زَبُور 3:3 - الكتاب المقدس بالعربي الدارجي هنا تشاد

³ وَ لَاكِنْ، يَا اللّٰهْ، إِنْتَ دَرَقَتِي، إِنْتَ عَظَمَتِي وَ تَرْفَعْ رَاسِي.

زَبُور 3:3 Referenca të Kryqëzuara

زَبُور 27:6

وَ هَسَّعْ رَاسِي مَرْفُوعْ قِدَّامْ عُدْوَانِي الْمُحَوِّقِينِّي. وَ أَنَا نَدْبَحْ ضَحِيَّةْ فِي خَيْمِتَهْ بِزَغْرَاطْ وَ نِغَنِّي وَ نَمْدَحْ اللّٰهْ.

زَبُور 28:7

اللّٰهْ هُو مَلْجَئِي وَ دَرَقَتِي. قَلْبِي أَتْوَكَّلْ عَلَيَّهْ وَ أَنَا لِقِيتْ الْفَزَعْ. أَنَا نَفْرَحْ بَيَّهْ بِكُلَّ قَلْبِي وَ نَشْكُرَهْ بِغِنَيْ.

تكوين 15:1

وَ بَعَدْ دَا، اللّٰهْ حَجَّى لِأَبْرَامْ فِي رُؤْيَةْ وَ قَالْ لَيَّهْ: «أَبْرَامْ! مَا تَخَافْ. أَنَا قَاعِدْ مَعَاكْ. أَنَا دَرَقَتَكْ. وَ نَنْطِيكْ أَجُرْ كَبِيرْ بِلْحَيْن.»

زَبُور 119:114

إِنْتَ بَسْ مَلْجَئِي وَ دَرَقَتِي وَ بِعَشَمْ، نَرْجَى كَلَامَكْ.

إشَعْيا 60:19

«وَ بَتَّانْ الْحَرَّايْ مَا تَبْقَى نُورْكِ بِالنَّهَارْ وَ الْقَمَرْ كُلَ مَا يَبْقَى لَيْكِ ضَيّ بِاللَّيْل. لَاكِنْ أَنَا اللّٰهْ بَسْ نَبْقَى نُورْكِ الدَّايِمْ وَ أَنَا إِلٰـهْكِ نَبْقَى جَمَالْكِ.

زَبُور 62:7

مِنْ الرَّبّ، تَجِي نَجَاتِي وَ شَرَفِي. الرَّبّ هُو جَبَلِي الْيَحْمِينِي وَ بَكَانْ مَلْجَئِي.

زَبُور 84:11

أَيْوَى، اللّٰهْ الرَّبّ مِثِلْ حَرَّايْ وَ مِثِلْ دَرَقَةْ، هُو يَنْطِي الرَّحْمَةْ وَ الشَّرَفْ. هُو مَا يَمْنَعْ الْخَيْر لِلْيَمْشُوا فِي الطَّرِيقْ الْعَدِيلْ.

زَبُور 18:2

اللّٰهْ هُو مَلْجَئِي يَحْمِينِي وَ يِنَجِّينِي. إِلٰـهِي هُو مَلْجَئِي وَ الْبَكَانْ النِّلَّبَّدْ فَوْقَهْ. هُو دَرَقَتِي وَ الْقُدْرَةْ التِّنَجِّينِي. هُو مَسْكَنِي الْقَوِي.

رُؤية 21:23

وَ الْمَدِينَةْ مَا تِدَوْر نُورْ مِنْ الْحَرَّايْ وَ لَا ضَيّ مِنْ الْقَمَرْ أَشَانْ نُورْ مَجِيدْ هَنَا اللّٰهْ بِقِي نُورْ الْمَدِينَةْ وَ الْحَمَلْ قَاعِدْ يَنْطِيهَا ضَيّ.

زَبُور 110:7

وَ فِي دَرْبَهْ، هُو يَشْرَبْ مِنْ أَلْمِي الرِّجِلْ وَ بِكُلَّ نَصْرَهْ، هُو يَرْفَعْ رَاسَهْ.

