فِلِبِّي 1:1 - الكتاب المقدس بالعربي الدارجي هنا تشاد

¹ جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

فِلِبِّي 1:1 Referenca të Kryqëzuara

2 كُرُنْتُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ دَاهُو نَكْتِبْ لَيْكُو مَعَ أَخُونَا تِمُوتَاوُسْ. وَ أَنِحْنَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ وَ لِكُلَّ الصَّالِحِينْ الْقَاعِدِينْ فِي أَيِّ بَكَانْ فِي بَلَدْ أَخَايَةْ.

رَوْمَا 1:1

جَوَابْ مِنِّي أَنَا بُولُسْ عَبِدْ عِيسَى الْمَسِيحْ. اللّٰهْ نَادَانِي أَشَانْ نَبْقَى رَسُولْ وَ عَزَلَانِي أَشَانْ نِبَلِّغْ بِشَارْتَهْ

تِيطُس 1:1

جَوَابْ مِنِّي أَنَا بُولُسْ عَبْد اللّٰهْ وَ رَسُولْ هَنَا عِيسَى الْمَسِيحْ، مُرَسَّلْ أَشَانْ نِجِيبْ النَّاسْ الْاللّٰهْ عَزَلَاهُمْ فِي دَرِبْ الْإِيمَانْ وَ نِعَرِّفْهُمْ الْحَقّ الْيِوَدِّيهُمْ لِلتَّقْوَى.

1 تِمُوتَاوُس 3:8

وَ نَفْس الشَّيّءْ لِلْمُعَاوِنِينْ. وَاجِبْ يَبْقَوْا نَاسْ مُحْتَرَمِينْ الْعِنْدُهُمْ كَلَامْ وَاحِدْ وَ مَا إِتْنَيْن وَ مَا سَكَّارَى وَ مَا يِحِبُّوا رِبَا الْحَرَامْ.

2 تَسَلونِيكِي 1:1

جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، شَعَبْ هَنَا اللّٰهْ أَبُونَا وَ رَبِّنَا عِيسَى الْمَسِيحْ.

1 تَسَلونِيكِي 1:1

جَوَابْ مِنِّي أَنَا بُولُسْ وَ أَخْوَانِي سِيلَا وَ تِمُوتَاوُسْ لِجَمَاعَةْ الْمُؤمِنِينْ الْفِي حِلَّةْ تَسَلُونِيكِي، إِنْتُو شَعَبْ اللّٰهْ أَبُونَا وَ رَبِّنَا عِيسَى الْمَسِيحْ. عَلَيْكُمْ السَّلَامْ وَ الرَّحْمَةْ.

أفَسُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ نَكْتِبْ لَيْكُو إِنْتُو الصَّالِحِينْ الْفِي حِلَّةْ أَفَسُسْ الثَّابْتِينْ فِي إِيمَانْكُو بِالْمَسِيحْ عِيسَى.

رَوْمَا 1:7

وَ نَكْتِبْ لَيْكُو إِنْتُو كُلُّكُو الْقَاعِدِينْ فِي مَدِينَةْ رَوْمَا، إِنْتُو الْاللّٰهْ يِحِبُّكُو وَ نَادَاكُو لِتَبْقَوْا صَالِحِينْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

2 بُطْرُس 1:1

جَوَابْ مِنِّي أَنَا سِمْعَانْ بُطْرُسْ عَبِدْ عِيسَى الْمَسِيحْ وَ رَسُولَهْ. وَ نَكْتِبْ لَيْكُو إِنْتُو النَّاسْ اللِّقِيتُوا الْإِيمَانْ بِسَبَبْ عَدَالَةْ عِيسَى الْمَسِيحْ إِلٰـهْنَا وَ مُنَجِّينَا. وَ إِيمَانْكُو عِنْدَهْ نَفْس الْقِيمَةْ مِثِلْ إِيمَانَّا.

