فِلِبِّي 4:7 - الكتاب المقدس بالعربي الدارجي هنا تشاد

⁷ وَ اللّٰهْ يَنْطِيكُو سَلَامَهْ الْفَايِتْ فِكِرْ النَّاسْ. وَ خَلِّي سَلَامْ اللّٰهْ يَحْفَضْ قُلُوبْكُو وَ أَفْكَارْكُو وَ تَقْعُدُوا ثَابْتِينْ فِي الْمَسِيحْ عِيسَى.

فِلِبِّي 4:7 Referenca të Kryqëzuara

يُوحَنَّا 14:27

«نِخَلِّيكُو بِسَلَامْ. نَنْطِيكُو سَلَامْ هَنَايِ. أَنَا نَنْطِيكُو مَا مِثِلْ نَاسْ الدُّنْيَا يَنْطُوكُو. مَا تِبَرْجُلُوا وَ مَا تَخَافَوْا.

إشَعْيا 26:3

يَا رَبّ! لِلنَّادُمْ الثَّابِتْ، إِنْتَ تِجِيبْ السَّلَامْ أَشَانْ هُو يِتْوَكَّلْ عَلَيْك.

2 تَسَلونِيكِي 3:16

وَ هَسَّعْ، خَلِّي رَبّ السَّلَامْ ذَاتَهْ يَنْطِيكُو السَّلَامْ فِي كُلِّ وَكِتْ وَ فِي كُلِّ شَيّءْ. الرَّبّ مَعَاكُو كُلُّكُو.

كُلُوسِي 3:15

خَلُّوا سَلَامْ الْمَسِيحْ يَمْلُكْ فِي قُلُوبْكُو أَشَانْ اللّٰهْ نَادَاكُو لِتِعِيشُوا فِي السَّلَامْ وَ جَعَلَاكُو جِسِمْ وَاحِدْ. وَ أَبْقَوْا شَكُورِينْ.

زَبُور 29:11

اللّٰهْ يَنْطِي قُدْرَةْ لِشَعَبَهْ وَ يِبَارِكْهُمْ وَ يَنْطِيهُمْ السَّلَامَةْ.

غَلاطِية 5:22

لَاكِنْ مِثِلْ الشَّدَرْ يَلْدَ عِيَالْ، دَاهُو عِيَالْ الرُّوحْ الْقُدُّوسْ هُمَّنْ الْمَحَبَّةْ وَ الْفَرَحْ وَ السَّلَامْ وَ الصَّبُرْ وَ الْقَلِبْ الْأَبْيَضْ وَ الْخَيْر وَ الْأَمَانْ

رَوْمَا 15:13

وَ اللّٰهْ الْأَنْطَاكُو عَشَمْ يَنْطِيكُو الْفَرْحَةْ وَ السَّلَامْ فِي الْإِيمَانْ أَشَانْ عَشَمْكُو فَوْقَهْ يِزِيدْ بِقُدْرَةْ الرُّوحْ الْقُدُّوسْ.

يُوحَنَّا 16:33

أَنَا قُلْت لَيْكُو كُلَّ الْكَلَامْ دَا، أَشَانْ تَلْقَوْا السَّلَامْ بَيِّ أَنَا. أَكِيدْ، فِي الدُّنْيَا إِنْتُو تَتْعَبَوْا. لَاكِنْ شِدُّوا حَيْلكُو أَشَانْ أَنَا أَنَّصَرْت فِي الدُّنْيَا.»

رَوْمَا 8:6

النَّادُمْ الْعَقْلَهْ ثَابِتْ فِي فِكِرْ الْإِنْسَانْ، هُو يَلْقَى الْمَوْت. وَ لَاكِنْ النَّادُمْ الْعَقْلَهْ ثَابِتْ فِي فِكِرْ الرُّوحْ الْقُدُّوسْ، هُو يَلْقَى الْحَيَاةْ وَ السَّلَامْ.

رَوْمَا 5:1

وَ خَلَاصْ، بِقِينَا صَالِحِينْ بِسَبَبْ الْإِيمَانْ وَ أَشَانْ دَا بِرَبِّنَا عِيسَى الْمَسِيحْ، أَنِحْنَ قَاعِدِينْ بِالسَّلَامْ مَعَ اللّٰهْ.

أفَسُس 3:19

وَ بِمِثِلْ دَا، تَعَرْفُوا مَحَبِّتَهْ الْفَايْتَةْ كُلَّ الْعِرْفَةْ. وَ بَرَكَةْ اللّٰهْ الْكَامِلَةْ تَمْلَا قُلُوبْكُو مَرَّةْ وَاحِدْ.

إشَعْيا 48:18

كَنْ أَوَّلْ خَطَّيْتُوا بَالْكُو لِوَصِيَّاتِي، سَلَامِتْكُو تَبْقَى مِثِلْ الْبَحَرْ وَ عَدَالِتْكُو مِثِلْ مَوْج الْبَحَرْ.

