فِلِبِّي 2:11 - الكتاب المقدس بالعربي الدارجي هنا تشاد

¹¹ وَ لَحَدِّي أَيِّ وَاحِدْ يَشْهَدْ وَ يُقُولْ كَدَرْ عِيسَى الْمَسِيحْ هُو الرَّبّ وَ يِمَجِّدْ اللّٰهْ أَبُوهْ.

فِلِبِّي 2:11 Referenca të Kryqëzuara

1 يُوحَنَّا 4:15

أَيِّ نَادُمْ الْيَشْهَدْ كَدَرْ عِيسَى هُو إِبْن اللّٰهْ، هُو قَاعِدْ ثَابِتْ فِي اللّٰهْ وَ اللّٰهْ قَاعِدْ ثَابِتْ فَوْقَهْ.

رَوْمَا 14:11

أَشَانْ دَا مَكْتُوبْ فِي الْكِتَابْ: <اللّٰهْ قَالْ: «أَنَا حَلَفْت بِنَفْسِي كَدَرْ كُلَّ رُكْبَةْ تَبْرُكْ قِدَّامِي وَ أَيِّ لِسَانْ يَشْهَدْ كَدَرْ أَنَا اللّٰهْ.»>

يُوحَنَّا 13:13

إِنْتُو تُقُولُوا أَنَا مُعَلِّمْكُو وَ سَيِّدْكُو وَ كَلَامْكُو صَحِيحْ.

1 يُوحَنَّا 4:2

وَ دَاهُو كِكَّيْف تَعَرْفُوا كَلَامْ هَنَا رُوحْ اللّٰهْ. كَنْ نَادُمْ يُقُولْ هُو يِحَجِّي بِقُدْرَةْ الرُّوحْ وَ يَشْهَدْ كَدَرْ عِيسَى هُو الْمَسِيحْ وَ بِقِي إِنْسَانِي وَكِتْ دَخَلْ فِي الدُّنْيَا، خَلَاصْ كَلَامَهْ دَا مِنْ اللّٰهْ.

رَوْمَا 14:9

فِي شَانْ دَا بَسْ، الْمَسِيحْ مَاتْ وَ بَعَثْ أَشَانْ يَبْقَى رَبّ الْحَيِّينْ وَ رَبّ الْمَيْتِينْ.

1 كُرُنْتُس 12:3

أَشَانْ دَا، نِدَوْر إِنْتُو تَفْهَمَوْا عَدِيلْ كَدَرْ النَّادُمْ الْيِحَجِّي بِقُدْرَةْ رُوحْ اللّٰهْ أَبَداً مَا يُقُولْ: «عِيسَى مَلْعُونْ.» وَ لَاكِنْ إِلَّا بِقُدْرَةْ الرُّوحْ الْقُدُّوسْ بَسْ، نَادُمْ يَقْدَرْ يُقُولْ: «عِيسَى هُو الرَّبّ».

يُوحَنَّا 14:13

وَ أَيِّ شَيّءْ التَّسْأَلَوْه بِأُسْمِي، أَنَا نِسَوِّيهْ أَشَانْ مَجْد أَبُويِ يِبِينْ زِيَادَةْ فَوْقِي أَنَا إِبْنَهْ.

1 بُطْرُس 1:21

وَ بِسَبَبْ الْمَسِيحْ، إِنْتُو آمَنْتُوا بِاللّٰهْ الْبَعَثَهْ مِنْ أُسْط الْمَيْتِينْ وَ أَنْطَاهْ الْمَجْد. وَ خَلَاصْ إِيمَانْكُو وَ عَشَمْكُو ثَابْتِينْ فِي اللّٰهْ.