يَعْقُوب 1:1

جَوَابْ مِنِّي أَنَا يَعْقُوبْ عَبْد اللّٰهْ وَ عَبْد رَبِّنَا عِيسَى الْمَسِيحْ. وَ نِرَسِّلَهْ لَيْكُو إِنْتُو أُمَّةْ اللّٰهْ الْمُشَتَّتِينْ فِي أَيِّ بَكَانْ. السَّلَامْ عَلَيْكُمْ.

1 تِمُوتَاوُس 1:2

وَ نَكْتِبْ لَيْك إِنْتَ، يَا تِمُوتَاوُسْ، الْبِقِيتْ وِلَيْدِي الصَّحِيحْ بِالْإِيمَانْ. عَلَيْكُمْ السَّلَامْ وَ النِّعْمَةْ وَ الرَّحْمَةْ مِنْ اللّٰهْ أَبُونَا وَ عِيسَى الْمَسِيحْ رَبِّنَا.

أعمال الرُسُل 20:28

«فَكُّرُوا فِي نُفُوسْكُو وَ فِي كُلَّ جَمَاعَةْ الْمُؤمِنِينْ هَنَا اللّٰهْ أَشَانْ الرُّوحْ الْقُدُّوسْ خَطَّاكُو فَوْقهُمْ رُعْيَانْ. أَيْوَى، أَسْرَحَوْا بِجَمَاعَةْ الْمُؤمِنِينْ الْاللّٰهْ شَرَاهُمْ بِدَمّ إِبْنَهْ.

رُؤية 1:1

دِي هِي رُؤْيَةْ هَنَا عِيسَى الْمَسِيحْ الْاللّٰهْ أَنْطَاهَا لَيَّهْ أَشَانْ يِوَصِّفْ لِعَبِيدَهْ الشَّيّءْ اللَّابُدَّ يَبْقَى قَرِيبْ. وَ هُو رَسَّلْ مَلَكَهْ أَشَانْ يِعَرِّفْ الرُّؤْيَةْ دِي لِعَبْدَهْ يُوحَنَّا.

يَهُوذَا 1:1

الْجَوَابْ مِنِّي أَنَا يَهُوذَا عَبِدْ عِيسَى الْمَسِيحْ وَ أَخُو يَعْقُوبْ. وَ نَكْتِبْ لَيْكُو إِنْتُو النَّاسْ الْاللّٰهْ أَبُونَا نَادَاكُو فِي مَحَبِّتَهْ وَ قَاعِدْ يَحْفَضْكُو بِعِيسَى الْمَسِيحْ.

1 بُطْرُس 2:25

أَشَانْ أَوَّلْ إِنْتُو مِثِلْ غَنَمْ مُوَدِّرِينْ لَاكِنْ هَسَّعْ قَبَّلْتُوا لِرَاعِيكُو الْيَحْفَضْكُو.

تِيطُس 1:7

مَسْؤُولْ الْمُؤمِنِينْ، هُو وَكِيلْ اللّٰهْ وَ أَشَانْ دَا، وَاجِبْ يَبْقَى نَادُمْ مَا عِنْدَهْ عَيْب. مَا وَاجِبْ يَبْقَى نَادُمْ مُسْتَكْبِرْ وَ لَا نَادُمْ الْيَزْعَلْ عَجَلَةْ وَ لَا سَكَّارِي وَ لَا سِيدْ الْمَشَاكِلْ وَ لَا نَادُمْ الْيِرِيدْ رِبَا الْحَرَامْ.

عِبْرَانِيِّين 13:23

نِدَوْر إِنْتُو تَعَرْفُوا كَدَرْ أَخُونَا تِمُوتَاوُسْ طَلَقَوْه مِنْ السِّجِنْ وَ كَنْ هُو يَجِي لَيِّ عَجَلَةْ، نَمْشُوا لَيْكُو مَعَايَهْ وَ نِشِيفُوكُو.

