زَبُور 1:1 - الكتاب المقدس بالعربي الدارجي هنا تشاد

¹ مَبْرُوكْ لِلنَّادُمْ الْمَا يِتَابِعْ وَصِيَّةْ الْهَوَانِينْ وَ مَا يِشِيلْ طَرِيقْ الْمُذْنِبِينْ وَ مَا يَقْعُدْ مَعَ الشَّمَّاتِينْ.

زَبُور 1:1 Referenca të Kryqëzuara

أمْثال 13:20

الْيُرُوغْ مَعَ الْحَكِيمِينْ يَبْقَى حَكِيمْ وَ الْيِرَافِقْ الْمَطَامِيسْ يَلْقَى الْفَسَالَةْ.

إرْمِيا 15:17

أَنَا مَا قَعَدْت مَعَ النَّاسْ الْيَلْعَبَوْا وَ لَا فِرِحْت مَعَاهُمْ. وَ بِسَبَبْ إِيدَكْ كَانَتْ فَوْقِي، أَنَا قَعَدْت طَرَفْ أَشَانْ إِنْتَ مَلَيْتنِي بِحِزِنْ.

لُوقا 11:28

لَاكِنْ عِيسَى قَالْ: «أَخَيْر تُقُولِي مَبْرُوكْ لِلنَّاسْ الْيَسْمَعَوْا كَلَامْ اللّٰهْ وَ يِتَابُعُوهْ.»

زَبُور 1:6

أَشَانْ طَرِيقْ الصَّالِحِينْ، اللّٰهْ يَحْفَضَهْ وَ لَاكِنْ طَرِيقْ الْهَوَانِينْ، فِي الضَّلَامْ يِوَدِّرَهْ.

أمْثال 1:15

يَا وِلَيْدِي، مَا تَمْشِي مَعَاهُمْ، أَمْشِي بَعِيدْ مِنْ دَرِبْهُمْ.

زَبُور 34:8

دُوقُوا وَ شِيفُوا اللّٰهْ رَحِيمْ. مَبْرُوكْ لِلنَّادُمْ الْهُو مَلْجَئَهْ.

زَبُور 112:1

الْحَمْدُ للّٰهْ! مَبْرُوكْ لِلنَّادُمْ الْيَخَافْ مِنْ اللّٰهْ وَ يَفْرَحْ زِيَادَةْ بِوَصِيَّاتَهْ.

زَبُور 36:4

فِي فُرَاشَهْ، هُو يَنْوِي الْفَسَالَةْ وَ الدَّرِبْ الشَّايْلَهْ مَا عَدِيلْ وَ مَا يَرْفُضْ الشَّرّ.

أيُّوب 21:16

وَ بَيْدَا كُلَ، خَيْرهُمْ مَا جَايِ مِنْهُمْ. شَوْرَةْ الْعَاصِيِينْ دِي، هِي بَعِيدَةْ مِنِّي.

أفَسُس 6:13

أَشَانْ دَا بَسْ، أَلْبَسَوْا سِلَاحْ اللّٰهْ الْكَامِلْ أَشَانْ تَقْعُدُوا ثَابْتِينْ وَكِتْ إِبْلِيسْ يَهْجِمْكُو. وَ بَعَدْ كُلَّ الدُّوَاسْ يِكَمِّلْ، تَقْعُدُوا ثَابْتِينْ بَتَّانْ.

تكوين 49:6

لَاكِنْ أَنَا مَا نِشْتَرِكْ مَعَاهُمْ وَ قَلْبِي مَا يَرْضَى بِفِعِلْهُمْ دَا. أَشَانْ فِي زَعَلْهُمْ، هُمَّنْ كَتَلَوْا رُجَالْ وَ فِي غَبِينِتْهُمْ، عَوَّقَوْا تِيرَانْ.

إرْمِيا 17:7

مُبَارَكْ الْإِنْسَانْ الْيِتْوَكَّلْ عَلَيْ اللّٰهْ وَ يِآمِنْ بَيَّهْ فِي كُلَّ شَيّءْ.

أمْثال 13:15

الْعَقُلْ الْعَدِيلْ يِجِيبْ الرِّضَى وَ طَرِيقْ الْغَدَّارِينْ يُرُوحْ فِي الْهَوَاءْ.

زَبُور 119:115

بَعُّدُوا مِنِّي، يَا الْفَسْلِينْ، أَشَانْ نَحْفَضْ قَوَانِينْ إِلٰـهِي!

زَبُور 106:3

مَبْرُوكْ لِلْيَحْفَضَوْا قَوَانِينَهْ وَ يِطَبُّقُوا عَدَالْتَهْ فِي كُلَّ وَكِتْ.

زَبُور 26:12

رِجِلَيْنِي قَاعِدِينْ فِي أَرْض مُسْتَوِيَةْ وَ نَحْمُدْ اللّٰهْ فِي الْمَجْمُوعَاتْ.