1 كُرُنْتُس 8:6

وَ لَاكِنْ لَيْنَا أَنِحْنَ الْمُؤمِنِينْ، اللّٰهْ وَاحِدْ بَسْ. وَ هُو أَبُونَا الْخَلَقْ كُلَّ شَيّءْ وَ أَنِحْنَ نَحْيَوْا لَيَّهْ هُو. وَ الرَّبّ وَاحِدْ بَسْ وَ هُو عِيسَى الْمَسِيحْ وَ بَيَّهْ هُو كُلَّ شَيّءْ مَوْجُودْ وَ بَيَّهْ هُو أَنِحْنَ حَيِّينْ.

رُؤية 3:5

وَ أَيِّ نَادُمْ الْيِنَّصِرْ، أَنَا نِلَبِّسَهْ مِثِلْهُمْ خَلَقْ أَبْيَضْ وَ مَا نُقُشّ أُسْمَهْ مِنْ كِتَابْ الْحَيَاةْ. وَ أَنَا نَشْهَدْ لَيَّهْ قِدَّامْ أَبُويِ وَ قِدَّامْ مَلَائِكَتَهْ.

مَتَّى 10:32

«وَ أَيِّ نَادُمْ الْيَشْهَدْ لَيِّ قِدَّامْ النَّاسْ، أَنَا كُلَ نَشْهَدْ لَيَّهْ قِدَّامْ أَبُويِ اللّٰهْ.

أعمال الرُسُل 10:36

وَ أَكِيدْ، اللّٰهْ رَسَّلْ لِبَنِي إِسْرَائِيلْ بِشَارَةْ السَّلَامْ الْيَنْطِيهَا بِعِيسَى الْمَسِيحْ، رَبّ هَنَا كُلَّ النَّاسْ.

أعمال الرُسُل 2:36

«خَلَاصْ، خَلِّي أَيِّ نَادُمْ مِنْ بَنِي إِسْرَائِيلْ يَعَرِفْ بَلَا شَكَكْ كَدَرْ عِيسَى الْإِنْتُو كَتَلْتُوهْ فِي الصَّلِيبْ، اللّٰهْ جَعَلَهْ سِيدْكُو الْمَسِيحْ!»

يُوحَنَّا 9:22

وَ وَالْدَيْنَهْ حَجَّوْا مِثِلْ دَا أَشَانْ هُمَّنْ خَايْفِينْ مِنْ كُبَارَاتْ الْيَهُودْ. وَ الْكُبَارَاتْ أَوَّلْ أَسْتَفَقَوْا أَمْبَيْنَاتْهُمْ لِيَطُرْدُوا مِنْ بَيْت الصَّلَاةْ أَيِّ نَادُمْ الْيُقُولْ عِيسَى هُو الْمَسِيحْ.

يُوحَنَّا 5:23

أَشَانْ كُلَّ النَّاسْ يِكَرُّمُونِي أَنَا إِبْن اللّٰهْ مِثِلْ يِكَرُّمُوا اللّٰهْ. وَ النَّادُمْ الْمَا يِكَرِّمْنِي أَنَا إِبْن اللّٰهْ، مَا يِكَرِّمْ اللّٰهْ الرَّسَّلَانِي.

زَبُور 110:1

اللّٰهْ حَجَّى لِسِيدِي الْمَلِكْ وَ قَالْ: «أَقْعُدْ بِنُصِّي الزَّيْنَايْ لَحَدِّي نُخُطّ عُدْوَانَكْ تِحِتْ رِجِلَيْنَكْ.»

2 يُوحَنَّا 1:7

غَشَّاشِينْ كَتِيرِينْ قَمَّوْا يُرُوغُوا فِي الدُّنْيَا. هُمَّنْ يَابَوْا مَا يَشْهَدَوْا كَدَرْ عِيسَى الْمَسِيحْ بِقِي إِنْسَانِي وَكِتْ جَاءْ فِي الدُّنْيَا. النَّادُمْ الْيُقُولْ كَلَامْ مِثِلْ دَا، هُو غَشَّاشْ وَ عَدُو الْمَسِيحْ.

