فِلِبِّي 1:27 - الكتاب المقدس بالعربي الدارجي هنا تشاد

²⁷ لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

فِلِبِّي 1:27 Referenca të Kryqëzuara

أفَسُس 4:1

أَشَانْ كُلَّ الْكَلَامْ دَا، أَنَا الْمَسْجُونْ هِنِي فِي شَانْ رَبِّنَا، نِوَصِّيكُو. عِيشُوا بِالْحَالْ الْمُوَافْقَةْ لِلنَّاسْ الْاللّٰهْ نَادَاهُمْ.

1 كُرُنْتُس 1:10

يَا أَخْوَانِي، أَنَا نِوَصِّيكُو بِأُسُمْ رَبِّنَا عِيسَى الْمَسِيحْ أَشَانْ كَلَامْكُو يَبْقَى وَاحِدْ لَحَدِّي مَا تِنْقَسْمُوا. وَ خَلِّي قَلِبْكُو يَبْقَى وَاحِدْ وَ فِكِرْكُو يَبْقَى وَاحِدْ.

2 بُطْرُس 3:14

يَا أَخْوَانِي النِّحِبُّكُو، دَا بَسْ الشَّيّءْ التَّرْجَوْه مِنْ اللّٰهْ. وَ أَشَانْ دَا، سَوُّوا جُهُدْ أَشَانْ تِعِيشُوا بِسَلَامْ قِدَّامَهْ بَلَا خَطَا وَ لَا عَيْب.

كُلُوسِي 1:10

وَ مِثِلْ دَا، تَعَرْفُوا كِكَّيْف تِعِيشُوا بِحَالْ الْوَاجْبَةْ لِنَاسْ الرَّبّ وَ تِسَوُّوا دَايْماً الشَّيّءْ الْهُو يَرْضَى بَيَّهْ وَ تِسَوُّوا كُلَّ عَمَلْ الْخَيْر وَ تَعَرْفُوا اللّٰهْ بِزِيَادَةْ.

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

1 تَسَلونِيكِي 4:1

يَا أَخْوَانِي، أَسْمَعَوْا كَلَامِي بَتَّانْ. أَوَّلْ عَلَّمْتُوا مِنِّنَا الْحَالْ الْوَاجْبَةْ أَشَانْ اللّٰهْ يَرْضَى بَيْكُو. وَ خَلَاصْ إِنْتُو مَاشِينْ عَدِيلْ. وَ أَشَانْ دَا، نَشْحَدَوْكُو وَ نِوَصُّوكُو بِأُسُمْ الرَّبّ عِيسَى أَشَانْ تَمْشُوا عَدِيلْ بِزِيَادَةْ.

فِلِبِّي 2:12

فِي شَانْ كُلَّ الْكَلَامْ دَا، يَا أَخْوَانِي النِّحِبُّكُو، أَسْمَعَوْا كَلَامِي. وَكِتْ أَنَا مَعَاكُو، إِنْتُو دَايْماً تِتَابُعُوا كَلَامْ اللّٰهْ. وَ هَسَّعْ وَكِتْ أَنَا مَا مَعَاكُو، وَاجِبْ تِتَابُعُوهْ بِزِيَادَةْ. جَاهُدُوا بِخَوْف وَ رَجِفِينْ لِتِسَوُّوا كُلَّ شَيّءْ الْوَاجِبْ لِلنَّاسْ الْاللّٰهْ نَجَّاهُمْ.

فِلِبِّي 3:18

وَ قُلْت الْكَلَامْ دَا أَشَانْ فِي نَاسْ كَتِيرِينْ يِسَوُّوا نُفُوسْهُمْ عَدُو لِصَلِيبْ الْمَسِيحْ مِثِلْ أَوْرَيْتكُو بَيَّهْ عِدَّةْ مَرَّاتْ. وَ بَتَّانْ نِأَوْرِيكُو بَيَّهْ بِحِزِنْ شَدِيدْ وَ دُمُوعْ.

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.

أعمال الرُسُل 4:32

وَ كُلَّ الْمُؤمِنِينْ عِنْدُهُمْ قَلِبْ وَاحِدْ وَ فِكِرْ وَاحِدْ. وَ مَا فِي نَادُمْ يُقُولْ خُمَامَهْ حَقَّهْ حَلَالَهْ. وَ أَيِّ نَادُمْ مِنْهُمْ يَجْعَلْ مَالَهْ مِثِلْ مَالْ الْأَخْوَانْ.

زَبُور 133:1

دَا عَدِيلْ وَ سَمَحْ لِلْأَخْوَانْ كَنْ يُكُونُوا سَوَا!