أمْثال 2:12

الْحِكْمَةْ تِقَبِّلَكْ مِنْ دَرِبْ الْفَسْلِينْ وَ تِنَجِّيكْ مِنْ النَّاسْ الْمُفْسِدِينْ

زَبُور 81:12

وَ خَلَاصْ، أَنَا خَلَّيْتهُمْ بِرُوسَيْهُمْ الْقَوِيِّينْ وَ مَشَوْا حَسَبْ نِيِّتْهُمْ.

أمْثال 4:19

لَاكِنْ دَرِبْ الْعَاصِيِينْ مِثِلْ اللَّيْل الْأَضْلَمْ. فِي الضَّلَامْ، مَا يِشِيفُوا الشَّيّءْ الْيَرْمِيهُمْ.

أمْثال 3:34

يِشَّمَّتْ لِلشَّمَّاتِينْ وَ لَاكِنْ يَرْضَى لِلْمَسَاكِينْ.

رُؤية 22:14

وَ مَبْرُوكْ لِلنَّاسْ الْيِغَسُّلُوا خُلْقَانْهُمْ أَشَانْ كَنْ خُلْقَانْهُمْ نُضَافْ، عِنْدُهُمْ حَقّ يَاكُلُوا مِنْ عِيَالْ شَدَرَةْ الْحَيَاةْ وَ يَمْشُوا لِلْبِيبَانْ وَ يِنْدَسَّوْا فِي الْمَدِينَةْ.

أمْثال 9:12

كَنْ حَكِيمْ، حِكْمَتَكْ تَنْفَعَكْ وَ كَنْ شَمَّاتِي، تِلْحَمَّلْ عَوَاقِبْ فِعِلَكْ.»

زَبُور 84:12

يَا اللّٰهْ الْقَادِرْ! مَبْرُوكْ لِلْإِنْسَانْ الْيِتْوَكَّلْ عَلَيْك.

رَوْمَا 5:2

وَ بِالْمَسِيحْ بَسْ، قِدِرْنَا دَخَلْنَا فِي النِّعْمَةْ دِي بِالْإِيمَانْ الْأَنِحْنَ ثَابْتِينْ فَوْقهَا. وَ نَفْرَحَوْا بِالْعَشَمْ الْعِنْدِنَا أَشَانْ نَلْقَوْا مَجْد اللّٰهْ.

زَبُور 144:15

مَبْرُوكْ لِلشَّعَبْ اللِّقَوْا بَرَكَةْ مِثِلْ دِي! أَيْوَى، مَبْرُوكْ لِلشَّعَبْ الْيَعَبُدُوا اللّٰهْ الرَّبّ.

يُوحَنَّا 20:29

وَ عِيسَى قَالْ: «إِنْتَ آمَنْت أَشَانْ شِفْتِنِي. مَبْرُوكْ لِلنَّاسْ الْيِآمُنُوا بَيِّ كَنْ مَا شَافَوْنِي كُلَ.»

أمْثال 1:22

«لِمَتَى، يَا الْجُهَّالْ، تِحِبُّوا الْجَهَالَةْ؟ وَ لِمَتَى، يَا الشَّمَّاتِينْ، تِحِبُّوا الشَّمَاتَةْ؟ وَ لِمَتَى، يَا الْمَطَامِيسْ، تَكْرَهَوْا الْمَعْرَفَةْ؟

1 بُطْرُس 4:3

كَفَاكُو! أَشَانْ مِنْ زَمَانْ، إِنْتُو قَعَدْتُوا وَكِتْ طَوِيلْ فِي عَمَلْ الْقَاعِدِينْ يِسَوُّوا النَّاسْ الْمَا مُؤمِنِينْ. هُمَّنْ قَاعِدِينْ يِسَوُّوا الْفَسَادْ وَ شَهْوَاتْهُمْ الشَّيْنِينْ وَ السَّكَرْ وَ حَفْلَاتْ الزِّنَى وَ السَّفَاهَةْ. وَ يَعَبُدُوا الْأَصْنَامْ الْاللّٰهْ حَرَّمَاهُمْ.

يُوحَنَّا 13:17

وَ خَلَاصْ، تَعَرْفُوا الْكَلَامْ دَا وَ مَبْرُوكْ لَيْكُو كَنْ تِسَوُّوهْ.

زَبُور 146:9

اللّٰهْ يَحْمِي الْأَجَانِبْ وَ يِسَاعِدْ الْأَرْمَلَةْ وَ الْأَتِيمْ وَ لَاكِنْ يِبَرْجِلْ خَطْوَاتْ الْعَاصِيِينْ.

