فِلِبِّي 2:2 - الكتاب المقدس بالعربي الدارجي هنا تشاد

² خَلَاصْ، زِيدُوا فَرْحِتِي وَ خَلِّي فِكِرْكُو يَبْقَى وَاحِدْ. أَرَّايَدَوْا أَمْبَيْنَاتْكُو بِمَحَبَّةْ وَاحِدَةْ. وَ أَسْتَفُقُوا أَمْبَيْنَاتْكُو مَرَّةْ وَاحِدْ بِهَدَفْ وَاحِدْ.

فِلِبِّي 2:2 Referenca të Kryqëzuara

رَوْمَا 12:16

أَسْتَفُقُوا أَمْبَيْنَاتْكُو وَ خَلِّي أَيِّ وَاحِدْ مَا يَجْعَلْ نَفْسَهْ كَبِيرْ لَاكِنْ خَلِّي يَجْعَلْ نَفْسَهْ صَغَيَّرْ. مَا تِسَوُّوا نُفُوسْكُو عِنْدُكُو عِرْفَةْ كَتِيرَةْ.

1 كُرُنْتُس 1:10

يَا أَخْوَانِي، أَنَا نِوَصِّيكُو بِأُسُمْ رَبِّنَا عِيسَى الْمَسِيحْ أَشَانْ كَلَامْكُو يَبْقَى وَاحِدْ لَحَدِّي مَا تِنْقَسْمُوا. وَ خَلِّي قَلِبْكُو يَبْقَى وَاحِدْ وَ فِكِرْكُو يَبْقَى وَاحِدْ.

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.

3 يُوحَنَّا 1:4

مَا فِي شَيّءْ يِفَرِّحْنِي زِيَادَةْ مِنْ الْخَبَرْ الْبُقُولْ عِيَالِي قَاعِدِينْ يِتَابُعُوا الْحَقّ.

فِلِبِّي 2:16

أَشَانْ إِنْتُو مُنْكَرِبِينْ فِي كَلَامْ الْحَيَاةْ. وَ كَنْ تَبْقَوْا مِثِلْ دَا، نَقْدَرْ نَرْفَعْ رَاسِي فَوْق فِي يَوْم جَيَّةْ الْمَسِيحْ. وَ نَعَرِفْ تَعَبِي وَ خِدِمْتِي الْخَدَمْتَهَا لَيَّهْ مَا فَشَلَتْ.

أعمال الرُسُل 2:46

وَ كُلَّ يَوْم، قَاعِدِينْ يِلِمُّوا فِي بَيْت اللّٰهْ وَ يِلْعَشَّوْا سَوَا فِي بُيُوتْهُمْ بِفَرَحْ وَ قَلِبْ مُخْلِصْ.

2 يُوحَنَّا 1:4

أَنَا بِقِيتْ فَرْحَانْ مَرَّةْ وَاحِدْ وَكِتْ لَمَّيْت مَعَ وَاحِدِينْ مِنْ عِيَالْكِ وَ شِفْتُهُمْ مَاشِينْ فِي الْحَقّ مِثِلْ أَبُونَا أَمَرَانَا بَيَّهْ.

2 تَسَلونِيكِي 2:13

لَاكِنْ، يَا أَخْوَانِي الرَّبِّنَا يِحِبُّكُو، وَاجِبْ نَشْكُرُوا اللّٰهْ دَايْماً فِي شَانْكُو إِنْتُو. اللّٰهْ عَزَلَاكُو مِنْ الْأَوَّلْ أَشَانْ يِنَجِّيكُو وَ يِسَوِّيكُو صَالِحِينْ بِعَمَلْ الرُّوحْ الْقُدُّوسْ. وَ دَا يَبْقَى أَشَانْ إِنْتُو آمَنْتُوا بِالْحَقّ.

كُلُوسِي 2:5

صَحِيحْ، أَنَا قَاعِدْ فِي بَكَانْ بَعِيدْ مِنْكُو لَاكِنْ فِكْرِي دَايْماً مَعَاكُو وَ قَاعِدْ نِشِيفْ كَدَرْ حَالْكُو عَدِيلَةْ وَ إِيمَانْكُو فِي الْمَسِيحْ قَوِي وَ أَنَا فَرْحَانْ مِنْكُو.

فِلِبِّي 4:2

يَا أَخُتْنَا أَفُودِيَّةْ، يَا أَخُتْنَا سِنْتِخَةْ، نَطْلُبْ مِنْكَنْ أَشَانْ تِسْتَفِقَنْ أَمْبَيْنَاتْكَنْ وَ تِتَابِعَنْ رَبِّنَا بِفِكِرْ وَاحِدْ.

