca të Kryqëzuara

حِزْقِيال 43:2

وَ دَاهُو مَجْد اللّٰهْ إِلٰـهْ بَنِي إِسْرَائِيلْ جَايِ مِنْ الصَّبَاحْ بِحَرَكَةْ مِثِلْ حَرَكَةْ أَلْمِي الْكَتِيرْ وَ الْأَرْض نَوَّرَتْ بِمَجْدَهْ.

دَنْيال 10:6

وَ جِسْمَهْ يِرَارِي مِثِلْ الْحَجَرْ الْغَالِي. وَ وِجْهَهْ يِضَوِّي مِثِلْ الْبَرَّاقَةْ وَ عُيُونَهْ يِضَوُّوا مِثِلْ مَشَاهِيبْ النَّارْ وَ إِيدَيْنَهْ وَ رِجِلَيْنَهْ يِرَارُوا مِثِلْ النَّحَاسْ الصَّفَّوْه. وَ حِسَّهْ مِثِلْ حَرَكَةْ هَنَا نَاسْ كَتِيرِينْ مَرَّةْ وَاحِدْ.

رُؤية 14:2

وَ سِمِعْت حَرَكَةْ جَايَةْ مِنْ السَّمَاءْ وَ الْحَرَكَةْ دِي شَدِيدَةْ مِثِلْ مَطَرَةْ تَقِيلَةْ وَ رَعَدْ شَدِيدْ. وَ الْحَرَكَةْ تِشَابِهْ مِثِلْ نَاسْ كَتِيرِينْ قَاعِدِينْ يَضُرْبُوا جِقِنْدِيَّةْ.

رُؤية 19:6

وَ فِي الْبَكَانْ دَا، سِمِعْت حَرَكَةْ مِثِلْ حِسّ هَنَا نَاسْ كَتِيرِينْ مَرَّةْ وَاحِدْ. وَ حِسُّهُمْ مِثِلْ حَرَكَةْ هَنَا مَطَرَةْ شَدِيدَةْ بِلْحَيْن وَ مِثِلْ رَعَدْ شَدِيدْ وَ قَالَوْا: «هَلَّيْلُويَا! الْحَمْدُ للّٰهْ! رَبِّنَا اللّٰهْ الْقَادِرْ قَاعِدْ يَمْلُكْ.

رُؤية 2:18

«وَ أَكْتِبْ كَلَامِي لِلْمَلَكْ هَنَا جَمَاعَةْ الْمُؤمِنِينْ الْفِي حِلَّةْ ثِيَاتِيرَةْ. دَاهُو كَلَامِي، أَنَا إِبْن اللّٰهْ، الْعُيُونِي مِثِلْ جَمُرْ مُقَرْقِرْ وَ رِجِلَيْنِي يِرَارُوا مِثِلْ نَحَاسْ مُجُمَّرْ.

زَبُور 93:4

يَا اللّٰهْ، إِنْتَ عَظِيمْ فِي الْعَالِي زِيَادَةْ مِنْ حِسّ أَلْمِي الْكَتِيرْ وَ عَظِيمْ مِنْ مَوْج الْبَحَرْ.

حِزْقِيال 1:7

وَ رِجْلَيْهُمْ عُدُلْ وَ مَشَّايَاتْهُمْ مِثِلْ ضَلَافَيْ الْعِجِلْ وَ يِرَارُوا مِثِلْ نَحَاسْ صَافِي.

حِزْقِيال 40:3

هُو وَدَّانِي هِنَاكْ وَ هِنَاكْ، أَنَا شِفْت رَاجِلْ الْجِلْدَهْ يِشَابِهْ نَحَاسْ. وَ عِنْدَهْ فِي إِيدَهْ حَبِلْ هَنَا كَتَّانْ وَ عُودْ هَنَا كِيَالْ. وَ هُو وَاقِفْ فِي خَشُمْ الْبَابْ.

إشَعْيا 17:13

وَ حَرَكَةْ الشُّعُوبْ مِثِلْ حَرَكَةْ أَلْمِي الْكَتِيرْ. وَكِتْ الرَّبّ يُقُمّ ضِدُّهُمْ، هُمَّنْ يِعَرُّدُوا بَعِيدْ، مَطْرُودِينْ مِثِلْ أُتَّابْ قِدَّامْ رِيحْ مِنْ الْجِبَالْ وَ مِثِلْ حَسْكَنِيتْ قِدَّامْ أَمْ زَوْبَعَانَةْ.

حِزْقِيال 1:24

وَ وَكِتْ الْمَخْلُوقِينْ مَاشِينْ، أَنَا قَاعِدْ نَسْمَعْ حَرَكَةْ جَنَاحَيْهُمْ وَ دَا مِثِلْ حَرَكَةْ مَطَرَةْ تَقِيلَةْ وَ مِثِلْ حِسّ الْقَادِرْ وَ مِثِلْ حِسّ نَاسْ كَتِيرِينْ وَ مِثِلْ حَرَكَةْ دَيْش كَبِيرْ. وَ وَكِتْ يَقِيفُوا، يِدَلُّوا جَنَاحَيْهُمْ.

رُؤية 10:1

وَ فِي الْبَكَانْ دَا، أَنَا شِفْت بَتَّانْ مَلَكْ آخَرْ نَازِلْ مِنْ السَّمَاءْ وَ هُو قَادِرْ. وَ هُو لَابِسْ سَحَابَايْ مِثِلْ خَلَقْ وَ عِنْدَهْ حَجَّازْ الْمَطَرْ فِي رَاسَهْ. وَ وِجْهَهْ يِرَارِي مِثِلْ الْحَرَّايْ وَ رِجِلَيْنَهْ يِشَابُهُوا مِثِلْ عَمُودْ هَنَا نَارْ.