أيُّوب 22:21

سَوِّي صُلُحْ مَعَ الرَّبّ وَ تَلْقَى السَّلَامْ. وَ بَيْدَا، الْحَلُو يِقَبِّلْ لَيْك بَتَّانْ.

رَوْمَا 14:17

أَشَانْ الْمُهِمّ فِي مَمْلَكَةْ اللّٰهْ مَا الْأَكِلْ وَ الشَّرَابْ، لَاكِنْ هُو الْعَدَالَةْ وَ السَّلَامْ وَ الْفَرْحَةْ فِي الرُّوحْ الْقُدُّوسْ.

إشَعْيا 48:22

وَ اللّٰهْ قَالْ: «لِلْعَاصِيِينْ، مَا فِي سَلَامْ.»

رُؤية 1:4

وَ دَاهُو أَنَا يُوحَنَّا نَكْتِبْ وَ نِرَسِّلْ الْكَلَامْ دَا لِجَمَاعَاتْ الْمُؤمِنِينْ السَّبْعَةْ الْفِي بَلَدْ آسِيَا. عَلَيْكُمْ السَّلَامْ وَ الرَّحْمَةْ مِنْ اللّٰهْ الْقَاعِدْ فِي الْوَكِتْ الْفَاتْ وَ الْوَكِتْ الْحَاضِرْ وَ الْوَكِتْ الْجَايِ. وَ السَّلَامْ مِنْ الْأَرْوَاحْ السَّبْعَةْ الْقَاعِدِينْ قِدَّامْ عَرْشَهْ

لُوقا 1:79

وَ يِنَوِّرْ لِلنَّاسْ الْقَاعِدِينْ فِي الضَّلَامْ وَ الْخَايْفِينْ مِنْ الْمَوْت وَ خَلَاصْ يُقُودْنَا فِي دَرِبْ السَّلَامْ.»

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.

عَدد 6:26

اللّٰهْ يَرْضَى بَيْكُو وَ يَنْطِيكُو السَّلَامْ.›

لُوقا 2:14

«مَجُّدُوا اللّٰهْ فِي الْأَعَالِي! وَ السَّلَامْ فِي الْأَرْض لِكُلَّ النَّاسْ، أَشَانْ اللّٰهْ رَاضِي بَيْهُمْ!»

زَبُور 85:8

أَنَا نَسْمَعْ كَلَامْ اللّٰهْ الرَّبّ. هُو حَجَّى بِالسَّلَامْ لِشَعَبَهْ وَ مُؤمِنِينَهْ أَشَانْ مَا يِقَبُّلُوا فِي طَمَاسِتْهُمْ.

فِلِبِّي 4:9

وَ طَبُّقُوا دَايْماً كُلَّ شَيّءْ الْعَلَّمْتُوهْ مِنِّي وَ لِقِيتُوهْ مِنِّي، كَنْ مِنْ كَلَامِي السِّمِعْتُوهْ وَلَّا مِنْ حَالِي الشِّفْتُوهَا. وَ اللّٰهْ رَبّ السَّلَامْ يُكُونْ مَعَاكُو.

أمْثال 6:22

أَشَانْ وَكِتْ تَمْشِي، هُمَّنْ يُقُودُوكْ وَ وَكِتْ تُنُومْ، يَحْفَضَوْك وَ وَكِتْ تُقُمّ مِنْ نَوْمَكْ، يِوَصُّوكْ.

إشَعْيا 26:12

يَا اللّٰهْ، إِنْتَ بَسْ ثَبَّتّْ لَيْنَا السَّلَامْ أَشَانْ كُلَّ أَعْمَالْنَا، إِنْتَ بَسْ تِحَقِّقْهُمْ لَيْنَا.

أمْثال 4:6

حِبّ الْحِكْمَةْ وَ مَا تِخَلِّيهَا أَشَانْ هِي تَحْفَضَكْ وَ تَحْمِيكْ.

رَوْمَا 1:7

وَ نَكْتِبْ لَيْكُو إِنْتُو كُلُّكُو الْقَاعِدِينْ فِي مَدِينَةْ رَوْمَا، إِنْتُو الْاللّٰهْ يِحِبُّكُو وَ نَادَاكُو لِتَبْقَوْا صَالِحِينْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

أمْثال 2:11

الْفِكِرْ الْعَدِيلْ، يَحْفَضَكْ وَ الْفِهِمْ الصَّحِيحْ، يَحْمِيكْ.

