فِلِبِّي 1:26 - الكتاب المقدس بالعربي الدارجي هنا تشاد

²⁶ وَ بِمِثِلْ دَا وَكِتْ نِقَبِّلْ لَيْكُو، إِنْتُو تِفَاشُرُوا زِيَادَةْ بِعِيسَى الْمَسِيحْ بِسَبَبِي أَنَا.

فِلِبِّي 1:26 Referenca të Kryqëzuara

2 كُرُنْتُس 1:14

وَ قُلْت الْكَلَامْ دَا أَشَانْ إِنْتُو لِسَّاعْكُو مَا فِهِمْتُوا نِيِّتْنَا تَمَامْ. وَ كَنْ فِهِمْتُوا نِيِّتْنَا، خَلَاصْ فِي يَوْم جَيَّةْ رَبِّنَا عِيسَى، إِنْتُو تِفَاشُرُوا بَيْنَا مِثِلْ أَنِحْنَ نِفَاشُرُوا بَيْكُو.

2 كُرُنْتُس 5:12

وَ بَتَّانْ مَا نِدَوْرُوا نِفَاشُرُوا. أَنِحْنَ نِدَوْرُوا نَنْطُوكُو فُرْصَةْ أَشَانْ تِحَجُّوا بَيْنَا رَاسْكُو مَرْفُوعْ وَ تُرُدُّوا لِلنَّاسْ الْقَاعِدِينْ يَرْفَعَوْا رُوسَيْهُمْ بِالشَّيّءْ الْبِنْشَافْ بَسْ وَ مَا بِالشَّيّءْ الْقَاعِدْ فِي الْقَلِبْ.

فِلِبِّي 4:4

أَفْرَحَوْا بِرَبِّنَا عِيسَى دَايْماً وَ بَتَّانْ نُقُولْ لَيْكُو، أَفْرَحَوْا!

فِلِبِّي 3:3

يُقُولُوا هُمَّنْ الْمُطَهَّرِينْ. لَاكِنْ أَنِحْنَ بَسْ النَّاسْ الْمُطَهَّرِينْ بِالصَّحِيحْ، أَنِحْنَ النَّعَبُدُوا اللّٰهْ بِقُدْرَةْ الرُّوحْ الْقُدُّوسْ. وَ نِفَاشُرُوا بِالْمَسِيحْ عِيسَى وَ أَبَداً مَا نِنْتَكْلُوا عَلَيْ جِلِدْنَا.

فِلِبِّي 4:10

أَنَا فَرْحَانْ بِلْحَيْن وَ قَاعِدْ نَشْكُرْ رَبِّنَا كَدَرْ فِي الأَخِيرْ، إِنْتُو شِلْتُوا نِيَّةْ أَشَانْ تِسَاعُدُونِي بَتَّانْ. بِالصَّحِيحْ، أَوَّلْ كُلَ عِنْدُكُو نِيَّةْ لَاكِنْ مَا عِنْدُكُو فُرْصَةْ.

فِلِبِّي 3:1

وَ خَلَاصْ، يَا أَخْوَانِي، أَفْرَحَوْا بِرَبِّنَا عِيسَى. مَا قَاسِي لَيِّ نَكْتِبْ لَيْكُو نَفْس الشَّيّءْ الْأَوَّلْ أَوْرَيْتكُو بَيَّهْ وَ نِكَرِّرَهْ بَتَّانْ أَشَانْ دَا يَبْقَى لَيْكُو أَكِيدْ.

2 كُرُنْتُس 7:6

لَاكِنْ اللّٰهْ الْيِشَجِّعْ التَّعْبَانِينْ شَجَّعَانَا بِجَيَّةْ أَخُونَا تِيطُسْ.

يُوحَنَّا 16:24

لَحَدِّي الْيَوْم، إِنْتُو مَا سَأَلْتُوا شَيّءْ مِنْ اللّٰهْ بِأُسْمِي. أَسْأَلَوْه وَ هُو يَنْطِيكُو أَشَانْ تَفْرَحَوْا فَرْحَةْ شَدِيدَةْ.

يُوحَنَّا 16:22

وَ يَبْقَى لَيْكُو مِثِلْ دَا. هَسَّعْ تَتْعَبَوْا لَاكِنْ أَنَا نِقَبِّلْ بَتَّانْ نِشِيفْكُو وَ إِنْتُو تَفْرَحَوْا فَرْحَةْ شَدِيدَةْ وَ مَا فِي نَادُمْ يِشِيلْ مِنْكُو الْفَرْحَةْ دِي.

نشيد 5:1

أَيْوَى، أَنَا نَدْخُلْ فِي جِنَيْنِتِي، يَا أَخْتِي، يَا عَرُوسِي! وَ نَقْطَعْ صَنْدَلِي وَ دُخَّانِي الْحَلُو! وَ نَاكُلْ عَسَلِي مِنْ شَمْعِتَهْ وَ نَشْرَبْ عَصِيرْ عِنَبِي وَ لَبَنِي. آكُلُوا، يَا الرُّفْقَانْ! أَشَرْبَوْا وَ أَسْكَرَوْا مِنْ الْحُبّ!

2 كُرُنْتُس 7:4

نِحَجِّي بَيْكُو دَايْماً بِفَرْحَةْ. أَنَا مَبْسُوطْ مِنْكُو بِلْحَيْن. شَجَّعْتُونِي شَجَاعَةْ شَدِيدَةْ بِلْحَيْن. وَ خَلَاصْ، فِي أُسُطْ كُلَّ صُعُوبَاتْنَا، عِنْدِي فَرَحْ زِيَادَةْ.

2 كُرُنْتُس 7:14

أَشَانْ أَوَّلْ كُلَ أَنَا رَاسِي مَرْفُوعْ وَكِتْ أَوْرَيْتَهْ بَيْكُو وَ خَلَاصْ كَلَامِي دَا مَا خَجَّلَانِي. مِثِلْ كُلَّ الْكَلَامْ الْقُلْنَا لَيْكُو صَحِيحْ، الْكَلَامْ الْقُلْتَهْ فِيكُو لِتِيطُسْ، دَا كُلَ بِقِي صَحِيحْ.

غَلاطِية 6:4

خَلِّي أَيِّ وَاحِدْ يِجَرِّبْ الْخِدْمَةْ الْهُو ذَاتَهْ يِسَوِّيهَا لِلرَّبّ. وَ مِثِلْ دَا، هُو يَفْرَحْ بِخِدِمْتَهْ وَ مَا يِشِيفْ خِدْمَةْ هَنَا نَادُمْ آخَرْ.