فِلِبِّي 4:14 - الكتاب المقدس بالعربي الدارجي هنا تشاد

¹⁴ لَاكِنْ الشَّيّءْ السَّوَّيْتُوهْ لَيِّ سَمَحْ بِلْحَيْن. إِنْتُو شَارَكْتُوا مَعَايِ فِي تَعَبِي.

فِلِبِّي 4:14 Referenca të Kryqëzuara

عِبْرَانِيِّين 13:16

سَوُّوا دَايْماً الْخَيْر وَ أَسَّاعَدَوْا أَمْبَيْنَاتْكُو أَشَانْ دِي بَسْ الْعِبَادَةْ الْاللّٰهْ يَرْضَى بَيْهَا.

فِلِبِّي 1:7

وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

عِبْرَانِيِّين 10:34

وَ إِنْتُو حَنَّيْتُوا لِلْمَسَاجِينْ. وَ وَكِتْ النَّاسْ نَهَبَوْا مَالْكُو، إِنْتُو فَرْحَانِينْ أَشَانْ عِرِفْتُوا كَدَرْ عِنْدُكُو مَالْ أَخَيْر مِنَّهْ قَاعِدْ قِدَّامْكُو وَ الْمَالْ دَا يَقْعُدْ دَايْماً.

غَلاطِية 6:6

كَنْ نَادُمْ قَاعِدْ يِعَلِّمْكُو كَلَامْ اللّٰهْ، وَاجِبْ تَنْطُوهْ مِنْ الْمَالْ الْعِنْدُكُو.

1 مُلوك 8:18

وَ لَاكِنْ اللّٰهْ قَالْ لِأَبُويِ دَاوُدْ: ‹إِنْتَ شِلْت نِيَّةْ لِتَبْنِي بَيْت لِأُسْمِي وَ نِيّتَكْ دِي عَدِيلَةْ.

1 تِمُوتَاوُس 6:18

خَلِّي يِسَوُّوا الْخَيْر وَ يَبْقَوْا سِيَادْ الْحَسَنَاتْ بِالْكَرَمْ وَ الْجُودْ.

فِلِبِّي 4:18

وَ كُلَّ شَيّءْ الْأَنَا نِدَوْرَهْ، لِقِيتَهْ خَلَاصْ زِيَادَةْ مِنْ النِّدَوْرَهْ. أَخُوكُو أَبْفَرِيدْ جَابْ الْمُسَاعَدَةْ الرَّسَّلْتُوهَا لَيِّ وَ خَلَاصْ، أَنَا مَبْسُوطْ. وَ الْمُسَاعَدَةْ دِي هِي مِثِلْ هَدِيَّةْ لِلّٰهْ الرِّيحِتْهَا هُو يَرْضَى بَيْهَا وَ يَقْبَلْهَا.

مَتَّى 25:21

وَ سِيدَهْ قَالْ لَيَّهْ: ‹تَمَامْ! خِدِمْتَكْ سَمْحَةْ. إِنْتَ خَدَّامْ عَدِيلْ وَ صَادِقْ. أَوَّلْ أَنْطَيْتَكْ أَمَانَةْ شِيَّةْ وَ إِنْتَ خَدَمْت عَدِيلْ. وَ قَرِيبْ نَنْطِيكْ أَمَانَةْ كَتِيرَةْ. تَعَالْ أَنْدَسَّ وَ أَفْرَحْ مَعَ سِيدَكْ.›

رَوْمَا 15:27

وَ شَالَوْا النِّيَّةْ دِي بِفَرَحْ. وَ دَا مِثِلْ دَيْن فَوْقهُمْ أَشَانْ أَوَّلْ الْيَهُودْ قَسَّمَوْا بَرَكَاتْهُمْ اللِّقَوْهُمْ مِنْ اللّٰهْ مَعَ الْمَا يَهُودْ. وَ هَسَّعْ الْمَا يَهُودْ وَاجِبْ لَيْهُمْ يِسَاعُدُوا الْيَهُودْ بِالْبَرَكَاتْ الْأَرْضِيَّةْ اللِّقَوْهُمْ.

2 أخبار 6:8

وَ لَاكِنْ اللّٰهْ قَالْ لِأَبُويِ دَاوُدْ: ‹إِنْتَ شِلْت نِيَّةْ لِتَبْنِي بَيْت لِأُسْمِي. وَ نِيّتَكْ دِي عَدِيلَةْ.

رُؤية 1:9

وَ أَنَا يُوحَنَّا أَخُوكُو الْقَاعِدْ نِتَابِعْ عِيسَى مِثِلْكُو. أَنَا كُلَ مُشَارِكْ مَعَاكُو فِي التَّعَبْ وَ فِي مَمْلَكَةْ اللّٰهْ وَ نَحْمَلْ التَّعَبْ بِصَبُرْ مِثِلْكُو. وَ كَرَبَوْنِي أَشَانْ بَلَّغْت لِلنَّاسْ كَلَامْ اللّٰهْ وَ شَهَادَةْ عِيسَى الْمَسِيحْ. وَ هَسَّعْ أَنَا مَسْجُونْ فِي الْجَزِيرَةْ الْأُسُمْهَا بَطْمُسْ.

عِبْرَانِيِّين 10:33

وَاحِدِينْ مِنْكُو عَيَّرَوْهُمْ قِدَّامْ النَّاسْ وَ تَعَّبَوْهُمْ وَ وَاحِدِينْ مِنْكُو شَارَكَوْا مَعَ النَّاسْ فِي التَّعَبْ التِّعِبَوْه.