فِلِبِّي 2:1 - الكتاب المقدس بالعربي الدارجي هنا تشاد

¹ هَلْ لِقِيتُوا شَجَاعَةْ بِعَلَاقِتْكُو مَعَ الْمَسِيحْ وَلَّا؟ وَ مَحَبِّتَهْ رَقَّدَتْ قُلُوبْكُو وَلَّا؟ وَ شَارَكْتُوا سَوَا فِي قُدْرَةْ الرُّوحْ الْقُدُّوسْ وَلَّا؟ وَ لِقِيتُوا مِنْ الْمَسِيحْ مَحَنَّةْ كَتِيرَةْ وَلَّا؟

فِلِبِّي 2:1 Referenca të Kryqëzuara

كُلُوسِي 3:12

يَا النَّاسْ الْاللّٰهْ عَزَلَاكُو، بِقِيتُوا صَالِحِينْ وَ مَحْبُوبِينْ. أَشَانْ دَا، أَلْبَسَوْا الْمَحَنَّةْ وَ خَلِّي قُلُوبْكُو يَبْقَوْا بُيُضْ وَ نَفَسْكُو يَبْقَى بَارِدْ وَ أَبْقَوْا ضَلُولِينْ وَ صُبُورِينْ.

1 يُوحَنَّا 4:12

أَبَداً مَا فِي أَيِّ نَادُمْ الشَّافْ اللّٰهْ. لَاكِنْ كَنْ أَنِحْنَ قَاعِدِينْ نِرَّايَدَوْا أَمْبَيْنَاتْنَا، اللّٰهْ قَاعِدْ مَعَانَا وَ مَحَبِّتَهْ تَبْقَى كَامِلَةْ فَوْقنَا.

2 كُرُنْتُس 13:14

خَلِّي رَحْمَةْ رَبِّنَا عِيسَى الْمَسِيحْ وَ مَحَبَّةْ اللّٰهْ وَ الْخُوَّةْ الْجَايَةْ مِنْ الرُّوحْ الْقُدُّوسْ يَقْعُدُوا ثَابْتِينْ فَوْقكُو كُلُّكُو.

كُلُوسِي 2:2

وَ نِجَاهِدْ أَشَانْ يَلْقَوْا شَجَاعَةْ فِي قُلُوبْهُمْ وَ وِحْدَةْ بِالْمَحَبَّةْ وَ فِهِمْ تَمَامْ مَلَانْ بِبَرَكَةْ. نِدَوْر كَدَرْ يَعَرْفُوا وَ يَفْهَمَوْا سِرّ اللّٰهْ يَعْنِي الْمَسِيحْ.

1 كُرُنْتُس 12:13

أَشَانْ غَطَّسَوْنَا كُلِّنَا بِالرُّوحْ الْقُدُّوسْ الْوَاحِدْ لِنَبْقَوْا جِسِمْ وَاحِدْ وَ دَا جِسِمْ الْمَسِيحْ. وَ سَوَّى نَفْس الشَّيّءْ لَيْنَا كُلِّنَا كَنْ أَنِحْنَ يَهُودْ أَوْ مَا يَهُودْ، وَ كَنْ أَنِحْنَ عَبِيدْ أَوْ حُرِّينْ. وَ الرُّوحْ الْقُدُّوسْ بِقِي لَيْنَا مِثِلْ الشَّرَابْ الْوَاحِدْ الْكُلِّنَا كَيْ شِرِبْنَا مِنَّهْ.

زَبُور 133:1

دَا عَدِيلْ وَ سَمَحْ لِلْأَخْوَانْ كَنْ يُكُونُوا سَوَا!

غَلاطِية 5:22

لَاكِنْ مِثِلْ الشَّدَرْ يَلْدَ عِيَالْ، دَاهُو عِيَالْ الرُّوحْ الْقُدُّوسْ هُمَّنْ الْمَحَبَّةْ وَ الْفَرَحْ وَ السَّلَامْ وَ الصَّبُرْ وَ الْقَلِبْ الْأَبْيَضْ وَ الْخَيْر وَ الْأَمَانْ

غَلاطِية 4:6

لِيِأَكِّدْ كَدَرْ إِنْتُو كُلَ بِقِيتُوا عِيَالَهْ، اللّٰهْ نَزَّلْ فِي قُلُوبْنَا كُلِّنَا رُوحْ هَنَا إِبْنَهْ الْيَصْرَخْ: «أَبَّ، أَبُونَا!»

