فِلِبِّي 2:27 - الكتاب المقدس بالعربي الدارجي هنا تشاد

²⁷ وَ بِالصَّحِيحْ، أَوَّلْ هُو مَرْضَانْ بِلْحَيْن وَ قَرِيبْ يُمُوتْ. لَاكِنْ اللّٰهْ حَنَّ فَوْقَهْ وَ مَا فَوْقَهْ هُو وِحَيْدَهْ بَسْ، لَاكِنْ فَوْقِي أَنَا كُلَ أَشَانْ مَا يِزِيدْ لِحِزْنِي حِزِنْ آخَرْ بَتَّانْ.

فِلِبِّي 2:27 Referenca të Kryqëzuara

زَبُور 34:19

الصَّالِحْ يَوَاجِهْ بَلَاءْ كَتِيرْ وَ مِنْ كُلِّ وَاحِدْ، اللّٰهْ يِنَجِّيهْ.

فِلِبِّي 2:30

أَوَّلْ هُو قَرِيبْ يُمُوتْ فِي شَانْ خِدِمْتَهْ لِلْمَسِيحْ وَ دَسَّ نَفْسَهْ فِي خُطُورَةْ شَدِيدَةْ أَشَانْ يِجِيبْ لَيِّ مُسَاعَدَةْ الْإِنْتُو مَا تَقْدَرَوْا تِجِيبُوهَا لَيِّ.

2 كُرُنْتُس 2:7

وَ هَسَّعْ دَا، وَاجِبْ تِسَامُحُوهْ وَ تِشَجُّعُوهْ أَشَانْ الْحِزِنْ مَا يِفَشِّلَهْ مَرَّةْ وَاحِدْ.

1 كُرُنْتُس 10:13

مَا فِي تَجْرِبَةْ جَاتْ فَوْقكُو الْمَا جَاتْ فِي كُلَّ النَّاسْ. وَ اللّٰهْ هُو صَادِقْ وَ بِالتَّجْرِبَةْ دِي، هُو يَفْتَحْ لَيْكُو دَرِبْ أَشَانْ تَمُرْقُوا بَيَّهْ وَ يَنْطِيكُو الْقُدْرَةْ أَشَانْ تَصْبُرُوا فِي التَّجْرِبَةْ دِي.

أعمال الرُسُل 9:37

وَ فِي الْوَكِتْ دَا، هِي بِقَتْ مَرْضَانَةْ وَ مَاتَتْ. وَ بَرَّدَوْهَا وَ خَطَّوْا جَنَازِتْهَا فِي الْقَصِرْ التَّانِي.

أيُّوب 5:19

وَ سِتَّةْ مَرَّاتْ، هُو يِنَجِّيكْ مِنْ التَّعَبْ وَ فِي الْمَرَّةْ السَّابْعَةْ كُلَ، الْفَسَالَةْ مَا تَلْحَقَكْ.

إشَعْيا 43:2

وَكِتْ تَقْطَعْ الْأَلْمِي، أَنَا نُكُونْ مَعَاكْ وَ وَكِتْ تُشُقّ الْبُحُورْ، مَا تَغْرَقْ. وَكِتْ تُرُوغْ فِي أُسْط النَّارْ، مَا تَاكُلَكْ وَ أَمْ بَلْبَالَةْ مَا تَحْرِقَكْ.

حَبَقُوق 3:2

يَا اللّٰهْ، أَنَا سِمِعْت بَيْك وَ خُفْت. يَا اللّٰهْ، سَوِّي فِعِلَكْ فِي طُولْ السِّنِينْ وَ عَرِّفْنَا بَيَّهْ فِي طُولْ الْأَيَّامْ. وَ فِي وَكِتْ غَضَبَكْ كُلَ، أَرْحَمْنَا.

إرْمِيا 10:24

يَا اللّٰهْ! أَدِّبْنَا بِرَحْمَةْ مَا بِغَضَبْ وَ دَا أَشَانْ مَا تِصَغِّرْنَا مَرَّةْ وَاحِدْ.

إرْمِيا 8:18

قَلْبِي فِي دَاخِلِي حَزْنَانْ وَ لَاكِنْ حِزْنِي مَا عِنْدَهْ عِلَاجْ.

إشَعْيا 38:17

مُرِّي أَلْبَدَّلْ بِالسَّلَامْ! إِنْتَ نَجَّيْت حَيَاتِي وَ سَلَّمْتِنِي مِنْ الْمَوْت. أَيْوَى، إِنْتَ زَقَلْت كُلَّ ذُنُوبِي وَرَاكْ.

إشَعْيا 27:8

وَ لَاكِنْ وَكِتْ اللّٰهْ عَاقَبَاهُمْ، هُو طَرَدَاهُمْ وَ مَرَقَاهُمْ وَ قَشَّاهُمْ بِنَفْخَةْ شَدِيدَةْ فِي يَوْم هَنَا رِيحْ الْجَايَةْ مِنْ صَبَاحْ.

2 مُلوك 20:1

وَ فِي الْوَكِتْ دَا، حِزْقِيَّا مِرِضْ مَرَضْ شَدِيدْ لَحَدِّي قَرِيبْ يُمُوتْ. وَ النَّبِي إِشَعْيَا وِلَيْد أَمُّوصْ جَاءْ لَيَّهْ وَ قَالْ: «دَاهُو اللّٰهْ قَالْ: ‹وَصِّي عَايِلْتَكْ أَشَانْ إِنْتَ تُمُوتْ. مَا تَلْقَى الْعَافَيْ.›»

إرْمِيا 45:3

‹إِنْتَ قُلْت: ”يَا خَسَارْتِي! اللّٰهْ زَادْ لَيِّ حِزِنْ فِي تَعَبِي. عِيِيتْ مِنْ الْقَنِتِينْ وَ مَا لِقِيتْ رَاحَةْ.“›

فِلِبِّي 2:26

لَاكِنْ هُو قَاعِدْ يَقْرَمْ لَيْكُو كُلُّكُو وَ بِقِي لَيَّهْ قَاسِي أَشَانْ إِنْتُو سِمِعْتُوا خَبَرْ هَنَا مَرَضَهْ.

فِلِبِّي 2:28

وَ شِلْت نِيَّةْ نِرَسِّلَهْ لَيْكُو عَجَلَةْ أَشَانْ بِجَيْتَهْ، إِنْتُو تَفْرَحَوْا بَتَّانْ وَ أَنَا كَمَانْ قَلْبِي يَرْقُدْ.