فِلِبِّي 4:6 - الكتاب المقدس بالعربي الدارجي هنا تشاد

⁶ مَا تِهِمُّوا لِأَيِّ شَيّءْ لَاكِنْ فِي كُلِّ حَالْ، أَشْكُرُوا اللّٰهْ وَ قَدُّمُوا لَيَّهْ طَلَبْكُو بِصَلَاةْ وَ دُعَا.

فِلِبِّي 4:6 Referenca të Kryqëzuara

1 بُطْرُس 5:7

كُلَّ شَيّءْ التِّهِمُّوا بَيَّهْ، خَلُّوهْ لِلّٰهْ أَشَانْ هُو يِشِيلْ مَسْؤُولِيِّتْكُو.

زَبُور 55:22

خُطّ هَمَّكْ فِي اللّٰهْ وَ هُو يِسَاعِدَكْ. وَ هُو أَبَداً مَا يِخَلِّي الصَّالِحْ يِتَّرْتَعْ.

مَتَّى 6:8

مَا تَبْقَوْا مِثِلْهُمْ أَشَانْ الشَّيّءْ الْإِنْتُو تِدَوْرُوهْ، اللّٰهْ يَعَرْفَهْ قُبَّالْ مَا تَسْأَلَوْه.

إرْمِيا 33:3

«نَادِينِي وَ أَنَا نُرُدّ لَيْك وَ نِخَبِّرَكْ بِالْأَشْيَاءْ الْقَاسِيِينْ. وَ دَوْل الْأَشْيَاءْ الْمُلَبَّدِينْ الْإِنْتَ مَا تَعَرِفْهُمْ.»

أمْثال 16:3

خُطّ خِدِمْتَكْ فِي إِيدَيْن اللّٰهْ وَ كُلَّ شَيّءْ التِّتْمَنَّاهْ يِلْحَقَّقْ.

زَبُور 62:8

يَا الشَّعَبْ! أَتْوَكَّلَوْا عَلَيَّهْ فِي كُلَّ وَكِتْ وَ أَفْتَحَوْا قُلُوبْكُو لَيَّهْ. الرَّبّ هُو مَلْجَئْنَا. وَقْفَةْ.

كُلُوسِي 4:2

يَا أَخْوَانِي، أَنْكَرْبُوا فِي الصَّلَاةْ وَ أَقْعُدُوا فَوْقهَا وَاعِيِّينْ وَ أَسْأَلَوْا اللّٰهْ بِشُكُرْ.

أفَسُس 6:18

وَ خَلُّوا الرُّوحْ الْقُدُّوسْ يُقُودْكُو فِي صَلَاوَاتْكُو وَ أَسْأَلَوْا اللّٰهْ فِي كُلَّ وَكِتْ بِكُلَّ أَنْوَاعْ هَنَا دُعَا وَ طَلَبْ. وَ مِثِلْ دَا، أَقْعُدُوا وَاعِيِّينْ وَ أَنْكَرْبُوا فِي صَلَاوَاتْكُو وَ أَسْأَلَوْا اللّٰهْ لِكُلَّ الصَّالِحِينْ.

كُلُوسِي 3:17

وَ كُلَّ شَيّءْ التِّسَوُّوهْ، كَنْ بِكَلَامْ وَلَّا بِفِعِلْ، سَوُّوهْ بِأُسُمْ الرَّبّ عِيسَى وَ بِأُسْمَهْ أَشْكُرُوا اللّٰهْ أَبُوكُو.

لُوقا 18:1

وَ عِيسَى حَجَّى لَيْهُمْ بِمَثَلْ أَشَانْ يِوَصِّفْهُمْ وَاجِبْ دَايْماً يِصَلُّوا وَ مَا يَكْسَلَوْا.

لُوقا 12:22

وَ عِيسَى حَجَّى لِتَلَامِيذَهْ وَ قَالْ: «فِي شَانْ دَا، نُقُولْ لَيْكُو مَا تِهِمُّوا لِحَيَاتْكُو فِي شَانْ الْأَكِلْ وَ لَا لِجِسِمْكُو فِي شَانْ الْخُلْقَانْ.

زَبُور 51:15

يَا رَبّ، أَفْتَحْ خَشْمِي وَ لِسَانِي يَشْكُرَكْ.

كُلُوسِي 3:15

خَلُّوا سَلَامْ الْمَسِيحْ يَمْلُكْ فِي قُلُوبْكُو أَشَانْ اللّٰهْ نَادَاكُو لِتِعِيشُوا فِي السَّلَامْ وَ جَعَلَاكُو جِسِمْ وَاحِدْ. وَ أَبْقَوْا شَكُورِينْ.