فِلِبِّي 2:20

مَا فِي نَادُمْ آخَرْ الْيِهِمّ بَيْكُو مِثْلِي أَنَا، إِلَّا هُو بَسْ. يِهِمّ بَيْكُو بِنِيَّةْ مُخْلِصَةْ.

2 كُرُنْتُس 7:7

وَ شَجَاعِتْنَا دِي مَا بِسَبَبْ جَيْتَهْ بَسْ. لَا! الْخَبَرْ الْجَابَهْ مِنْكُو شَجَّعَانَا زِيَادَةْ. هُو أَوْرَانَا كَدَرْ إِنْتُو شَجَّعْتُوهْ. وَ قَالْ إِنْتُو قَرْمَانِينْ لَيِّ وَ حَزْنَانِينْ لِلْمُشْكِلَةْ الْبِقَتْ وَ عِنْدُكُو حَمِيصَةْ لَيِّ فِي قُلُوبْكُو. وَ أَشَانْ دَا، أَنَا فَرْحَانْ فَرْحَةْ كَبِيرَةْ.

2 كُرُنْتُس 2:3

وَ الْكَلَامْ الْكَتَبْتَهْ يَوْم دَاكْ فِي الْجَوَابْ، كَتَبْتَهْ أَشَانْ وَكِتْ نَجِيكُو، إِنْتُو النَّاسْ الْوَاجِبْ يِفَرُّحُونِي مَا تَبْقَوْا لَيِّ سَبَبْ هَنَا حِزِنْ. أَشَانْ أَنَا مُؤَكِّدْ كَدَرْ كَنْ أَنَا نَبْقَى فَرْحَانْ، إِنْتُو كُلَ تَبْقَوْا فَرْحَانِينْ.

أعمال الرُسُل 5:12

وَ الرُّسُلْ سَوَّوْا عَجَايِبْ وَ عَلَامَةْ كَتِيرِينْ فِي أُسْط النَّاسْ. وَ كُلَّ الْمُؤمِنِينْ عِنْدُهُمْ قَلِبْ وَاحِدْ وَ قَاعِدِينْ يِلِمُّوا فِي رَاكُوبَةْ سُلَيْمَانْ فِي فَضَايَةْ بَيْت اللّٰهْ.

أعمال الرُسُل 1:14

وَ كُلُّهُمْ قَاعِدِينْ يِلِمُّوا دَايْماً وَ يِصَلُّوا بِنِيَّةْ وَاحِدَةْ وَ عَوِينْ وَاحِدَاتْ كُلَ قَاعِدَاتْ يِلِمَّنْ مَعَاهُمْ وَ مَرْيَمْ أَمّ عِيسَى وَ أَخْوَانَهْ.

فِلِبِّي 1:4

وَ أَيِّ وَكِتْ نِصَلِّي لِلّٰهْ، نَسْأَلَهْ لَيْكُو كُلُّكُو بِفَرَحْ.

يُوحَنَّا 3:29

النَّادُمْ الْعِنْدَهْ الْعَرُوسْ، هُو بَسْ الْعَرِيسْ. وَ رَفِيقْ الْعَرِيسْ هُو يَقِيفْ جَنْبَهْ وَ يَسْمَعْ كَلَامَهْ. وَ كَنْ يَسْمَعْ حِسّ الْعَرِيسْ، هُو فَرْحَانْ بِفَرْحَةْ كَبِيرَةْ. وَ الْفَرْحَةْ دِي، هِي فَرْحَةْ هِنْتِي وَ هَسَّعْ أَنَا فَرْحَانْ مَرَّةْ وَاحِدْ.

2 تِمُوتَاوُس 1:4

نِفَكِّرْ فِي دُمُوعَكْ وَ نَقْرَمْ لَيْك. نِدَوْر نِشِيفَكْ بَتَّانْ أَشَانْ نِنْمَلِي بِالْفَرْحَةْ.

أعمال الرُسُل 2:1

وَ فِي يَوْم هَنَا عِيدْ الْخَمْسِينْ، كُلَّ الْأَخْوَانْ قَاعِدِينْ سَوَا لَامِّينْ فِي بَكَانْ وَاحِدْ.

فِلِمُون 1:20

أَيْوَى، يَا أَخُويِ، أَنِحْنَ أَخْوَانْ فِي الرَّبّ وَ نِدَوْر مِنَّكْ فَايْدَةْ شِيَّةْ. فَرِّحْ قَلْبِي فِي الْمَسِيحْ بِزِيَادَةْ.

زَبُور 122:8

وَ فِي شَانْ حُبِّي لِأَخْوَانِي وَ رُفْقَانِي، نُقُولْ: «أَقْعُدِي بِالسَّلَامْ، يَا مَدِينَةْ الْقُدُسْ!»