زَبُور 102:1 - الكتاب المقدس بالعربي الدارجي هنا تشاد

¹ يَا اللّٰهْ! أَسْمَعْ شَكْوِتِي وَ خَلِّي صِرَاخِي يَوْصَلَكْ!

زَبُور 102:1 Referenca të Kryqëzuara

زَبُور 18:6

فِي الضِّيقَةْ، نَادَيْت اللّٰهْ أَيْوَى، صَرَخْت لِإِلٰـهِي وَ مِنْ بَيْتَهْ الْمُقَدَّسْ هُو سِمِعْنِي، هُو سِمِعْ حِسّ صِرَاخِي.

زَبُور 61:2

مِنْ آخِرْ الْأَرْض، أَنَا نَادَيْتَكْ إِنْتَ وَكِتْ مَا عِنْدِي قُدْرَةْ. قُودْنِي فِي الْجَبَلْ الْعَالِي الْمَا نَقْدَرْ نَلْحَقَهْ.

زَبُور 39:12

أَسْمَعْ صَلَاتِي وَ صِرَاخِي، يَا اللّٰهْ! أَسْمَعْ بَكِيِّ وَ مَا تَابَى! أَشَانْ أَنَا مِثِلْ أَجْنَبِي فِي بَكَانَكْ وَ ضَيْف مِثِلْ كُلَّ جُدُودِي.

خُروج 2:23

وَ بَعَدْ مُدَّةْ طَوِيلَةْ، مَلِكْ مَصِرْ مَاتْ. وَ بَنِي إِسْرَائِيلْ قَاعِدِينْ يَقُنْتُوا مِنْ التَّعَبْ هَنَا الْعُبُودِيَّةْ وَ قَاعِدِينْ يَصْرَخَوْا لَحَدِّي صِرَاخْهُمْ لِحِقْ الرَّبّ.

عِبْرَانِيِّين 5:7

وَكِتْ عِيسَى قَاعِدْ فِي الدُّنْيَا، هُو نَادَى اللّٰهْ الْيَقْدَرْ يِنَجِّيهْ مِنْ الْمَوْت وَ سَأَلَهْ بِحِسّ عَالِي وَ دُمُوعْ. وَ اللّٰهْ قِبِلْ سُؤَالَهْ أَشَانْ هُو تَقِي.

لُوقا 22:44

وَ عِيسَى قَاعِدْ فِي تَعَبْ شَدِيدْ وَ سَأَلْ اللّٰهْ بِشِدَّةْ زِيَادَةْ. وَ وَغَرَهْ يِنَقِّطْ فِي التُّرَابْ مِثِلْ دَمّ.

مَراثِي إرْمِيا 3:44

وَ خَطَّيْت بَيْنَّا وَ بَيْنَكْ سَحَابْ أَشَانْ صَلَاوَاتْنَا مَا يَوْصَلَوْك.

مَراثِي إرْمِيا 3:8

أَنَا كَوْرَكْت وَ دَوَّرْت الْفَزَعْ وَ لَاكِنْ هُو أَبَى مَا سِمِعْ شِحِدْتِي.

زَبُور 143:7

يَا اللّٰهْ، رُدّ لَيِّ بِسُرْعَةْ! رُوحِي ضِعْفَتْ. وَجِّهْ وِجْهَكْ عَلَيِّ أَشَانْ مَا نَبْقَى مِثِلْ الْيَنْزُلُوا فِي الْقُبُورْ.

زَبُور 143:4

رُوحِي بِقَتْ ضَعِيفَةْ وَ قَلْبِي أَلْحَيَّرْ.

زَبُور 5:2

أَسْمَعْ حِسّ مُنَادَاتِي لِتَفْزَعْنِي، يَا مَلِكِي، يَا إِلٰـهِي، إِنْتَ الْأَنَا نَشْحَدَكْ.

2 أخبار 30:27

وَ بَعَدْ دَا، رُجَالْ الدِّينْ اللَّاوِيِّينْ قَمَّوْا وَ بَارَكَوْا الشَّعَبْ. وَ حِسُّهُمْ أَنْسَمَعْ وَ دُعَاهُمْ وَصَّلْ لَحَدِّي السَّمَاءْ فِي الْمَسْكَنْ الْمُقَدَّسْ السَّاكِنْ فَوْقَهْ اللّٰهْ.

1 صَمُوِيل 9:16

«أَمْبَاكِرْ فِي نَفْس الْوَكِتْ، نِرَسِّلْ لَيْك نَادُمْ وَاحِدْ مِنْ بَلَدْ بَنْيَامِينْ. أَمْسَحَهْ وَ دَرِّجَهْ لِيَبْقَى كَبِيرْ لِشَعَبِي بَنِي إِسْرَائِيلْ وَ يِنَجِّيهُمْ مِنْ الْفِلِسْطِيِّينْ. أَشَانْ أَنَا شِفْت تَعَبْ شَعَبِي وَ صِرَاخْهُمْ وَصَّلَانِي.»

قُضياء 10:16

وَ هُمَّنْ بَعَّدَوْا مِنْهُمْ الْإِلٰـهَاتْ الْأَجْنَبِيِّينْ وَ عَبَدَوْا اللّٰهْ. وَ هُو حَنَّ فَوْقهُمْ فِي شَانْ تَعَبْهُمْ.

زَبُور 145:19

هُو يِحَقِّقْ نِيَّةْ الْخَايْفِينْ مِنَّهْ وَ يَسْمَعْ صِرَاخْهُمْ وَ يِنَجِّيهُمْ.

زَبُور 77:3

وَكِتْ أَذَّكَّرْت الرَّبّ، قَنَتّْ وَ كَنْ فَكَّرْت زِيَادَةْ، نَغْمَرْ. وَقْفَةْ.

زَبُور 62:8

يَا الشَّعَبْ! أَتْوَكَّلَوْا عَلَيَّهْ فِي كُلَّ وَكِتْ وَ أَفْتَحَوْا قُلُوبْكُو لَيَّهْ. الرَّبّ هُو مَلْجَئْنَا. وَقْفَةْ.

زَبُور 42:4

وَ قَلْبِي يَحْزَنْ وَكِتْ نِذَّكَّرْ الْأَيَّامْ الْفَاتَوْا، وَكِتْ مَشَيْت مَعَ النَّاسْ وَ قُدْتُهُمْ لِبَيْت اللّٰهْ، وَكِتْ كُلَّ النَّاسْ عَيَّدَوْا وَ بِغِنَيْ وَ فَرَحْ، شَكَرَوْه.

زَبُور 12:5

لَاكِنْ اللّٰهْ قَالْ: «هَسَّعْ نُقُمّ وَ نِجِيبْ النَّجَاةْ لِلنَّاسْ الْمَحْقُورِينْ. أَشَانْ الْمَسَاكِينْ، ظَلَمَوْهُمْ وَ الضَّعِيفِينْ يَقُنْتُوا.»