فِلِبِّي 3:3 - الكتاب المقدس بالعربي الدارجي هنا تشاد

³ يُقُولُوا هُمَّنْ الْمُطَهَّرِينْ. لَاكِنْ أَنِحْنَ بَسْ النَّاسْ الْمُطَهَّرِينْ بِالصَّحِيحْ، أَنِحْنَ النَّعَبُدُوا اللّٰهْ بِقُدْرَةْ الرُّوحْ الْقُدُّوسْ. وَ نِفَاشُرُوا بِالْمَسِيحْ عِيسَى وَ أَبَداً مَا نِنْتَكْلُوا عَلَيْ جِلِدْنَا.

فِلِبِّي 3:3 Referenca të Kryqëzuara

كُلُوسِي 2:11

وَ فِي الْمَسِيحْ، إِنْتُو بِقِيتُوا مُطَهَّرِينْ بِطَهُورَةْ شِقْ مِنْ الطَّهُورَةْ الْيِسَوُّوهَا النَّاسْ. فِي طَهُورَةْ النَّاسْ، يَقْطَعَوْا جِلْدَةْ صَغَيْرَةْ. وَ لَاكِنْ فِي طَهُورَةْ الْمَسِيحْ، هُو سَلَّمْ نَفْسَهْ لِلْمَوْت وَ فِي الْمَوْت دَا، خَلَّى مِنَّهْ جِسْمَهْ كُلَّ كَيْ. وَ إِنْتُو شَارَكْتُوا فِي الطَّهُورَةْ دِي.

رَوْمَا 7:6

لَاكِنْ هَسَّعْ أَنِحْنَ حُرِّينْ مِنْ شُرُوطْ التَّوْرَاةْ أَشَانْ مُتْنَا مَعَ الْمَسِيحْ وَ مُتْنَا لِلْكَرَبَانَا مَسَاجِينْ. وَ بِمِثِلْ دَا، نَعَبُدُوا اللّٰهْ مَا بِالْعِبَادَةْ الْقَدِيمَةْ حَسَبْ الْكَلَامْ الْمَكْتُوبْ، لَاكِنْ بِقُدْرَةْ الرُّوحْ الْقُدُّوسْ فِي الْحَيَاةْ الْجَدِيدَةْ.

تَثْنِية 30:6

وَ اللّٰهْ إِلٰـهْكُو يِطَهِّرْ قُلُوبْكُو وَ قُلُوبْ ذُرِّيِّتْكُو وَ دَا لِتِحِبُّوا اللّٰهْ إِلٰـهْكُو بِكُلَّ قُلُوبْكُو وَ كُلَّ فِكِرْكُو وَ دَا أَشَانْ تَحْيَوْا.

غَلاطِية 5:25

وَ كَنْ نِعِيشُوا بِقُدْرَةْ الرُّوحْ الْقُدُّوسْ، وَاجِبْ نُرُوغُوا بِقُدْرَةْ الرُّوحْ الْقُدُّوسْ.

رَوْمَا 8:15

وَ اللّٰهْ نَزَّلْ فَوْقكُو رُوحَهْ مَا أَشَانْ يِسَوِّيكُو عَبِيدْ الْعَايْشِينْ بَتَّانْ بِالْخَوْف. لَا. الرُّوحْ النَّزَّلَهْ فَوْقكُو، هُو الرُّوحْ الْيِسَوِّيكُو عِيَالْ اللّٰهْ. وَ بِسَبَبْ الرُّوحْ دَا، كُلِّنَا نِنَادُوهْ بِحِسّ عَالِي: «أَبَّ، أَبُونَا!»

إرْمِيا 4:4

طَهُّرُوا نُفُوسْكُو لَيِّ أَنَا اللّٰهْ، طَهُّرُوا قُلُوبْكُو، يَا نَاسْ بَلَدْ يَهُوذَا وَ يَا سُكَّانْ مَدِينَةْ الْقُدُسْ! وَ بِسَبَبْ عَمَلْكُو الْفَسِلْ، غَضَبِي يُقُمّ ضِدُّكُو مِثِلْ نَارْ، يَاكُلْكُو وَ مَا فِي نَادُمْ الْيَكْتُلْهَا.»

زَبُور 105:3

أَنْبَسْطُوا أَشَانْ أُسْمَهْ الْمُقَدَّسْ وَ خَلِّي قُلُوبْكُو يِنْمَلُوا بِفَرَحْ، إِنْتُو الْقَاعِدِينْ تِتَابُعُوا اللّٰهْ.

تَثْنِية 10:16

طَهُّرُوا قُلُوبْكُو وَ مَا تِقَوُّوا رُوسَيْكُو وَ تَعَصَوْا اللّٰهْ بَتَّانْ.

أفَسُس 6:18

وَ خَلُّوا الرُّوحْ الْقُدُّوسْ يُقُودْكُو فِي صَلَاوَاتْكُو وَ أَسْأَلَوْا اللّٰهْ فِي كُلَّ وَكِتْ بِكُلَّ أَنْوَاعْ هَنَا دُعَا وَ طَلَبْ. وَ مِثِلْ دَا، أَقْعُدُوا وَاعِيِّينْ وَ أَنْكَرْبُوا فِي صَلَاوَاتْكُو وَ أَسْأَلَوْا اللّٰهْ لِكُلَّ الصَّالِحِينْ.

