فِلِبِّي 1:14 - الكتاب المقدس بالعربي الدارجي هنا تشاد

¹⁴ وَ فِي السِّجِنْ، أَنَا بِقِيتْ مَثَلْ لِلْأَخْوَانْ الْفِي الْحِلَّةْ دِي. وَ كَتِيرِينْ مِنْهُمْ عَشَمْهُمْ فِي رَبِّنَا بِقِي قَوِي زِيَادَةْ. وَ لِقَوْا شَجَاعَةْ لَحَدِّي قَمَّوْا يِحَجُّوا بِكَلَامْ اللّٰهْ بَلَا خَوْف.

فِلِبِّي 1:14 Referenca të Kryqëzuara

1 تَسَلونِيكِي 2:2

تَعَرْفُوا كَدَرْ جِينَا لَيْكُو مِنْ حِلَّةْ فِلِبِّي التَّعَّبَوْنَا وَ عَيَّرَوْنَا فَوْقهَا بِلْحَيْن. لَاكِنْ اللّٰهْ أَنْطَانَا شَجَاعَةْ وَ قَمَّيْنَا نِبَلُّغُوا لَيْكُو بِشَارَةْ اللّٰهْ، حَتَّى كَانْ النَّاسْ خَالَفَوْنَا بِشِدَّةْ كُلَ.

لُوقا 1:74

هُو قَالْ هُو يَفْزَعْنَا مِنْ قُدْرَةْ عُدْوَانَهْ أَشَانْ نَعَبُدُوهْ بَلَا خَوْف

كُلُوسِي 4:4

أَسْأَلَوْا اللّٰهْ لَيِّ أَشَانْ نِبَلِّغْهَا لِلنَّاسْ بِكَلَامْ وَاضِحْ مِثِلْ وَاجِبْ.

فِلِبِّي 1:7

وَ وَاجِبْ لَيِّ نِحِسّ بَيْكُو كُلُّكُو مِثِلْ دَا أَشَانْ قَلْبِي دَايْماً مَعَاكُو. وَ نِحِبُّكُو أَشَانْ إِنْتُو كُلُّكُو مُشَارِكِينْ مَعَايِ فِي نِعْمَةْ اللّٰهْ. وَ إِنْتُو دَايْماً مُشَارِكِينْ مَعَايِ وَكِتْ أَنَا قَاعِدْ مُجَنْزَرْ فِي السِّجِنْ وَ وَكِتْ أَنَا قَاعِدْ نِدَافِعْ لِبِشَارَةْ الْمَسِيحْ وَ نِثَبِّتْهَا لِلنَّاسْ.

كُلُوسِي 4:7

وَ خَلَاصْ، أَخُونَا تِشِيكُسْ يِأَوْرِيكُو بِكُلَّ خَبَرِي. هُو أَخُونَا النِّحِبُّوهْ وَ يَخْدِمْ مَعَانَا لِرَبِّنَا بِأَمَانْ.

فِلِبِّي 4:1

يَا أَخْوَانِي النِّحِبُّكُو، أَنَا مُشْتَاقْ لَيْكُو كَتِيرْ وَ نَفْرَحْ بَيْكُو وَ فِي شَانْكُو إِنْتُو، نَرْفَعْ رَاسِي فَوْق. يَا الْمَحْبُوبِينْ، أَقْعُدُوا ثَابْتِينْ فِي رَبِّنَا عِيسَى.

أفَسُس 3:13

وَ أَشَانْ كُلَّ الْكَلَامْ دَا، نَطْلُبْ مِنْكُو مَا تَحْزَنَوْا لَيِّ فِي تَعَبِي. أَنَا قَاعِدْ نَتْعَبْ مِثِلْ دَا فِي شَانْكُو إِنْتُو وَ دَا يَبْقَى لِفَايْدِتْكُو الْمَجِيدَةْ.

2 كُرُنْتُس 3:12

وَ بِمِثِلْ دَا، عِنْدِنَا عَشَمْ قَوِي وَ أَشَانْ دَا نَخْدُمُوا بِشَجَاعَةْ شَدِيدَةْ.

2 كُرُنْتُس 7:4

نِحَجِّي بَيْكُو دَايْماً بِفَرْحَةْ. أَنَا مَبْسُوطْ مِنْكُو بِلْحَيْن. شَجَّعْتُونِي شَجَاعَةْ شَدِيدَةْ بِلْحَيْن. وَ خَلَاصْ، فِي أُسُطْ كُلَّ صُعُوبَاتْنَا، عِنْدِي فَرَحْ زِيَادَةْ.

فِلِبِّي 1:20

وَ نِتْمَنَّى بِنِيَّةْ وَاحِدَةْ وَ بِعَشَمْ قَوِي كَدَرْ مَا نَفْشُلْ فِي أَيِّ شَيّءْ. وَ نِدَوْر نِكَلِّمْ مِثِلْ دَايْماً كَلَّمْت بِشَجَاعَةْ وَ بَلَا خَوْف وَ نِعَظِّمْ الْمَسِيحْ قِدَّامْ النَّاسْ فِي كُلَّ حَيَاتِي، كَنْ نِعِيشْ وَلَّا نُمُوتْ كُلَ.

2 تِمُوتَاوُس 2:9

وَ بِسَبَبْ الْبِشَارَةْ دِي، أَنَا قَاعِدْ فِي التَّعَبْ مَرْبُوطْ بِجَنَازِيرْ مِثِلْ أَنَا مُجْرِمْ. لَاكِنْ كَلَامْ اللّٰهْ أَبَداً مَا يَقْدَرَوْا يَرْبُطُوهْ.

مَرْخُوس 3:3

وَ خَلَاصْ عِيسَى حَجَّى لِلرَّاجِلْ الْإِيدَهْ مَيْتَةْ وَ قَالْ: «قُمّ فَوْق قِدَّامْ النَّاسْ».