2 تَسَلونِيكِي 1:10

وَ دَا يَبْقَى وَكِتْ هُو يَجِي فِي أُسُطْ شَعَبَهْ الصَّالِحِينْ أَشَانْ يِمَجُّدُوهْ. وَ فِي الْيَوْم دَا، هُو يَجِي فِي أُسْط النَّاسْ الْآمَنَوْا بَيَّهْ وَ كُلُّهُمْ يِكَرُّمُوهْ بِفَرْحَةْ. وَ إِنْتُو كُلَ تُكُونُوا مَعَاهُمْ أَشَانْ وَكِتْ جِينَا لَيْكُو، آمَنْتُوا بِسَبَبْ شَهَادِتْنَا.

1 تَسَلونِيكِي 2:2

تَعَرْفُوا كَدَرْ جِينَا لَيْكُو مِنْ حِلَّةْ فِلِبِّي التَّعَّبَوْنَا وَ عَيَّرَوْنَا فَوْقهَا بِلْحَيْن. لَاكِنْ اللّٰهْ أَنْطَانَا شَجَاعَةْ وَ قَمَّيْنَا نِبَلُّغُوا لَيْكُو بِشَارَةْ اللّٰهْ، حَتَّى كَانْ النَّاسْ خَالَفَوْنَا بِشِدَّةْ كُلَ.

أفَسُس 1:15

وَ فِي شَانْ كُلَّ الْأَشْيَاءْ دَوْل، أَنَا نَشْكُرْ اللّٰهْ. أَيْوَى، مِنْ سِمِعْت كَدَرْ إِيمَانْكُو بِرَبِّنَا عِيسَى قَوِي وَ تِحِبُّوا كُلَّ الصَّالِحِينْ،

1 كُرُنْتُس 16:10

وَ وَكِتْ تِمُوتَاوُسْ يَجِيكُو، أَكُرْبُوهْ قَوِي وَ خَلِّي يَقْعُدْ مَعَاكُو بِالسَّلَامْ أَشَانْ هُو قَاعِدْ يَخْدِمْ خِدْمَةْ اللّٰهْ مِثْلِي أَنَا.

رُؤية 19:10

وَ عَجَلَةْ كَيْ، أَنَا سَجَدْت قِدَّامْ رِجِلَيْنَهْ أَشَانْ نَعَبُدَهْ لِلْمَلَكْ وَ لَاكِنْ هُو قَالْ: «لَا، مَا تَسْجُدْ لَيِّ أَنَا. أَعَبُدْ اللّٰهْ. أَنَا عَبِدْ مِثْلَكْ إِنْتَ وَ مِثِلْ أَخْوَانَكْ الْيِتَابُعُوا شَهَادَةْ عِيسَى. أَشَانْ شَهَادَةْ عِيسَى، هِي الْكَلَامْ الْيِنَزِّلَهْ الرُّوحْ الْقُدُّوسْ فِي الْأَنْبِيَاء.»

أعمال الرُسُل 9:13

وَ حَنَانِيَّا رَدَّ لَيَّهْ وَ قَالْ: «يَا رَبِّنَا، سِمِعْت خَبَرْ مِنْ نَاسْ كَتِيرِينْ يُقُولُوا الرَّاجِلْ دَا سَوَّى عَمَلْ شَيْن فِي نَاسَكْ الصَّالِحِينْ فِي مَدِينَةْ الْقُدُسْ.

يُوحَنَّا 12:26

كَنْ نَادُمْ يِدَوْر يَخْدِمْ لَيِّ، وَاجِبْ يِتَابِعْنِي. وَ فِي الْبَكَانْ الْأَنَا نَقْعُدْ فَوْقَهْ، خَدَّامِي كُلَ يَقْعُدْ فَوْقَهْ. وَ أَيِّ نَادُمْ الْيَخْدِمْ لَيِّ، أَبُويِ يِشَرِّفَهْ.

