فِلِبِّي 1:29 - الكتاب المقدس بالعربي الدارجي هنا تشاد

²⁹ أَشَانْ اللّٰهْ أَنْطَاكُو رَحْمَةْ وَ بِالرَّحْمَةْ دِي، إِنْتُو مَا تِآمُنُوا بِالْمَسِيحْ بَسْ لَاكِنْ تَتْعَبَوْا فِي شَانَهْ كُلَ.

فِلِبِّي 1:29 Referenca të Kryqëzuara

يَعْقُوب 1:2

يَا أَخْوَانِي، أَفْرَحَوْا فِي أَيِّ تَعَبْ الْيَجِيكُو

1 بُطْرُس 4:13

إِنْتُو قَاعِدِينْ تِشَارُكُوا فِي تَعَبْ الْمَسِيحْ وَ أَشَانْ دَا، أَفْرَحَوْا فِي أُسْط التَّعَبْ. وَ كَنْ شَارَكْتُوا فِي تَعَبْ الْمَسِيحْ دَا، تَفْرَحَوْا فَرْحَةْ شَدِيدَةْ وَكِتْ هُو يِبِينْ فِي مَجْدَهْ.

أعمال الرُسُل 5:41

وَ الرُّسُلْ مَرَقَوْا مِنْ بَكَانْ الْمَجْلَسْ فَرْحَانِينْ أَشَانْ اللّٰهْ شَرَّفَاهُمْ بِالتَّعَبْ التِّعِبَوْه فِي شَانْ أُسُمْ عِيسَى.

رَوْمَا 5:3

وَ زِيَادَةْ مِنْ دَا، نَفْرَحَوْا كُلَ فِي التَّعَبْ الْيَجِي فَوْقنَا أَشَانْ نَعَرْفُوا التَّعَبْ يَنْطِينَا الصَّبُرْ.

أعمال الرُسُل 14:22

وَ فِي كُلَّ الْحِلَّالْ دَوْل، شَجَّعَوْا التَّلَامِيذ وَ وَصَّوْهُمْ أَشَانْ يَقْعُدُوا ثَابْتِينْ فِي الْإِيمَانْ. وَ قَالَوْا لَيْهُمْ: «أَكِيدْ، تَعَبْ كَتِيرْ يَجِي فَوْقنَا كُلِّنَا فِي الدَّرِبْ الْيِوَدِّينَا فِي مَمْلَكَةْ اللّٰهْ.»

أفَسُس 2:8

أَيْوَى، بِرَحْمَةْ اللّٰهْ بَسْ، إِنْتُو نِجِيتُوا بِسَبَبْ إِيمَانْكُو بِالْمَسِيحْ. إِنْتُو مَا نَجَّيْتُوا نُفُوسْكُو لَاكِنْ النَّجَاةْ دِي هَدِيَّةْ مِنْ اللّٰهْ.

كُلُوسِي 2:12

وَ وَكِتْ إِنْتُو غَطَّسَوْكُو، شَارَكْتُوا مَعَايَهْ فِي مَوْتَهْ وَ شَارَكْتُوا فِي بُعَاثَهْ بِإِيمَانْكُو بِقُدْرَةْ اللّٰهْ الْبَعَثَهْ مِنْ أُسْط الْمَيْتِينْ.

أعمال الرُسُل 14:27

وَ وَكِتْ وِصْلَوْا خَلَاصْ، نَادَوْا كُلَّ جَمَاعَةْ الْمُؤمِنِينْ يِلِمُّوا. وَ أَوْرَوْهُمْ بِكُلَّ شَيّءْ الْاللّٰهْ سَوَّاهْ بَيْهُمْ وَ كِكَّيْف اللّٰهْ فَتَحْ دَرِبْ الْإِيمَانْ لِلنَّاسْ الْمَا يَهُودْ.

أعمال الرُسُل 13:39

وَ لَاكِنْ كُلَّ النَّاسْ الْيِآمُنُوا بِعِيسَى، اللّٰهْ يِحَرِّرْهُمْ مِنْ ذُنُوبْهُمْ.

مَتَّى 16:17

وَ عِيسَى قَالْ لَيَّهْ: «مَبْرُوكْ لَيْك سِمْعَانْ وِلَيْد يُوحَنَّا! الْفِكِرْ دَا مَا جَايْ مِنْ إِنْسَانْ! لَاكِنْ أَبُويِ اللّٰهْ بَسْ أَنْطَاكْ.