إرْمِيا 32:39

وَ أَنَا نِوَحِّدْ قَلِبْهُمْ وَ دَرِبْهُمْ أَشَانْ يَخَافَوْا مِنِّي دَايْماً. وَ بَيْدَا، يَقْعُدُوا فِي رَاحَةْ، هُمَّنْ وَ عِيَالْهُمْ مِنْ بَعَدْهُمْ.

2 بُطْرُس 3:11

وَ كَنْ كُلَّ شَيّءْ يِدَّمَّرْ مِثِلْ دَا، إِنْتُو وَاجِبْ تِسَوُّوا شُنُو؟ وَاجِبْ تِعِيشُوا بِتَقْوَى وَ حَالْ صَالْحَةْ.

1 كُرُنْتُس 15:58

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَقْعُدُوا ثَابْتِينْ وَ قَوِيِّينْ. أَنْكَرْبُوا دَايْماً فِي خِدْمَةْ رَبِّنَا أَشَانْ تَعَرْفُوا كَدَرْ الْخِدْمَةْ التَّخْدُمُوهَا لِرَبِّنَا أَبَداً مَا بَاطْلَةْ.

رَوْمَا 1:16

أَشَانْ وَكِتْ أَنَا نِبَشِّرْ بِشَارَةْ الْمَسِيحْ، دَا مَا عِنْدَهْ لَيِّ عَيْب. وَ بِشَارَةْ الْمَسِيحْ، هِي قُدْرَةْ اللّٰهْ الْبَيْهَا يِنَجِّي كُلَّ النَّاسْ الْيِآمُنُوا بَيَّهْ، أَوَّلْ كَيْ الْيَهُودْ وَ بَتَّانْ الْمَا يَهُودْ.

يَعْقُوب 3:18

وَ نَتِيجَةْ الْعَدَالَةْ مَزْرُوعَةْ فِي السَّلَامْ لِلنَّاسْ الْيِسَوُّوا عَمَلْ السَّلَامْ.

فِلِمُون 1:5

أَشَانْ سِمِعْت خَبَرْ إِيمَانَكْ بِرَبِّنَا عِيسَى وَ بِمَحَبِّتَكْ لِكُلَّ الصَّالِحِينْ.

تِيطُس 2:10

وَ لَا يَسُرْقُوا مِنْهُمْ شَيّءْ. وَ لَاكِنْ وَاجِبْ يَبْقَوْا لَيْهُمْ أَمِينِينْ مَرَّةْ وَاحِدْ أَشَانْ يِوَصُّفُوا فِي كُلِّ شَيّءْ كَدَرْ تَعْلِيمْ هَنَا اللّٰهْ الْيِنَجِّينَا، هُو سَمَحْ بِلْحَيْن.

2 تِمُوتَاوُس 4:7

أَنَا جَاهَدْت جِهَادْ شَدِيدْ فِي الْحَقّ. وَ الْمُسَابَقَةْ الطَّوِيلَةْ كَمَّلْتَهَا وَ الْإِيمَانْ كَرَبْتَهْ قَوِي لَحَدِّي النِّهَايَةْ.

1 تِمُوتَاوُس 1:19

أَكْرُبْ الْإِيمَانْ قَوِي وَ سَوِّي كُلِّ شَيّءْ بِنِيَّةْ مُخْلِصَةْ. نَاسْ وَاحِدِينْ خَلَّوْا مِنْهُمْ النِّيَّةْ الْمُخْلِصَةْ وَ تَلَّفَوْا إِيمَانْهُمْ مَرَّةْ وَاحِدْ.

1 تِمُوتَاوُس 1:11

وَ التَّعْلِيمْ هُو عَدِيلْ كَنْ يِوَافِقْ مَعَ الْبِشَارَةْ الْاللّٰهْ كَلَّفَانِي بَيْهَا أَشَانْ نِبَلِّغْهَا. وَ هِي الْبِشَارَةْ الْمَجِيدَةْ الْمِنْ اللّٰهْ الْوَاجِبْ لَيَّهْ الشُّكُرْ.

أعمال الرُسُل 2:46

وَ كُلَّ يَوْم، قَاعِدِينْ يِلِمُّوا فِي بَيْت اللّٰهْ وَ يِلْعَشَّوْا سَوَا فِي بُيُوتْهُمْ بِفَرَحْ وَ قَلِبْ مُخْلِصْ.

