فِلِبِّي 1:20 - الكتاب المقدس بالعربي الدارجي هنا تشاد

²⁰ وَ نِتْمَنَّى بِنِيَّةْ وَاحِدَةْ وَ بِعَشَمْ قَوِي كَدَرْ مَا نَفْشُلْ فِي أَيِّ شَيّءْ. وَ نِدَوْر نِكَلِّمْ مِثِلْ دَايْماً كَلَّمْت بِشَجَاعَةْ وَ بَلَا خَوْف وَ نِعَظِّمْ الْمَسِيحْ قِدَّامْ النَّاسْ فِي كُلَّ حَيَاتِي، كَنْ نِعِيشْ وَلَّا نُمُوتْ كُلَ.

فِلِبِّي 1:20 Referenca të Kryqëzuara

1 بُطْرُس 4:16

وَ لَاكِنْ كَنْ يِتَعُّبُوهْ أَشَانْ هُو مَسِيحِي بَسْ، خَلِّي مَا يَخْجَلْ. فِي بَدَلَهْ، خَلِّي يِمَجِّدْ اللّٰهْ أَشَانْ النَّاسْ جَعَلَوْه نَادُمْ هَنَا الْمَسِيحْ.

1 كُرُنْتُس 6:20

هُو فَدَاكُو بِتَمَنْ غَالِي. أَشَانْ دَا، خَلِّي كُلَّ شَيّءْ التِّسَوُّوا بِجِسِمْكُو يِمَجِّدْ اللّٰهْ.

إشَعْيا 54:4

مَا تَخَافَيْ أَشَانْ الْعَيْب مَا يَكْرُبْكِ وَ مَا تَخْجَلَيْ أَشَانْ مَا تَلْقَيْ الْإِهَانَةْ. وَ لَاكِنْ تَنْسَيْ الْعَيْب هَنَا صُبَاكِ وَ مَا تِذَّكَّرَيْ إِهَانِتْكِ وَكِتْ إِنْتِ أَرْمَلَةْ.

1 تَسَلونِيكِي 5:23

خَلِّي اللّٰهْ رَبّ السَّلَامْ ذَاتَهْ يِخَصِّصْ قُلُوبْكُو مَرَّةْ وَاحِدْ وَ يَحْفَضْكُو سَالِمِينْ فِي الرُّوحْ وَ النَّفْس وَ الْجِسِمْ أَشَانْ تُكُونُوا بَلَا عَيْب فِي يَوْم جَيَّةْ رَبِّنَا عِيسَى الْمَسِيحْ.

1 يُوحَنَّا 2:28

يَا عِيَالِي، أَقْعُدُوا ثَابْتِينْ فِي الْمَسِيحْ أَشَانْ وَكِتْ هُو يِبِينْ، قُلُوبْنَا يُكُونُوا رَاقْدِينْ وَ مَا نَلْقَوْا عَيْب فِي يَوْم جَيْتَهْ.

فِلِبِّي 2:17

وَ حَتَّى كَانْ دَمِّي وَاجِبْ يِدَفِّقْ مِثِلْ هَدِيَّةْ شَرَابْ فِي الضَّحِيَّةْ التِّقَدُّمُوهَا لِلّٰهْ فِي شَانْ إِيمَانْكُو وَ خِدْمِتْكُو، خَلَاصْ أَنَا نَفْرَحْ وَ نِنْبَسِطْ مَعَاكُو كُلُّكُو.

رَوْمَا 8:19

يَوْم وَاحِدْ، اللّٰهْ يِبَيِّنْ مَجْد أَوْلَادَهْ. وَ كُلَّ شَيّءْ الْاللّٰهْ خَلَقَهْ قَاعِدْ يِتْمَنَّى جَيَّةْ الْيَوْم دَا بِلْحَيْن.

