زَبُور 4:3 - الكتاب المقدس بالعربي الدارجي هنا تشاد

³ أَعَرْفُوا كَدَرْ اللّٰهْ عَزَلْ رَاجِلْ أَمِينْ لَيَّهْ، أَيْوَى، اللّٰهْ يَسْمَعْنِي وَكِتْ نِنَادِيهْ.

زَبُور 4:3 Referenca të Kryqëzuara

يُوحَنَّا 15:16

إِنْتُو مَا عَزَلْتُونِي. أَنَا بَسْ عَزَلْتُكُو وَ رَسَّلْتُكُو أَشَانْ تَبْقَوْا مِثِلْ شَدَرَةْ تَلْدَوْا فَوَاكِهْ، وَ فَوَاكِهْكُو يَقْعُدُوا إِلَى الْأَبَدْ. وَ أَيِّ شَيّءْ التَّسْأَلَوْه مِنْ أَبُويِ بِأُسْمِي، هُو يَنْطِيكُو.

زَبُور 34:15

عَيْن اللّٰهْ تِرَاقِبْ الصَّالِحِينْ وَ هُو يَسْمَعْ صِرَاخْهُمْ.

2 بُطْرُس 2:9

وَ خَلَاصْ بَيْدَا كُلَ كَيْ، نَعَرْفُوا كَدَرْ اللّٰهْ يَقْدَرْ يَفْزَعْ الصَّالِحِينْ فِي وَكْت التَّجْرِبَةْ وَ يِرَاقِبْ النَّاسْ الْفَسْلِينْ لَحَدِّي يِعَاقِبْهُمْ فِي يَوْم الْحِسَابْ.

2 تِمُوتَاوُس 2:19

لَاكِنْ الْأَسَاسْ الْقَوِي الْاللّٰهْ خَطَّاهْ قَاعِدْ ثَابِتْ وَ هُو خَطَّ فَوْقَهْ خِتِمْ وَ دَا الْكَلَامْ الْمَكْتُوبْ فِي الْكِتَابْ الْبُقُولْ: <اللّٰهْ يَعَرِفْ نَاسَهْ> وَ بَتَّانْ: <وَاجِبْ أَيِّ نَادُمْ الْيِكَرِّمْ أُسُمْ اللّٰهْ يِخَلِّي مِنَّهْ الْفَسَالَةْ مَرَّةْ وَاحِدْ.>

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

1 بُطْرُس 2:9

لَاكِنْ كَنْ لَيْكُو إِنْتُو، بِقِيتُوا الْقَبِيلَةْ الْاللّٰهْ عَزَلَاهَا وَ رُجَالْ دِينْ هَنَا الْمَلِكْ الْكَبِيرْ وَ أُمَّةْ مُخَصَّصَةْ لِلّٰهْ وَ شَعَبْ اللّٰهْ ذَاتَهْ. هُو نَادَاكُو أَشَانْ تَمُرْقُوا مِنْ الضَّلَامْ وَ تَدْخُلُوا فِي نُورَهْ الْعَجِيبْ وَ خَلَاصْ تِبَلُّغُوا خَبَرْ هَنَا أَعْمَالْ اللّٰهْ الْكُبَارْ.

خُروج 33:16

وَ كَنْ إِنْتَ مَا تَمْشِي مَعَانَا، كِكَّيْف نَادُمْ يَقْدَرْ يَعَرِفْ كَدَرْ إِنْتَ رِضِيتْ لَيِّ وَ لِشَعَبَكْ؟ وَ كِكَّيْف يَقْدَرَوْا يِفَنُّدُونَا أَنَا وَ شَعَبَكْ مِنْ كُلَّ شُعُوبْ الْأَرْض الْآخَرِينْ؟»

زَبُور 6:8

كِسُّوا مِنِّي بَعِيدْ، إِنْتُو كُلُّكُو التِّسَوُّوا الظُّلُمْ أَشَانْ اللّٰهْ سِمِعْ بَكِيِّ!

أفَسُس 2:10

وَ خَلَاصْ أَنِحْنَ بِقِينَا خَلِيقَةْ اللّٰهْ. هُو سَوَّانَا خَلِيقَةْ جَدِيدَةْ فِي الْمَسِيحْ عِيسَى أَشَانْ نِسَوُّوا عَمَلْ الْخَيْر الْمِنْ أَوَّلْ هُو جَهَّزَهْ لَيْنَا أَشَانْ نِسَوُّوهْ.

زَبُور 50:5

وَ قَالْ: «لِمُّوا الْمُؤمِنِينْ! هُمَّنْ السَّوَّوْا مَعَايِ مُعَاهَدَةْ بِالضَّحِيَّةْ!»

زَبُور 31:23

حِبُّوا اللّٰهْ، إِنْتُو الْمُؤمِنِينْ بَيَّهْ! اللّٰهْ يَحْفَضْ الْأَمِينِينْ. وَ لَاكِنْ لِلْمُسْتَكْبِرِينْ يِحَاسِبْهُمْ بِعَمَلْهُمْ.

زَبُور 56:9

وَ خَلَاصْ يَوْم أَنَا نِنَادِيكْ، عُدْوَانِي يِخَلُّونِي. وَ أَنَا نَعَرْفَهْ كَدَرْ الرَّبّ، هُو مَعَايِ.

زَبُور 49:3

خَشْمِي يُقُولْ كَلَامْ الْحِكْمَةْ وَ قَلْبِي يِحَجِّي بِالْفِهِمْ.

زَبُور 62:10

مَا تِتْوَكَّلَوْا عَلَيْ الرَّشْوَةْ وَ مَا تُخُطُّوا عَشَمْكُو فِي مَالْ السِّرْقَةْ بَلَا فَايْدَةْ. وَ كَنْ مَالْكُو يِزِيدْ كُلَ، مَا تُخُطُّوا قُلُوبْكُو فَوْقَهْ.