فِلِبِّي 2:15 - الكتاب المقدس بالعربي الدارجي هنا تشاد

¹⁵ أَشَانْ تَبْقَوْا نَاسْ بَلَا خَطَا وَ بَرِيِّينْ وَ تِعِيشُوا مِثِلْ عِيَالْ اللّٰهْ بَلَا عَيْب فِي أُسُطْ النَّاسْ الْفَسْلِينْ وَ عُوُجْ هَنَا الدُّنْيَا دِي. وَ تَبْقَوْا فِي أُسُطْهُمْ نُورْ مِثِلْ النُّجُومْ فِي الْعَالَمْ الْأَضْلَمْ

فِلِبِّي 2:15 Referenca të Kryqëzuara

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

مَتَّى 5:45

وَ كَنْ تِسَوُّوا مِثِلْ دَا، إِنْتُو تَبْقَوْا عِيَالْ أَبُوكُو اللّٰهْ. أَشَانْ هُو يَمْرُقْ الْحَرَّايْ لِلنَّاسْ الْفَسْلِينْ وَ لِلنَّاسْ الصَّالِحِينْ كُلَ. وَ يِخَلِّي الْمَطَرْ يُصُبّ لِلنَّاسْ الْعَدِيلِينْ وَ لِلنَّاسْ الْمَا عَدِيلِينْ كُلَ.

إشَعْيا 60:1

يَا مَدِينَةْ الْقُدُسْ، قُمِّي فَوْق وَ نَوِّرِي! أَشَانْ نُورْكِ جَاءْ أَيْوَى، مَجْد اللّٰهْ بَانْ فَوْقكِ.

1 تَسَلونِيكِي 5:23

خَلِّي اللّٰهْ رَبّ السَّلَامْ ذَاتَهْ يِخَصِّصْ قُلُوبْكُو مَرَّةْ وَاحِدْ وَ يَحْفَضْكُو سَالِمِينْ فِي الرُّوحْ وَ النَّفْس وَ الْجِسِمْ أَشَانْ تُكُونُوا بَلَا عَيْب فِي يَوْم جَيَّةْ رَبِّنَا عِيسَى الْمَسِيحْ.

تَثْنِية 32:5

وَ قِدَّامَهْ، هُمَّنْ تَلَّفَوْا بِسَبَبْ عَيْبهُمْ. هُمَّنْ بَتَّانْ مَا عِيَالَهْ أَشَانْ هُمَّنْ ذُرِّيَّةْ عَوْجَةْ وَ مُنْلَوِيَةْ.

2 بُطْرُس 3:14

يَا أَخْوَانِي النِّحِبُّكُو، دَا بَسْ الشَّيّءْ التَّرْجَوْه مِنْ اللّٰهْ. وَ أَشَانْ دَا، سَوُّوا جُهُدْ أَشَانْ تِعِيشُوا بِسَلَامْ قِدَّامَهْ بَلَا خَطَا وَ لَا عَيْب.

1 كُرُنْتُس 1:8

الْمَسِيحْ يَحْفَضْكُو لَحَدِّي فِي الْآخِرَةْ. أَشَانْ دَا، فِي يَوْم جَيَّةْ رَبِّنَا عِيسَى الْمَسِيحْ، تُكُونُوا بَلَا عَيْب.

تِيطُس 2:10

وَ لَا يَسُرْقُوا مِنْهُمْ شَيّءْ. وَ لَاكِنْ وَاجِبْ يَبْقَوْا لَيْهُمْ أَمِينِينْ مَرَّةْ وَاحِدْ أَشَانْ يِوَصُّفُوا فِي كُلِّ شَيّءْ كَدَرْ تَعْلِيمْ هَنَا اللّٰهْ الْيِنَجِّينَا، هُو سَمَحْ بِلْحَيْن.

1 بُطْرُس 2:9

لَاكِنْ كَنْ لَيْكُو إِنْتُو، بِقِيتُوا الْقَبِيلَةْ الْاللّٰهْ عَزَلَاهَا وَ رُجَالْ دِينْ هَنَا الْمَلِكْ الْكَبِيرْ وَ أُمَّةْ مُخَصَّصَةْ لِلّٰهْ وَ شَعَبْ اللّٰهْ ذَاتَهْ. هُو نَادَاكُو أَشَانْ تَمُرْقُوا مِنْ الضَّلَامْ وَ تَدْخُلُوا فِي نُورَهْ الْعَجِيبْ وَ خَلَاصْ تِبَلُّغُوا خَبَرْ هَنَا أَعْمَالْ اللّٰهْ الْكُبَارْ.