2 كُرُنْتُس 10:8

وَ كَنْ نِلْفَشَّرْ شِيَّةْ بِالسُّلْطَةْ الرَّبِّنَا أَنْطَانِي فَوْقكُو، دَا مَا عَيْب لَيِّ. هُو أَنْطَانِي السُّلْطَةْ دِي أَشَانْ نِقَوِّيكُو فِي الْإِيمَانْ وَ مَا أَشَانْ نِخَرِّبْكُو.

2 كُرُنْتُس 4:10

الْمَسِيحْ تِعِبْ وَ مَاتْ. وَ فِي أَيِّ بَكَانْ، أَنِحْنَ كُلَ نَتْعَبَوْا مِثْلَهْ أَشَانْ حَيَاةْ عِيسَى تِنْشَافْ فِي جِسِمْنَا.

1 كُرُنْتُس 7:34

وَ مِثِلْ دَا، هُو عِنْدَهْ خِدْمَةْ إِتْنَيْن. وَ الْمَرَةْ أَوْ الْبِنَيَّةْ الْمُؤمِنَةْ الْمَا مَاخْدَةْ قَاعِدَةْ تِنْكَرِبْ فِي خِدْمَةْ رَبِّنَا أَشَانْ تَبْقَى صَالْحَةْ فِي جِسِمْهَا وَ فِي فِكِرْهَا. لَاكِنْ الْمُؤمِنَةْ الْمَاخْدَةْ تِنْكَرِبْ فِي خِدْمَةْ الدُّنْيَا دِي، مَعَنَاتَهْ هِي تِدَوْر تِرَضِّي رَاجِلْهَا.

إشَعْيا 50:7

لَاكِنْ اللّٰهْ الرَّبّ فَزَعْنِي وَ بَيْدَا، أَنَا مَا لِقِيتْ إِهَانَةْ. وَ أَلْحَمَّلْت وَ بِقِيتْ ثَابِتْ مِثِلْ الْحَجَرْ أَشَانْ نَعَرِفْ مَا نَلْقَى الْعَيْب.

زَبُور 119:116

سَاعِدْنِي حَسَبْ كَلَامَكْ وَ نَحْيَى وَ فِي عَشَمِي، الْعَيْب مَا يِغَطِّينِي.

رَوْمَا 5:5

وَ الْعَشَمْ دَا أَبَداً مَا يِجِيبْ لَيْنَا الْعَيْب أَشَانْ اللّٰهْ نَزَّلْ مَحَبِّتَهْ فِي قُلُوبْنَا بِالرُّوحْ الْقُدُّوسْ الْهُو أَنْطَاهْ لَيْنَا.

إشَعْيا 45:17

لَاكِنْ كَنْ لِبَنِي إِسْرَائِيلْ، اللّٰهْ يِنَجِّيهُمْ وَ النَّجَاةْ دِي إِلَى الْأَبَدْ. وَ بَتَّانْ إِنْتُو مَا تَبْقَوْا عَايْبِينْ وَ لَا خَجْلَانِينْ، دَايْماً وَ إِلَى الْأَبَدْ.

كُلُوسِي 1:24

وَ أَنَا فَرْحَانْ بِتَعَبِي أَشَانْ أَنَا قَاعِدْ نَتْعَبْ فِي شَانْكُو. وَ فِي جِسْمِي، نَحْمَلْ كُلَّ التَّعَبْ الْيِقَصِّرْ لِلْمَسِيحْ فِي شَانْ أُمَّتَه الْهِي جِسْمَهْ.

رَوْمَا 12:1

يَا أَخْوَانِي، نِوَصِّيكُو بِسَبَبْ رَحْمَةْ اللّٰهْ اللِّقِيتُوهَا، أَيِّ وَاحِدْ مِنْكُو يِقَدِّمْ جِسْمَهْ لِلّٰهْ ضَحِيَّةْ حَيَّةْ وَ مُقَدَّسَةْ الْاللّٰهْ يَرْضَى بَيْهَا. وَ دِي هِي عِبَادِتْكُو الْوَاجْبَةْ.