أعمال الرُسُل 4:32

وَ كُلَّ الْمُؤمِنِينْ عِنْدُهُمْ قَلِبْ وَاحِدْ وَ فِكِرْ وَاحِدْ. وَ مَا فِي نَادُمْ يُقُولْ خُمَامَهْ حَقَّهْ حَلَالَهْ. وَ أَيِّ نَادُمْ مِنْهُمْ يَجْعَلْ مَالَهْ مِثِلْ مَالْ الْأَخْوَانْ.

1 يُوحَنَّا 3:24

كُلَّ النَّاسْ الْيِتَابُعُوا وَصِيَّاتَهْ قَاعِدِينْ ثَابْتِينْ فَوْقَهْ وَ هُو قَاعِدْ ثَابِتْ فَوْقهُمْ. وَ نَعَرْفُوا أَكِيدْ كَدَرْ هُو قَاعِدْ ثَابِتْ فَوْقنَا وَ دَا نَعَرْفُوهْ مِنْ الرُّوحْ الْقُدُّوسْ الْهُو نَزَّلَهْ فَوْقنَا.

يُوحَنَّا 17:13

«وَ هَسَّعْ نَمْشِي لَيْك. وَ وَكِتْ أَنَا لِسَّاعْ فِي الدُّنْيَا، نُقُولْ الْكَلَامْ دَا أَشَانْ هُمَّنْ يَفْرَحَوْا فَرْحَةْ شَدِيدَةْ مِثِلْ أَنَا نَفْرَحْ.

1 يُوحَنَّا 4:16

وَ خَلَاصْ عِرِفْنَا الْمَحَبَّةْ الْاللّٰهْ حَبَّانَا بَيْهَا وَ آمَنَّا بَيْهَا. اللّٰهْ هُو مَحَبَّةْ. وَ الثَّابْتِينْ فِي الْمَحَبَّةْ ثَابْتِينْ فِي اللّٰهْ وَ اللّٰهْ ثَابِتْ فَوْقهُمْ.

فِلِبِّي 3:3

يُقُولُوا هُمَّنْ الْمُطَهَّرِينْ. لَاكِنْ أَنِحْنَ بَسْ النَّاسْ الْمُطَهَّرِينْ بِالصَّحِيحْ، أَنِحْنَ النَّعَبُدُوا اللّٰهْ بِقُدْرَةْ الرُّوحْ الْقُدُّوسْ. وَ نِفَاشُرُوا بِالْمَسِيحْ عِيسَى وَ أَبَداً مَا نِنْتَكْلُوا عَلَيْ جِلِدْنَا.

1 كُرُنْتُس 3:16

إِنْتُو نِسِيتُوا وَلَّا؟ إِنْتُو ذَاتْكُو بَيْت اللّٰهْ. رُوحْ اللّٰهْ سَاكِنْ فَوْقكُو.

رَوْمَا 8:26

وَ مِثِلْ دَا، الرُّوحْ الْقُدُّوسْ كُلَ يِعَاوِنَّا أَشَانْ أَنِحْنَ ضَعِيفِينْ. مَا نَعَرْفُوا كِكَّيْف وَاجِبْ نِصَلُّوا لَاكِنْ الرُّوحْ الْقُدُّوسْ يِصَلِّي لَيْنَا بِقَنِتِينْ الْمَا بِنْقَالْ.

رَوْمَا 5:5

وَ الْعَشَمْ دَا أَبَداً مَا يِجِيبْ لَيْنَا الْعَيْب أَشَانْ اللّٰهْ نَزَّلْ مَحَبِّتَهْ فِي قُلُوبْنَا بِالرُّوحْ الْقُدُّوسْ الْهُو أَنْطَاهْ لَيْنَا.

أعمال الرُسُل 2:46

وَ كُلَّ يَوْم، قَاعِدِينْ يِلِمُّوا فِي بَيْت اللّٰهْ وَ يِلْعَشَّوْا سَوَا فِي بُيُوتْهُمْ بِفَرَحْ وَ قَلِبْ مُخْلِصْ.

