فِلِبِّي 4:18 - الكتاب المقدس بالعربي الدارجي هنا تشاد

¹⁸ وَ كُلَّ شَيّءْ الْأَنَا نِدَوْرَهْ، لِقِيتَهْ خَلَاصْ زِيَادَةْ مِنْ النِّدَوْرَهْ. أَخُوكُو أَبْفَرِيدْ جَابْ الْمُسَاعَدَةْ الرَّسَّلْتُوهَا لَيِّ وَ خَلَاصْ، أَنَا مَبْسُوطْ. وَ الْمُسَاعَدَةْ دِي هِي مِثِلْ هَدِيَّةْ لِلّٰهْ الرِّيحِتْهَا هُو يَرْضَى بَيْهَا وَ يَقْبَلْهَا.

فِلِبِّي 4:18 Referenca të Kryqëzuara

عِبْرَانِيِّين 13:16

سَوُّوا دَايْماً الْخَيْر وَ أَسَّاعَدَوْا أَمْبَيْنَاتْكُو أَشَانْ دِي بَسْ الْعِبَادَةْ الْاللّٰهْ يَرْضَى بَيْهَا.

فِلِبِّي 4:12

نَعَرِفْ كِكَّيْف نِعِيشْ فِي الْمَسْكَنَةْ أَوْ فِي الْغُنَى. أَنَا عَلَّمْت كِكَّيْف نَبْقَى رَضْيَانْ فِي أَيِّ بَكَانْ وَ فِي كُلِّ حَالْ، كَنْ أَنَا شَبْعَانْ وَلَّا جِيعَانْ وَ كَنْ عِنْدِي كَتِيرْ وَلَّا شِيَّةْ.

2 كُرُنْتُس 9:12

أَشَانْ الْخِدْمَةْ التِّسَوُّوهَا لِلّٰهْ دِي مَا تِسَاعِدْ الصَّالِحِينْ الْحَوْجَانِينْ بَسْ. هِي تِكَتِّرْ الشُّكُرْ الْيِقَدُّمُوهْ النَّاسْ لِلّٰهْ كُلَ.

أفَسُس 5:2

عِيشُوا بِمَحَبَّةْ مِثِلْ مَحَبَّةْ الْمَسِيحْ الْيِحِبِّنَا بَيْهَا لَحَدِّي فَدَانَا بِرُوحَهْ. وَ قَدَّمْ نَفْسَهْ هَدِيَّةْ مِثِلْ ضَحِيَّةْ الْاللّٰهْ يَرْضَى بِرِيحِتْهَا.

1 بُطْرُس 2:5

وَ إِنْتُو كُلَ مِثِلْ حُجَارْ الْحَيِّينْ الْاللّٰهْ قَاعِدْ يَبْنِي بَيْكُو بَيْت هَنَا رُوحَهْ. وَ إِنْتُو رُجَالْ دِينْ خَاصِّيْن وَ قَاعِدِينْ تِقَدُّمُوا لِلّٰهْ ضَحَايَا بِإِذِنْ الرُّوحْ الْقُدُّوسْ الْاللّٰهْ يَرْضَى بَيْهُمْ بِوَاسِطَةْ عِيسَى الْمَسِيحْ.

2 تَسَلونِيكِي 1:3

يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

رَوْمَا 12:1

يَا أَخْوَانِي، نِوَصِّيكُو بِسَبَبْ رَحْمَةْ اللّٰهْ اللِّقِيتُوهَا، أَيِّ وَاحِدْ مِنْكُو يِقَدِّمْ جِسْمَهْ لِلّٰهْ ضَحِيَّةْ حَيَّةْ وَ مُقَدَّسَةْ الْاللّٰهْ يَرْضَى بَيْهَا. وَ دِي هِي عِبَادِتْكُو الْوَاجْبَةْ.

خُروج 29:18

وَ حَرِّقْ كُلَّ الْكَبِشْ دَا فِي الْمَدْبَحْ أَشَانْ دِي ضَحِيَّةْ مُحَرَّقَةْ لِلّٰهْ الْهُو يَرْضَى بِرِيحِتْهَا أَشَانْ هِي هَدِيَّةْ لِلّٰهْ.

عَدد 15:3

وَاجِبْ تِقَدُّمُوا لِلّٰهْ مِنْ بَقَرْكُو أَوْ غَنَمْكُو هَدِيَّةْ مُحَرَّقَةْ أَوْ ضَحِيَّةْ مُحَرَّقَةْ أَوْ ضَحِيَّةْ آخَرَةْ. وَ دَا أَشَانْ تِحَقُّقُوا وَعَدْكُو أَوْ تِقَدُّمُوا هَدِيَّةْ بِنِيِّتْكُو أَوْ وَكِتْ تِلِمُّوا لِلْعِيدْ وَ هُو يَرْضَى بِرِيحِتْهَا.

أعمال الرُسُل 10:4

وَ وَكِتْ شَافْ الْمَلَكْ، هُو خَافْ بِلْحَيْن وَ سَأَلَهْ وَ قَالْ: «شُنُو، يَا سَيِّدْنَا؟» وَ الْمَلَكْ رَدَّ لَيَّهْ وَ قَالْ: «اللّٰهْ قِبِلْ صَلَاوَاتَكْ وَ الصَّدَقَةْ الْأَنْطَيْتهَا. وَ هُو جَاهِزْ لِيُرُدّ لَيْك.

2 كُرُنْتُس 11:8

أَنْقَرْعُوا! أَنَا شِلْت مُسَاعَدَةْ مِنْ جَمَاعَاتْ الْمُؤمِنِينْ الْآخَرِينْ أَشَانْ نَخْدِمْ لَيْكُو. وَ دَا مِثِلْ أَنَا سِرِقْت مِنْهُمْ فِي شَانْكُو.

عَدد 7:62

وَ فِي الْهَدِيَّةْ دِي فِي بَتَّانْ طَاسَةْ صَغَيْرَةْ هَنَا دَهَبْ التَّوْزِنْ 14 جِنَيْه وَ سِيسِي مَلَانَةْ بَخُورْ.