فِلِبِّي 4:3 - الكتاب المقدس بالعربي الدارجي هنا تشاد

³ وَ إِنْتَ، يَا رَفِيقِي الْأَمِينْ، نَطْلُبْ مِنَّكْ إِنْتَ تِسَاعِدْ الْعَوِينْ دَيْل. سَاعِدْهِنْ بِسَبَبْ هِنَّ خَدَمَنْ مَعَايِ فِي شَانْ بِشَارَةْ الْمَسِيحْ. هِنَّ جَاهَدَنْ سَوَا مَعَ أَخُونَا كِلَيْمَانْ وَ الْآخَرِينْ الْيَخْدُمُوا مَعَايِ. النَّاسْ دَوْل، أَسَامَيْهُمْ مَكْتُوبِينْ فِي كِتَابْ الْحَيَاةْ.

فِلِبِّي 4:3 Referenca të Kryqëzuara

رُؤية 13:8

وَ كُلَّ سُكَّانْ الْأَرْض يَسْجُدُوا لَيَّهْ، يَعْنِي أَيِّ نَادُمْ الْأُسْمَهْ مَا مَكْتُوبْ فِي كِتَابْ الْحَيَاةْ. وَ الْكِتَابْ دَا هَنَا الْحَمَلْ الْمُقَدَّرْ لَيَّهْ مِنْ بِدَايَةْ الدُّنْيَا يَدْبَحَوْه وَ خَلَاصْ بِقِي ضَحِيَّةْ.

رُؤية 3:5

وَ أَيِّ نَادُمْ الْيِنَّصِرْ، أَنَا نِلَبِّسَهْ مِثِلْهُمْ خَلَقْ أَبْيَضْ وَ مَا نُقُشّ أُسْمَهْ مِنْ كِتَابْ الْحَيَاةْ. وَ أَنَا نَشْهَدْ لَيَّهْ قِدَّامْ أَبُويِ وَ قِدَّامْ مَلَائِكَتَهْ.

لُوقا 10:20

صَحِيحْ، الشَّوَاطِينْ سِمْعَوْا كَلَامْكُو لَاكِنْ مَا تَفْرَحَوْا بِالْكَلَامْ دَا. أَخَيْر تَفْرَحَوْا كَدَرْ اللّٰهْ سَجَّلْ أَسَامَيْكُو فِي كِتَابَهْ فِي السَّمَاءْ.»

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

رُؤية 21:27

وَ أَيِّ شَيّءْ الْمَا طَاهِرْ وَلَّا أَيِّ نَادُمْ الْيِسَوِّي الْمُحَرَّمَاتْ وَلَّا أَيِّ كَدَّابْ مَا يَدْخُلُوا فَوْقهَا. الْيَدْخُلُوا فِي الْمَدِينَةْ دِي، إِلَّا النَّاسْ الْأَسَامَيْهُمْ مَكْتُوبِينْ فِي كِتَابْ الْحَيَاةْ هَنَا الْحَمَلْ.

رُؤية 17:8

الْحَيْوَانْ الشِّفْتَهْ دَا، هُو أَوَّلْ قَاعِدْ وَ هَسَّعْ مَا فِيهْ وَ يَطْلَعْ مِنْ الْهَاوِيَةْ وَ لَاكِنْ بَعَدْ دَا، يَمْشِي فِي الْهَلَاكْ. وَ سُكَّانْ الْأَرْض الْأَسَامَيْهُمْ مَا مَكْتُوبِينْ مِنْ بِدَايَةْ الدُّنْيَا فِي كِتَابْ الْحَيَاةْ، هُمَّنْ يِشِيفُوا الْحَيْوَانْ الْفَسِلْ دَا وَ يِعَجُّبُوا مِنَّهْ بِلْحَيْن أَشَانْ فِي الْوَكِتْ الْفَاتْ، هُو قَاعِدْ وَ فِي الْوَكِتْ الْحَاضِرْ، هُو مَا فِيهْ وَ فِي الْوَكِتْ الْجَايِ، يِقَبِّلْ.

فِلِبِّي 4:2

يَا أَخُتْنَا أَفُودِيَّةْ، يَا أَخُتْنَا سِنْتِخَةْ، نَطْلُبْ مِنْكَنْ أَشَانْ تِسْتَفِقَنْ أَمْبَيْنَاتْكَنْ وَ تِتَابِعَنْ رَبِّنَا بِفِكِرْ وَاحِدْ.

رَوْمَا 16:12

وَ سَلُّمُوا الْأَخْوَاتْ تَرْفِينَةْ وَ تَرْفُوسَةْ الْيَخْدِمَنْ كَتِيرْ لِلرَّبّ. وَ سَلُّمُوا أَخْتِي النِّرِيدْهَا فَرْسِيَّةْ الْخَدَمَتْ كَتِيرْ بِلْحَيْن لِلرَّبّ.

رَوْمَا 16:9

وَ سَلُّمُوا أُرْبَانْ الْيَخْدِمْ مِثِلْنَا لِلْمَسِيحْ وَ حَبِيبِي إِسْتَخِي.

