عَدد 9:15 - الكتاب المقدس بالعربي الدارجي هنا تشاد

¹⁵ وَ وَكِتْ بَنَوْا خَيْمَةْ الْعِبَادَةْ، السَّحَابَايْ نَزَلَتْ وَ غَطَّتْ الْخَيْمَةْ وَ دِي الْخَيْمَةْ الْفَوْقهَا الصَّنْدُوقْ الْعِنْدَهْ لِيحَانْ الْمُعَاهَدَةْ. وَ بِاللَّيْل، السَّحَابَايْ تِضَوِّي مِثِلْ النَّارْ فِي رَاسْ الْخَيْمَةْ لَحَدِّي فَجُرْ.

عَدد 9:15 Referenca të Kryqëzuara

خُروج 13:21

وَ اللّٰهْ مَاشِي قِدَّامْهُمْ بِالنَّهَارْ فِي عَمُودْ هَنَا سَحَابْ لِيُقُودْهُمْ فِي الدَّرِبْ وَ بِاللَّيْل فِي عَمُودْ هَنَا نَارْ لِيِضَوِّي لَيْهُمْ. أَشَانْ بَيْدَا، يَقْدَرَوْا يُرُوغُوا لَيْل وَ نَهَارْ.

خُروج 40:34

وَ بَعَدْ دَا، السَّحَابَايْ غَطَّتْ خَيْمَةْ الْإِجْتِمَاعْ وَ مَجْد اللّٰهْ مَلَا الْخَيْمَةْ.

زَبُور 78:14

بِالنَّهَارْ، هُو يُقُودْهُمْ بِسَحَابَايْ وَ بِاللَّيْل، بِنُورْ هَنَا نَارْ.

نَحَمْيا 9:19

«وَ بَتَّانْ فِي وَكِتْ هُمَّنْ قَاعِدِينْ فِي الصَّحَرَاء كُلَ، بِرَحْمَتَكْ الْكَبِيرَةْ إِنْتَ مَا خَلَّيْتهُمْ. عَمُودْ السَّحَابْ مَا كَسَّ مِنْهُمْ بِالنَّهَارْ وَ عَمُودْ النَّارْ كُلَ مَا كَسَّ مِنْهُمْ بِاللَّيْل أَشَانْ يِضَوِّي لَيْهُمْ الدَّرِبْ الْيَمْشُوا فَوْقَهْ.

1 كُرُنْتُس 10:1

يَا أَخْوَانِي، نِدَوْر إِنْتُو تَعَرْفُوا مَعَنَى الشَّيّءْ الْبِقِي فِي زَمَنْ مُوسَى. فِي الْوَكِتْ دَاكْ، كُلَّ جُدُودْنَا كَانَوْا تِحِتْ السَّحَابَايْ وَ كُلُّهُمْ شَقَّوْا الْبَحَرْ.

إشَعْيا 4:5

اللّٰهْ يَخْلِقْ فِي كُلَّ بَكَانْ فِي جَبَلْ صَهْيُون وَ فِي كُلَّ الْبَكَانَاتْ الْيِلِمُّوا فَوْقهُمْ سَحَابَايْ وَ دُخَّانْ بِالنَّهَارْ. وَ ضَيّ هَنَا نَارْ أَمْ بَلْبَالَةْ بِاللَّيْل وَ مَجْد اللّٰهْ يِغَطِّي كُلَّ شَيّءْ.

زَبُور 105:39

اللّٰهْ مَدَّ سَحَابَايْ لِيِدَارِقْهُمْ وَ نَارْ لِيِضَوِّي لَيْهُمْ بِلَيْل.

نَحَمْيا 9:12

وَ قُدْت شَعَبَكْ بِالنَّهَارْ فِي عَمُودْ هَنَا سَحَابْ وَ بِاللَّيْل فِي عَمُودْ هَنَا نَارْ أَشَانْ تِضَوِّي لَيْهُمْ الدَّرِبْ الْيَمْشُوا فَوْقَهْ.

عَدد 14:14

وَ حَجَّوْا بَيَّهْ لِسُكَّانْ الْبَلَدْ دِي. وَ بَيْدَا، سُكَّانْ الْبَلَدْ دِي كُلَ سِمْعَوْا كَدَرْ إِنْتَ اللّٰهْ قَاعِدْ فِي أُسُطْ شَعَبَكْ دَا. وَ بَيَّنْت نَفْسَكْ لَيْهُمْ وَ هُمَّنْ شَافَوْا مَجْدَكْ بِعُيُونْهُمْ. وَ سَحَابَايْتَكْ قَاعِدَةْ مِنْ فَوْق لَيْهُمْ وَ إِنْتَ بَسْ مَاشِي قِدَّامْهُمْ بِنَهَارْ فِي عَمُودْ هَنَا سَحَابْ وَ بِاللَّيْل فِي عَمُودْ هَنَا نَارْ.

خُروج 40:38

وَ سَحَابَايِةْ مَجْد اللّٰهْ قَاعِدَةْ فَوْق الْخَيْمَةْ بِنَهَارْ. وَ بِلَيْل، السَّحَابَايْ عِنْدَهَا نُورْ. وَ كُلَّ بَنِي إِسْرَائِيلْ شَافَوْا السَّحَابَايْ دِي فِي كُلَّ مَسَارْهُمْ.

خُروج 40:2

«فِي الْيَوْم الْأَوَّلْ هَنَا الشَّهَرْ الْأَوَّلْ، أَبْنِي لَيِّ خَيْمَةْ الْعِبَادَةْ وَ هِي خَيْمَةْ الْإِجْتِمَاعْ.

خُروج 14:24

وَ بِفَجُرْ بَدْرِي مِنْ الْعَمُودْ هَنَا النَّارْ وَ سَحَابْ، اللّٰهْ شَافْ دَيْش الْمَصْرِيِّينْ وَ بَرْجَلَاهُمْ.

خُروج 13:22

وَ عَمُودْ السَّحَابْ الْيُقُودْهُمْ بِالنَّهَارْ وَ عَمُودْ النَّارْ الْيُقُودْهُمْ بِاللَّيْل مَا كَسَّوْا مِنْهُمْ أَبَداً.

عَدد 10:34

وَ سَحَابَايِةْ اللّٰهْ مُغَطِّيَيْهُمْ بِنَهَارْ وَكِتْ يِسِيرُوا مِنْ فَرِيقْهُمْ.

عَدد 17:7

وَ مُوسَى خَطَّ الْعِصَيْ دَوْل قِدَّامْ اللّٰهْ فِي لُبّ الْخَيْمَةْ الْفَوْقهَا الصَّنْدُوقْ الْعِنْدَهْ لِيحَانْ الْمُعَاهَدَةْ.

تَثْنِية 1:33

وَ هُو مَاشِي قِدَّامْكُو فِي الدَّرِبْ لِيِفَتِّشْ لَيْكُو بَكَانْ التَّنْزُلُوا فَوْقَهْ. وَ مَاشِي قِدَّامْكُو بِاللَّيْل فِي عَمُودْ هَنَا نَارْ لِيِضَوِّي لَيْكُو فِي الدَّرِبْ الْإِنْتُو مَاشِينْ فَوْقَهْ وَ بِنَهَارْ فِي عَمُودْ هَنَا سَحَابْ.

خُروج 40:35

وَ مُوسَى مَا قِدِرْ يَدْخُلْ فِي خَيْمَةْ الْإِجْتِمَاعْ أَشَانْ السَّحَابَايْ مُغَطِّيَةْ الْخَيْمَةْ وَ مَجْد اللّٰهْ مَلَاهَا.