فِلِبِّي 1:15 - الكتاب المقدس بالعربي الدارجي هنا تشاد

¹⁵ صَحِيحْ، وَاحِدِينْ مِنْهُمْ قَاعِدِينْ يِبَشُّرُوا بِالْمَسِيحْ وَ دَا، أَشَانْ يَحْسُدُونِي وَ يِخَاصُمُونِي لَاكِنْ آخَرِينْ يِبَشُّرُوا بِنِيَّةْ عَدِيلَةْ.

فِلِبِّي 1:15 Referenca të Kryqëzuara

فِلِبِّي 2:3

وَ مَا تِسَوُّوا شَيّءْ مِنْ الْحُسُدْ وَ الْإِسْتِكْبَارْ. خَلِّي أَيِّ وَاحِدْ يِمَسْكِنْ نَفْسَهْ وَ يِشِيفْ أَخْوَانَهْ أَخَيْر مِنْ نَفْسَهْ.

2 كُرُنْتُس 11:13

الْفَشَّارِينْ دَوْل، هُمَّنْ مَا رُسُلْ بِالصَّحِيحْ. هُمَّنْ خَدَّامِينْ غَشَّاشِينْ وَ يِسَوُّوا نُفُوسْهُمْ يِشَابُهُوا رُسُلْ الْمَسِيحْ.

2 كُرُنْتُس 4:5

وَ الْكَلَامْ النِّبَلُّغُوهْ مَا بُخُصّ نُفُوسْنَا. لَاكِنْ نِبَلُّغُوا بِعِيسَى الْمَسِيحْ وَ نُقُولُوا هُو بَسْ الرَّبّ. وَ أَنِحْنَ خَدَّامِينْ بَسْ وَ نَخْدُمُوا لَيْكُو فِي شَانَهْ.

2 كُرُنْتُس 1:19

أَشَانْ إِبْن اللّٰهْ عِيسَى الْمَسِيحْ الْأَنَا وَ أَخْوَانِي سِيلَا وَ تِمُوتَاوُسْ بَلَّغْنَاكُو بَيَّهْ، أَبَداً مَا يِخَلْبِطْ «أَيْوَى» وَ «لَا». كَلَامَهْ دَايْماً، أَيْوَى.

مَتَّى 23:5

«وَ كُلَّ شَيّءْ الْيِسَوُّوهْ، هُمَّنْ يِسَوُّوهْ أَشَانْ يِدَوْرُوا النَّاسْ يِشِيفُوهُمْ. يَلْبَسَوْا لُبَاسْ خَاصّ لِلدِّينْ زِيَادَةْ مِنْ النَّاسْ الْآخَرِينْ.

1 تِمُوتَاوُس 3:16

وَ بَلَا شَكَكْ، دَرِبْ التَّقْوَى الْاللّٰهْ بَيَّنَهْ لَيْنَا، هُو عَظِيمْ. الْمَسِيحْ بِقِي إِنْسَانْ وَ بَانْ فِي الدُّنْيَا وَ الرُّوحْ الْقُدُّوسْ شَهَدْ لَيَّهْ. الْمَلَائِكَةْ شَافَوْه فِي السَّمَاءْ وَ نَاسَهْ بَشَّرَوْا بَيَّهْ الْأُمَمْ. نَاسْ آمَنَوْا بَيَّهْ فِي الدُّنْيَا وَ اللّٰهْ رَفَعَهْ فَوْق فِي مَجْدَهْ.

غَلاطِية 2:4

حَتَّى كَانْ أَخْوَانْ وَاحِدِينْ مَا مُؤمِنِينْ بِالصَّحِيحْ، أَنْدَسَّوْا أَمْبَيْنَاتْنَا وَ دَوَّرَوْا يِطَهُّرُوهْ. هُمَّنْ جَوْا بِتَلْبِيدْ يِجَاسُسُوا فِي الْحُرِّيَّةْ الْعِنْدِنَا بِالْمَسِيحْ عِيسَى أَشَانْ دَوَّرَوْا يَرْبُطُوا فَوْقنَا عَادَاتْ الْيَهُودْ لَحَدِّي نَبْقَوْا مِثِلْ عَبِيدْ.

