فِلِبِّي 4:1 - الكتاب المقدس بالعربي الدارجي هنا تشاد

¹ يَا أَخْوَانِي النِّحِبُّكُو، أَنَا مُشْتَاقْ لَيْكُو كَتِيرْ وَ نَفْرَحْ بَيْكُو وَ فِي شَانْكُو إِنْتُو، نَرْفَعْ رَاسِي فَوْق. يَا الْمَحْبُوبِينْ، أَقْعُدُوا ثَابْتِينْ فِي رَبِّنَا عِيسَى.

فِلِبِّي 4:1 Referenca të Kryqëzuara

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

1 كُرُنْتُس 16:13

أَقْعُدُوا وَاعِيِّينْ وَ ثَابْتِينْ فِي الْإِيمَانْ. أَبْقَوْا شَجِيعِينْ وَ قَوِيِّينْ.

فِلِبِّي 2:16

أَشَانْ إِنْتُو مُنْكَرِبِينْ فِي كَلَامْ الْحَيَاةْ. وَ كَنْ تَبْقَوْا مِثِلْ دَا، نَقْدَرْ نَرْفَعْ رَاسِي فَوْق فِي يَوْم جَيَّةْ الْمَسِيحْ. وَ نَعَرِفْ تَعَبِي وَ خِدِمْتِي الْخَدَمْتَهَا لَيَّهْ مَا فَشَلَتْ.

زَبُور 27:14

خُطّ عَشَمَكْ فِي اللّٰهْ وَ أَبْقَى شَدِيدْ وَ فَحَلْ. أَيْوَى، خُطّ عَشَمَكْ فِي اللّٰهْ.

1 كُرُنْتُس 15:58

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَقْعُدُوا ثَابْتِينْ وَ قَوِيِّينْ. أَنْكَرْبُوا دَايْماً فِي خِدْمَةْ رَبِّنَا أَشَانْ تَعَرْفُوا كَدَرْ الْخِدْمَةْ التَّخْدُمُوهَا لِرَبِّنَا أَبَداً مَا بَاطْلَةْ.

فِلِبِّي 1:8

وَ اللّٰهْ يَشْهَدْ لَيِّ، أَنَا قَرْمَانْ بِلْحَيْن لَيْكُو كُلُّكُو بِمَحَبَّةْ الْمَسِيحْ عِيسَى.

عِبْرَانِيِّين 10:23

خَلِّي نَشْهَدَوْا دَايْماً لِرَبِّنَا الْعَشَمْنَا قَاعِدْ فَوْقَهْ وَ مَا نِشَكُّكُوا أَشَانْ الْأَنْطَانَا الْوَعَدْ، هُو دَايْماً صَادِقْ.

رَوْمَا 2:7

هُو يَنْطِي الْحَيَاةْ الْأَبَدِيَّةْ لِلنَّاسْ الْيِسَوُّوا الْخَيْر وَ يِفَتُّشُوا دَايْماً مِنْ اللّٰهْ الْمَجْد وَ الشَّرَفْ وَ الْحَيَاةْ الْمَا عِنْدَهَا حَدّ.

يُوحَنَّا 8:31

وَ عِيسَى حَجَّى لِلْيَهُودْ الْآمَنَوْا بَيَّهْ وَ قَالْ: «كَنْ تَقْعُدُوا ثَابْتِينْ فِي كَلَامِي، إِنْتُو تَبْقَوْا تَلَامِيذِي بِالصَّحِيحْ.

2 تِمُوتَاوُس 2:1

وَ إِنْتَ، يَا وِلَيْدِي، أَبْقَى ثَابِتْ فِي النِّعْمَةْ الْعِنْدِنَا فِي الْمَسِيحْ عِيسَى.

فِلِبِّي 2:26

لَاكِنْ هُو قَاعِدْ يَقْرَمْ لَيْكُو كُلُّكُو وَ بِقِي لَيَّهْ قَاسِي أَشَانْ إِنْتُو سِمِعْتُوا خَبَرْ هَنَا مَرَضَهْ.

2 كُرُنْتُس 1:14

وَ قُلْت الْكَلَامْ دَا أَشَانْ إِنْتُو لِسَّاعْكُو مَا فِهِمْتُوا نِيِّتْنَا تَمَامْ. وَ كَنْ فِهِمْتُوا نِيِّتْنَا، خَلَاصْ فِي يَوْم جَيَّةْ رَبِّنَا عِيسَى، إِنْتُو تِفَاشُرُوا بَيْنَا مِثِلْ أَنِحْنَ نِفَاشُرُوا بَيْكُو.

أعمال الرُسُل 11:23

وَ بَرْنَابَا وِصِلْ فِي أَنْطَاكِيَةْ وَ شَافْ الْبَرَكَةْ الْاللّٰهْ أَنْطَاهُمْ. وَ هُو فَرْحَانْ مِنْهُمْ وَ شَجَّعَاهُمْ كُلُّهُمْ أَشَانْ يَقْعُدُوا ثَابْتِينْ فِي الرَّبّ بِنِيَّةْ وَاحِدَةْ.