مَرْخُوس 13:34

أَيْوَى، دَا يَبْقَى مِثِلْ نَادُمْ وَاحِدْ الْيِدَوْر يِسَافِرْ. وَ قُبَّالْ مَا يُقُمّ مِنْ بَيْتَهْ هُو يِكَلِّفْ عَبِيدَهْ بِمَالَهْ وَ أَيِّ وَاحِدْ مِنْهُمْ عِنْدَهْ مَسْؤُولِيَّةْ. وَ سِيدْ الْبَيْت يَامُرَهْ لِحَارِسْ الْبَابْ أَشَانْ يَقْعُدْ وَاعِي فِي الْبَابْ.

رُؤية 22:9

وَ لَاكِنْ هُو قَالْ: «لَا، مَا تَسْجُدْ لَيِّ. أَنَا عَبِدْ مِثْلَكْ إِنْتَ وَ مِثِلْ أَخْوَانَكْ الْأَنْبِيَاء وَ مِثِلْ كُلَّ النَّاسْ الْيِتَابُعُوا كَلَامْ الْكِتَابْ دَا. أَعَبُدْ اللّٰهْ.»

رُؤية 2:12

«وَ أَكْتِبْ كَلَامِي لِلْمَلَكْ هَنَا جَمَاعَةْ الْمُؤمِنِينْ الْفِي حِلَّةْ بَرْغَامُسْ. دَاهُو كَلَامِي، أَنَا الْعِنْدِي سَيْف الْمُطَرَّقْ مِنْ جَايْ وَ جَايْ.

رُؤية 2:8

«وَ أَكْتِبْ كَلَامِي لِلْمَلَكْ هَنَا جَمَاعَةْ الْمُؤمِنِينْ الْفِي حِلَّةْ إِزْمِيرْ. دَاهُو كَلَامِي، أَنَا الْأَوَّلْ وَ الْأَخِيرْ، أَنَا الْمُتّْ وَ حِيِيتْ.

رُؤية 1:20

نِفَسِّرْ لَيْك السِّرّ هَنَا السَّبْعَةْ نُجُومْ الشِّفْتُهُمْ فِي إِيدِي الزَّيْنَةْ وَ السَّبْعَةْ فَانُوسْ هَنَا دَهَبْ. السَّبْعَةْ نُجُومْ دَوْل هُمَّنْ يِمَثُّلُوا الْمَلَائِكَةْ الْيَحْفَضَوْا جَمَاعَاتْ الْمُؤمِنِينْ السَّبْعَةْ. وَ السَّبْعَةْ فَانُوسْ، هُمَّنْ السَّبْعَةْ جَمَاعَاتْ ذَاتْهُمْ.»

أعمال الرُسُل 1:20

وَ بُطْرُسْ قَالْ: «الْكَلَامْ الْمَكْتُوبْ فِي الزَّبُورْ بُقُولْ: <خَلِّي بَيْتَهْ يَخْرَبْ وَ نَادُمْ مَا يَسْكُنْ فَوْقَهْ.> وَ بَتَّانْ مَكْتُوبْ: <خَلِّي نَادُمْ آخَرْ يِبَدِّلَهْ.>

غَلاطِية 1:10

شُنُو فِكِرْكُو فِي الْكَلَامْ دَا؟ نِدَوْر نَلْقَى بَيَّهْ رِضَى مِنْ النَّاسْ وَلَّا رِضَى مِنْ اللّٰهْ؟ نِدَوْر نَعَجِبْ النَّاسْ وَلَّا؟ نُقُولْ لَيْكُو كَنْ أَنَا لِسَّاعْ نِدَوْر نَعَجِبْ النَّاسْ، خَلَاصْ أَنَا مَا عَبْد الْمَسِيحْ.

غَلاطِية 3:26

أَشَانْ إِنْتُو كُلُّكُو عِيَالْ اللّٰهْ فِي عِيسَى الْمَسِيحْ بِدَرِبْ الْإِيمَانْ.

