فِلِبِّي 2:12 - الكتاب المقدس بالعربي الدارجي هنا تشاد

¹² فِي شَانْ كُلَّ الْكَلَامْ دَا، يَا أَخْوَانِي النِّحِبُّكُو، أَسْمَعَوْا كَلَامِي. وَكِتْ أَنَا مَعَاكُو، إِنْتُو دَايْماً تِتَابُعُوا كَلَامْ اللّٰهْ. وَ هَسَّعْ وَكِتْ أَنَا مَا مَعَاكُو، وَاجِبْ تِتَابُعُوهْ بِزِيَادَةْ. جَاهُدُوا بِخَوْف وَ رَجِفِينْ لِتِسَوُّوا كُلَّ شَيّءْ الْوَاجِبْ لِلنَّاسْ الْاللّٰهْ نَجَّاهُمْ.

فِلِبِّي 2:12 Referenca të Kryqëzuara

1 كُرُنْتُس 15:58

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَقْعُدُوا ثَابْتِينْ وَ قَوِيِّينْ. أَنْكَرْبُوا دَايْماً فِي خِدْمَةْ رَبِّنَا أَشَانْ تَعَرْفُوا كَدَرْ الْخِدْمَةْ التَّخْدُمُوهَا لِرَبِّنَا أَبَداً مَا بَاطْلَةْ.

عِبْرَانِيِّين 4:11

وَ خَلَاصْ، خَلِّي نِجَاهُدُوا لِنَدْخُلُوا فِي الرَّاحَةْ دِي، أَشَانْ نَادُمْ مِنِّنَا مَا يِوَدِّرْ بِسَبَبْ الْعِصْيَانْ مِثِلْ جُدُودْنَا.

1 بُطْرُس 2:11

يَا أَخْوَانِي النِّحِبُّكُو الْعَايْشِينْ فِي الدُّنْيَا مِثِلْ أَجَانِبْ وَ ضِيفَانْ، نُقُولْ لَيْكُو أَنْقَرْعُوا. شَهْوَاتْ الْإِنْسَانْ عَدُو. آبَوْا مَا تِتَابُعُوهُمْ.

مَتَّى 11:29

شِيلُوا التَّقَلَةْ النَّنْطِيهَا لَيْكُو وَ أَبْقَوْا تَلَامِيذِي أَشَانْ أَنَا ضَلُولْ وَ حَنُونْ وَ تَلْقَوْا جُمَّةْ لِنُفُوسْكُو.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

إشَعْيا 66:2

أَشَانْ كُلَّ الْأَشْيَاءْ دَوْل، إِيدِي بَسْ سَوَّتْهُمْ وَ مِثِلْ دَا بَسْ، هُمَّنْ مَوْجُودِينْ. دَاهُو النَّادُمْ الْأَنَا نَرْضَى بَيَّهْ، هُو الْمِسْكِينْ وَ رُوحَهْ مُحَطَّمَةْ وَ يَرْجِفْ مِنْ كَلَامِي.» وَ دَا كَلَامْ اللّٰهْ.

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

عِبْرَانِيِّين 5:9

وَ خَلَاصْ، هُو بِقِي الْمُنَجِّي الْكَامِلْ وَ بِقِي دَرِبْ النَّجَاةْ الْأَبَدِيَّةْ لِكُلَّ النَّاسْ الْيِتَابُعُوا كَلَامَهْ.

2 تِمُوتَاوُس 2:10

وَ بِمِثِلْ دَا، نَحْمَلْ أَيِّ تَعَبْ فِي شَانْ النَّاسْ الْاللّٰهْ عَزَلَاهُمْ وَ نِجَاهِدْ أَشَانْ يَلْقَوْا مَعَايِ النَّجَاةْ بِالْمَسِيحْ عِيسَى وَ يَدْخُلُوا فِي الْمَجْد الْأَبَدِي.

أمْثال 13:4

الْكَسْلَانْ يِتْمَنَّى وَ مَا يَلْقَى وَ لَاكِنْ النَّشِيطْ يَنْجَحْ وَ يَشْبَعْ.

عِبْرَانِيِّين 4:1

وَعَدْ اللّٰهْ الْبُخُصّ الدَّخُولْ فِي رَاحْتَهْ لِسَّاعْ قَاعِدْ. أَنْقَرْعُوا! خَلِّي أَيِّ نَادُمْ مِنْكُو يَدْخُلْ فِي الرَّاحَةْ دِي بَلَا فَشَلْ.

