فِلِبِّي 1:21 - الكتاب المقدس بالعربي الدارجي هنا تشاد

²¹ أَشَانْ لَيِّ أَنَا، الْحَيَاةْ إِلَّا مَعَ الْمَسِيحْ. وَ الْمَوْت عِنْدَهْ لَيِّ فَايْدَةْ بِزِيَادَةْ.

فِلِبِّي 1:21 Referenca të Kryqëzuara

غَلاطِية 2:20

وَ هَسَّعْ دَا، النَّادُمْ الْحَيّ مَا أَنَا لَاكِنْ الْمَسِيحْ هُو حَيّ فِيِي. وَ كُلَّ شَيّءْ النِّسَوِّيهْ فِي الدُّنْيَا، نِسَوِّيهْ فِي الْإِيمَانْ بِإِبْن اللّٰهْ الْحَبَّانِي لَحَدِّي أَنْطَى نَفْسَهْ ضَحِيَّةْ فِي شَانِي.

2 كُرُنْتُس 5:8

أَيْوَى، عَشَمْنَا قَوِي وَ أَخَيْر لَيْنَا نِخَلُّوا الْجِسِمْ الْأَرْضِي دَا أَشَانْ نَسْكُنُوا مَعَ رَبِّنَا.

2 كُرُنْتُس 5:1

وَ الْجِسِمْ الْعِنْدِنَا وَكِتْ قَاعِدِينْ فِي الْأَرْض، هُو مِثِلْ خَيْمَةْ بَسْ. وَ نَعَرْفُوا كَدَرْ وَكِتْ جِسِمْنَا دَا يُمُوتْ، عِنْدِنَا جِسِمْ آخَرْ الْقَاعِدْ فِي السَّمَاوَاتْ. وَ الْجِسِمْ دَا مِثِلْ بَيْت قَوِي الْاللّٰهْ بَسْ بَنَاهْ. وَ يَقْعُدْ إِلَى الْأَبَدْ وَ مَا مِثِلْ بَيْت الْبَنَوْه النَّاسْ.

فِلِبِّي 1:23

عِنْدِي شَهْوَاتْ إِتْنَيْن الْقَاعِدِينْ يِدَّاوَسَوْا فَوْقِي. نِدَوْر نِفَارِقْ الدُّنْيَا وَ نَقْعُدْ مَعَ الْمَسِيحْ أَشَانْ دَا بَسْ الْأَفْضَلْ.

كُلُوسِي 3:4

الْمَسِيحْ بِقِي لَيْكُو الْحَيَاةْ وَ وَكِتْ هُو يَجِي بَتَّانْ، إِنْتُو تِبِينُوا مَعَايَهْ فِي مَجْدَهْ.

2 كُرُنْتُس 5:6

وَ أَشَانْ دَا، عَشَمْنَا دَايْماً قَوِي. صَحِيحْ نَعَرْفُوا كَدَرْ وَكِتْ أَنِحْنَ سَاكْنِينْ فِي الْجِسِمْ الْأَرْضِي، أَنِحْنَ لِسَّاعْ مَا سَاكْنِينْ فِي بَيْتنَا الصَّحِيحْ الْقَاعِدْ مَعَ رَبِّنَا الْمَسِيحْ.

فِلِبِّي 1:20

وَ نِتْمَنَّى بِنِيَّةْ وَاحِدَةْ وَ بِعَشَمْ قَوِي كَدَرْ مَا نَفْشُلْ فِي أَيِّ شَيّءْ. وَ نِدَوْر نِكَلِّمْ مِثِلْ دَايْماً كَلَّمْت بِشَجَاعَةْ وَ بَلَا خَوْف وَ نِعَظِّمْ الْمَسِيحْ قِدَّامْ النَّاسْ فِي كُلَّ حَيَاتِي، كَنْ نِعِيشْ وَلَّا نُمُوتْ كُلَ.

رُؤية 14:13

وَ سِمِعْت حِسّ جَايِ مِنْ السَّمَاءْ قَالْ: «أَكْتِبْ: ‹مَبْرُوكْ لِلنَّاسْ الْيُمُوتُوا فِي دَرِبْ الرَّبّ مِنْ الْوَكِتْ دَا وَ قِدَّامْ.›» وَ رُوحْ اللّٰهْ رَدَّ لَيَّهْ وَ قَالْ: «آمِينْ، تَعَبْهُمْ يِكَمِّلْ وَ هُمَّنْ يِنْجَمَّوْا وَ أَجُرْ هَنَا خِدْمِتْهُمْ مَاشِي وَرَاهُمْ.»

غَلاطِية 6:14

وَ كَنْ لَيِّ أَنَا، أَبَداً مَا نِدَوْر نِفَاشِرْ لِلنَّاسْ بِأَيِّ شَيّءْ، إِلَّا بِصَلِيبْ هَنَا رَبِّنَا عِيسَى الْمَسِيحْ. وَ الصَّلِيبْ دَا، كَتَلْ لَيِّ شَهْوَاتِي هَنَا الدُّنْيَا وَ بَيَّهْ أَنَا كُلَ بِقِيتْ مِثِلْ نَادُمْ مَيِّتْ لِلدُّنْيَا.

1 كُرُنْتُس 1:30

وَ اللّٰهْ بَسْ الْأَنْطَاكُو الْعَلَاقَةْ الْعِنْدُكُو مَعَ الْمَسِيحْ عِيسَى. وَ بِالْمَسِيحْ بَسْ، نَلْقَوْا حِكْمَةْ اللّٰهْ. وَ بِالْمَسِيحْ بَسْ، اللّٰهْ جَعَلَانَا صَالِحِينْ وَ خَصَّصَانَا وَ فَدَانَا.

فِلِبِّي 2:21

كُلَّ الْآخَرِينْ يُخُطُّوا بَالْهُمْ فِي الشَّيّءْ الْيِجِيبْ فَايْدَةْ لَيْهُمْ هُمَّنْ وَ مَا فِي الشَّيّءْ الْيِجِيبْ فَايْدَةْ لِعِيسَى الْمَسِيحْ.

1 كُرُنْتُس 3:22

أَيْوَى، بُولُسْ وَ أَبُلُوسْ وَ بُطْرُسْ كُلُّهُمْ هِنَيْكُو إِنْتُو. وَ الدُّنْيَا وَ الْحَيَاةْ وَ الْمَوْت وَ الْوَكِتْ الْحَالِي وَ الْوَكِتْ الْجَايِ، كُلُّهُمْ هِنَيْكُو.

فِلِبِّي 1:22

وَ كَنْ اللّٰهْ يِدَوْر مَا نِفَارِقْ الدُّنْيَا دِي، خَلَاصْ أَنَا نَخْدِمْ خِدْمَةْ سَمْحَةْ لِلْمَسِيحْ. لَاكِنْ بَيْن الْحَيَاةْ وَ الْمَوْت، مَا نَعَرِفْ نِشِيلْ وَيْنُو.