فِلِبِّي 2:25 - الكتاب المقدس بالعربي الدارجي هنا تشاد

²⁵ وَ فِي فِكْرِي أَنَا، وَاجِبْ لَيِّ نِرَسِّلْ لَيْكُو أَخُويِ أَبْفَرِيدْ الْقَاعِدْ يَخْدِمْ مَعَايِ وَ نِجَاهُدُوا سَوَا. صَحِيحْ، إِنْتُو بَسْ رَسَّلْتُوهْ لَيِّ أَشَانْ فِي تَعَبِي هُو يِسَاعِدْنِي.

فِلِبِّي 2:25 Referenca të Kryqëzuara

فِلِبِّي 4:18

وَ كُلَّ شَيّءْ الْأَنَا نِدَوْرَهْ، لِقِيتَهْ خَلَاصْ زِيَادَةْ مِنْ النِّدَوْرَهْ. أَخُوكُو أَبْفَرِيدْ جَابْ الْمُسَاعَدَةْ الرَّسَّلْتُوهَا لَيِّ وَ خَلَاصْ، أَنَا مَبْسُوطْ. وَ الْمُسَاعَدَةْ دِي هِي مِثِلْ هَدِيَّةْ لِلّٰهْ الرِّيحِتْهَا هُو يَرْضَى بَيْهَا وَ يَقْبَلْهَا.

كُلُوسِي 1:7

وَ إِنْتُو سِمِعْتُوا بِشَارَةْ الْمَسِيحْ مِنْ خَشُمْ حَبِيبْنَا أَبْفُرَاسْ الْهُو عَبْد الْمَسِيحْ مِثِلْنَا. هُو قَاعِدْ يَخْدِمْ لِلْمَسِيحْ بِأَمَانْ وَ يِمَثِّلْنَا فِي أُسُطْكُو.

فِلِبِّي 4:3

وَ إِنْتَ، يَا رَفِيقِي الْأَمِينْ، نَطْلُبْ مِنَّكْ إِنْتَ تِسَاعِدْ الْعَوِينْ دَيْل. سَاعِدْهِنْ بِسَبَبْ هِنَّ خَدَمَنْ مَعَايِ فِي شَانْ بِشَارَةْ الْمَسِيحْ. هِنَّ جَاهَدَنْ سَوَا مَعَ أَخُونَا كِلَيْمَانْ وَ الْآخَرِينْ الْيَخْدُمُوا مَعَايِ. النَّاسْ دَوْل، أَسَامَيْهُمْ مَكْتُوبِينْ فِي كِتَابْ الْحَيَاةْ.

1 كُرُنْتُس 3:9

وَ خَلَاصْ، أَنِحْنَ أَخْوَانْ فِي خِدْمَةْ اللّٰهْ وَ إِنْتُو بِقِيتُوا جِنَيْنَةْ هَنَا اللّٰهْ. أَوْ بِمَثَلْ آخَرْ، إِنْتُو بِقِيتُوا الْبَيْت الْاللّٰهْ قَاعِدْ يَبْنِيهْ.

فِلِمُون 1:24

وَ مَعَايَهْ الْأَخْوَانْ الْيَخْدُمُوا مَعَايِ مَرْخُوسْ وَ أَرِسْتَارْكُسْ وَ دِيمَاسْ وَ لُوقَا.

أمْثال 25:13

الْمُرْسَالْ الْعِنْدَهْ أَمَانْ لِلْيِرَسُّلُوهْ هُو مِثِلْ الْبُرُودَةْ فِي وَكْت الْقَطِعْ. هُو يِبَرِّدْ جِسِمْ سِيَادَهْ.

عِبْرَانِيِّين 3:1

أَشَانْ دَا، يَا أَخْوَانِي الصَّالِحِينْ الْاللّٰهْ نَادَاكُو كُلُّكُو لِتَدْخُلُوا فِي دَرْبَهْ، فَكُّرُوا فِي عِيسَى. هُو رَسُولْ اللّٰهْ وَ كَبِيرْ رُجَالْ الدِّينْ الْأَنِحْنَ مُؤمِنِينْ بَيَّهْ وَ نَشْهَدَوْا لَيَّهْ.

1 تَسَلونِيكِي 3:2

وَ رَسَّلْنَا لَيْكُو أَخُونَا تِمُوتَاوُسْ الْيَخْدِمْ مَعَانَا سَوَا لِلّٰهْ فِي بَلِّغِينْ بِشَارَةْ الْمَسِيحْ. وَ رَسَّلْنَاهْ لِيِشَجِّعْكُو وَ يِقَوِّي إِيمَانْكُو

كُلُوسِي 4:11

وَ يَشُوعْ الْمَعْرُوفْ بِيُسْتُسْ يِسَلِّمْكُو. التَّلَاتَةْ دَوْل بَسْ مِنْ الْيَهُودْ بَيْن الْأَخْوَانْ الْيَخْدُمُوا مَعَايِ فِي شَانْ مَمْلَكَةْ اللّٰهْ وَ هُمَّنْ شَجَّعَوْنِي كَتِيرْ.

2 كُرُنْتُس 2:13

لَاكِنْ قَلْبِي مُعَلَّقْ بِلْحَيْن أَشَانْ أَخُويِ تِيطُسْ الْوَاجِبْ يَجِي قِدَّامِي مِنْ بَكَانْكُو، أَنَا مَا شِفْتَهْ. وَ أَشَانْ دَا بَسْ، قَمَّيْت مِنْ الْأَخْوَانْ الْفِي تُرُوَاسْ وَ مَشَيْت لِمَقِدُونِيَةْ.

يُوحَنَّا 17:18

أَنَا رَسَّلْتُهُمْ فِي الدُّنْيَا مِثِلْ إِنْتَ أَوَّلْ رَسَّلْتِنِي فِي الدُّنْيَا.

يُوحَنَّا 13:16

أَسْمَعَوْا نُقُولْ لَيْكُو الْحَقّ، الْعَبِدْ مَا أَكْبَرْ مِنْ سِيدَهْ وَ الْمُرْسَالْ مَا أَكْبَرْ مِنْ الرَّسَّلَهْ.

رَوْمَا 16:3

وَ سَلُّمُوا بِرِسْكِيلَةْ وَ أَكِيلَا الْخَدَمَوْا مَعَايِ سَوَا لِلْمَسِيحْ عِيسَى.

رَوْمَا 16:9

وَ سَلُّمُوا أُرْبَانْ الْيَخْدِمْ مِثِلْنَا لِلْمَسِيحْ وَ حَبِيبِي إِسْتَخِي.

فِلِبِّي 2:26

لَاكِنْ هُو قَاعِدْ يَقْرَمْ لَيْكُو كُلُّكُو وَ بِقِي لَيَّهْ قَاسِي أَشَانْ إِنْتُو سِمِعْتُوا خَبَرْ هَنَا مَرَضَهْ.