1 صَمُوِيل 30:6

وَ دَاوُدْ أَضَّايَقْ مَرَّةْ وَاحِدْ أَشَانْ كُلَّ النَّاسْ الْمَعَايَهْ قَالَوْا يَرْجُمُوهْ. هُمَّنْ حِزْنَوْا كَتِيرْ لِأَوْلَادْهُمْ وَ بَنَاتْهُمْ. وَ لَاكِنْ هُو لِقِي شَجَاعَةْ بِنِعْمَةْ اللّٰهْ إِلٰـهَهْ.

أفَسُس 5:20

أَشْكُرُوا اللّٰهْ أَبُونَا فِي كُلَّ وَكِتْ وَ فِي كُلَّ شَيّءْ بِأُسُمْ رَبِّنَا عِيسَى الْمَسِيحْ.

زَبُور 55:17

وَ بِفَجُرْ وَ قَايْلَةْ وَ عَشِيَّةْ، أَنَا نَشْكِي وَ نَقْنِتْ وَ هُو سِمِعْ حِسِّي.

لُوقا 10:41

لَاكِنْ الرَّبّ عِيسَى رَدَّ لَيْهَا وَ قَالْ: «مَرْثَةْ، يَا مَرْثَةْ. إِنْتِ دِي، قَلِبْكِ مُعَلَّقْ وَ إِنْتِ تِهِمِّي لِشَغَلَةْ كَتِيرَةْ.

لُوقا 18:7

وَ فِي فِكِرْكُو، اللّٰهْ مَا يَنْصُرْهُمْ لِنَاسَهْ الْعَزَلَاهُمْ الْيَصْرَخَوْا لَيَّهْ لَيْل وَ نَهَارْ وَلَّا؟ يِأَخِّرْ لَيْهُمْ وَلَّا؟

مَتَّى 10:19

وَ وَكِتْ يَكُرْبُوكُو وَ يِوَدُّوكُو لِلشَّرِيعَةْ، مَا تِهِمُّوا لِلْكَلَامْ التُّقُولُوهْ وَلَّا كِكَّيْف تِحَجُّوا. أَشَانْ فِي الْوَكِتْ دَا، اللّٰهْ يَنْطِيكُو الْكَلَامْ التُّقُولُوهْ.

أمْثال 15:8

ضَحِيَّةْ الْعَاصِيِينْ، اللّٰهْ يِحَرِّمْهَا وَ صَلَاةْ الْعَدِيلِينْ، اللّٰهْ يَقْبَلْهَا.

لُوقا 12:29

«وَ بِمِثِلْ دَا، مَا تَسْأَلَوْا نُفُوسْكُو فِي الشَّيّءْ التَّاكُلُوهْ وَ تَشَرْبَوْه وَ مَا تِهِمُّوا لَيَّهْ.

1 صَمُوِيل 1:15

وَ حِنَّةْ رَدَّتْ لَيَّهْ وَ قَالَتْ: «لَا، يَا سَيِّدِي! أَنَا مَرَةْ حَزْنَانَةْ. وَ لَا شِرِبْت خَمَرْ وَ لَا شَيّءْ الْبِسَكِّرْ. لَاكِنْ أَنَا قُلْت كُلَّ هَمّ قَلْبِي قِدَّامْ اللّٰهْ.

2 كُرُنْتُس 1:11

وَ إِنْتُو كُلَ وَاجِبْ تِعَاوُنُونَا بِدُعَاكُو. وَ اللّٰهْ يَقْبَلْ دُعَاكُو الْكَتِيرْ وَ بِسَبَبْ دُعَاكُو دَا، هُو يِبَارِكْنَا وَ خَلَاصْ نَاسْ كَتِيرِينْ يَشْكُرُوا اللّٰهْ فِي شَانَّا.

1 كُرُنْتُس 7:32

وَ نِدَوْر الْهَمّ مَا يَكْرُبْكُو. الْمُؤمِنْ الْمَا عِنْدَهْ مَرَةْ قَاعِدْ يِنْكَرِبْ فِي خِدْمَةْ رَبِّنَا وَ فِي رِضَى رَبِّنَا.

1 بُطْرُس 4:7

كُمَالَةْ كُلَّ شَيّءْ قَرِيبْ. أَشَانْ دَا، خُطُّوا بَالْكُو وَ أَقْعُدُوا ثَابْتِينْ دَايْماً أَشَانْ تَقْدَرَوْا تِصَلُّوا فِي أَيِّ وَكِتْ.

مَتَّى 13:22

وَ التَّيْرَابْ الْوَقَعْ فِي أُسْط الشَّوْك يِمَثِّلْ النَّادُمْ الْيَسْمَعْ الْكَلَامْ لَاكِنْ مَشَاكِلْ الدُّنْيَا وَ رَيْدِتَهْ لِلْمَالْ يَكْتُلُوا الْكَلَامْ الْفِي قَلْبَهْ وَ بَيْدَا، كَلَامْ اللّٰهْ يَبْقَى لَيَّهْ مَا عِنْدَهْ فَايْدَةْ.

