فِلِبِّي 2:17 - الكتاب المقدس بالعربي الدارجي هنا تشاد

¹⁷ وَ حَتَّى كَانْ دَمِّي وَاجِبْ يِدَفِّقْ مِثِلْ هَدِيَّةْ شَرَابْ فِي الضَّحِيَّةْ التِّقَدُّمُوهَا لِلّٰهْ فِي شَانْ إِيمَانْكُو وَ خِدْمِتْكُو، خَلَاصْ أَنَا نَفْرَحْ وَ نِنْبَسِطْ مَعَاكُو كُلُّكُو.

فِلِبِّي 2:17 Referenca të Kryqëzuara

2 تِمُوتَاوُس 4:6

وَ لَاكِنْ أَنَا بِقِيتْ مِثِلْ هَدِيَّةْ شَرَابْ وَ قَرِيبْ دَمِّي يِدَفِّقْ. وَ أَنَا مَوْتِي قَرَّبْ خَلَاصْ.

رَوْمَا 15:16

لِنَبْقَى خَدَّامْ لِلْمَسِيحْ عِيسَى. وَ خِدِمْتِي هِي بَلِّغِينْ بِشَارَةْ اللّٰهْ لِلْأُمَمْ الْمَا يَهُودْ. أَنَا نَبْقَى مِثِلْ رَاجِلْ دِينْ وَكِتْ نِبَلِّغْ بِشَارَةْ اللّٰهْ لِلْأُمَمْ الْمَا يَهُودْ لِيَبْقَوْا مِثِلْ ضَحِيَّةْ الْاللّٰهْ يَرْضَى بَيْهَا. وَ الضَّحِيَّةْ دِي تَبْقَى خَاصَّة لِلّٰهْ بِقُدْرَةْ الرُّوحْ الْقُدُّوسْ.

2 كُرُنْتُس 12:15

وَ فِي شَانْكُو إِنْتُو، نَنْطِي بِفَرَحْ كُلَّ شَيّءْ الْعِنْدِي وَ نَنْطِي نَفْسِي فِي شَانْكُو بَتَّانْ. كَنْ نِحِبُّكُو كَتِيرْ، هَلْ إِنْتُو تِحِبُّونِي شِيَّةْ وَلَّا؟

كُلُوسِي 1:24

وَ أَنَا فَرْحَانْ بِتَعَبِي أَشَانْ أَنَا قَاعِدْ نَتْعَبْ فِي شَانْكُو. وَ فِي جِسْمِي، نَحْمَلْ كُلَّ التَّعَبْ الْيِقَصِّرْ لِلْمَسِيحْ فِي شَانْ أُمَّتَه الْهِي جِسْمَهْ.

فِلِبِّي 1:20

وَ نِتْمَنَّى بِنِيَّةْ وَاحِدَةْ وَ بِعَشَمْ قَوِي كَدَرْ مَا نَفْشُلْ فِي أَيِّ شَيّءْ. وَ نِدَوْر نِكَلِّمْ مِثِلْ دَايْماً كَلَّمْت بِشَجَاعَةْ وَ بَلَا خَوْف وَ نِعَظِّمْ الْمَسِيحْ قِدَّامْ النَّاسْ فِي كُلَّ حَيَاتِي، كَنْ نِعِيشْ وَلَّا نُمُوتْ كُلَ.

2 كُرُنْتُس 7:4

نِحَجِّي بَيْكُو دَايْماً بِفَرْحَةْ. أَنَا مَبْسُوطْ مِنْكُو بِلْحَيْن. شَجَّعْتُونِي شَجَاعَةْ شَدِيدَةْ بِلْحَيْن. وَ خَلَاصْ، فِي أُسُطْ كُلَّ صُعُوبَاتْنَا، عِنْدِي فَرَحْ زِيَادَةْ.

1 يُوحَنَّا 3:16

عِيسَى الْمَسِيحْ فَدَانَا بِرُوحَهْ وَ دَا بَسْ وَصَّفْ لَيْنَا مَعَنَى الْمَحَبَّةْ. وَ خَلَاصْ، وَاجِبْ نِحِبُّوا أَخْوَانَّا لَحَدِّي نَفْدَوْهُمْ بِرُوحْنَا.

رَوْمَا 12:1

يَا أَخْوَانِي، نِوَصِّيكُو بِسَبَبْ رَحْمَةْ اللّٰهْ اللِّقِيتُوهَا، أَيِّ وَاحِدْ مِنْكُو يِقَدِّمْ جِسْمَهْ لِلّٰهْ ضَحِيَّةْ حَيَّةْ وَ مُقَدَّسَةْ الْاللّٰهْ يَرْضَى بَيْهَا. وَ دِي هِي عِبَادِتْكُو الْوَاجْبَةْ.

