عَدد 9:22 - الكتاب المقدس بالعربي الدارجي هنا تشاد

²² وَ كَنْ السَّحَابَايْ تَقْعُدْ تِأَخِّرْ مُغَطِّيَةْ الْخَيْمَةْ مِثِلْ يَوْمَيْن أَوْ شَهَرْ أَوْ زِيَادَةْ كُلَ، بَنِي إِسْرَائِيلْ يَقْعُدُوا مَا يِسِيرُوا أَبَداً. وَ لَاكِنْ وَكِتْ السَّحَابَايْ تُقُمّ تَمْشِي، خَلَاصْ بَنِي إِسْرَائِيلْ كُلَ يِسِيرُوا.

عَدد 9:22 Referenca të Kryqëzuara

زَبُور 32:8

وَ اللّٰهْ قَالْ: «نَعَمْ. أَنَا نِعَلِّمَكْ وَ نِوَصِّفَكْ الطَّرِيقْ التِّشِيلَهْ وَ نِوَصِّيكْ وَ نِفَكِّرْ فِيكْ.

أعمال الرُسُل 1:4

وَ وَكِتْ هُو قَاعِدْ مَعَاهُمْ هُو قَالْ: «مَا تَمُرْقُوا مِنْ مَدِينَةْ الْقُدُسْ. أَرْجَوْا لَحَدِّي أَبُوكُو اللّٰهْ يَنْطِيكُو الْبَرَكَةْ الْهُو وَاعَدَاكُو بَيْهَا وَ أَنَا ذَاتِي أَوْرَيْتكُو بَيْهَا.

زَبُور 143:10

عَلِّمْنِي لِنِسَوِّي نِيّتَكْ أَشَانْ إِنْتَ إِلٰـهِي. خَلِّي رُوحَكْ الْعَدِيلْ يِوَدِّينِي فِي أَرْض مُسْتَوِيَةْ!

زَبُور 107:7

هُو قَادَاهُمْ فِي دَرِبْ عَدِيلْ لِيَمْشُوا لِلْحِلَّةْ الْيَسْكُنُوا فَوْقهَا.

زَبُور 77:20

إِنْتَ قُدْت شَعَبَكْ مِثِلْ غَنَمْ بِإِيدْ مُوسَى وَ هَارُونْ.

زَبُور 73:24

إِنْتَ قَاعِدْ تُقُودْنِي حَسَبْ وَصِيّتَكْ وَ تِوَدِّينِي فِي مَجْدَكْ.

زَبُور 48:14

أَشَانْ الرَّبّ دَا، هُو إِلٰـهْنَا دَايْماً وَ إِلَى الْأَبَدْ. هُو يُقُودْنَا لَحَدِّي الْمَوْت.

عَدد 9:17

وَ وَكِتْ السَّحَابَايْ تُقُمّ مِنْ الْخَيْمَةْ، بَنِي إِسْرَائِيلْ يِسِيرُوا. وَ وَكِتْ تَنْزِلْ فِي أَيِّ بَكَانْ، بَنِي إِسْرَائِيلْ يَنْزُلُوا فِي الْبَكَانْ دَا.

عَدد 8:20

وَ مُوسَى وَ هَارُونْ وَ كُلَّ مُجْتَمَعْ بَنِي إِسْرَائِيلْ سَوَّوْا كُلَّ شَيّءْ الْبُخُصّ اللَّاوِيِّينْ مِثِلْ اللّٰهْ أَمَرْ بَيَّهْ مُوسَى.

عَدد 1:54

وَ خَلَاصْ، بَنِي إِسْرَائِيلْ سَوَّوْا كُلَّ شَيّءْ مِثِلْ اللّٰهْ أَمَرْ بَيَّهْ مُوسَى.

خُروج 40:16

وَ مُوسَى سَوَّى كُلَّ شَيّءْ مِثِلْ اللّٰهْ أَمَرَهْ بَيَّهْ. وَ دَا بَسْ الْهُو سَوَّاهْ.

خُروج 39:42

وَ فِي الْوَكِتْ دَا، بَنِي إِسْرَائِيلْ سَوَّوْا كُلَّ الْخِدْمَةْ دِي تَمَامْ مِثِلْ اللّٰهْ أَمَرْ بَيْهَا مُوسَى.

عَدد 9:21

وَ كَنْ السَّحَابَايْ تَقْعُدْ مِنْ عَشِيَّةْ لَحَدِّي فَجُرْ وَ تُقُمّ تَمْشِي كُلَ، هُمَّنْ يِسِيرُوا. وَ كَنْ تَقْعُدْ يَوْم وَ لَيْلَةْ وَ تُقُمّ تَمْشِي كُلَ، هُمَّنْ يِسِيرُوا.