فِلِبِّي 2:8 - الكتاب المقدس بالعربي الدارجي هنا تشاد

⁸ وَ وَكِتْ بِقِي نَادُمْ، هُو مَسْكَنْ نَفْسَهْ وَ بِقِي طَايِعْ لَحَدِّي الْمَوْت وَ قَصَّدْ يُمُوتْ مَوْت شَيْن فِي الصَّلِيبْ.

فِلِبِّي 2:8 Referenca të Kryqëzuara

يُوحَنَّا 10:18

مَا فِي نَادُمْ يَقْدَرْ يِشِيلْ رُوحِي لَاكِنْ أَنَا نَنْطِيهَا بِنِيّتِي. عِنْدِي قُدْرَةْ أَشَانْ نَنْطِي رُوحِي وَ عِنْدِي قُدْرَةْ نِشِيلْهَا بَتَّانْ. دَا بَسْ الشَّيّءْ الْأَبُويِ أَمَرَانِي بَيَّهْ.»

عِبْرَانِيِّين 12:2

خَلِّي نُخُطُّوا عُيُونَّا فِي عِيسَى الْفَتَحْ لَيْنَا دَرِبْ الْإِيمَانْ وَ كَمَّلَهْ. مِنْ بَعِيدْ، هُو شَافْ الْفَرَحْ الْقَاعِدْ قِدَّامَهْ وَ حِمِلْ تَعَبْ الصَّلِيبْ وَ مَا فَكَّرْ فِي الْعَيْب الْخَطَّوْه فَوْقَهْ. وَ هَسَّعْ، هُو قَاعِدْ جَنْب عَرْش اللّٰهْ فِي نُصَّهْ الزَّيْنَايْ.

رَوْمَا 5:19

وَ نَادُمْ وَاحِدْ عِصِي اللّٰهْ وَ سَوَّى نَاسْ كَتِيرِينْ مُذْنِبِينْ. وَ مِثِلْ دَا بَتَّانْ، نَادُمْ وَاحِدْ طَاعْ اللّٰهْ وَ سَوَّى نَاسْ كَتِيرِينْ صَالِحِينْ.

1 بُطْرُس 2:24

وَ فِي الصَّلِيبْ، هُو بِنَفْسَهْ حَمَلْ ذُنُوبْنَا فِي جِسْمَهْ أَشَانْ نِخَلُّوا الذُّنُوبْ مَرَّةْ وَاحِدْ وَ نِعِيشُوا بِحَالْ صَالْحَةْ. وَ بِوَاسِطَةْ جِرَاحَهْ، إِنْتُو لِقِيتُوا الشِّفَاءْ.

1 بُطْرُس 3:18

وَ الْمَسِيحْ كُلَ تِعِبْ تَعَبْ وَاحِدْ وَ نِهَائِي فِي شَانْ ذُنُوبْ النَّاسْ. الصَّالِحْ مَاتْ فِي شَانْ الْمُذْنِبِينْ وَ بَيْدَا، يِوَدِّيكُو كُلُّكُو فِي حَضَرَةْ اللّٰهْ. هُو كَتَلَوْه وَ مَاتْ مِثِلْ مَوْت النَّاسْ وَ اللّٰهْ حَيَّاهْ بِالرُّوحْ الْقُدُّوسْ.

2 كُرُنْتُس 8:9

أَشَانْ رَحْمَةْ رَبِّنَا عِيسَى الْمَسِيحْ تَعَرْفُوهَا. هُو غَنِيْ وَ لَاكِنْ فِي شَانْكُو إِنْتُو، هُو بِقِي فَقْرِي أَشَانْ بِفَقْرَهْ دَا، إِنْتُو تَبْقَوْا غَنِيِّينْ.

مَتَّى 26:39

وَ مَشَى قِدَّامْ مِنْهُمْ شِيَّةْ وَ سَجَدْ فِي الْأَرْض وَ سَأَلْ اللّٰهْ وَ قَالْ: «يَا أَبُويِ، كَنْ دَا مُمْكِنْ، خَلِّي كَاسْ التَّعَبْ دَا يِبَعِّدْ مِنِّي. لَاكِنْ خَلِّي يَبْقَى مِثِلْ إِنْتَ تِدَوْرَهْ وَ مَا مِثِلْ أَنَا نِدَوْرَهْ.»