1 بُطْرُس 2:5

وَ إِنْتُو كُلَ مِثِلْ حُجَارْ الْحَيِّينْ الْاللّٰهْ قَاعِدْ يَبْنِي بَيْكُو بَيْت هَنَا رُوحَهْ. وَ إِنْتُو رُجَالْ دِينْ خَاصِّيْن وَ قَاعِدِينْ تِقَدُّمُوا لِلّٰهْ ضَحَايَا بِإِذِنْ الرُّوحْ الْقُدُّوسْ الْاللّٰهْ يَرْضَى بَيْهُمْ بِوَاسِطَةْ عِيسَى الْمَسِيحْ.

1 تَسَلونِيكِي 2:8

أَنِحْنَ قَاعِدِينْ نِحِنُّوا فَوْقكُو وَ أَشَانْ دَا، دَوَّرْنَا نَنْطُوكُو بِشَارَةْ اللّٰهْ. وَ زِيَادَةْ مِنْ دَا، دَوَّرْنَا نَنْطُوكُو نُفُوسْنَا أَشَانْ نِحِبُّوكُو بِلْحَيْن.

فِلِبِّي 4:18

وَ كُلَّ شَيّءْ الْأَنَا نِدَوْرَهْ، لِقِيتَهْ خَلَاصْ زِيَادَةْ مِنْ النِّدَوْرَهْ. أَخُوكُو أَبْفَرِيدْ جَابْ الْمُسَاعَدَةْ الرَّسَّلْتُوهَا لَيِّ وَ خَلَاصْ، أَنَا مَبْسُوطْ. وَ الْمُسَاعَدَةْ دِي هِي مِثِلْ هَدِيَّةْ لِلّٰهْ الرِّيحِتْهَا هُو يَرْضَى بَيْهَا وَ يَقْبَلْهَا.

فِلِبِّي 2:30

أَوَّلْ هُو قَرِيبْ يُمُوتْ فِي شَانْ خِدِمْتَهْ لِلْمَسِيحْ وَ دَسَّ نَفْسَهْ فِي خُطُورَةْ شَدِيدَةْ أَشَانْ يِجِيبْ لَيِّ مُسَاعَدَةْ الْإِنْتُو مَا تَقْدَرَوْا تِجِيبُوهَا لَيِّ.

أعمال الرُسُل 21:13

وَ لَاكِنْ هُو رَدَّ لَيْنَا وَ قَالْ: «مَالْكُو تَبْكُوا مِثِلْ دَا؟ تِدَوْرُوا تِوَجُّعُوا قَلْبِي وَلَّا؟ أَنَا مَاشِي لِمَدِينَةْ الْقُدُسْ. أَنَا مَا جَاهِزْ لِيَرْبُطُونِي بَسْ لَاكِنْ فِي شَانْ أُسُمْ رَبِّنَا عِيسَى أَنَا جَاهِزْ لِلْمَوْت.»

أعمال الرُسُل 20:24

حَيَاتِي مَا مُهِمَّةْ لَيِّ. لَاكِنْ الْمُهِمّ لَيِّ نِكَمِّلْ خِدْمَةْ رَبِّنَا عِيسَى الْهُو أَنْطَاهَا لَيِّ. وَاجِبْ نَشْهَدْ لِلنَّاسْ وَ نِأَوْرِيهُمْ بِالْبِشَارَةْ هَنَا نِعْمَةْ اللّٰهْ.

عَدد 28:6

وَ دِي ضَحِيَّةْ مُحَرَّقَةْ دَايْمَةْ مِثِلْ الْأَوَّلْ قَدَّمَوْهَا فِي جَبَلْ سِينَاء أَنَا اللّٰهْ رِضِيتْ بِرِيحِتْهَا.

عَدد 28:7

وَ تِقَدُّمُوا لِلّٰهْ مَعَ الْخَرُوفْ الْأَوَّلْ فِي الْبَكَانْ الْمُقَدَّسْ لِيتِرْ هَنَا خَمَرْ هَدِيَّةْ شَرَابْ.

2 كُرُنْتُس 6:10

عِنْدِنَا حِزِنْ وَ لَاكِنْ نَفْرَحَوْا دَايْماً. أَنِحْنَ مَسَاكِينْ وَ لَاكِنْ نِجِيبُوا لِكَتِيرْ مِنْ النَّاسْ بَرَكَةْ كَتِيرَةْ. مَا عِنْدِنَا شَيّءْ وَ لَاكِنْ كُلَّ شَيّءْ هَنَانَا.

فِلِبِّي 2:18

وَ وَاجِبْ إِنْتُو كُلَ تَبْقَوْا فَرْحَانِينْ وَ تَفْرَحَوْا مَعَايِ.

2 كُرُنْتُس 4:12

وَ خَلَاصْ، أَنِحْنَ نِعِيشُوا فِي أُسْط الْمَوْت أَشَانْ إِنْتُو تَلْقَوْا الْحَيَاةْ الْأَبَدِيَّةْ.