فِلِبِّي 3:20 - الكتاب المقدس بالعربي الدارجي هنا تشاد

²⁰ لَاكِنْ جِنْسِيِّتْنَا أَنِحْنَ، هِي الْجِنْسِيَّةْ السَّمَاوِيَّةْ. وَ أَنِحْنَ نَرْجَوْا مُنَجِّينَا الْيَجِي مِنْ السَّمَاءْ وَ خَاطِّينْ بَالْنَا فِي جَيْتَهْ وَ هُو رَبِّنَا عِيسَى الْمَسِيحْ.

فِلِبِّي 3:20 Referenca të Kryqëzuara

أفَسُس 2:19

وَ خَلَاصْ هَسَّعْ إِنْتُو الْمَا يَهُودْ، إِنْتُو مَا أَجَانِبْ بَتَّانْ وَ لَا نَاسْ مِنْ قَبِيلَةْ آخَرَةْ. بِقِيتُوا مُوَاطِنِينْ هَنَا مَمْلَكَةْ اللّٰهْ مَعَ الصَّالِحِينْ. بِقِيتُوا أَهَلْ بَيْت اللّٰهْ.

2 كُرُنْتُس 4:18

وَ مَا نُخُطُّوا بَالْنَا فِي شَيّءْ الْبِنْشَافْ. نُخُطُّوا بَالْنَا فِي شَيّءْ الْمَا بِنْشَافْ. أَشَانْ الْبِنْشَافْ يِكَمِّلْ وَ لَاكِنْ الْمَا بِنْشَافْ يَقْعُدْ إِلَى الْأَبَدْ.

عِبْرَانِيِّين 12:22

لَاكِنْ الْحَجَرْ الْإِنْتُو جِيتُوا قِدَّامَهْ، هُو جَبَلْ صَهْيُون الْقَاعِدَةْ فَوْقَهْ مَدِينَةْ اللّٰهْ الْحَيّ. وَ هِي مَدِينَةْ الْقُدُسْ السَّمَاوِيَّةْ. جِيتُوا قِدَّامْ الْمَلَائِكَةْ الْمَا يِنْحَسْبُوا مِنْ الْكَتَرَةْ اللَّامِّينْ لِلْإِحْتِفَالْ.

كُلُوسِي 1:5

وَ إِنْتُو ثَابْتِينْ فِي إِيمَانْكُو وَ مَحَبِّتْكُو أَشَانْ إِنْتُو قَاعِدِينْ تَرْجَوْا بِعَشَمْ الْبَرَكَةْ الْاللّٰهْ حَفَضَاهَا لَيْكُو فِي السَّمَاءْ. وَ سِمِعْتُوا بَيْهَا فِي كَلَامْ الْحَقّ وَ هُو بِشَارَةْ الْمَسِيحْ الْبَلَّغَوْهَا لَيْكُو مِنْ أَوَّلْ.

أفَسُس 2:6

وَ اللّٰهْ بَعَثَانَا مَعَايَهْ وَ قَعَّدَانَا مَعَايَهْ فِي السَّمَاوَاتْ وَ دَا بِقِي لَيْنَا بِالْمَسِيحْ عِيسَى.

2 كُرُنْتُس 5:8

أَيْوَى، عَشَمْنَا قَوِي وَ أَخَيْر لَيْنَا نِخَلُّوا الْجِسِمْ الْأَرْضِي دَا أَشَانْ نَسْكُنُوا مَعَ رَبِّنَا.

2 تِمُوتَاوُس 4:8

وَ هَسَّعْ الْجَائِزَةْ الْيَنْطُوهَا لِلْغَالِبْ تَرْجَانِي. وَ هِي التَّاجْ الرَّبِّنَا يُخُطَّهْ فِي رَاسْ النَّادُمْ الصَّالِحْ. وَ رَبِّنَا الْحَاكِمْ الْعَادِلْ يَنْطِينِي الطَّاقِيَّةْ دِي فِي الْيَوْم الْأَخِيرْ. وَ مَا يَنْطِيهَا لَيِّ أَنَا وِحَيْدِي لَاكِنْ يَنْطِيهَا لِكُلَّ النَّاسْ الْقَرْمَانِينْ لِيَوْم جَيْتَهْ.

1 تَسَلونِيكِي 1:10

وَ تَرْجَوْا إِبْنَهْ الْيِقَبِّلْ مِنْ السَّمَاوَاتْ وَ هُو عِيسَى الْاللّٰهْ بَعَثَهْ مِنْ أُسْط الْمَيْتِينْ وَ يَفْزَعْنَا مِنْ الْغَضَبْ الْجَايِ.

عِبْرَانِيِّين 9:28

وَ الْمَسِيحْ كُلَ قَدَّمْ نَفْسَهْ مَرَّةْ وَاحِدَةْ أَشَانْ يَمْحَا ذُنُوبْ هَنَا نَاسْ كَتِيرِينْ. وَ هُو يَجِي بَتَّانْ مَرَّةْ تَانِيَةْ مَا أَشَانْ يَمْحَا الذُّنُوبْ وَ لَاكِنْ أَشَانْ يِنَجِّي النَّاسْ الْقَاعِدِينْ يَرْجَوْه.

غَلاطِية 4:26

لَاكِنْ مَدِينَةْ الْقُدُسْ الْقَاعِدَةْ فَوْق مَعَ اللّٰهْ، هِي حُرَّةْ وَ هِي بَسْ أَمِّنَا.