1 كُرُنْتُس 15:47

وَ الْإِنْسَانْ الْأَوَّلْ، هُو هَنَا الْأَرْض وَ هَنَا التُّرَابْ. وَ الْإِنْسَانْ التَّانِي، هُو هَنَا السَّمَاءْ.

رَوْمَا 15:9

وَ جَاءْ أَشَانْ النَّاسْ الْمَا يَهُودْ كُلَ يَشْكُرُوا اللّٰهْ فِي شَانْ رَحْمَتَهْ. مَكْتُوبْ فِي الْكِتَابْ: <بِسَبَبْ دَا، يَا اللّٰهْ، فِي أُسْط الْأُمَمْ نَشْكُرَكْ وَ بِغِنَيْ، نَمْدَحْ أُسْمَكْ.>

يُوحَنَّا 20:28

وَ تُومَا رَدَّ لَيَّهْ وَ قَالْ: «إِنْتَ رَبِّي. إِنْتَ إِلٰـهِي!»

يُوحَنَّا 17:1

وَ وَكِتْ عِيسَى قَالْ كُلَّ الْكَلَامْ دَا خَلَاصْ، هُو رَفَعْ رَاسَهْ وَ شَافْ فَوْق فِي السَّمَاءْ وَ قَالْ: «يَا أَبُويِ، الْوَكِتْ جَاءْ. أَنْطِي مَجْد لَيِّ أَنَا إِبْنَكْ أَشَانْ أَنَا إِبْنَكْ نِمَجِّدَكْ.

يُوحَنَّا 12:42

وَ فِي الْوَكِتْ دَا كُلَ، نَاسْ كَتِيرِينْ مِنْ الْكُبَارَاتْ آمَنَوْا بِعِيسَى. وَ لَاكِنْ مَا قَالَوْا شَيّءْ قِدَّامْ النَّاسْ أَشَانْ هُمَّنْ خَايْفِينْ مِنْ الْفَرِيزِيِّينْ. هُمَّنْ مَا دَوَّرَوْا الْفَرِيزِيِّينْ يَطُرْدُوهُمْ مِنْ بُيُوتْ الصَّلَاةْ

لُوقا 2:11

الْيَوْم وِلْدَوْا لَيْكُو صَغِيرْ فِي مَدِينَةْ دَاوُدْ وَ هُو الْيِنَجِّي النَّاسْ وَ هُو الْمَسِيحْ وَ الرَّبّ.

إرْمِيا 23:6

وَ فِي وَكِتْ حُكْمَهْ، بَنِي يَهُوذَا يَلْقَوْا النَّجَاةْ وَ بَنِي إِسْرَائِيلْ يَسْكُنُوا بِأَمَانْ. وَ دَاهُو الْأُسُمْ الْيِسَمُّوهْ بَيَّهْ، اللّٰهْ هُو بَسْ الْيِجِيبْ لَيْنَا الْعَدَالَةْ.»

زَبُور 18:49

وَ بِسَبَبْ دَا، يَا اللّٰهْ، فِي أُسْط الْأُمَمْ، نَشْكُرَكْ وَ بِغِنَيْ، نَمْدَحْ أُسْمَكْ.

يُوحَنَّا 14:23

وَ عِيسَى رَدَّ لَيَّهْ وَ قَالْ: «كَنْ نَادُمْ يِحِبِّنِي هُو يِتَابِعْ كَلَامِي. وَ أَبُويِ يِحِبَّهْ وَ أَنِحْنَ نَجُوا لَيَّهْ وَ نَسْكُنُوا مَعَايَهْ.

يُوحَنَّا 13:14

وَ كَنْ أَنَا سَيِّدْكُو وَ مُعَلِّمْكُو وَ أَنَا غَسَّلْت رِجْلَيْكُو، وَاجِبْ أَيِّ وَاحِدْ مِنْكُو يِغَسِّلْ رِجْلَيْ الْآخَرِينْ.