فِلِبِّي 1:23 - الكتاب المقدس بالعربي الدارجي هنا تشاد

²³ عِنْدِي شَهْوَاتْ إِتْنَيْن الْقَاعِدِينْ يِدَّاوَسَوْا فَوْقِي. نِدَوْر نِفَارِقْ الدُّنْيَا وَ نَقْعُدْ مَعَ الْمَسِيحْ أَشَانْ دَا بَسْ الْأَفْضَلْ.

فِلِبِّي 1:23 Referenca të Kryqëzuara

2 كُرُنْتُس 5:8

أَيْوَى، عَشَمْنَا قَوِي وَ أَخَيْر لَيْنَا نِخَلُّوا الْجِسِمْ الْأَرْضِي دَا أَشَانْ نَسْكُنُوا مَعَ رَبِّنَا.

زَبُور 17:15

كَنْ لَيِّ أَنَا، بِعَدَالْتِي نِشِيفْ وِجْهَكْ وَ وَكِتْ نُقُمّ، نَشْبَعْ مِنْ حَضَرَتَكْ.

رُؤية 14:13

وَ سِمِعْت حِسّ جَايِ مِنْ السَّمَاءْ قَالْ: «أَكْتِبْ: ‹مَبْرُوكْ لِلنَّاسْ الْيُمُوتُوا فِي دَرِبْ الرَّبّ مِنْ الْوَكِتْ دَا وَ قِدَّامْ.›» وَ رُوحْ اللّٰهْ رَدَّ لَيَّهْ وَ قَالْ: «آمِينْ، تَعَبْهُمْ يِكَمِّلْ وَ هُمَّنْ يِنْجَمَّوْا وَ أَجُرْ هَنَا خِدْمِتْهُمْ مَاشِي وَرَاهُمْ.»

أعمال الرُسُل 7:59

وَ وَكِتْ قَاعِدِينْ يَرْجُمُوهْ، إِسْتِفَانْ دَعَى وَ قَالْ: «يَا رَبِّنَا عِيسَى، شِيلْ رُوحِي.»

لُوقا 23:43

وَ عِيسَى حَجَّى لَيَّهْ وَ قَالْ: «نُقُولْ لَيْك الْحَقّ، الْيَوْم تَدْخُلْ مَعَايِ فِي الْجَنَّةْ.»

2 تِمُوتَاوُس 4:6

وَ لَاكِنْ أَنَا بِقِيتْ مِثِلْ هَدِيَّةْ شَرَابْ وَ قَرِيبْ دَمِّي يِدَفِّقْ. وَ أَنَا مَوْتِي قَرَّبْ خَلَاصْ.

يُوحَنَّا 17:24

«يَا أَبُويِ، نِدَوْر كَدَرْ النَّاسْ الْأَنْطَيْتهُمْ لَيِّ يَقْعُدُوا مَعَايِ فِي الْبَكَانْ الْأَنَا نَقْعُدْ فَوْقَهْ. أَشَانْ هِنَاكْ يِشِيفُوا الْمَجْد الْإِنْتَ أَنْطَيْتنِي. وَ دَا بِسَبَبْ مَحَبِّتَكْ لَيِّ مِنْ قُبَّالْ بِدَايَةْ الدُّنْيَا.

يُوحَنَّا 12:26

كَنْ نَادُمْ يِدَوْر يَخْدِمْ لَيِّ، وَاجِبْ يِتَابِعْنِي. وَ فِي الْبَكَانْ الْأَنَا نَقْعُدْ فَوْقَهْ، خَدَّامِي كُلَ يَقْعُدْ فَوْقَهْ. وَ أَيِّ نَادُمْ الْيَخْدِمْ لَيِّ، أَبُويِ يِشَرِّفَهْ.

زَبُور 49:15

وَ لَاكِنْ الرَّبّ يَفْدَى حَيَاتِي مِنْ الْمَوْت أَيْوَى، هُو يِشِيلْنِي. وَقْفَةْ.