مَتَّى 5:48

خَلَاصْ، أَبْقَوْا نَاسْ كَامِلِينْ مِثِلْ اللّٰهْ أَبُوكُو فِي السَّمَاءْ كَامِلْ.»

1 تِمُوتَاوُس 3:10

وَ قُبَّالْ كُلَّ شَيّءْ، وَاجِبْ يِجَرُّبُوهُمْ. وَ بَعَدَيْن كَنْ مَا عِنْدُهُمْ عَيْب، خَلِّي يَبْقَوْا مُعَاوِنِينْ وَ يَخْدُمُوا لِجَمَاعَةْ الْمُؤمِنِينْ.

1 تِمُوتَاوُس 3:2

وَ أَشَانْ دَا، خَلِّي أَيِّ نَادُمْ الْمَسْؤُولْ فِي الْمُؤمِنِينْ يَبْقَى نَادُمْ الْمَا عِنْدَهْ أَيِّ عَيْب. وَاجِبْ يَبْقَى رَاجِلْ مَرْتَهْ وَاحِدَةْ بَسْ وَ عَاقِلْ وَ مُلْتَزِمْ وَ مُكَرَّمْ وَ كَرِيمْ لِلضِّيفَانْ وَ قَادِرْ فِي الْعَلِّمِينْ.

فِلِبِّي 1:10

أَشَانْ تَعَرْفُوا كِكَّيْف تِمَيُّزُوا دَايْماً الشَّيّءْ الْأَفْضَلْ. وَ خَلَاصْ تِعِيشُوا بِنِيَّةْ مُخْلِصَةْ وَ بَلَا عَيْب وَ تَبْقَوْا جَاهِزِينْ لِلْيَوْم الْيَجِي فَوْقَهْ الْمَسِيحْ.

أفَسُس 5:27

أَشَانْ يِقَدِّمْهَا لِنَفْسَهْ أُمَّةْ مَجِيدَةْ بَلَا نَجَاسَةْ وَ لَا وَسَخْ وَ لَا أَيِّ شَيّءْ الْيِتَلِّفْهَا لَحَدِّي تَبْقَى خَاصَّةْ لَيَّهْ وَ بَلَا أَيِّ عَيْب.

رَوْمَا 16:19

وَ لَيْكُو إِنْتُو، كُلَّ النَّاسْ يَعَرْفُوا إِنْتُو سِمِعْتُوا بِشَارَةْ الْمَسِيحْ وَ تَابَعْتُوهَا. وَ فِي شَانْكُو، أَنَا فَرْحَانْ لَاكِنْ نِدَوْر إِنْتُو تَبْقَوْا فَاهِمِينْ فِي الْخَيْر وَ بَرِيِّينْ مِنْ الشَّرّ.

أعمال الرُسُل 2:40

وَ بُطْرُسْ قَاعِدْ يَشْهَدْ لِعِيسَى قِدَّامْ النَّاسْ وَ حَجَّى لَيْهُمْ كَلَامْ كَتِيرْ أَشَانْ يِجِيبْهُمْ فِي الدَّرِبْ. هُو قَالْ: «تُوبُوا وَ تَنْجَوْا. مَا تِتَابُعُوا نَاسْ وَكِتْنَا الْمُوَدِّرِينْ دَوْل.»

مَتَّى 10:16

«أَسْمَعَوْا! نِرَسِّلْكُو فِي أُسْط النَّاسْ وَ تَبْقَوْا مِثِلْ غَنَمْ فِي أُسْط الْمَرَافْعِينْ. أَشَانْ دَا، وَاجِبْ تَبْقَوْا حَضِيرِينْ مِثِلْ الدَّابِي وَ بَرِيِّينْ مِثِلْ الْحَمَامَةْ.