نَحَمْيا 8:10

وَ بَتَّانْ قَالَوْا لَيْهُمْ: «أَمْشُوا وَ جَهُّزُوا أَكِلْ حَلُو وَ آكُلُوهْ وَ أَشَرْبَوْا شَرَابْ حَلُو وَ قَسُّمُوا مِنَّهْ لِلنَّاسْ الْمَا قِدْرَوْا جَهَّزَوْا شَيّءْ. أَشَانْ الْيَوْم دَا يَوْم خَاصّ لِرَبِّنَا. مَا تَحْزَنَوْا، أَشَّاجَعَوْا أَمْبَيْنَاتْكُو أَشَانْ الْفَرَحْ الْيَجِي مِنْ اللّٰهْ، هُو قُدْرِتْكُو!»

إرْمِيا 33:6

وَ لَاكِنْ دَاهُو أَنَا نَنْطِيهَا الشِّفَاءْ وَ الْعَافَيْ وَ لِسُكَّانْهَا نَشْفِيهُمْ وَ نِجِيبْ لَيْهُمْ السَّلَامْ وَ الْأَمَانْ بِكَتَرَةْ.

إشَعْيا 45:7

أَنَا كَوَّنْت النُّورْ وَ خَلَقْت الضَّلَامْ. وَ سَوَّيْت السَّلَامْ وَ خَلَقْت الْفَسَالَةْ وَ أَنَا اللّٰهْ نِسَوِّي كُلَّ الشَّيّءْ.

عِبْرَانِيِّين 13:20

وَ خَلَاصْ، اللّٰهْ رَبّ السَّلَامْ بَعَثْ مِنْ أُسْط الْمَيْتِينْ رَبِّنَا عِيسَى الْبِقِي رَاعِي كَبِيرْ هَنَا غَنَمْ اللّٰهْ بِسَبَبْ دَمّ الْمُعَاهَدَةْ الْأَبَدِيَّةْ.

أيُّوب 34:29

كَنْ الرَّبّ يَسْكُتْ، يَاتُو يِسَوِّيهْ غَلْطَانْ؟ وَ كَنْ أَبَى مَا يِوَجِّهْ عَلَيْهُمْ، يَاتُو يَقْدَرْ يِشِيفَهْ؟ وَ لَا الْأُمَمْ وَ لَا النَّاسْ.

رُؤية 2:17

أَيِّ نَادُمْ الْعِنْدَهْ أَدَانْ، خَلِّي يَسْمَعْ الْكَلَامْ الْيُقُولَهْ الرُّوحْ الْقُدُّوسْ لِجَمَاعَاتْ الْمُؤمِنِينْ. وَ أَيِّ نَادُمْ الْيِنَّصِرْ، أَنَا نَنْطِيهْ الْمَنَّةْ الْمُلَبَّدَةْ وَ بَتَّانْ نَنْطِيهْ حَجَرْ أَبْيَضْ الْمَكْتُوبْ فَوْقَهْ أُسُمْ جَدِيدْ وَ مَا فِي نَادُمْ يَعَرْفَهْ إِلَّا النَّادُمْ الْيَلْقَاهْ مِنِّي.

يَهُوذَا 1:1

الْجَوَابْ مِنِّي أَنَا يَهُوذَا عَبِدْ عِيسَى الْمَسِيحْ وَ أَخُو يَعْقُوبْ. وَ نَكْتِبْ لَيْكُو إِنْتُو النَّاسْ الْاللّٰهْ أَبُونَا نَادَاكُو فِي مَحَبِّتَهْ وَ قَاعِدْ يَحْفَضْكُو بِعِيسَى الْمَسِيحْ.

فِلِبِّي 1:2

عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

إرْمِيا 32:16

وَ بَعَدْ أَمَّنْت مَكَاتِيبْ الْمُبَايَعَةْ لِبَرُوكْ وِلَيْد نَرِيَّا، أَنَا إِرْمِيَا صَلَّيْت لِلّٰهْ وَ قُلْت:

2 كُرُنْتُس 10:5

وَ أَيِّ كَلَامْ هَنَا إِسْتِكْبَارْ الْيِسِدّ الدَّرِبْ الْبَيَّهْ النَّاسْ يَعَرْفُوا اللّٰهْ. وَ نَكُرْبُوا أَيِّ فِكِرْ وَ نِسَوُّوهْ يِتَابِعْ كَلَامْ الْمَسِيحْ.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

فِلِبِّي 4:19

وَ أَنَا نَعَرِفْ كَدَرْ اللّٰهْ يَنْطِيكُو بِكَتَرَةْ كُلَّ شَيّءْ التِّحْتَاجَوْا لَيَّهْ. أَيْوَى، يَنْطِيكُو مِنْ غُنَايَهْ الْمَجِيدْ بِالْمَسِيحْ عِيسَى.

فِلِبِّي 4:21

سَلُّمُوا كُلَّ النَّاسْ الْبِقَوْا صَالِحِينْ بِالْمَسِيحْ عِيسَى. وَ الْأَخْوَانْ الْقَاعِدِينْ مَعَايِ يِسَلُّمُوكُو.