أعمال الرُسُل 2:42

وَ بِنِيَّةْ وَاحِدَةْ كُلَّ الْمُؤمِنِينْ قَمَّوْا يِنْكَرْبُوا فِي تَعْلِيمْ الرُّسُلْ وَ الْحَيَاةْ الْأَخَوِيَّةْ وَ عَشَاءْ الْمَسِيحْ وَ الصَّلَاوَاتْ.

زَبُور 125:1

الْيِتْوَكَّلَوْا عَلَيْ اللّٰهْ، هُمَّنْ مِثِلْ جَبَلْ صَهْيُون الْمَا يِلْحَرَّكْ وَ قَاعِدْ إِلَى الْأَبَدْ.

2 بُطْرُس 3:17

وَ لَيْكُو إِنْتُو يَا أَخْوَانِي النِّحِبُّكُو، تَعَرْفُوا الْكَلَامْ دَا مِنْ أَوَّلْ. وَ أَشَانْ دَا، أَوْعُوا بَالْكُو وَ مَا تِخَلُّوا كِدِبْ الْعَاصِيِينْ يِوَدِّيكُو فِي دَرِبْهُمْ وَ يِتَلِّفْ إِيمَانْكُو الثَّابِتْ.

عِبْرَانِيِّين 4:14

تَعَرْفُوا كَدَرْ أَنِحْنَ عِنْدِنَا رَاجِلْ دِينْ كَبِيرْ وَ هُو عَظِيمْ وَ طَلَعْ فَوْق فِي السَّمَاوَاتْ وَ هُو عِيسَى إِبْن اللّٰهْ. وَ أَشَانْ دَا، خَلِّي نَكُرْبُوا قَوِي إِيمَانَّا بِعِيسَى النَّشْهَدَوْا لَيَّهْ.

عِبْرَانِيِّين 3:14

أَشَانْ كُلِّنَا بِقِينَا مُشَارِكِينْ فِي الْمَسِيحْ كَنْ صَحِيحْ نِتَابُعُوا الْإِيمَانْ الْعِنْدِنَا مِنْ الْبِدَايَةْ وَ نَقْعُدُوا ثَابْتِينْ فَوْقَهْ لَحَدِّي النِّهَايَةْ.

2 تَسَلونِيكِي 2:15

وَ بِمِثِلْ دَا، يَا أَخْوَانِي، أَقْعُدُوا ثَابْتِينْ وَ أَكُرْبُوا قَوِي التَّعْلِيمْ الْعَلَّمْنَاهْ لَيْكُو، كَنْ مِنْ الْكَلَامْ الْقُلْنَاهْ لَيْكُو بِخُشُومْنَا وَلَّا مِنْ الْكَلَامْ الْكَتَبْنَاهْ لَيْكُو فِي جَوَابَاتْنَا.

كُلُوسِي 4:12

وَ أَخُونَا أَبْفُرَاسْ الْهُو خَدَّامْ الْمَسِيحْ عِيسَى مِنْ حِلِّتْكُو، هُو كُلَ يِسَلِّمْكُو. هُو قَاعِدْ يَسْأَلْ اللّٰهْ دَايْماً لَيْكُو بِشِدَّةْ أَشَانْ تَقْعُدُوا بِثَبَاتْ كَامِلْ وَ مُؤَكِّدِينْ مِنْ نِيَّةْ اللّٰهْ.

غَلاطِية 5:1

الْمَسِيحْ سَوَّانَا نَاسْ حُرِّينْ أَشَانْ نِعِيشُوا فِي الْحُرِّيَّةْ. أَقْعُدُوا ثَابْتِينْ فِي الْحُرِّيَّةْ وَ آبَوْا مَا تَبْقَوْا بَتَّانْ عَبِيدْ.

أعمال الرُسُل 14:22

وَ فِي كُلَّ الْحِلَّالْ دَوْل، شَجَّعَوْا التَّلَامِيذ وَ وَصَّوْهُمْ أَشَانْ يَقْعُدُوا ثَابْتِينْ فِي الْإِيمَانْ. وَ قَالَوْا لَيْهُمْ: «أَكِيدْ، تَعَبْ كَتِيرْ يَجِي فَوْقنَا كُلِّنَا فِي الدَّرِبْ الْيِوَدِّينَا فِي مَمْلَكَةْ اللّٰهْ.»

1 تَسَلونِيكِي 3:13

وَ خَلِّي الرَّبّ يِثَبِّتْ قُلُوبْكُو أَشَانْ تُكُونُوا صَالِحِينْ وَ بَلَا عَيْب قِدَّامْ أَبُونَا اللّٰهْ فِي الْيَوْم الرَّبِّنَا عِيسَى يَجِي فَوْقَهْ مَعَ جَمَاعْتَهْ الصَّالِحِينْ.

مَتَّى 10:22

وَ فِي شَانْ أُسْمِي كُلَّ النَّاسْ يَكْرَهَوْكُو. وَ لَاكِنْ النَّادُمْ الْيَقْعُدْ ثَابِتْ لَحَدِّي كُمَالَةْ كُلَّ شَيّءْ، هُو يَنْجَى.

أيُّوب 31:36

خَلَاصْ أَنَا نِشِيلْهَا فِي كِتْفِي وَ نَلْبَسْهَا مِثِلْ تَاجْ فِي رَاسِي.