تِيطُس 2:13

وَ نَرْجَوْا بِعَشَمْ الْيَوْم الْمُبَارَكْ الْيِبِينْ فَوْقَهْ مَجْد إِلٰـهْنَا وَ مُنَجِّينَا الْعَظِيمْ، عِيسَى الْمَسِيحْ.

1 كُرُنْتُس 1:7

وَ فِي شَانْ دَا بَسْ، مَا فِي أَيِّ بَرَكَةْ مِنْ بَرَكَاتْ الرُّوحْ الْقُدُّوسْ الْقَصَّرَتْ لَيْكُو، إِنْتُو الْقَاعِدِينْ تَرْجَوْا الْيَوْم الْاللّٰهْ يِبَيِّنْ فَوْقَهْ رَبِّنَا عِيسَى الْمَسِيحْ.

أعمال الرُسُل 1:11

وَ قَالَوْا: «يَا رُجَالْ دَارْ الْجَلِيلْ، مَالْكُو إِنْتُو وَاقْفِينْ تِصَنْقُعُوا فَوْق فِي السَّمَاءْ؟ شِفْتُوا عِيسَى طَالِعْ مِنْكُو وَ فَاتْ فِي السَّمَاءْ. وَ بِنَفْس الطَّرِيقَةْ دِي، هُو يِقَبِّلْ مِنْ السَّمَاءْ فِي الْأَرْض!»

مَتَّى 19:21

وَ عِيسَى رَدَّ لَيَّهْ وَ قَالْ: «كَنْ تِدَوْر تَبْقَى نَادُمْ بَلَا عَيْب، أَمْشِي بِيعْ كُلَّ شَيّءْ الْعِنْدَكْ وَ أَنْطِي تَمَنَهْ لِلْمَسَاكِينْ وَ مِثِلْ دَا، تَلْقَاهْ قِدَّامَكْ. وَ خَلَاصْ تَعَالْ تَابِعْنِي.»

1 تَسَلونِيكِي 4:16

أَشَانْ الرَّبّ عِيسَى ذَاتَهْ يَنْزِلْ مِنْ السَّمَاءْ وَ يَامُرْ بِحِسّ عَالِي. وَ حِسّ هَنَا كَبِيرْ الْمَلَائِكَةْ يِنْسَمِعْ وَ مَعَايَهْ حِسّ هَنَا بُرُنْجِي اللّٰهْ. وَ أَوَّلْ شَيّءْ، الْمُؤمِنِينْ بِالْمَسِيحْ الْمَيْتِينْ يَبْعَثَوْا.

لُوقا 14:14

وَ اللّٰهْ يِبَارِكَكْ أَشَانْ هُمَّنْ مَا يَقْدَرَوْا يِقَبُّلُوا لَيْك شَيّءْ. وَ اللّٰهْ يِآجِرَكْ وَكِتْ بُعَاثْ الصَّالِحِينْ.»

رُؤية 1:7

وَ شِيفُوا، هُو جَايِ رَاكِبْ فِي السَّحَابْ وَ أَيِّ نَادُمْ يِشِيفَهْ. أَيْوَى، كُلَّ النَّاسْ الطَّعَنَوْه يِشِيفُوهْ وَ كُلَّ قَبَايِلْ الْأَرْض يَبْكُوا بِسَبَبَهْ. أَيْوَى، مِثِلْ دَا بَسْ يَبْقَى. آمِينْ.

أمْثال 15:24

طَرِيقْ الْحَيَاةْ لِلْعَاقِلْ يِوَدِّيهْ فَوْق وَ بِمِثِلْ دَا، يَنْجَى مَا يَنْزِلْ فِي الْهَاوِيَةْ.

فِلِبِّي 1:10

أَشَانْ تَعَرْفُوا كِكَّيْف تِمَيُّزُوا دَايْماً الشَّيّءْ الْأَفْضَلْ. وَ خَلَاصْ تِعِيشُوا بِنِيَّةْ مُخْلِصَةْ وَ بَلَا عَيْب وَ تَبْقَوْا جَاهِزِينْ لِلْيَوْم الْيَجِي فَوْقَهْ الْمَسِيحْ.

زَبُور 17:15

كَنْ لَيِّ أَنَا، بِعَدَالْتِي نِشِيفْ وِجْهَكْ وَ وَكِتْ نُقُمّ، نَشْبَعْ مِنْ حَضَرَتَكْ.

زَبُور 16:11

إِنْتَ عَرَّفْتِنِي دَرِبْ الْحَيَاةْ وَ قِدَّامَكْ، الْفَرَحْ قَاعِدْ بِكَتَرَةْ وَ النِّعْمَةْ قَاعِدَةْ دَايْمَةْ فِي زَيْنَايْتَكْ.

لُوقا 12:21

وَ عِيسَى قَالْ بَتَّانْ: «وَ يَبْقَى مِثِلْ دَا لِأَيِّ إِنْسَانْ الْيُضُمّ مَالْ لِنَفْسَهْ وَ لَاكِنْ مَا عِنْدَهْ كَنْز قِدَّامْ اللّٰهْ.»

1 كُرُنْتُس 15:48

وَ آدَمْ هُو إِنْسَانْ هَنَا التُّرَابْ وَ بَنِي آدَم هُمَّنْ كُلَ نَاسْ هَنَا التُّرَابْ مِثْلَهْ هُو. وَ الْمَسِيحْ هُو إِنْسَانْ هَنَا السَّمَاءْ وَ نَاسْ هَنَا الْمَسِيحْ كُلَ نَاسْ هَنَا السَّمَاءْ مِثْلَهْ هُو.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.