غَلاطِية 3:28

وَ هَسَّعْ مَا فِي فَرِقْ بَيْن الْيَهُودِي وَ الْمَا يَهُودِي، وَ لَا بَيْن الْعَبِدْ وَ الْحُرّ، وَ لَا بَيْن الرَّاجِلْ وَ الْمَرَةْ، لَاكِنْ كُلُّكُو وَاحِدْ فِي الْمَسِيحْ عِيسَى.

أفَسُس 6:24

وَ النِّعْمَةْ لِكُلَّ النَّاسْ الْيِحِبُّوا رَبِّنَا عِيسَى الْمَسِيحْ بِالْمَحَبَّةْ الْمَا تِكَمِّلْ أَبَداً.

فِلِبِّي 2:5

الْفِكِرْ الْإِنْتُو وَاجِبْ تِتَابُعُوهْ، هُو نَفْس الْفِكِرْ الْعِيسَى الْمَسِيحْ تَابَعَهْ.

فِلِبِّي 2:19

وَ بَعَدْ شِيَّةْ، نِتْمَنَّى نِرَسِّلْ لَيْكُو تِمُوتَاوُسْ كَنْ دَا الْيِدَوْرَهْ رَبِّنَا عِيسَى. نِدَوْر نِرَسِّلَهْ أَشَانْ هُو يِشَجِّعْنِي وَكِتْ يِقَبِّلْ يِجِيبْ لَيِّ خَبَرْكُو.

فِلِبِّي 3:3

يُقُولُوا هُمَّنْ الْمُطَهَّرِينْ. لَاكِنْ أَنِحْنَ بَسْ النَّاسْ الْمُطَهَّرِينْ بِالصَّحِيحْ، أَنِحْنَ النَّعَبُدُوا اللّٰهْ بِقُدْرَةْ الرُّوحْ الْقُدُّوسْ. وَ نِفَاشُرُوا بِالْمَسِيحْ عِيسَى وَ أَبَداً مَا نِنْتَكْلُوا عَلَيْ جِلِدْنَا.

فِلِبِّي 3:8

أَيْوَى وَ زِيَادَةْ مِنْ دَا، عِرْفَةْ الْمَسِيحْ عِيسَى رَبِّي بِقَتْ لَيِّ أَخَيْر مِنْ كُلَّ شَيّءْ وَ نَجْعَلْ كُلَّ شَيّءْ آخَرْ سَاكِتْ. فِي شَانْ الْمَسِيحْ، أَنَا خَلَّيْت كُلَّ شَيّءْ الْعِنْدِي. وَ كُلَّ شَيّءْ الْأَوَّلْ عِنْدَهْ لَيِّ فَايْدَةْ، جَعَلْتَهْ مِثِلْ وَسَخْ أَشَانْ نَلْقَى الْفَايْدَةْ الْكَبِيرَةْ وَ هِي الْعَلَاقَةْ مَعَ الْمَسِيحْ.

فِلِبِّي 3:12

وَ مَا نُقُولْ تَمَّيْت مَقْصُودِي خَلَاصْ وَ بِقِيتْ نَادُمْ تَمَامْ. لَاكِنْ أَنَا نِجَاهِدْ لِنَمُلْكَهْ أَشَانْ الْمَسِيحْ عِيسَى مَلَّكَانِي لِنَمْلُكْ الْمَقْصُودْ دَا.

فِلِمُون 1:1

جَوَابْ مِنِّي أَنَا بُولُسْ الْمَسْجُونْ فِي شَانْ الْمَسِيحْ عِيسَى وَ مِنْ أَخُونَا تِمُوتَاوُسْ. وَ نَكْتِبْ لَيْك إِنْتَ، يَا حَبِيبْنَا وَ رَفِيقْنَا فِي الْخِدْمَةْ فِلِمُونْ