زَبُور 26:3 - الكتاب المقدس بالعربي الدارجي هنا تشاد

³ أَشَانْ رَحْمَتَكْ قَاعِدَةْ قِدَّامْ عُيُونِي وَ أَنَا مَاشِي حَسَبْ أَمَانَكْ.

زَبُور 26:3 Referenca të Kryqëzuara

1 يُوحَنَّا 1:7

وَ لَاكِنْ كَنْ أَنِحْنَ مَاشِينْ فِي النُّورْ مِثِلْ هُو ذَاتَهْ فِي النُّورْ، نِأَكُّدُوا الْعَلَاقَةْ الْعِنْدِنَا أَمْبَيْنَاتْنَا وَ دَمّ عِيسَى إِبْنَهْ يِطَهِّرْنَا مِنْ كُلَّ الذُّنُوبْ.

2 مُلوك 20:3

«يَا اللّٰهْ، فَكِّرْ فَوْقِي أَنَا التَّابَعْت دَرْبَكْ بِصِدِقْ وَ بِقَلِبْ مُخْلِصْ وَ سَوَّيْت كُلَّ شَيّءْ عَدِيلْ قِدَّامَكْ!» وَ حِزْقِيَّا بَكَى بَكِي شَدِيدْ.

2 يُوحَنَّا 1:4

أَنَا بِقِيتْ فَرْحَانْ مَرَّةْ وَاحِدْ وَكِتْ لَمَّيْت مَعَ وَاحِدِينْ مِنْ عِيَالْكِ وَ شِفْتُهُمْ مَاشِينْ فِي الْحَقّ مِثِلْ أَبُونَا أَمَرَانَا بَيَّهْ.

أفَسُس 4:32

سَوُّوا الزَّيْن لِأَيِّ نَادُمْ وَ أَلْحَانَنَوْا. وَ أَسَّامَحَوْا أَمْبَيْنَاتْكُو مِثِلْ اللّٰهْ سَامَحَاكُو وَكِتْ رَحَمَاكُو بِالْمَسِيحْ.

2 كُرُنْتُس 8:9

أَشَانْ رَحْمَةْ رَبِّنَا عِيسَى الْمَسِيحْ تَعَرْفُوهَا. هُو غَنِيْ وَ لَاكِنْ فِي شَانْكُو إِنْتُو، هُو بِقِي فَقْرِي أَشَانْ بِفَقْرَهْ دَا، إِنْتُو تَبْقَوْا غَنِيِّينْ.

2 كُرُنْتُس 3:18

وَ أَنِحْنَ مَا عِنْدِنَا مِنْدِيلْ الْيِغَطِّي وُجُوهْنَا. وَ كُلِّنَا قَاعِدِينْ نِشِيفُوا نُورْ اللّٰهْ الْمَجِيدْ. وَ النُّورْ دَا يِبِينْ فَوْقنَا وَاضِحْ. وَ النُّورْ الْمَجِيدْ دَا يَجِي مِنْ رُوحْ اللّٰهْ الْقَاعِدْ يِغَيِّرْنَا زِيَادَةْ لَحَدِّي صُورِتْنَا تَبْقَى مِثِلْ صُورَةْ اللّٰهْ الْمَجِيدَةْ.

يُوحَنَّا 14:6

وَ عِيسَى رَدَّ لَيَّهْ وَ قَالْ: «أَنَا بَسْ الدَّرِبْ وَ الْحَقّ وَ الْحَيَاةْ. مَا فِي نَادُمْ يَمْشِي لِلّٰهْ إِلَّا بَيِّ أَنَا.

لُوقا 6:36

أَرْحَمَوْا النَّاسْ مِثِلْ أَبُوكُو اللّٰهْ رَحِيمْ لِلنَّاسْ.

إشَعْيا 8:20

خَلَاصْ، رُدُّوا لَيْهُمْ وَ قُولُوا: «النَّاسْ الْمَا يِتَابُعُوا التَّعْلِيمْ وَ الشَّهَادَةْ مَا يِشِيفُوا نُورْ الصَّبَاحْ.»

إشَعْيا 2:5

يَا ذُرِّيَّةْ يَعْقُوبْ، تَعَالُوا نُرُوغُوا فِي نُورْ اللّٰهْ.

زَبُور 119:142

عَدَالْتَكْ تَقْعُدْ إِلَى الْأَبَدْ وَ تَوْرَاتَكْ حَقّ.

زَبُور 101:2

أَنَا نِدَوْر نَمْشِي قِدَّامَكْ بِالتَّمَامْ. مَتَى تَجِي لَيِّ؟ فِي بَيْتِي، نَعَرِفْ كِكَّيْف نَمْشِي بِقَلِبْ تَمَامْ.

زَبُور 86:11

يَا اللّٰهْ! وَصِّفْ لَيِّ دَرْبَكْ وَ أَنَا نُرُوغْ فَوْقَهْ بِكُلَّ صِدِقْ. وَ أَنْطِينِي قَلِبْ مُخْلِصْ أَشَانْ نِشَرِّفْ أُسْمَكْ.

زَبُور 52:1

مَالَا تِفَاشِرْ بِفَسَالْتَكْ، يَا الْفَحَلْ؟ وَ مَالَا تُقُولْ دَايْماً رَحْمَةْ الرَّبّ قَاعِدَةْ فَوْقَكْ؟

زَبُور 25:5

قُودْنِي بِأَمَانْ وَ عَلِّمْنِي أَشَانْ إِنْتَ بَسْ إِلٰـهِي الْيِنَجِّينِي وَ نُخُطّ عَشَمِي فَوْقَكْ دَايْماً.

3 يُوحَنَّا 1:11

يَا حَبِيبِي، مَا تِتَابِعْ مَثَلْ هَنَا النَّاسْ الْيِسَوُّوا الشَّرّ. تَابِعْ مَثَلْ هَنَا النَّاسْ الْيِسَوُّوا الْخَيْر. النَّادُمْ الْيِسَوِّي الْخَيْر، هُو بَسْ نَادُمْ هَنَا اللّٰهْ. وَ النَّادُمْ الْيِسَوِّي الشَّرّ مَا يَعَرِفْ اللّٰهْ.