فِلِبِّي 2:5 - الكتاب المقدس بالعربي الدارجي هنا تشاد

⁵ الْفِكِرْ الْإِنْتُو وَاجِبْ تِتَابُعُوهْ، هُو نَفْس الْفِكِرْ الْعِيسَى الْمَسِيحْ تَابَعَهْ.

فِلِبِّي 2:5 Referenca të Kryqëzuara

1 يُوحَنَّا 2:6

النَّادُمْ الْيُقُولْ هُو ثَابِتْ فَوْقَهْ وَاجِبْ يَمْشِي فِي الدُّنْيَا مِثِلْ عِيسَى الْمَسِيحْ مَشَى فِي الدُّنْيَا.

مَتَّى 11:29

شِيلُوا التَّقَلَةْ النَّنْطِيهَا لَيْكُو وَ أَبْقَوْا تَلَامِيذِي أَشَانْ أَنَا ضَلُولْ وَ حَنُونْ وَ تَلْقَوْا جُمَّةْ لِنُفُوسْكُو.

1 بُطْرُس 2:21

دَا بَسْ الدَّرِبْ وَ اللّٰهْ نَادَاكُو لِتِشِيلُوهْ. أَشَانْ الْمَسِيحْ كُلَ تِعِبْ فِي شَانْكُو وَ بِقِي لَيْكُو مَثَلْ أَشَانْ تِتَابُعُوهْ.

1 بُطْرُس 4:1

وَ بِمِثِلْ دَا، تَعَرْفُوا كَدَرْ الْمَسِيحْ لِقِي تَعَبْ فِي جِسْمَهْ. وَ قَوُّوا نُفُوسْكُو بِفِكِرْ مِثِلْ فِكْرَهْ أَشَانْ النَّادُمْ الْقِبِلْ تَعَبْ الْجِسِمْ خَلَّى مِنَّهْ الذُّنُوبْ.

1 كُرُنْتُس 10:33

سَوُّوا مِثْلِي أَنَا. أَنَا نِدَوْر دَايْماً نِسَوِّي الشَّيّءْ الْكُلَّ النَّاسْ يَرْضَوْا بَيَّهْ. وَ مَا نِفَتِّشْ الشَّيّءْ الْيِجِيبْ لَيِّ أَنَا بَسْ فَايْدَةْ لَاكِنْ نِفَتِّشْ الشَّيّءْ الْيِجِيبْ فَايْدَةْ لِكُلَّ النَّاسْ أَشَانْ نِدَوْر هُمَّنْ يَنْجَوْا.

أفَسُس 5:2

عِيشُوا بِمَحَبَّةْ مِثِلْ مَحَبَّةْ الْمَسِيحْ الْيِحِبِّنَا بَيْهَا لَحَدِّي فَدَانَا بِرُوحَهْ. وَ قَدَّمْ نَفْسَهْ هَدِيَّةْ مِثِلْ ضَحِيَّةْ الْاللّٰهْ يَرْضَى بِرِيحِتْهَا.

رَوْمَا 15:5

اللّٰهْ يَنْطِي الصَّبُرْ وَ الشَّجَاعَةْ وَ خَلِّي يَنْطِيكُو كُلُّكُو فِكِرْ وَاحِدْ لِتِتَابُعُوا دَرِبْ الْمَسِيحْ عِيسَى

أعمال الرُسُل 20:35

وَ أَنَا دَايْماً وَصَّفْتُكُو بِالشَّيّءْ السَّوَّيْتَهْ فِي أُسُطْكُو كَدَرْ وَاجِبْ نَخْدُمُوا أَشَانْ نِعَاوُنُوا التَّعْبَانِينْ. وَ مَا وَاجِبْ نَنْسَوْا كَلَامْ رَبِّنَا عِيسَى وَكِتْ قَالْ: ‹فَرْحَةْ هَنَا الْبَنْطِي أَكْبَرْ مِنْ فَرْحَةْ هَنَا الْبِشِيلْ.›»

رَوْمَا 15:3

أَشَانْ الْمَسِيحْ ذَاتَهْ مَا شَالْ الدَّرِبْ الْيَعَجِبْ نَفْسَهْ، لَاكِنْ مَكْتُوبْ فِي الْكِتَابْ: <الْيِعَيُّرُوكْ، مُعْيَارْهُمْ وَقَعْ فَوْقِي أَنَا كُلَ.>

لُوقا 22:27

مَثَلاً، كَنْ نَادُمْ وَاحِدْ قَاعِدْ يَاكُلْ وَ نَادُمْ آخَرْ يِجِيبْ لَيَّهْ الْأَكِلْ، يَاتُو مِنْهُمْ الْكَبِيرْ؟ أَكِيدْ، يُقُولُوا الْقَاعِدْ يَاكُلْ هُو الْكَبِيرْ. وَ لَاكِنْ أَنَا ذَاتِي قَاعِدْ فِي أُسُطْكُو مِثِلْ الْخَدَّامْ الْيَخْدِمْ.

رَوْمَا 14:15

كَنْ الْأَكِلْ التَّاكُلَهْ يِسَبِّبْ لِأَخُوكْ مُشْكِلَةْ، إِنْتَ مَا مَاشِي فِي دَرِبْ الْمَحَبَّةْ. مَا تِخَلِّي أَكْلَكْ يِسَبِّبْ هَلَاكْ لِأَخُوكْ الْعِيسَى الْمَسِيحْ مَاتْ فِي شَانَهْ.

أعمال الرُسُل 10:38

وَ تَعَرْفُوا كَدَرْ اللّٰهْ نَزَّلْ الرُّوحْ الْقُدُّوسْ فِي عِيسَى الْمِنْ النَّاصِرَةْ وَ دَرَّجَهْ مَسِيحْ وَ أَنْطَاهْ قُدْرَةْ. وَ عِيسَى سَوَّى الْخَيْر فِي أَيِّ بَكَانْ وَ شَفَى كُلَّ النَّاسْ الْإِبْلِيسْ عَذَّبَاهُمْ أَشَانْ اللّٰهْ كَانْ مَعَايَهْ.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.