إرْمِيا 9:26

أَنَا نُقُمّ ضِدّ مَصِرْ وَ ضِدّ يَهُوذَا وَ ضِدّ أَدَوْم وَ ضِدّ بَنِي عَمُّونْ وَ ضِدّ مُوَابْ وَ ضِدّ الْيِزَيُّنُوا شَعَرْهُمْ الْيَسْكُنُوا فِي الصَّحَرَاء. لَاكِنْ بِالصَّحِيحْ، الْأُمَمْ دَوْل مَا مُطَهَّرِينْ وَ بَنِي إِسْرَائِيلْ كُلَ قُلُوبْهُمْ مَا طَاهِرِينْ.»

رَوْمَا 1:9

وَ اللّٰهْ النَّعَبُدَهْ بِكُلَّ رُوحِي فِي بَلِّغِينْ بِشَارَةْ إِبْنَهْ، هُو شَاهِدْ لَيِّ كَدَرْ أَنَا قَاعِدْ نِفَكِّرْ فَوْقكُو دَايْماً وَ نَدْعِي لَيْكُو

مَلاخِـي 1:11

«مِنْ بَكَانْ طَلُوعْ الْحَرَّايْ لَحَدِّي بَكَانْ وَقُوعْهَا، أُسْمِي كَبِيرْ فِي أُسْط الْأُمَمْ. وَ فِي أَيِّ بَكَانْ، يِحَرُّقُوا لَيِّ بَخُورْ وَ يِجِيبُوا ضَحِيَّةْ طَاهِرَةْ أَشَانْ أُسْمِي كَبِيرْ فِي أُسْط الْأُمَمْ. وَ دَا، اللّٰهْ الْقَادِرْ بَسْ قَالَهْ.

إشَعْيا 45:25

وَ بَيِّ أَنَا اللّٰهْ، كُلَّ ذُرِّيَّةْ إِسْرَائِيلْ يَبْقَوْا صَالِحِينْ وَ يَحْمُدُونِي.»

يَهُوذَا 1:20

وَ لَاكِنْ لَيْكُو إِنْتُو، يَا أَخْوَانِي النِّحِبُّكُو، سَوُّوا نُفُوسْكُو قَوِيِّينْ فِي إِيمَانْكُو الْمُقَدَّسْ. خَلُّوا الرُّوحْ الْقُدُّوسْ دَايْماً يُقُودْ صَلَاوَاتْكُو.

رَوْمَا 15:17

وَ أَشَانْ دَا، نِلْفَشَّرْ بِكُلَّ الْخِدْمَةْ السَّوَّيْتهَا لِلّٰهْ بِالْمَسِيحْ عِيسَى.

رَوْمَا 8:39

وَ لَا الْقُوَّاتْ الْفَوْق وَ لَا الْقُوَّاتْ التِّحِتْ وَ لَا أَيِّ مَخْلُوقْ، أَبَداً مَا فِي شَيّءْ يَفْرُقْنَا مِنْ مَحَبَّةْ اللّٰهْ لَيْنَا الْقَاعِدَةْ فِي الْمَسِيحْ عِيسَى رَبِّنَا.

رَوْمَا 9:6

مَا تُخُطُّوا فِي عُقُولْكُو كَدَرْ وَعَدْ اللّٰهْ الْأَنْطَاهْ لِبَنِي إِسْرَائِيلْ فَشَلْ. أَشَانْ بَنِي إِسْرَائِيلْ مَا كُلُّهُمْ شَعَبْ اللّٰهْ.

2 كُرُنْتُس 11:18

أَكِيدْ نَاسْ كَتِيرِينْ يِلْفَشَّرَوْا بِالشَّيّءْ الْبُخُصّ الْإِنْسَانْ وَ أَنَا كُلَ نِلْفَشَّرْ مِثِلْهُمْ.

غَلاطِية 6:16

السَّلَامْ وَ الرَّحْمَةْ لِكُلَّ النَّاسْ الْيِتَابُعُوا الْوَصِيَّةْ دِي. هُمَّنْ بَسْ أُمَّةْ اللّٰهْ.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

فِلِبِّي 3:12

وَ مَا نُقُولْ تَمَّيْت مَقْصُودِي خَلَاصْ وَ بِقِيتْ نَادُمْ تَمَامْ. لَاكِنْ أَنَا نِجَاهِدْ لِنَمُلْكَهْ أَشَانْ الْمَسِيحْ عِيسَى مَلَّكَانِي لِنَمْلُكْ الْمَقْصُودْ دَا.

فِلِبِّي 3:14

وَ نِجَاهِدْ أَشَانْ نِتَمِّمْ الْمَقْصُودْ وَ نَلْقَى الْجَائِزَةْ وَ هِي الْبَرَكَةْ الْاللّٰهْ يِدَوْر يَنْطِيهَا لِلنَّاسْ النَّادَاهُمْ فِي مَجْدَهْ بِالْمَسِيحْ عِيسَى.