2 كُرُنْتُس 12:20

وَ هَسَّعْ أَنَا خَايِفْ أَشَانْ وَكِتْ نَجِيكُو، إِنْتُو مَا تُكُونُوا مِثِلْ أَنَا نِدَوْرَهْ وَ أَنَا كَمَانْ مَا نُكُونْ مِثِلْ إِنْتُو تِدَوْرُوهْ. أَكُونْ نَلْقَى أَمْبَيْنَاتْكُو الْهُرَاجْ وَ الْحُسُدْ وَ الزَّعَلْ وَ الْمُخَاصَمَةْ وَ الْبَغَاضَةْ وَ الْقُوَالَةْ وَ الْإِسْتِكْبَارْ وَ الْبَرْجَالْ.

1 كُرُنْتُس 13:3

وَ كَنْ نَنْطِي كُلِّ شَيّءْ الْعِنْدِي لِلْمَسَاكِينْ لَحَدِّي نِسَلِّمْ جِسْمِي أَشَانْ نِسْتَكْبَرْ وَ لَاكِنْ مَا عِنْدِي الْمَحَبَّةْ، مَا نَلْقَى شَيّءْ.

1 كُرُنْتُس 1:23

لَاكِنْ أَنِحْنَ نِبَلُّغُوا لِكُلَّ النَّاسْ بِالْمَسِيحْ الْكَتَلَوْه فِي الصَّلِيبْ. وَ الْكَلَامْ دَا يِزَعِّلْ الْيَهُودْ وَ هُو كَلامْ بَاطِلْ لِلْيُونَانِيِّينْ.

أعمال الرُسُل 11:20

وَ لَاكِنْ وَاحِدِينْ مِنْهُمْ الْمِنْ قُبْرُصْ وَ الْقَيْرَوَانْ مَشَوْا فِي أَنْطَاكِيَةْ وَ بَلَّغَوْا بِشَارَةْ الرَّبّ عِيسَى لِلْيُونَانِيِّينْ كُلَ.

أعمال الرُسُل 10:36

وَ أَكِيدْ، اللّٰهْ رَسَّلْ لِبَنِي إِسْرَائِيلْ بِشَارَةْ السَّلَامْ الْيَنْطِيهَا بِعِيسَى الْمَسِيحْ، رَبّ هَنَا كُلَّ النَّاسْ.

أعمال الرُسُل 9:20

وَ طَوَّالِي كَيْ، شَاوُولْ مَشَى فِي بُيُوتْ الصَّلَاةْ وَ بَلَّغْ النَّاسْ بِعِيسَى وَ قَالْ كَدَرْ عِيسَى هُو إِبْن اللّٰهْ.

أعمال الرُسُل 8:35

وَ فِلِبُّسْ حَجَّى لَيَّهْ وَ بَدَا بِكَلَامْ الْكِتَابْ دَا وَ بَلَّغْ لَيَّهْ بِشَارَةْ عِيسَى.

أعمال الرُسُل 5:42

وَ كُلَّ يَوْم، هُمَّنْ قَاعِدِينْ يِعَلُّمُوا النَّاسْ فِي بَيْت اللّٰهْ وَ فِي بُيُوتْهُمْ وَ قَاعِدِينْ يِبَلُّغُوا كَدَرْ عِيسَى بَسْ الْمَسِيحْ. وَ أَبَداً مَا وَقَفَوْا مِنَّهْ.

أعمال الرُسُل 8:5

وَ فِلِبُّسْ مَشَى فِي حِلَّةْ كَبِيرَةْ فِي دَارْ السَّامِرَةْ وَ قَمَّ يِبَلِّغْ لِلنَّاسْ بِبِشَارَةْ الْمَسِيحْ.

رَوْمَا 2:8

لَاكِنْ النَّاسْ الْعَاصِيِينْ الْيَابَوْا الْحَقّ وَ يِتَابُعُوا الْفَسَالَةْ، زَعَلْ اللّٰهْ وَ غَضَبَهْ يَنْزُلُوا فَوْقهُمْ.