فِلِبِّي 1:14

وَ فِي السِّجِنْ، أَنَا بِقِيتْ مَثَلْ لِلْأَخْوَانْ الْفِي الْحِلَّةْ دِي. وَ كَتِيرِينْ مِنْهُمْ عَشَمْهُمْ فِي رَبِّنَا بِقِي قَوِي زِيَادَةْ. وَ لِقَوْا شَجَاعَةْ لَحَدِّي قَمَّوْا يِحَجُّوا بِكَلَامْ اللّٰهْ بَلَا خَوْف.

2 كُرُنْتُس 7:14

أَشَانْ أَوَّلْ كُلَ أَنَا رَاسِي مَرْفُوعْ وَكِتْ أَوْرَيْتَهْ بَيْكُو وَ خَلَاصْ كَلَامِي دَا مَا خَجَّلَانِي. مِثِلْ كُلَّ الْكَلَامْ الْقُلْنَا لَيْكُو صَحِيحْ، الْكَلَامْ الْقُلْتَهْ فِيكُو لِتِيطُسْ، دَا كُلَ بِقِي صَحِيحْ.

2 كُرُنْتُس 5:15

وَ هُو مَاتْ لِكُلَّ النَّاسْ أَشَانْ النَّاسْ الْحَيِّينْ مَا يِعِيشُوا بَتَّانْ لِنُفُوسْهُمْ لَاكِنْ يِعِيشُوا لِلْمَسِيحْ الْمَاتْ وَ بَعَثْ فِي شَانْهُمْ.

1 كُرُنْتُس 15:31

يَا أَخْوَانِي الْبِسَبَبْكُو رَاسِي فَوْق قِدَّامْ الْمَسِيحْ عِيسَى رَبِّنَا، نَشْهَدْ كَدَرْ كُلَّ يَوْم أَنَا قَاعِدْ فِي أُسْط الْمَوْت.

رَوْمَا 9:33

وَ أَشَانْ دَا بَسْ الْكِتَابْ بُقُولْ: <أَسْمَعَوْا، أَنَا نُخُطّ حَجَرْ فِي صَهْيُون. بِسَبَبَهْ، النَّاسْ يِنْطَقَّوْا وَ يَقَعَوْا. لَاكِنْ أَيِّ نَادُمْ الْيِآمِنْ بَيَّهْ أَبَداً مَا يَخْجَلْ.>

رَوْمَا 6:19

فِكِرْكُو فِكِرْ إِنْسَانِي وَ أَشَانْ دَا، أَنَا قَاعِدْ نِحَجِّي لَيْكُو بِكَلَامْ هَيِّنْ مِثِلْ كَلَامْ النَّاسْ. أَوَّلْ سَلَّمْتُوا أَجْسَامْكُو مِثِلْ عَبِيدْ لِلْحَالْ الشَّيْنَةْ وَ لِلْخَطَايَا السَّوَّوْكُو خَاطِيِّينْ بِزِيَادَةْ. هَسَّعْ وَاجِبْ تِسَلُّمُوا أَجْسَامْكُو لِلْحَالْ الصَّالْحَةْ وَ تَبْقَوْا نَاسْ اللّٰهْ الصَّالِحِينْ.

رَوْمَا 6:13

مَا تِسَلُّمُوا بَتَّانْ أَجْسَامْكُو لِلذَّنِبْ مِثِلْ آلَةْ الْيِسَوُّوا بَيْهَا الشَّرّ. لَاكِنْ بِالْعَكْس، إِنْتُو ذَاتْكُو سَلُّمُوا نُفُوسْكُو لِلّٰهْ مِثِلْ نَاسْ الْبَعَثَوْا مِنْ أُسْط الْمَيْتِينْ. وَ سَلُّمُوا أَجْسَامْكُو لِلّٰهْ مِثِلْ آلَةْ الْيِسَوُّوا بَيْهَا الْخَيْر.