1 تَسَلونِيكِي 4:17

وَ بَعَدْ دَا، أَنِحْنَ الْحَيِّينْ اللِّسَّاعْنَا مَا مُتْنَا، اللّٰهْ يَرْفَعْنَا مَعَاهُمْ سَوَا فِي السَّحَابْ وَ نِلِمُّوا مَعَ الرَّبّ فَوْق فِي السَّمَاءْ. وَ خَلَاصْ، نَقْعُدُوا دَايْماً مَعَ الرَّبّ.

يُوحَنَّا 14:3

وَ وَكِتْ مَشَيْت حَصَّلْت لَيْكُو بَكَانْ، نِقَبِّلْ نِوَدِّيكُو هِنَاكْ أَشَانْ تَقْعُدُوا مَعَايِ. وَ بِمِثِلْ دَا، تَقْعُدُوا فِي الْبَكَانْ الْأَنَا قَاعِدْ فَوْقَهْ.

لُوقا 12:50

وَ فِي غَطِّسِينْ شَدِيدْ الْوَاجِبْ يِغَطُّسُونِي بَيَّهْ وَ قَلْبِي مُعَلَّقْ بِلْحَيْن لَحَدِّي الْغَطِّسِينْ دَا يِتِمّ.

1 تَسَلونِيكِي 2:13

وَ فِي شَانْ دَا، نَشْكُرُوا اللّٰهْ دَايْماً أَشَانْ وَكِتْ سِمِعْتُوا مِنِّنَا كَلَامْ اللّٰهْ، إِنْتُو كَرَبْتُوهْ قَوِي. قِبِلْتُوهْ مَا مِثِلْ كَلَامْ إِنْسَانِي بَسْ لَاكِنْ قِبِلْتُوهْ مِثِلْ كَلَامْ اللّٰهْ. وَ بِالصَّحِيحْ، هُو كَلَامْ اللّٰهْ وَ قَاعِدْ يِسَوِّي خِدِمْتَهْ فِي قُلُوبْكُو إِنْتُو الْمُؤمِنِينْ.

يُوحَنَّا 13:1

وَ قُبَّالْ عِيدْ الْفِصْحَ مَا يَبْدَا، عِيسَى عِرِفْ كَدَرْ وَكْتَهْ تَمَّ وَ لَابُدَّ يَمْرُقْ مِنْ الدُّنْيَا وَ يِقَبِّلْ لِأَبُوهْ. وَ مِنْ الْبِدَايَةْ، هُو يِحِبّ نَاسَهْ الْقَاعِدِينْ فِي الدُّنْيَا وَ يِحِبُّهُمْ حُبّ شَدِيدْ.

لُوقا 8:38

وَ قُبَّالْ عِيسَى مَا يَمْشِي، النَّادُمْ الْمَرَقَوْا مِنَّهْ الشَّوَاطِينْ شَحَدْ عِيسَى أَشَانْ يَمْشِي مَعَايَهْ. لَاكِنْ عِيسَى رَسَّلَهْ فِي حِلِّتَهْ وَ قَالْ:

1 تَسَلونِيكِي 2:1

يَا أَخْوَانِي، إِنْتُو ذَاتْكُو تَعَرْفُوا كَدَرْ إِنْتُو فَضَّلْتُونَا وَ دَا مَا سَاكِتْ.

2 كُرُنْتُس 6:12

أَنِحْنَ مَا سَدَّيْنَا لَيْكُو الدَّرِبْ وَ لَاكِنْ إِنْتُو بَسْ سَدَّيْتُوا لَيْنَا دَرِبْكُو.

2 صَمُوِيل 24:14

وَ دَاوُدْ قَالْ لِقَادْ: «أَنَا أَضَّايَقْت مَرَّةْ وَاحِدْ! خَلِّي نَقَعْ فِي إِيدْ اللّٰهْ أَشَانْ رَحْمَتَهْ وَسِيعَةْ. وَ خَلِّي مَا نَقَعْ فِي إِيدْ إِنْسَانْ.»

فِلِبِّي 1:24

وَ لَاكِنْ وَاجِبْ بِزِيَادَةْ نَقْعُدْ حَيّ فِي الدُّنْيَا دِي أَشَانْ حَيَاتِي عِنْدَهَا فَايْدَةْ لَيْكُو.