عِبْرَانِيِّين 12:1

وَ فِي الْكَلَامْ دَا، عِنْدِنَا شُهُودْ كَتِيرِينْ بِلْحَيْن الْيَشْهَدَوْا لَيْنَا مِنْ أَيِّ جِيهَةْ. أَشَانْ دَا، خَلِّي نِخَلُّوا مِنِّنَا كُلَّ شَيّءْ الْيِوَقِّفْنَا وَ كُلَّ ذَنِبْ الْيِدَوْر يَكْرُبْنَا. وَ خَلِّي نَمْشُوا قِدَّامْ بِجُهُدْ مِثِلْ نَاسْ فِي مُسَابَقَةْ وَ نَجْرُوا لَحَدِّي نِكَمُّلُوا الْمُسَابَقَةْ الْأَنِحْنَ قَاعِدِينْ فَوْقهَا.

فِلِبِّي 4:1

يَا أَخْوَانِي النِّحِبُّكُو، أَنَا مُشْتَاقْ لَيْكُو كَتِيرْ وَ نَفْرَحْ بَيْكُو وَ فِي شَانْكُو إِنْتُو، نَرْفَعْ رَاسِي فَوْق. يَا الْمَحْبُوبِينْ، أَقْعُدُوا ثَابْتِينْ فِي رَبِّنَا عِيسَى.

رَوْمَا 2:7

هُو يَنْطِي الْحَيَاةْ الْأَبَدِيَّةْ لِلنَّاسْ الْيِسَوُّوا الْخَيْر وَ يِفَتُّشُوا دَايْماً مِنْ اللّٰهْ الْمَجْد وَ الشَّرَفْ وَ الْحَيَاةْ الْمَا عِنْدَهَا حَدّ.

1 تَسَلونِيكِي 1:3

وَ أَيِّ وَكِتْ النَّسْأَلَوْا لَيْكُو أَبُونَا اللّٰهْ، نِفَكُّرُوا فِي الْعَمَلْ السَّوَّيْتُوهْ بِالْإِيمَانْ وَ الْخِدْمَةْ السَّوَّيْتُوهَا بِالْمَحَبَّةْ وَ عَشَمْكُو الْقَوِي فِي رَبِّنَا عِيسَى الْمَسِيحْ.

فِلِبِّي 1:29

أَشَانْ اللّٰهْ أَنْطَاكُو رَحْمَةْ وَ بِالرَّحْمَةْ دِي، إِنْتُو مَا تِآمُنُوا بِالْمَسِيحْ بَسْ لَاكِنْ تَتْعَبَوْا فِي شَانَهْ كُلَ.

زَبُور 119:120

جِسْمِي رَجَفْ مِنْ الْخَوْف قِدَّامَكْ وَ مِنْ الرُّعُبْ قِدَّامْ شَرِيعْتَكْ.

زَبُور 2:11

أَخْدُمُوا لِلّٰهْ بِخَوْف وَ أَفْرَحَوْا قِدَّامَهْ وَ أَسْجُدُوا.

2 كُرُنْتُس 7:15

وَ هُو قَاعِدْ يِفَكِّرْ فِيكُو وَ بِكِكَّيْف إِنْتُو كُلُّكُو سِمِعْتُوا كَلَامَهْ. وَ كَرَبْتُوهْ عَدِيلْ وَ كَرَّمْتُوهْ تَمَامْ وَ خَلَاصْ، هُو يِحِبُّكُو كَتِيرْ.

1 كُرُنْتُس 2:3

وَ أَنَا فَاقِدْ الْقُدْرَةْ وَكِتْ أَنَا قَاعِدْ مَعَاكُو وَ خَايِفْ بِلْحَيْن.

أفَسُس 6:5

أَسْمَعَوْا، يَا الْعَبِيدْ، تَابُعُوا كَلَامْ النَّاسْ الْفِي الدُّنْيَا دِي هُمَّنْ سِيَادْكُو. أَيْوَى، كَرُّمُوهُمْ وَ أَخَافَوْا مِنْهُمْ. أَخْدُمُوا لَيْهُمْ بِنِيَّةْ وَاحِدَةْ مِثِلْ إِنْتُو قَاعِدِينْ تَخْدُمُوا لِلْمَسِيحْ.

إشَعْيا 66:5

أَسْمَعَوْا كَلَامْ اللّٰهْ، إِنْتُو التَّرْجُفُوا مِنْ كَلَامَهْ: «أَخْوَانْكُو يَكْرَهَوْكُو وَ يِبَعُّدُوكُو فِي شَانْ أُسْمِي أَنَا اللّٰهْ. وَ يِشَّمَّتَوْا فَوْقكُو وَ يُقُولُوا: ‹خَلِّي اللّٰهْ يِوَصِّفْ مَجْدَهْ وَ نِشِيفُوا فَرَحْكُو!› وَ لَاكِنْ هُمَّنْ بَسْ يَلْقَوْا الْعَيْب.»