زَبُور 4:3

أَعَرْفُوا كَدَرْ اللّٰهْ عَزَلْ رَاجِلْ أَمِينْ لَيَّهْ، أَيْوَى، اللّٰهْ يَسْمَعْنِي وَكِتْ نِنَادِيهْ.

رُؤية 21:11

وَ هِي ضَاوِيَةْ بِنُورْ مَجِيدْ هَنَا اللّٰهْ. الْمَدِينَةْ تِرَارِي مِثِلْ حَجَرْ غَالِي وَ مِثِلْ فَارُوسْ وَ مِثِلْ قَزَّازْ صَافِي مَرَّةْ وَاحِدْ.

لُوقا 2:32

أَيْوَى، هُو النُّورْ الْيِوَصِّفْ دَرِبْ اللّٰهْ لِلْأُمَمْ وَ يِجِيبْ شُكُرْ كَتِيرْ لِشَعَبَكْ بَنِي إِسْرَائِيلْ.»

تَثْنِية 33:29

أَفْرَحَوْا، يَا بَنِي إِسْرَائِيلْ! يَاتُو الْمِثِلْكُو؟ إِنْتُو شَعَبْ النَّجَّاكُو اللّٰهْ. هُو الدَّرَقَةْ التَّحْمِيكُو وَ السَّيْف الْيِوَصِّفْ قُدْرِتْكُو. وَ عُدْوَانْكُو يِلْمَسْكَنَوْا وَ إِنْتُو تِفَجُّقُوا بَكَانَاتْهُمْ الْعَالِيِينْ.

تكوين 40:13

بَعَدْ تَلَاتَةْ يَوْم، الْمَلِكْ يَمُرْقَكْ مِنْ السِّجِنْ وَ يِقَبِّلَكْ فِي خِدِمْتَكْ الْأَوَّلْ وَ بَتَّانْ تِمِدّ لَيَّهْ الْكَاسْ.

إشَعْيا 45:25

وَ بَيِّ أَنَا اللّٰهْ، كُلَّ ذُرِّيَّةْ إِسْرَائِيلْ يَبْقَوْا صَالِحِينْ وَ يَحْمُدُونِي.»

2 مُلوك 25:27

وَ فِي سَنِةْ 37 مِنْ وَدَّوْا يُيَكِينْ مَلِكْ مَمْلَكَةْ يَهُوذَا فِي الْغُرْبَةْ فِي بَابِلْ، دَرَّجَوْا أَوِيلْ مَرُودَكْ مَلِكْ فِي بَابِلْ. وَ فِي يَوْم 27 هَنَا شَهْرِي 12 هَنَا السَّنَةْ دِي، أَوِيلْ مَرُودَكْ عَفَا يُيَكِينْ مَلِكْ مَمْلَكَةْ يَهُوذَا وَ طَلَقَهْ مِنْ السِّجِنْ.

2 مُلوك 18:30

وَ خَلِّي حِزْقِيَّا مَا يِوَدِّيكُو لَحَدِّي تِتْوَكَّلَوْا عَلَيْ اللّٰهْ وَ يُقُولْ لَيْكُو: ”أَكِيدْ اللّٰهْ يِنَجِّينَا وَ الْمَدِينَةْ دِي كُلَ مَا تَقَعْ فِي إِيدَيْن مَلِكْ أَشُورْ!“›

2 مُلوك 18:32

وَ دَا لَحَدِّي أَنَا نِقَبِّلْ وَ نِوَدِّيكُو فِي بَلَدْ مِثِلْ بَلَدْكُو. وَ الْبَلَدْ دِي عِنْدَهَا قَمَحْ وَ خَمَرْ جَدِيدْ وَ مَعَاشْ وَ عِنَبْ وَ زَيْتُونْ لِلدِّهِنْ وَ عَسَلْ وَ بِمِثِلْ دَا، إِنْتُو تِعِيشُوا وَ مَا تُمُوتُوا. مَا تَسْمَعَوْا كَلَامْ حِزْقِيَّا الْقَاعِدْ يُغُشُّكُو وَ يُقُولْ: ”اللّٰهْ يِنَجِّينَا.“