زَبُور 2:12

كَرُّمُوا إِبْنَهْ، الْمَلِكْ الْهُو عَزَلَهْ وَ بَيْدَا، اللّٰهْ مَا يَزْعَلْ فَوْقكُو. وَ زَعَلَهْ مَا يِدَمِّرْكُو أَشَانْ هُو قَرِيبْ يَزْعَلْ فَوْقكُو. مَبْرُوكْ لِلنَّاسْ الْيَلْجَأَوْا لِلّٰهْ!

زَبُور 146:5

مَبْرُوكْ لِلْيِسَاعِدَهْ إِلٰـهْ يَعْقُوبْ لِلْيُخُطّ عَشَمَهْ فِي اللّٰهْ إِلٰـهَهْ.

1 مُلوك 16:31

وَ هُو تَابَعْ الذُّنُوبْ السَّوَّاهُمْ يَرُبَعَامْ وِلَيْد نَبَاتْ. وَ دَا كُلَ، هُو شَافَهْ شِيَّةْ وَ سَوَّى زِيَادَةْ مِنَّهْ! أَخَابْ مَشَى أَخَدَاهَا لِإِزَبِيلْ بِنَيَّةْ أَتْبَعَلْ مَلِكْ بَلَدْ صَيْدَا وَ سَجَدْ لِإِلٰـهْ الْأُسْمَهْ بَعَلْ وَ عَبَدَهْ.

تَثْنِية 33:29

أَفْرَحَوْا، يَا بَنِي إِسْرَائِيلْ! يَاتُو الْمِثِلْكُو؟ إِنْتُو شَعَبْ النَّجَّاكُو اللّٰهْ. هُو الدَّرَقَةْ التَّحْمِيكُو وَ السَّيْف الْيِوَصِّفْ قُدْرِتْكُو. وَ عُدْوَانْكُو يِلْمَسْكَنَوْا وَ إِنْتُو تِفَجُّقُوا بَكَانَاتْهُمْ الْعَالِيِينْ.

حِزْقِيال 20:18

«‹وَ فِي الصَّحَرَاءْ، أَنَا قُلْت لِعِيَالْهُمْ: ”مَا تَمْشُوا حَسَبْ وَصِيَّةْ أَبَّهَاتْكُو وَ لَا تَحْفَضَوْا قَوَانِينْهُمْ وَ لَا تِنَجُّسُوا نُفُوسْكُو بِأَصْنَامْهُمْ.

أمْثال 19:29

الْعِقَابْ ثَابِتْ لِلشَّمَّاتِينْ وَ الْفَرِشْ لِضَهَرْ الْمُغَفَّلِينْ.

زَبُور 64:2

لَبِّدْنِي بَعِيدْ مِنْ مُؤآمَرَةْ الْفَسْلِينْ وَ بَعِّدْنِي مِنْ نِيَّةْ الظَّالِمِينْ.

أيُّوب 31:5

كَنْ أَنَا مَشَيْت بِكِدِبْ أَوْ جَرَيْت بِسُرْعَةْ لِلْغَشّ،

أيُّوب 10:3

هَلْ عَدِيلْ لَيْك تَظْلُمْنِي؟ مَالَا تَابَانِي أَنَا خَلِيقْتَكْ وَ تِنَوِّرْ خِطَّةْ الْعَاصِيِينْ وَلَّا؟

تكوين 5:24

وَ أَخْنُوخْ تَابَعْ دَرِبْ الرَّبّ وَ بَعَدْ دَا، بِقِي مَا فِيهْ أَشَانْ الرَّبّ رَفَعَهْ.

2 أخبار 22:3

وَ هُو كُلَ تَابَعْ دَرِبْ عَايِلَةْ أَخَابْ أَشَانْ أَمَّهْ قَاعِدَةْ تِوَصِّيهْ لِيِسَوِّي الْفَسَالَةْ.

لُوقا 23:51

هُو مَا قَصَّدْ بِقَرَارْ الْمَجْلَسْ وَ لَا بِالْفِعِلْ الْكُبَارَاتْ سَوَّوْه. وَ هُو مِنْ حِلَّةْ وَاحِدَةْ هَنَا الْيَهُودْ الْأُسُمْهَا الرَّامَةْ وَ مُؤمِنْ بِمَمْلَكَةْ اللّٰهْ الْجَايَةْ.

مَتَّى 16:17

وَ عِيسَى قَالْ لَيَّهْ: «مَبْرُوكْ لَيْك سِمْعَانْ وِلَيْد يُوحَنَّا! الْفِكِرْ دَا مَا جَايْ مِنْ إِنْسَانْ! لَاكِنْ أَبُويِ اللّٰهْ بَسْ أَنْطَاكْ.

تَثْنِية 14:6

وَ تَقْدَرَوْا تَاكُلُوا كُلَّ الْبَهَايِمْ الْعِنْدُهُمْ ضُلُفْ وَ يِقْسَعَوْا جُرَّةْ.