مَتَّى 12:25

وَ عِيسَى عِرِفْ فِكِرْهُمْ وَ قَالْ لَيْهُمْ: «أَيِّ مَمْلَكَةْ كَنْ نَاسْهَا يِدَّاوَسَوْا أَمْبَيْنَاتْهُمْ تَخْرَبْ. وَ مَا فِي مَدِينَةْ وَ لَا بَيْت يَقْعُدْ ثَابِتْ كَنْ نَاسَهْ يِدَّاوَسَوْا أَمْبَيْنَاتْهُمْ.

أمْثال 22:23

أَشَانْ اللّٰهْ ذَاتَهْ يَبْقَى لَيَّهْ مُحَامِي وَ يِعَاقِبْ الظَّالِمْ لَحَدِّي يِشِيلْ رُوحَهْ.

1 تَسَلونِيكِي 3:6

لَاكِنْ هَسَّعْ بَسْ، تِمُوتَاوُسْ قَبَّلْ مِنْكُو وَ جَابْ لَيْنَا خَبَرْ حَلُو. أَوْرَانَا بِإِيمَانْكُو وَ مَحَبِّتْكُو وَ قَالْ فِكِرْكُو فَوْقنَا دَايْماً فِكِرْ زَيْن وَ إِنْتُو مُشْتَاقِينْ لَيْنَا مِثِلْ أَنِحْنَ مُشْتَاقِينْ لَيْكُو.

كُلُوسِي 1:4

أَشَانْ سِمِعْنَا بِإِيمَانْكُو فِي الْمَسِيحْ عِيسَى وَ سِمِعْنَا بِحُبُّكُو لِكُلَّ الصَّالِحِينْ.

فِلِبِّي 2:24

وَ عِنْدِي عَشَمْ فَوْق رَبِّنَا كَدَرْ بَعَدْ وَكِتْ شِيَّةْ بَسْ، أَنَا ذَاتِي نَمْشِي لَيْكُو.

أفَسُس 1:15

وَ فِي شَانْ كُلَّ الْأَشْيَاءْ دَوْل، أَنَا نَشْكُرْ اللّٰهْ. أَيْوَى، مِنْ سِمِعْت كَدَرْ إِيمَانْكُو بِرَبِّنَا عِيسَى قَوِي وَ تِحِبُّوا كُلَّ الصَّالِحِينْ،

أفَسُس 1:13

وَ إِنْتُو كُلَ، سِمِعْتُوا كَلَامْ الْحَقّ فِي بِشَارَةْ الْمَسِيحْ الْبَيْهَا نِجِيتُوا وَ بِقِيتُوا مُؤمِنِينْ بِالْمَسِيحْ. وَ بِسَبَبْ عَلَاقِتْكُو مَعَ الْمَسِيحْ، اللّٰهْ نَزَّلْ فَوْقكُو الرُّوحْ الْقُدُّوسْ الْوَاعَدَانَا بَيَّهْ وَ هُو مِثِلْ الْوَسِمْ الْاللّٰهْ خَطَّاهْ فَوْقكُو.

غَلاطِية 1:7

وَ بِالصَّحِيحْ، مَا فِي بِشَارَةْ آخَرَةْ لَاكِنْ نَاسْ وَاحِدِينْ قَمَّوْا يِبَرْجُلُوكُو بِكَلَامْهُمْ وَ يِدَوْرُوا يِتَلُّفُوا بِشَارَةْ الْمَسِيحْ.

2 كُرُنْتُس 9:13

وَ نَاسْ كَتِيرِينْ يِمَجُّدُوا اللّٰهْ. أَشَانْ الْخِدْمَةْ دِي، هِي الدَّلِيلْ الْيِوَصِّفْ كَدَرْ إِنْتُو مُؤمِنِينْ بِبِشَارَةْ الْمَسِيحْ وَ تِتَابُعُوهْ عَدِيلْ. وَ يِمَجُّدُوا اللّٰهْ أَشَانْ أَنْطَيْتُوهُمْ وَ أَنْطَيْتُوا لِنَاسْ آخَرِينْ بِجُودْ.

2 كُرُنْتُس 4:4

النَّاسْ الْمَا مُؤمِنِينْ دَوْل قُلُوبْهُمْ عَمْيَانِينْ أَشَانْ إِبْلِيسْ عِنْدَهْ سُلْطَةْ فِي الدُّنْيَا دِي وَ هُو عَمَاهُمْ. هُو يِدَوْر يَدْحَرْهُمْ مَا يِشِيفُوا النُّورْ الْمَجِيدْ هَنَا الْمَسِيحْ النِّبَلُّغُوا بَيَّهْ الْبِشَارَةْ. الْمَسِيحْ هُو صُورَةْ اللّٰهْ.

