زَبُور 101:4 - الكتاب المقدس بالعربي الدارجي هنا تشاد

⁴ الْقَلِبْ الْأَزْرَقْ يِبَعِّدْ مِنِّي وَ أَنَا مَا نِدَوْر نَعَرِفْ الْفَسَالَةْ.

زَبُور 101:4 Referenca të Kryqëzuara

أمْثال 11:20

اللّٰهْ حَرَّمْ لِلنَّاسْ الْقَلِبْ الْأَزْرَقْ وَ لَاكِنْ رِضِي بِالدَّرِبْ الْعَدِيلْ.

2 تِمُوتَاوُس 2:19

لَاكِنْ الْأَسَاسْ الْقَوِي الْاللّٰهْ خَطَّاهْ قَاعِدْ ثَابِتْ وَ هُو خَطَّ فَوْقَهْ خِتِمْ وَ دَا الْكَلَامْ الْمَكْتُوبْ فِي الْكِتَابْ الْبُقُولْ: <اللّٰهْ يَعَرِفْ نَاسَهْ> وَ بَتَّانْ: <وَاجِبْ أَيِّ نَادُمْ الْيِكَرِّمْ أُسُمْ اللّٰهْ يِخَلِّي مِنَّهْ الْفَسَالَةْ مَرَّةْ وَاحِدْ.>

مَتَّى 7:23

وَ لَاكِنْ نِأَوْرِيهُمْ بِكَلَامْ وَاضِحْ وَ نُقُولْ: ‹أَبَداً مَا عِرِفْتُكُو! يَلَّا! كِسُّوا مِنِّي بَعِيدْ! خِدْمِتْكُو دِي شَرّ بَسْ.›

أمْثال 22:24

مَا تِرَافِقْ الدَّايْماً زَعْلَانْ وَ مَا تَمْشِي مَعَ الْغَضْبَانْ

أمْثال 9:6

خَلُّوا مِنْكُو الْجَهَلْ وَ تَحْيَوْا وَ شِيلُوا الدَّرِبْ الْيَنْطِيكُو فِهِمْ.»

أمْثال 8:13

الْيَخَافْ مِنْ اللّٰهْ، يَكْرَهْ الْفَسَالَةْ. وَ أَنَا كُلَ نَكْرَهْ الْكُلُوفِيَّةْ وَ الْإِسْتِكْبَارْ وَ دَرِبْ الْفَسَالَةْ وَ الْخَشُمْ الْكَدَّابْ.

زَبُور 119:115

بَعُّدُوا مِنِّي، يَا الْفَسْلِينْ، أَشَانْ نَحْفَضْ قَوَانِينْ إِلٰـهِي!

أمْثال 3:32

أَشَانْ الْفَسَادْ، اللّٰهْ حَرَّمَهْ وَ لَاكِنْ النَّادُمْ الْعَدِيلْ، اللّٰهْ يَنْطِيهْ سِرَّهْ.

زَبُور 6:8

كِسُّوا مِنِّي بَعِيدْ، إِنْتُو كُلُّكُو التِّسَوُّوا الظُّلُمْ أَشَانْ اللّٰهْ سِمِعْ بَكِيِّ!

2 كُرُنْتُس 11:33

وَ أَنَا دَا، الْأَخْوَانْ دَلَّوْنِي بِشَبَكَةْ مِنْ شُبَّاكْ وَاحِدْ الْقَاعِدْ فِي دُرْدُرْ الْمَدِينَةْ وَ مِثِلْ دَا بَسْ نِجِيتْ مِنَّهْ.

زَبُور 26:4

أَنَا مَا مَشَيْت قَعَدْ مَعَ الْمَا نَافْعِينْ وَ لَا دَخَلْت مَعَ الْمُنَافِقِينْ.

زَبُور 26:5

أَنَا كِرِهْت جَمَاعَةْ الْيِسَوُّوا الْفَسَالَةْ وَ مَا قَعَدْت مَعَ الْعَاصِيِينْ.

أمْثال 29:27

الصَّالِحِينْ يِحَرُّمُوا الظُّلُمْ وَ الْعَاصِيِينْ يِحَرُّمُوا الدَّرِبْ الْعَدِيلْ.