دَنْيال 3:16

وَ شَدْرَاكْ وَ مِشَاكْ وَ عَبْد الْنَغُو رَدَّوْا وَ قَالَوْا لِلْمَلِكْ: «أَنِحْنَ مَا نَقْدَرَوْا نِحَجُّوا لَيْك شَيّءْ فِي الْكَلَامْ دَا.

2 أخبار 32:20

وَ الْمَلِكْ حِزْقِيَّا وَ النَّبِي إِشَعْيَا وِلَيْد أَمُّوصْ قَمَّوْا شَحَدَوْا اللّٰهْ فِي شَانْ كَلَامْ الْمُرَسَّلِينْ دَوْل. وَ صَرَخَوْا لِلرَّبّ أَشَانْ يَفْزَعْهُمْ.

1 صَمُوِيل 7:12

وَ صَمُوِيلْ شَالْ حَجَرْ وَ غَزَّاهْ بَيْن مِصْفَةْ وَ الْحَجَرْ الْأُسْمَهْ سِنّ وَ سَمَّى الْحَجَرْ دَا حَجَرْ الْمُسَاعَدَةْ. وَ قَالْ: «لَحَدِّي هِنِي، اللّٰهْ سَاعَدْنَا.»

نشيد 2:14

«يَا حَمَامْتِي، الْمُلَّبِّدَةْ فِي كَرَاكِيرْ الْجِبَالْ وَ فِي جُرُوفْ الْحُجَارْ. وَصِّفِي لَيِّ وِجِهْكِ وَ خَلِّي نَسْمَعْ حِسِّكِ أَشَانْ حِسِّكِ حَلُو وَ وِجِهْكِ جَمِيلْ.

1 كُرُنْتُس 7:21

كَنْ إِنْتَ عَبِدْ قُبَّالْ اللّٰهْ مَا نَادَاكْ، مَا تِخَلِّي الْعُبُودِيَّةْ تِزَعِّلَكْ. لَاكِنْ كَنْ يَنْطُوكْ فُرْصَةْ تَبْقَى حُرّ، قَصِّدْ طَوَّالِي.

1 مُلوك 8:28

يَا اللّٰهْ إِلٰـهِي، أَقْبَلْ صَلَاتِي وَ دُعَايِ أَنَا عَبْدَكْ. أَسْمَعْ الْمُنَادَاةْ وَ الصَّلَاةْ النِّوَجِّهُّمْ لَيْك أَنَا عَبْدَكْ الْيَوْم.

إرْمِيا 32:16

وَ بَعَدْ أَمَّنْت مَكَاتِيبْ الْمُبَايَعَةْ لِبَرُوكْ وِلَيْد نَرِيَّا، أَنَا إِرْمِيَا صَلَّيْت لِلّٰهْ وَ قُلْت:

دَنْيال 6:10

وَ وَكِتْ دَنْيَالْ سِمِعْ كَدَرْ الْمَلِكْ مَضَى الْقَرَارْ دَا، هُو مَشَى بَيْتَهْ. وَ فِي الْغُرْفَةْ التَّانِيَةْ هَنَا الْقَصِرْ، فِيَّهْ شَبَابِيكْ مَفْتُوحِينْ عَلَيْ مَدِينَةْ الْقُدُسْ وَ هِنَاكْ دَنْيَالْ يَرْكَعْ تَلَاتَةْ مَرَّاتْ فِي الْيَوْم. وَ فِي الْيَوْم دَا، هُو صَلَّى لِلّٰهْ وَ حَمَدَهْ مِثِلْ هُو قَاعِدْ يِسَوِّيهْ دَايْماً.

مَتَّى 6:34

«مَا تِهِمُّوا لِكَلَامْ هَنَا أَمْبَاكِرْ. أَمْبَاكِرْ ذَاتَهْ يِهِمّ لِنَفْسَهْ. تَعَبْ هَنَا يَوْم وَاحِدْ يَكْفِي لِيَوْم وَاحِدْ.»

1 تِمُوتَاوُس 2:1

وَ أَوَّلْ شَيّءْ، نِوَصِّي الْأَخْوَانْ يَسْأَلَوْا اللّٰهْ بِشِدَّةْ بِصَلَاةْ وَ دُعَا وَ شُكُرْ فِي شَانْ كُلَّ النَّاسْ.

1 تِمُوتَاوُس 5:5

لَاكِنْ الْمَرَةْ الْأَرْمَلَةْ الْمَا عِنْدَهَا نَادُمْ يِفَكِّرْ فَوْقهَا، هِي تُخُطّ عَشَمْهَا ثَابِتْ فِي اللّٰهْ وَ تِنْكَرِبْ فِي دُعَاهَا وَ صَلَاوَاتْهَا، لَيْل وَ نَهَارْ.