زَبُور 1:4 - الكتاب المقدس بالعربي الدارجي هنا تشاد

⁴ وَ لَاكِنْ النَّاسْ الْهَوَانِينْ مَا مِثِلْ دَا. هُمَّنْ مِثِلْ الْأُتَّابْ التِّشِيلَهْ الرِّيحْ.

زَبُور 1:4 Referenca të Kryqëzuara

أيُّوب 21:18

هَلْ هُمَّنْ بِقَوْا مِثِلْ تِبِنْ الشَّايْلَةْ الرِّيحْ وَلَّا مِثِلْ الْقَشّ الشَّايْلَةْ أَمْ زَوْبَعَانَةْ؟ أَبَداً!

مَتَّى 3:12

وَ عِنْدَهْ طَبَقْ فِي إِيدَيْنَهْ لِيِغَرْبِلْكُو مِثِلْ الْغَلَّةْ. وَ يِلِمّ غَلِّتَهْ مِنْ الْمَدَقّ وَ يُصُبَّهَا فِي دَبَنْقِتَهْ. وَ لَاكِنْ الْأُتَّابْ يُتُشَّهْ فِي النَّارْ الْمَا تُمُوتْ أَبَداً.»

زَبُور 35:5

خَلِّي يَبْقَوْا مِثِلْ أُتَّابْ فِي أُسْط الرِّيحْ وَكِتْ مَلَكْ اللّٰهْ يِطَارِدْهُمْ!

إشَعْيا 17:13

وَ حَرَكَةْ الشُّعُوبْ مِثِلْ حَرَكَةْ أَلْمِي الْكَتِيرْ. وَكِتْ الرَّبّ يُقُمّ ضِدُّهُمْ، هُمَّنْ يِعَرُّدُوا بَعِيدْ، مَطْرُودِينْ مِثِلْ أُتَّابْ قِدَّامْ رِيحْ مِنْ الْجِبَالْ وَ مِثِلْ حَسْكَنِيتْ قِدَّامْ أَمْ زَوْبَعَانَةْ.

هُوشَع 13:3

وَ بِسَبَبْ دَا، هُمَّنْ يَبْقَوْا مِثِلْ سَحَابْ الْفَجُرْ الْيُفُوتْ وَ مِثِلْ كَرَنْج الصَّبَاحْ الْمَا يِطَوِّلْ. يَبْقَوْا مِثِلْ أُتَّابْ الْمَدَقّ التِّشِيلَهْ الرِّيحْ وَ مِثِلْ الدُّخَّانْ الْيَمْرُقْ مِنْ الشُّبَّاكْ.

إشَعْيا 29:5

وَ لَاكِنْ فِي رَمْشَةْ عَيْن بَسْ، عُدْوَانْكِ الْكَتِيرِينْ يَبْقَوْا مِثِلْ الدَّقِيقْ الْمَرْحُوكْ. أَيْوَى، سِيَادْ الْعُنُفْ الْكَتِيرِينْ يَبْقَوْا مِثِلْ الْأُتَّابْ الشَّايْلَةْ الرِّيحْ.

أيُّوب 8:13

وَ يُكُونْ مِثِلْ دَا، لِكُلَّ الْيَنْسَوْا دَرِبْ الرَّبّ. أَيْوَى، عَشَمْ الْكَافِرْ يِنْقَطِعْ.

زَبُور 37:36

وَ لَاكِنْ هُو فَاتْ وَ بِقِي مَا فِيهْ وَ أَنَا فَتَّشْتَهْ وَ مَا لِقِيتَهْ.

إرْمِيا 13:24

أَنَا نِشَتِّتْكُو مِثِلْ الْقَشّ الشَّايْلَةْ الرِّيحْ فِي الصَّحَرَاء.