أعمال الرُسُل 8:33

نَاسْ عَيَّبَوْه وَ مَا أَنْطَوْه الْحَقّ فِي الشَّرِيعَةْ. وَ يَاتُو يِحَجِّي بِذُرِّيّتَهْ؟ أَشَانْ فَصَلَوْه مِنْ الْحَيِّينْ فِي الْأَرْض.>

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

غَلاطِية 3:13

لَاكِنْ الْمَسِيحْ فَدَانَا مِنْ اللَّعَنَةْ الْجَايَةْ مِنْ التَّوْرَاةْ. هُو ذَاتَهْ بِقِي مَلْعُونْ فِي شَانَّا. أَشَانْ الْكِتَابْ بُقُولْ: <أَيِّ نَادُمْ الْمُعَلَّقْ فَوْق فِي الْحَطَبْ، هُو مَلْعُونْ.>

يُوحَنَّا 14:31

لَاكِنْ أَنَا نِسَوِّي كُلَّ شَيّءْ الْأَبُويِ أَمَرَانِي بَيَّهْ. أَشَانْ كُلَّ نَاسْ الدُّنْيَا يَعَرْفُوا أَنَا نِحِبّ أَبُويِ. يَلَّا! قُمُّوا وَ نَمْشُوا.»

أمْثال 15:33

الْخَوْف مِنْ اللّٰهْ يِزِيدْ حِكْمَتَكْ. كَنْ تِدَوْر الشَّرَفْ، مَسْكِنْ نَفْسَكْ.

يُوحَنَّا 15:10

كَنْ إِنْتُو تِتَابُعُوا الْوَصَايَا الْأَنْطَيْتهُمْ لَيْكُو، إِنْتُو تَبْقَوْا ثَابْتِينْ فِي مَحَبِّتِي مِثِلْ أَنَا ثَابِتْ فِي مَحَبَّةْ أَبُويِ أَشَانْ أَنَا تَابَعْت وَصِيَّاتَهْ.

مَتَّى 26:42

وَ مَرَّةْ تَانِيَةْ طَرَّفْ مِنْهُمْ وَ سَأَلْ اللّٰهْ وَ قَالْ: «يَا أَبُويِ، كَنْ مَا مُمْكِنْ كَاسْ التَّعَبْ يِبَعِّدْ مِنِّي إِلَّا نَشَرْبَهْ، خَلَاصْ خَلِّي يَبْقَى مِثِلْ إِنْتَ تِدَوْرَهْ.»

زَبُور 22:16

مَجْمُوعَةْ النَّاسْ الْهَوَانِينْ حَوَّقَوْنِي مِثِلْ كُلابْ قَعَدَوْا جَايْ وَ جَايْ لَيِّ وَ قَدَّوْا إِيدَيْنِي وَ رِجِلَيْنِي.

تَثْنِية 21:23

خَلَاصْ مَا تِخَلُّوا جَنَازْتَهْ مُعَلَّقَةْ فِي الشَّدَرَةْ طُولْ اللَّيْل. وَ لَاكِنْ أَدْفُنُوهَا فِي نَفْس الْيَوْم أَشَانْ الْجَنَازَةْ الْمُعَلَّقَةْ فِي الشَّدَرَةْ تِجِيبْ لَعَنَةْ اللّٰهْ فِي الْبَلَدْ. وَ مَا وَاجِبْ تِنَجُّسُوا بَلَدْكُو الْاللّٰهْ إِلٰـهْكُو يَنْطِيهَا لَيْكُو وَرَثَةْ.

مَتَّى 17:2

وَ عِيسَى أَلْغَيَّرْ قِدَّامْهُمْ. وِجْهَهْ نَوَّرْ مِثِلْ نُورْ الْحَرَّايْ وَ خَلَقَهْ بِقِي أَبْيَضْ كَرّ مِثِلْ النُّورْ.

يُوحَنَّا 4:34

وَ عِيسَى قَالْ: «الرَّسَّلَانِي كَلَّفَانِي بِخِدْمَةْ وَ وَاجِبْ نِكَمِّلْهَا. وَ دَا يَبْقَى لَيِّ مِثِلْ أَكْلِي.

لُوقا 9:29

وَ وَكِتْ هُو قَاعِدْ يِصَلِّي، وِجْهَهْ أَلْغَيَّرْ قِدَّامْهُمْ وَ خَلَقَهْ بِقِي أَبْيَضْ كَرّ مِثِلْ نُورْ شَدِيدْ.

عِبْرَانِيِّين 12:4

إِنْتُو قَمَّيْتُوا ضِدّ الذَّنِبْ لَاكِنْ مَا صَبَرْتُوا لَحَدِّي الْمَوْت.