رَوْمَا 12:1

يَا أَخْوَانِي، نِوَصِّيكُو بِسَبَبْ رَحْمَةْ اللّٰهْ اللِّقِيتُوهَا، أَيِّ وَاحِدْ مِنْكُو يِقَدِّمْ جِسْمَهْ لِلّٰهْ ضَحِيَّةْ حَيَّةْ وَ مُقَدَّسَةْ الْاللّٰهْ يَرْضَى بَيْهَا. وَ دِي هِي عِبَادِتْكُو الْوَاجْبَةْ.

زَبُور 69:28

خَلِّي يِنْمَحُوا مِنْ كِتَابْ الْحَيَاةْ وَ مَا يِنْكَتْبُوا مَعَ الصَّالِحِينْ.

خُروج 32:32

يَا رَبّ، أَغْفِرْ لَيْهُمْ ذَنِبْهُمْ! أَوْ قُشّ أُسْمِي مِنْ كِتَابَكْ الْإِنْتَ كَتَبْتَهْ.»

رُؤية 20:12

وَ شِفْت كُلَّ الْمَيْتِينْ كُبَارْ وَ صُغَارْ وَاقْفِينْ قِدَّامْ الْعَرْش. وَ الْكُتُبْ فَتَحَوْهُمْ. وَ بَتَّانْ كِتَابْ آخَرْ فَتَحَوْه وَ هُو كِتَابْ الْحَيَاةْ. وَ كُلَّ خِدْمَةْ الْمَيْتِينْ الْأَوَّلْ سَوَّوْهَا مَكْتُوبَةْ فِي الْكُتُبْ. وَ هُمَّنْ يِحَاسُبُوهُمْ حَسَبْ الشَّيّءْ الْمَكْتُوبْ فِي الْكُتُبْ.

كُلُوسِي 1:7

وَ إِنْتُو سِمِعْتُوا بِشَارَةْ الْمَسِيحْ مِنْ خَشُمْ حَبِيبْنَا أَبْفُرَاسْ الْهُو عَبْد الْمَسِيحْ مِثِلْنَا. هُو قَاعِدْ يَخْدِمْ لِلْمَسِيحْ بِأَمَانْ وَ يِمَثِّلْنَا فِي أُسُطْكُو.

دَنْيال 12:1

وَ هُو قَالْ بَتَّانْ لِدَنْيَالْ: «فِي الْوَكِتْ دَا، يُقُمّ مِكَايِيلْ الْمُكَلَّفْ بِشَعَبَكْ. وَ دَا يَبْقَى فِي وَكِتْ هَنَا تَعَبْ الْأَبَداً مَا بِقِي مِثْلَهْ مِنْ الْأُمَّةْ دِي قَاعِدَةْ لَحَدِّي الْوَكِتْ دَا. وَ بَيْدَا كُلَ، يَنْجَى أَيِّ وَاحِدْ مِنْ شَعَبَكْ الْأُسْمَهْ مَكْتُوبْ فِي كِتَابْ الْحَيَاةْ.

رُؤية 20:15

وَ كَنْ أُسُمْ هَنَا أَيِّ نَادُمْ مَا مَكْتُوبْ فِي كِتَابْ الْحَيَاةْ، هُو رَمَوْه فِي بَحَرْ النَّارْ.

حِزْقِيال 13:9

وَ أَنَا نَرْفَعْ إِيدِي ضِدّ الْأَنْبِيَاء الْيِشِيفُوا رُؤْيَةْ سَاكِتْ وَ يِشَوُّفُوا بِكِدِبْ. هُمَّنْ دَوْل مَا يَحْضَرَوْا فِي مَلَمَّةْ شَعَبِي وَ أَسَامَيْهُمْ مَا يِسَّجَّلَوْا فِي كِتَابْ بَنِي إِسْرَائِيلْ وَ هُمَّنْ مَا يِقَبُّلُوا فِي بَلَدْ إِسْرَائِيلْ. وَ بَيْدَا، تَعَرْفُوا كَدَرْ أَنَا بَسْ اللّٰهْ الرَّبّ.

إشَعْيا 4:3

وَ خَلَاصْ، الْفَضَّلَوْا فِي صَهْيُون، الْخَلَّوْهُمْ حَيِّينْ فِي مَدِينَةْ الْقُدُسْ، يِنَادُوهُمْ مُخَصَّصِينْ. أَيْوَى، كُلُّهُمْ اللّٰهْ كَتَبَاهُمْ أَشَانْ يِعِيشُوا فِي مَدِينَةْ الْقُدُسْ.

فِلِبِّي 1:5

أَنَا فَرْحَانْ مِنْكُو أَشَانْ إِنْتُو شَارَكْتُوا مَعَايِ فِي بَلِّغِينْ بِشَارَةْ الْمَسِيحْ مِنْ أَوَّلْ وَكِتْ أَنَا جِيتْ لَيْكُو لَحَدِّي الْيَوْم.

فِلِبِّي 1:7

وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

فِلِبِّي 1:12

يَا أَخْوَانِي، نِدَوْر إِنْتُو تَعَرْفُوا كَدَرْ التَّعَبْ اللِّحِقَانِي هِنِي سَاعَدْ بِشَارَةْ الْمَسِيحْ وَ هِي أَلْوَسَّعَتْ زِيَادَةْ.

فِلِبِّي 1:16

الْأَخْوَانْ دَوْل يِبَشُّرُوا أَشَانْ يِحِبُّونِي وَ يَعَرْفُوا اللّٰهْ جَابَانِي هِنِي أَشَانْ نِدَافِعْ لِلْبِشَارَةْ.