عِبْرَانِيِّين 7:26

وَ بَيْدَا، عِيسَى بِقِي كَبِيرْ رُجَالْ الدِّينْ الْمُوَافِقْ لَيْنَا مَرَّةْ وَاحِدْ. هُو قُدُّوسْ وَ مَا عِنْدَهْ أَيِّ عَيْب وَ هُو دَايْماً طَاهِرْ. هُو مَعْزُولْ بَعِيدْ مِنْ الْمُذْنِبِينْ وَ مَرْفُوعْ فَوْق فِي السَّمَاوَاتْ.

تِيطُس 2:15

وَ خَلَاصْ كُلَّ الْكَلَامْ دَا، أَوْرِيهُمْ بَيَّهْ بِكَلَامْ وَاضِحْ. عِنْدَكْ فَوْقهُمْ حَقّ أَشَانْ تِشَجِّعْهُمْ وَ تَهْرِجْهُمْ حَسَبْ حَالْهُمْ. مَا تِخَلِّي نَادُمْ يَحْقِرَكْ.

تِيطُس 1:6

كُلِّ شَيْخ وَاجِبْ يَبْقَى نَادُمْ مَا عِنْدَهْ عَيْب. خَلِّي يَبْقَى رَاجِلْ مَرْتَهْ وَاحِدَةْ بَسْ وَ عِيَالَهْ مُؤمِنِينْ وَ مَا فِي نَادُمْ وَاحِدْ يُقُولْ فَوْقهُمْ كَدَرْ هُمَّنْ فَاسْدِينْ وَلَّا عَاصِيِينْ.

1 تِمُوتَاوُس 5:20

وَ كَنْ نَادُمْ مِنْ الشُّيُوخْ يَذْنِبْ، أَهَرْجَهْ قِدَّامْ الْجَمَاعَةْ أَشَانْ الْآخَرِينْ يَخَافَوْا.

أعمال الرُسُل 20:30

وَ نَاسْ وَاحِدِينْ مِنْكُو كُلَ يُقُمُّوا يِعَلُّمُوا كَلَامْ مَا صَحِيحْ أَشَانْ يِدَوْرُوا يَلْقَوْا مِنْكُو تَلَامِيذ يِتَابُعُوهُمْ.

يُوحَنَّا 5:35

يَحْيَى هُو بِقِي لَيْكُو مِثِلْ فَانُوسْ مُوَلِّعْ وَ يَنْطِي نُورْ. وَ إِنْتُو فِرِحْتُوا بِنُورَهْ لِمُدَّةْ وَكِتْ.

لُوقا 6:35

«لَاكِنْ حِبُّوا عُدْوَانْكُو وَ سَوُّوا لَيْهُمْ الْخَيْر وَ دَيُّنُوهُمْ وَ مَا تَرْجَوْا مِنْهُمْ شَيّءْ وَ خَلَاصْ تَلْقَوْا أَجُرْ كَبِيرْ. وَ مِثِلْ دَا، تَبْقَوْا عِيَالْ اللّٰهْ الْعَالِي. هُو يِسَوِّي زَيْن لِلنَّاسْ الْفَسْلِينْ الْمَا يَشْكُرُوهْ.

مَتَّى 17:17

وَ عِيسَى رَدَّ وَ قَالْ: «يَا النَّاسْ الْعُوُجْ وَ مَا عِنْدُكُو إِيمَانْ! لَحَدِّي مَتَى نَقْعُدْ مَعَاكُو؟ لَحَدِّي مَتَى نِلْحَمَّلْكُو؟ جِيبُوا لَيِّ الْوِلَيْد هِنِي.»

زَبُور 122:5

أَشَانْ الْبَكَانْ دَا، كُرْسِي الْعَدَالَةْ قَاعِدْ فَوْقَهْ وَ ذُرِّيَّةْ دَاوُدْ بَسْ يَحْكُمُوا فَوْقَهْ.

رُؤية 3:9

شِيفْ، النَّاسْ الْيُقُولُوا بِكِدِبْ هُمَّنْ يَهُودْ وَ لَاكِنْ هُمَّنْ مَا يَهُودْ. يِصَلُّوا فِي بَيْت الصَّلَاةْ لَاكِنْ هُمَّنْ جَمَاعَةْ إِبْلِيسْ. هُمَّنْ دَوْل أَنَا نَجْبُرْهُمْ يَجُوا لَيْك وَ يَسْجُدُوا قِدَّامَكْ وَ يَعَرْفُوا كَدَرْ أَنَا نِحِبَّكْ.