1 بُطْرُس 1:2

اللّٰهْ أَبُوكُو عَزَلَاكُو حَسَبْ النِّظَامْ الْعِنْدَهْ مِنْ زَمَانْ. وَ إِنْتُو بِقِيتُوا النَّاسْ الْخَاصِّيْن لَيَّهْ بِقُدْرَةْ الرُّوحْ الْقُدُّوسْ. وَ دَا، لِتِتَابُعُوا عِيسَى الْمَسِيحْ وَ تَبْقَوْا طَاهِرِينْ بِدَمَّهْ الدَّفَّقْ فِي شَانْكُو. عَلَيْكُمْ السَّلَامْ وَ الرَّحْمَةْ بِكَتَرَةْ.

عِبْرَانِيِّين 6:18

وَ فِي شَانْ الْكَلَامْ دَا، عِنْدِنَا شَجَاعَةْ شَدِيدَةْ، أَوَّلْ بِوَعَدْ اللّٰهْ وَ بَتَّانْ بِحَلِيفَةْ اللّٰهْ. الْأَشْيَاءْ الْإِتْنَيْن دَوْل أَكِيدْ مَا يَفْشُلُوا أَشَانْ مَا مُمْكِنْ اللّٰهْ يِخَلِّي كَلَامَهْ الْقَالَهْ. وَ خَلَاصْ، أَنِحْنَ التُّبْنَا لِلّٰهْ أَشَانْ نَنْجَوْا، نَكُرْبُوا قَوِي الْعَشَمْ الْهُو قَدَّمَهْ لَيْنَا.

فِلِبِّي 1:8

وَ اللّٰهْ يَشْهَدْ لَيِّ، أَنَا قَرْمَانْ بِلْحَيْن لَيْكُو كُلُّكُو بِمَحَبَّةْ الْمَسِيحْ عِيسَى.

أفَسُس 4:4

جِسِمْ الْمَسِيحْ وَاحِدْ بَسْ وَ الرُّوحْ الْقُدُّوسْ، هُو كُلَ وَاحِدْ بَسْ. وَ مِثِلْ دَا، الْعَشَمْ الْاللّٰهْ نَادَاكُو لِتَلْقَوْه كُلَ وَاحِدْ.

2 كُرُنْتُس 2:14

وَ الْحَمْدُ للّٰهْ! اللّٰهْ قَاعِدْ دَايْماً يُقُودْنَا فِي مَجْمُوعَةْ التَّفْرَحْ بِالنَّصُرْ هَنَا الْمَسِيحْ. وَ فِي أَيِّ بَكَانْ، هُو يِوَزِّعْ بَيْنَا عِرْفَةْ اللّٰهْ الْمِثِلْ رِيحَةْ حَلُوَّةْ.

1 كُرُنْتُس 15:31

يَا أَخْوَانِي الْبِسَبَبْكُو رَاسِي فَوْق قِدَّامْ الْمَسِيحْ عِيسَى رَبِّنَا، نَشْهَدْ كَدَرْ كُلَّ يَوْم أَنَا قَاعِدْ فِي أُسْط الْمَوْت.

يُوحَنَّا 14:27

«نِخَلِّيكُو بِسَلَامْ. نَنْطِيكُو سَلَامْ هَنَايِ. أَنَا نَنْطِيكُو مَا مِثِلْ نَاسْ الدُّنْيَا يَنْطُوكُو. مَا تِبَرْجُلُوا وَ مَا تَخَافَوْا.

يُوحَنَّا 14:18

«أَنَا مَا نِخَلِّيكُو أَتَامَا. أَنَا نَجِي لَيْكُو بَتَّانْ.

لُوقا 2:25

وَ فِيَّهْ رَاجِلْ وَاحِدْ فِي مَدِينَةْ الْقُدُسْ أُسْمَهْ سَمْعَانْ وَ هُو نَادُمْ صَالِحْ وَ تَقِي. وَ هُو قَاعِدْ يَرْجَى بِعَشَمْ السَّلَامْ الْيِرَسِّلَهْ اللّٰهْ لِبَنِي إِسْرَائِيلْ. وَ الرُّوحْ الْقُدُّوسْ قَاعِدْ فَوْقَهْ.

إشَعْيا 16:11

وَ فِي شَانْ دَا، بُطُونِي رَجَفَوْا لِمُوَابْ مِثِلْ حُبَالْ الْجِقِنْدِيَّةْ وَ قَلْبِي خَافْ لِحِلَّةْ قِيرْ حَارَسْ.