زَبُور 101:6 - الكتاب المقدس بالعربي الدارجي هنا تشاد

⁶ عُيُونِي فِي النَّاسْ الْعِنْدُهُمْ أَمَانْ فِي الْبَلَدْ لِيَسْكُنُوا مَعَايِ وَ الْيَمْشِي عَدِيلْ يُكُونْ فِي خِدِمْتِي.

زَبُور 101:6 Referenca të Kryqëzuara

زَبُور 119:63

أَنَا رَفِيقْ كُلَّ الْيَخَافَوْا مِنَّكْ وَ رَفِيقْ الْيِطَبُّقُوا فَرَايْضَكْ.

رُؤية 21:3

وَ أَنَا سِمِعْت حِسّ شَدِيدْ جَايِ مِنْ الْعَرْش وَ قَالْ: «دَاهُو مَسْكَنْ هَنَا اللّٰهْ قَاعِدْ فِي أُسْط النَّاسْ. هُو سَاكِنْ مَعَاهُمْ وَ هُمَّنْ بِقَوْا شَعَبَهْ. اللّٰهْ ذَاتَهْ قَاعِدْ مَعَاهُمْ وَ هُو بَسْ رَبُّهُمْ.

يُوحَنَّا 17:24

«يَا أَبُويِ، نِدَوْر كَدَرْ النَّاسْ الْأَنْطَيْتهُمْ لَيِّ يَقْعُدُوا مَعَايِ فِي الْبَكَانْ الْأَنَا نَقْعُدْ فَوْقَهْ. أَشَانْ هِنَاكْ يِشِيفُوا الْمَجْد الْإِنْتَ أَنْطَيْتنِي. وَ دَا بِسَبَبْ مَحَبِّتَكْ لَيِّ مِنْ قُبَّالْ بِدَايَةْ الدُّنْيَا.

يُوحَنَّا 12:26

كَنْ نَادُمْ يِدَوْر يَخْدِمْ لَيِّ، وَاجِبْ يِتَابِعْنِي. وَ فِي الْبَكَانْ الْأَنَا نَقْعُدْ فَوْقَهْ، خَدَّامِي كُلَ يَقْعُدْ فَوْقَهْ. وَ أَيِّ نَادُمْ الْيَخْدِمْ لَيِّ، أَبُويِ يِشَرِّفَهْ.

مَتَّى 24:45

«يَاتُو مِنْكُو يَبْقَى عَبِدْ أَمِينْ وَ فَاهِمْ؟ السِّيدَهْ يِكَلِّفَهْ فِي كُلَّ عَبِيدَهْ أَشَانْ يَنْطِيهُمْ أَكِلْ فِي الْوَكِتْ الْوَاجِبْ.

زَبُور 15:4

هُو يَحْقِرْ النَّاسْ الْمَبْغُوضِينْ وَ يِشَرِّفْ النَّاسْ الْمِنْ اللّٰهْ خَايْفِينْ. وَ مَا يَنْقُضْ عَهَدَهْ حَتَّى كَنْ يَبْقَى لَيَّهْ قَاسِي كُلَ.

أمْثال 29:2

كَنْ الصَّالِحْ يَنْجَحْ، الشَّعَبْ يَفْرَحَوْا لَاكِنْ كَنْ الْعَاصِي يَحْكِمْ، الشَّعَبْ يَقُنْتُوا.

أمْثال 28:28

وَكِتْ الْعَاصِيِينْ يَنْجَحَوْا، النَّاسْ يِلَّبَّدَوْا. وَكِتْ الْعَاصِيِينْ يِدَّمَّرَوْا، الصَّالِحِينْ يَكْتَرَوْا.

زَبُور 34:15

عَيْن اللّٰهْ تِرَاقِبْ الصَّالِحِينْ وَ هُو يَسْمَعْ صِرَاخْهُمْ.

يُوحَنَّا 14:3

وَ وَكِتْ مَشَيْت حَصَّلْت لَيْكُو بَكَانْ، نِقَبِّلْ نِوَدِّيكُو هِنَاكْ أَشَانْ تَقْعُدُوا مَعَايِ. وَ بِمِثِلْ دَا، تَقْعُدُوا فِي الْبَكَانْ الْأَنَا قَاعِدْ فَوْقَهْ.

لاوِيِّين 14:42

وَ يِشِيلُوا حُجَارْ آخَرِينْ وَ يُخُطُّوهُمْ فِي قَدّ الْحُجَارْ الْمَرَقَوْهُمْ. وَ يِشِيلُوا تُرَابْ آخَرْ لِيِطَلُّسُوا الْبَيْت مِنْ دَاخَلْ.