أعمال الرُسُل 21:13

وَ لَاكِنْ هُو رَدَّ لَيْنَا وَ قَالْ: «مَالْكُو تَبْكُوا مِثِلْ دَا؟ تِدَوْرُوا تِوَجُّعُوا قَلْبِي وَلَّا؟ أَنَا مَاشِي لِمَدِينَةْ الْقُدُسْ. أَنَا مَا جَاهِزْ لِيَرْبُطُونِي بَسْ لَاكِنْ فِي شَانْ أُسُمْ رَبِّنَا عِيسَى أَنَا جَاهِزْ لِلْمَوْت.»

أعمال الرُسُل 20:24

حَيَاتِي مَا مُهِمَّةْ لَيِّ. لَاكِنْ الْمُهِمّ لَيِّ نِكَمِّلْ خِدْمَةْ رَبِّنَا عِيسَى الْهُو أَنْطَاهَا لَيِّ. وَاجِبْ نَشْهَدْ لِلنَّاسْ وَ نِأَوْرِيهُمْ بِالْبِشَارَةْ هَنَا نِعْمَةْ اللّٰهْ.

يُوحَنَّا 21:19

وَ عِيسَى قَالْ الْكَلَامْ دَا أَشَانْ يِأَوْرِي بُطْرُسْ بِطَرِيقَةْ الْبَيْهَا يُمُوتْ وَ يِمَجِّدْ اللّٰهْ. وَ بَعَدْ دَا، عِيسَى قَالْ: «تَابِعْنِي.»

أمْثال 23:18

وَ بَيْدَا، تَلْقَى مُسْتَقْبَلْ سَمَحْ وَ عَشَمَكْ أَبَداً مَا يِنْقَطِعْ.

أمْثال 10:28

عَشَمْ الصَّالِحِينْ يِجِيبْ الْفَرْحَةْ وَ لَاكِنْ مُنَى الْعَاصِيِينْ مَا يِلْحَقَّقْ.

زَبُور 119:80

وَ خَلِّي قَلْبِي يُكُونْ تَمَامْ بِطَبِّقِينْ شُرُوطَكْ أَشَانْ مَا نَلْقَى عَيْب قِدَّامَكْ.

زَبُور 62:5

يَا نَفْسِي! عَلَيْ الرَّبّ نِوَجِّهْ بِهُدُوءْ وَ مِنَّهْ هُو يَجِي عَشَمِي.

زَبُور 25:2

يَا إِلٰـهِي! أَنَا أَتْوَكَّلْت عَلَيْك، مَا تِعَيِّبْنِي وَ مَا تِخَلِّي عُدْوَانِي يَفْرَحَوْا فِي شَانِي.

أعمال الرُسُل 4:31

وَ بَعَدْ سَأَلَوْا اللّٰهْ، الْبَكَانْ اللَّامِّينْ فَوْقَهْ أَنْهَزَّ وَ كُلُّهُمْ أَنْمَلَوْا بِالرُّوحْ الْقُدُّوسْ وَ قَمَّوْا يِبَلُّغُوا كَلَامْ اللّٰهْ بَلَا خَوْف.

2 كُرُنْتُس 3:12

وَ بِمِثِلْ دَا، عِنْدِنَا عَشَمْ قَوِي وَ أَشَانْ دَا نَخْدُمُوا بِشَجَاعَةْ شَدِيدَةْ.

2 كُرُنْتُس 7:4

نِحَجِّي بَيْكُو دَايْماً بِفَرْحَةْ. أَنَا مَبْسُوطْ مِنْكُو بِلْحَيْن. شَجَّعْتُونِي شَجَاعَةْ شَدِيدَةْ بِلْحَيْن. وَ خَلَاصْ، فِي أُسُطْ كُلَّ صُعُوبَاتْنَا، عِنْدِي فَرَحْ زِيَادَةْ.