أمْثال 10:16

بِمَالْ أُجُرْتَهْ، الصَّالِحْ يِجِيبْ الْحَيَاةْ وَ بِمَكْسَبَهْ حَلَالَهْ، الْعَاصِي يِسَوِّي الذَّنِبْ.

مَتَّى 11:12

وَ مِنْ أَوَّلْ يَوْم هَنَا خِدْمَةْ يَحْيَى الْمُغَطِّسْ لَحَدِّي الْيَوْم، مَمْلَكَةْ اللّٰهْ قَاعِدَةْ تِزِيدْ بِقُدْرَةْ وَ الْيَدْخُلُوا فَوْقهَا يِوَجُّهُوا الْعُنُفْ.

عَزْرا 10:3

هَسَّعْ دَا، تَعَالُوا نِسَوُّوا مُعَاهَدَةْ مَعَ إِلٰـهْنَا لِنَمُرْقُوا كُلَّ الْعَوِينْ دَوْل وَ عِيَالْهُمْ مِنْ أُسُطْنَا مِثِلْ كَلَامَكْ إِنْتَ، يَا عَزْرَا، وَ النَّاسْ الْيَخَافَوْا مِنْ وَصَايَا إِلٰـهْنَا. وَ خَلِّي نِتَابُعُوا شُرُوطْ التَّوْرَاةْ.

فِلِبِّي 1:5

أَنَا فَرْحَانْ مِنْكُو أَشَانْ إِنْتُو شَارَكْتُوا مَعَايِ فِي بَلِّغِينْ بِشَارَةْ الْمَسِيحْ مِنْ أَوَّلْ وَكِتْ أَنَا جِيتْ لَيْكُو لَحَدِّي الْيَوْم.

أعمال الرُسُل 9:6

قُمّ وَ أَدْخُلْ فِي دِمَشْق وَ نَادُمْ وَاحِدْ يِأَوْرِيكْ بِالشَّيّءْ الْوَاجِبْ تِسَوِّيهْ.»

فِلِبِّي 2:19

وَ بَعَدْ شِيَّةْ، نِتْمَنَّى نِرَسِّلْ لَيْكُو تِمُوتَاوُسْ كَنْ دَا الْيِدَوْرَهْ رَبِّنَا عِيسَى. نِدَوْر نِرَسِّلَهْ أَشَانْ هُو يِشَجِّعْنِي وَكِتْ يِقَبِّلْ يِجِيبْ لَيِّ خَبَرْكُو.

1 كُرُنْتُس 4:14

أَنَا مَا كَتَبْت الْكَلَامْ دَا لِنِعَيِّبْكُو. لَاكِنْ كَتَبْتَهْ لِنِحَذِّرْكُو أَشَانْ إِنْتُو مِثِلْ عِيَالِي النِّحِبُّكُو.

فِلِبِّي 4:15

يَا أَخْوَانِي نَاسْ فِلِبِّي، إِنْتُو تَعَرْفُوا كَدَرْ أَوَّلْ مَرَّةْ جِيتْ بَلَّغْت بِشَارَةْ الْمَسِيحْ لَيْكُو وَ فُتّْ قِدَّامْ مِنْ بَلَدْ مَقِدُونِيَةْ، إِنْتُو وِحَيْدكُو شَارَكْتُوا مَعَايِ. مَا فِي جَمَاعَةْ مُؤمِنِينْ آخَرَةْ الْأَوَّلْ أَنْطَيْتهُمْ كَلَامْ اللّٰهْ وَ بَعَدَيْن هُمَّنْ أَنْطَوْنِي مُسَاعَدَةْ.

أعمال الرُسُل 16:29

وَ الْحَرَسْ نَادَى أَشَانْ يِجِيبُوا لَيَّهْ ضَيّ وَ دَخَلْ عَجَلَةْ فِي السِّجِنْ. وَ قَاعِدْ يَرْجِفْ مِنْ الْخَوْف وَ مَشَى وَقَعْ قِدَّامْ بُولُسْ وَ سِيلَا.

فِلِبِّي 1:6

وَ أَنَا مُؤَكِّدْ كَدَرْ اللّٰهْ، الْبَدَا خِدِمْتَهْ الْعَدِيلَةْ فَوْقكُو، هُو يِسَوِّيهَا دَايْماً لَحَدِّي يِتَمِّمْهَا فِي يَوْم جَيَّةْ الْمَسِيحْ عِيسَى.