رَوْمَا 15:29

وَ نَعَرِفْ كَدَرْ وَكِتْ نَلْحَقْ بَكَانْكُو دَا، نَجِيكُو مَلَانْ بِبَرَكَةْ الْمَسِيحْ الْخَاصَّة لَيْكُو.

رَوْمَا 15:16

لِنَبْقَى خَدَّامْ لِلْمَسِيحْ عِيسَى. وَ خِدِمْتِي هِي بَلِّغِينْ بِشَارَةْ اللّٰهْ لِلْأُمَمْ الْمَا يَهُودْ. أَنَا نَبْقَى مِثِلْ رَاجِلْ دِينْ وَكِتْ نِبَلِّغْ بِشَارَةْ اللّٰهْ لِلْأُمَمْ الْمَا يَهُودْ لِيَبْقَوْا مِثِلْ ضَحِيَّةْ الْاللّٰهْ يَرْضَى بَيْهَا. وَ الضَّحِيَّةْ دِي تَبْقَى خَاصَّة لِلّٰهْ بِقُدْرَةْ الرُّوحْ الْقُدُّوسْ.

رَوْمَا 10:8

لَاكِنْ الشَّيّءْ الْبُقُولَهْ شُنُو؟ بُقُولْ: <الْكَلَامْ قَاعِدْ قَرِيبْ لَيْك. هُو فِي خَشْمَكْ وَ فِي قَلْبَكْ.> وَ الْكَلَامْ دَا، هُو كَلَامْ الْإِيمَانْ النِّبَلُّغُوهْ لَيْكُو.

رَوْمَا 1:9

وَ اللّٰهْ النَّعَبُدَهْ بِكُلَّ رُوحِي فِي بَلِّغِينْ بِشَارَةْ إِبْنَهْ، هُو شَاهِدْ لَيِّ كَدَرْ أَنَا قَاعِدْ نِفَكِّرْ فَوْقكُو دَايْماً وَ نَدْعِي لَيْكُو

رَوْمَا 1:5

وَ بَيَّهْ هُو وَ فِي شَانْ أُسْمَهْ، اللّٰهْ أَنْطَانِي نِعْمَةْ وَ سَوَّانِي رَسُولْ أَشَانْ نِنَادِي كُلَّ الْأُمَمْ لِيِآمُنُوا بَيَّهْ وَ يِتَابُعُوا كَلَامَهْ.

أعمال الرُسُل 24:24

وَ بَعَدْ أَيَّامْ، فِيلِكْس جَاءْ مَعَ مَرْتَهْ. أُسُمْهَا دُرُوسِلَةْ وَ هِي يَهُودِيَّةْ. وَ نَادَى بُولُسْ أَشَانْ دَوَّرْ يَسْمَعْ كَلَامَهْ فِي الْإِيمَانْ بِالْمَسِيحْ عِيسَى.

زَبُور 122:3

مَدِينَةْ الْقُدُسْ هِي مَدِينَةْ مَبْنِيَّةْ بِجَمَالْ وَ مُوَحَّدَةْ.

فِلِبِّي 1:5

أَنَا فَرْحَانْ مِنْكُو أَشَانْ إِنْتُو شَارَكْتُوا مَعَايِ فِي بَلِّغِينْ بِشَارَةْ الْمَسِيحْ مِنْ أَوَّلْ وَكِتْ أَنَا جِيتْ لَيْكُو لَحَدِّي الْيَوْم.

فِلِبِّي 3:20

لَاكِنْ جِنْسِيِّتْنَا أَنِحْنَ، هِي الْجِنْسِيَّةْ السَّمَاوِيَّةْ. وَ أَنِحْنَ نَرْجَوْا مُنَجِّينَا الْيَجِي مِنْ السَّمَاءْ وَ خَاطِّينْ بَالْنَا فِي جَيْتَهْ وَ هُو رَبِّنَا عِيسَى الْمَسِيحْ.

فِلِبِّي 4:1

يَا أَخْوَانِي النِّحِبُّكُو، أَنَا مُشْتَاقْ لَيْكُو كَتِيرْ وَ نَفْرَحْ بَيْكُو وَ فِي شَانْكُو إِنْتُو، نَرْفَعْ رَاسِي فَوْق. يَا الْمَحْبُوبِينْ، أَقْعُدُوا ثَابْتِينْ فِي رَبِّنَا عِيسَى.

1 أخبار 19:12

وَ بَعَدْ دَا، يُوَابْ قَالْ لِأَبِشَايْ: «كَنْ الْأَرَامِيَّيْن غَلَبَوْنِي، إِنْتَ تَجِي تَفْزَعْنِي. وَ كَنْ بَنِي عَمُّونْ غَلَبَوْك، أَنَا نَجِي نَفْزَعَكْ.