1 تِمُوتَاوُس 5:14

أَشَانْ دَا، نِدَوْر أَيِّ مَرَةْ صَبِيَّةْ الرَّاجِلْهَا مَاتْ تَاخُدْ وَ تَلْدَ عِيَالْ وَ تِرَيِّسْ نَاسْ بَيْتهَا وَ خَلَاصْ مَا تَنْطِي فُرْصَةْ لِنَاسْ هَنَا إِبْلِيسْ أَشَانْ يُقُولُوا فَوْقنَا كَلَامْ شَيْن.

1 تِمُوتَاوُس 5:7

آمُرْهُمْ لِجَمَاعَةْ الْمُؤمِنِينْ بِالْوَصَايَا دَوْل أَشَانْ يَبْقَوْا نَاسْ مَا عِنْدُهُمْ عَيْب.

2 كُرُنْتُس 6:17

<أَشَانْ دَا، أَمُرْقُوا مِنْ أُسُطْهُمْ وَ أَنْفَصُلُوا مِنْهُمْ. دَا بَسْ كَلَامْ اللّٰهْ. مَا تَلْمَسَوْا شَيّءْ نِجِسْ> وَ أَنَا نَقْبَلْكُو.

لُوقا 1:6

وَ هُمَّنْ صَالِحِينْ قِدَّامْ اللّٰهْ وَ قَاعِدِينْ يِطَبُّقُوا عَدِيلْ كُلَّ وَصِيَّاتَهْ وَ شُرُوطَهْ.

أمْثال 4:18

طَرِيقْ الصَّالِحِينْ مِثِلْ ضَيّ الصَّبَاحْ وَ نُورَهْ يِزِيدْ لَحَدِّي الْحَرَّايْ تَطْلَعْ.

أمْثال 8:8

وَ كُلَّ كَلَامْ خَشْمِي صَحِيحْ وَ لَا عِنْدَهْ كِدِبْ وَ لَا عِنْدَهْ غَشّ.

دَنْيال 6:4

وَ خَلَاصْ، الْوُزَرَاء وَ الْمُوَكَّلِينْ قَمَّوْا يِفَتُّشُوا عَيْب فِي خِدِمْتَهْ هَنَا الْمَمْلَكَةْ لِيِعَيُّبُوا بَيَّهْ دَنْيَالْ. لَاكِنْ مَا لِقَوْا فَوْقَهْ أَيِّ عَيْب وَ لَا خَطَا أَشَانْ هُو أَمِينْ وَ يِرَاقِبْ عَدِيلْ وَ خَطَا كُلَ مَا سَوَّاهْ.

فِلِبِّي 3:6

وَ أَنَا بِقِيتْ مُنْكَرِبْ بِلْحَيْن فِي دِينِي الْيَهُودِي لَحَدِّي حَاوَلْت نِدَمِّرْ أُمَّةْ الْمَسِيحْ. وَ حَسَبْ كَلَامْهُمْ فِي شُرُوطْ التَّوْرَاةْ، أَنَا بِقِيتْ نَادُمْ صَالِحْ وَ مَا عِنْدِي عَيْب.

رُؤية 2:5

هَسَّعْ فَكِّرْ فِي الْكَلَامْ دَا وَ أَعَرِفْ كَدَرْ أَكِيدْ إِنْتَ مَرَقْت بَعِيدْ مِنْ الدَّرِبْ. وَ خَلَاصْ، تُوبْ مِنْ ذُنُوبَكْ وَ خَلِّي حَالَكْ تَبْقَى مِثِلْ أَوَّلْ. وَ كَنْ مَا تُتُوبْ، أَنَا نَجِيكْ وَ نَرْفَعْ فَانُوسَكْ مِنْ بَكَانَهْ.

خُروج 34:35

وَ فِي الْبَكَانْ دَا، بَنِي إِسْرَائِيلْ يِشِيفُوا وِجْهَهْ الْقَاعِدْ يِرَارِي. وَ بَعَدْ دَا، هُو يُخُطّ الْمِنْدِيلْ فِي وِجْهَهْ لَحَدِّي يَجِي يِكَلِّمْ مَعَ اللّٰهْ بَتَّانْ.